Արմեն Այվազյան

Վիքիպեդիայից՝ ազատ հանրագիտարանից
HS Disambig.svg Անվան այլ կիրառումների համար տես՝ Արմեն Այվազյան (այլ կիրառումներ)
Արմեն Այվազյան
հայ․՝ Արմեն Այվազյան
Armen Ayvazyan (Aivazian) at Conference - 2008.jpg
Ծնվել է մայիսի 14, 1964({{padleft:1964|4|0}}-{{padleft:5|2|0}}-{{padleft:14|2|0}}) (53 տարեկան)
Ծննդավայր Երևան, ՀԽՍՀ, ԽՍՀՄ
Քաղաքացիություն Flag of Armenia.svg Հայաստան
Ազգություն հայ
Գիտական աստիճան պատմական գիտությունների թեկնածու և քաղաքագիտության դոկտոր
Մասնագիտություն գրող, պատմաբան և քաղաքագետ
Armen Ayvazyan Վիքիպահեստում

Արմեն Մ. Այվազյան (մայիսի 14, 1964({{padleft:1964|4|0}}-{{padleft:5|2|0}}-{{padleft:14|2|0}}), Երևան, ՀԽՍՀ, ԽՍՀՄ), հայ ժամանակակից պատմաբան և քաղաքագետ։

­Արմեն Այվազյանն «Արարատ» ռազմավարագիտական կենտրոնի (www.ararat-center.org) տնօրենն է։ Աշխատում է նաև Մաշտոցյան Մատենադարանում որպես ավագ գիտաշխատող և Հայաստանի ամերիկյան համալսարանում որպես քաղաքագիտության դասախոս։

Կենսագրություն[խմբագրել | խմբագրել կոդը]

Պատմագիտության թեկնածու է 1992 թ-ից, քաղաքագիտության դոկտոր՝ 2004 թ-ից.։ 1992-1994 թթ. աշխատել է որպես ՀՀ նախագահի օգնական, ՀՀ արտգործնախարարի խորհրդական, Եվրոպայի Անվտանգության և Համագործակցության Խորհրդակցությունում ՀՀ Պատվիրակության գործող ղեկավար (Վիեննա)։ Մասնակցել է ԵԱՀԿ Մինսկի խմբի բանակցություններին։ 1994 թվականից զբաղվում է գիտական և հասարակական գործունեությամբ։ Շահելով Կարնեգի/IREX-ի ու Ֆուլբրայթի անվան ամերիկյան և Ալեքսանդր Օնասիսի անվան հունական կրթաթոշակները՝ ռազմավարական հարցերի գծով շուրջ երկու տարի ուսումնասիրություններ է կատարել ԱՄՆ-ի Սիրակուզի և Ստենֆորդի համալսարաններում, Հունաստանի գիտահետազոտական կենտրոններում։ Այվազյանը բազմաթիվ դասախոսություններով հանդես է եկել արտասահմանյան համալսարաններում, միջազգային գիտաժողովներում և Սփյուռքի համայնքային կենտրոններում։ Նա աշխատել է նաև Հայաստանի Ամերիկյան Համալսարանի Քաղաքական հետազոտությունների կենտրոնում՝ որպես ավագ գիտնական, Երևանի պետական համալսարանում՝ որպես պատմության հրավիրյալ դասախոս և Հայաստանի Հանրապետության Կառավարման ակադեմիայում որպես քաղաքագիտության պրոֆեսոր։ 2004-2005 թթ. եղել է Եվրոպական հանձնաժողովի հովանավորությամբ գործող «Քարոզարշավ Հայաստանում կոռուպցիան խրախուսող իրավական և սոցիալական պայմանների դեմ» ծրագրի ղեկավար։

Գիտական գործունեություն[խմբագրել | խմբագրել կոդը]

Իր աշխատություններում, Արմեն Այվազյանը բազմիցս մեղադրում է արևմտյան, և հատկապես, ամերիկյան գիտական և քաղաքական որոշ կառույցներին, Հայաստանի և հայոց պատմության դիտավորյալ կեղծման մեջ։ Իր «Հայաստանի պատմության լուսաբանումը ամերիկյան պատմագրության մեջ (քննական տեսություն)» գրքում Արմեն Այվազյանը խիստ քննադատում է մի շարք արևմտյան հայտնի և հեղինակավոր (այդ թվում նաև ազգությամբ հայ) պատմաբան, հայագետների և կովկասագետների և տակավին արդարացիորեն մեղադրում կեղծարարության մեջ։ Այդ պատմաբանների թվին են պատկանում Ռոնալդ Գրիգոր Սյունին, Ռոբերտ Թոմփսոնը, Ջեյմս Ռասելը, Ռիչարդ Հովհաննիսյանը և ուրիշ պրոֆեսորներ։[1][2] Արմեն Այվազյանը միակ հայագետն էր, որ չէր հրավիրվել 2003 թվականի սեպտեմբերի 15-20 Երևանում կայացած հայագետների միջազգային, առաջին կոնգրեսին։[3]

Գրականություն[խմբագրել | խմբագրել կոդը]

Դոկտ. Այվազյանը մի շարք գրքերի և բազմաթիվ գիտական հոդվածների հեղինակ է։ Ստորև նշված են նրա հեղինակած և խմբագրած գրքերը.

  1. Հայկական ինքնության հիմնաքարերը. լեզու, բանակ, պետություն (2007)
  2. «Հայրենատիրություն» մատենաշար, հատոր Բ։ Ռազմավարության և անվտանգության հարցեր։ Աշխատությունների ժողովածու։ Կազմող, խմբագիր և ներածության հեղինակ (2007)
  3. «Հայրենատիրություն» մատենաշար, հատոր Ա։ Հայաստանի ազատագրված տարածքը և Արցախի հիմնախնդիրը։ Վերլուծական և փաստագրական նյութերի ընտրանի։ Կազմող, խմբագիր և ներածության հեղինակ (2006)
  4. Հակակոռուպցիոն ռազմավարության միջազգային փորձը. գիտական նյութերի հատընտիր։ Կազմող, խմբագիր և ներածության հեղինակ (2005)
  5. Հիմնատարրեր Հայաստանի ազգային անվտանգության հայեցակարգի։ Մասն Ա (2003), 2-րդ լրացված և մշակված հրատ. (2004)
  6. Հայոց եկեղեցին XVIII դարի հայ ազատագրական շարժման քառուղիներում (2003)
  7. Մայրենի լեզուն և ազգայնականության սկզբնավորումը. հայկական և եվրոպական սկզբնաղբյուրների համեմատական քննություն (2001)
  8. Հայ զինվորականության պատվո վարքականոնը, 4-5-րդ դարեր (2000)
  9. Հայաստանի պատմության լուսաբանումը ամերիկյան պատմագրության մեջ. քննական տեսություն (1998)
  10. Ղարաբաղյան հակամարտության կարգավորումը և Հայաստանի ռազմավարական անվտանգությունը (1998)
  11. The Armenian Rebellion of the 1720s and the Threat of Genocidal Reprisal (1997)

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]