Արարատից Սիոն

Վիքիպեդիայից՝ ազատ հանրագիտարանից
Picto infobox cinema.png
Արարատից Սիոն
From Ararat to Zion
Երկիր Flag of Armenia.svg Հայաստան
Flag of Egypt.svg Եգիպտոս
Flag of Israel.svg Իսրայել
Flag of Turkey.svg Թուրքիա
Ժանր վավերագրական ֆիլմ և պատմական ֆիլմ
Թվական 2009
Լեզու անգլերեն
Ռեժիսոր Էդգար Բաղդասարյան
Սցենարի հեղինակ Մեսրոպ քահանա Արամյան
Տևողություն 71±1 min
Պաշտոնական կայքէջ

«Արարատից Սիոն» (անգլ.՝ From Ararat to Zion), հայ ռեժիսոր Էդգար Բաղդասարյանի և Վէմ մեդիա արվեստներ (Vem Media Arts) ստուդիայի նկարահանած ֆիլմը, որը ներկայացնում է հայ ժողովրդի դերն ու ներդրումը մարդկության պատմության մեջ, քրիստոնեության առաքելության և Սուրբ հողի վրա հայերի ներկայության մասին։

Ֆիլմի մասին[խմբագրել | խմբագրել կոդը]

«Արարատից Սիոն» ֆիլմը նկարահանել է ռեժիսոր Էդգար Բաղդասարյանը ըստ քահանա Մեսրոպ Արամյանի սցենարի, ով նաև ֆիլմի պրոդյուսերն է: ֆիլմի հովանավորներից են «ՎիվաՍել-ՄՏՍ» ընկերության գլխավոր տնօրեն Ռալֆ Յիրիկյանը և Flagship Ventures ընկերության տնօրեն Նուբար Աֆեյանը: Նկարահանման աշխատանքներն ավարտվել են 2009 թվականի սեպտեմբերի 22-ին: Ֆիլմի սյուժեում և պատմության մեջ ներառված են ասորական, հունական, եգիպտական և այլ աղբյուրներ:

Ֆիլմի պրեմիերան կայացել է Երևանում 2010 թվականի մայիսի 5-ին[1]: 2010 թվականին ֆիլմը ներկայացվել է Ոսկե ծիրան կինոփառատոնի Վավերագրական ֆիլմերի մրցույթ ծրագրում[2]:

Սյուժե[խմբագրել | խմբագրել կոդը]

Ֆիլմը պատմում է Սուրբ Երկրի ժառանգության մեջ հայերի հոգևոր ներկայության մասին: Պատմական վայրիվերումներում, ահռելի զոհողությունների ու մաքառումների գնով, հայերը շարունակաբար ներկա են Սուրբ Երկրի կյանքում քրիստոնեությունը պետական կրոն հռչակումից ի վեր: Ֆիլմում օգտագործված պատմական տվյալների մեծ մասը հայ պատմագրության մեջ պահպանված չէ, և հայ ինքնության կարևորագույն վկայությունները ցուցադրվում են առաջին անգամ:

Ֆիլմի հերոսը հայ ուխտավորն է, ով անցել է մահվան մեծ հավանականություն ունեցող ճանապարհներով և իրեն կոչել «մահտեսի»` «մահը տեսնող»: 18-րդ դարի Երուսաղեմի պատմիչ Հանա եպիսկոպոսը խորհուրդ է տալիս հայ ուխտավորներին այս կենաց և մահու ճամփան բռնելուց առաջ խոստովանել մեղքերը քահանային և կտակ գրել, որովհետև վերադառնալու հավանականությունը մեծ չի եղել: Այս մեծագույն հոգևոր սխրանքի և զոհաբերության շնորհիվ հայերն այսօր աշխարհի կենտրոնում են և քրիստոնեական գլխավոր սրբավայրերի հիմնական իրավատերերից են[3]:

Նկարահանող անձնակազմ[խմբագրել | խմբագրել կոդը]

Մրցանակներ[խմբագրել | խմբագրել կոդը]

  • «Եվրոպական լավագույն վավերագրական ֆիլմ», Swansea Bay կինոփառատոն, Միացյալ թագավորություն[4]
  • Globians World and Culture Documentary գերմանական կինոփառատոնի ֆիլմերի ընտրացանկ
  • Մոսկվայի «Վավերագրական ֆիլմեր» անվանացանկի աշխարհում ճանաչման արժանացած ժապավեն

Ծանոթագրություններ[խմբագրել | խմբագրել կոդը]

  1. «Էդգար Բաղդասարյան. «Արարատից Սիոն» ֆիլմի աշխատանքները մշակութային ցնցում են առաջացրել»»։ PanARMENIAN.Net։ Վերցված է 2016-11-13 
  2. «Արարատից Սիոն»։ www.gaiff.am։ Վերցված է 2016-11-13 
  3. Mediamax։ «“Արարատից Սիոն”»։ bravo.am։ Վերցված է 2016-11-13 
  4. ««Արարատից Սիոն»-ը շարունակում է իր հաղթարշավը»։ «Ազատ Եվրոպա/Ազատություն» ռադիոկայան։ Վերցված է 2016-11-13 

Արտաքին հղումներ[խմբագրել | խմբագրել կոդը]