Արա Դեղտրիկյան
Արա Դեղտրիկյան | |
|---|---|
| Ծնվել է | փետրվարի 14, 1965 (54 տարեկան) |
| Ծննդավայր | Երևան, Հայկական ԽՍՀ, ԽՍՀՄ |
| Կրթություն | Նիկոլ Աղբալյանի անվան թիվ 19 հիմնական դպրոց և Երևանի պետական գեղարվեստա-թատերական ինստիտուտ |
| Քաղաքացիություն |  Հայաստան |
| Մասնագիտություն | դերասան, ասմունքող և հաղորդավար |
| Պարգևներ և մրցանակներ | Հայաստանի Հանրապետության վաստակավոր արտիստ |
Արա Դեղտրիկյան (փետրվարի 14, 1965, Երևան, Հայկական ԽՍՀ, ԽՍՀՄ), հայ դերասան, հաղորդավար, ասմունքող, Հայաստանի վաստակավոր արտիստ[1]:
Բովանդակություն
Կենսագրություն[խմբագրել | խմբագրել կոդը]
Արա Դեղտրիկյանը ծնվել է 1965 թվականի փետրվարի 14-ին, Երևանում: 1982 թվականին ավարտել է Ն.Աղբալյանի անվան թիվ 19 միջնակարգ դպրոցը և ընդունվել Երևանի գեղարվեստա-թատերական ինստիտուտի դերասանական բաժին: 1987 թվականից խաղացել է Երևանի պատանի հանդիսատեսի թատրոնում: 1991-1992 թվականներին աշխատել է «Թատրոն 13»-ում, որի հետ մեկնել է հյուրախաղերի Վորոնեժ, Մոսկվա, Սանկտ-Պետերբուրգ և մասնակցել փառատոների, որտեղ «Չարլեի մորաքույրը» ներկայացման համար արժանացել է գլխավոր մրցանակի: 1992-1997 թվականներին բեմադրիչ Նարեկ Դուրյանի թատերախմբի հետ հյուրախաղեր է ունեցել եվրոպական մի շարք երկրներում: 1994-1997 թվականներին աշխատել է Երևանի պետական համազգային թատրոնում: Այդ ժամանակահատվածում համագործակցել է «Գոյ» թատրոնի հետ: 1994 թվականին հրավիրվել է Երևանի Հ.Պարոնյանի անվան երաժշտական կոմեդիայի պետական թատրոն, որտեղ աշխատել է շուրջ 10 տարի:
Անձնական կյանք[խմբագրել | խմբագրել կոդը]
Ամուսնացած է պատգամավոր Կարինե Աճեմյանի հետ: Ունեն աղջիկ[2]:
Մրցանակներ[խմբագրել | խմբագրել կոդը]
- 2003 թվականին արժանացել է ՀԹԳՄ «Արտավազդ» ամենամյա թատերական մրցանակի` Ֆ. Վեբերի «Ընթրիք հիմարի հետ» (Պինյոն) ներկայացման մեջ դերակատարման համար:
- 2007 թվականին արժանացել է «Արտիստ» թատերական մրցանակի` Ա. Չեխովի «Արջը» (Լոմով) և «Առաջարկություն» (Սմիռնով) ներկայացումների մեջ որպես գլխավոր դերի լավագույն կատարող:
- 2010 թվականին արժանացել է Հայաստանի վաստակավոր արտիստի կոչման[3]:
Դերեր ներկայացումներում[խմբագրել | խմբագրել կոդը]
| Ներկայացում | Դեր |
|---|---|
| «Բարի գալուստ» | Ազատ |
| Հակոբ Պարոնյանի «Պաղտասար աղբար» | Պաղդասար |
| «Ատամնաբույժն արևելյան» | Մարգար |
| «Շողոքորթն» | Արշակ |
| Նիկոլայ Գոգոլի «Ամուսնություն» | Ժևակին |
| Աղասի Այվազյան «Չարենցի ուղղիչ տունը» | Միշա |
| Տուրրինիի «Առնետաորսը» | Տղա |
| Բրանդոյի «Չարլեի մորաքույրը» | (Մորաքույր, Լենդրուշ) |
| Նիկոլայիյի «Սեր մինչ ի մահ» | |
| Գրիգոր Խանջյանի «Ինձնից պրծում չկա» | Վարդգես |
| Վիլիամ Շեքսպիրի «Մակբեթ» | Մակբեթ |
| Գագիկ Սարգսյանի «Կարմիր կիրակիի զինվորը» | Զորավար Անդրանիկ |
| Ժորես Անանյանի «Մեր տան տերերը» | Հայրո |
| «Ատամնաբույժն արևելյան» | Մարգար |
| «Էսպես մինչև ե՞րբ» | Թորգոմ |
| «Սեր, մինչ ի մահ» | Բրունո |
| «Չորս պատճառ ամուսնության համար» | Հեռման |
| «Ձեր աստվածը փողն է» | Բռիլիանտով |
| «Ընթրիք հիմարի հետ» | Պինյոն |
Հեռուստաթատրոն[խմբագրել | խմբագրել կոդը]
2000 թվականից նկարահանվել է հեռուստաթատրոնում` «Անթրապոլոգիա», «Welcome papa», «Անառակ որդու վերադարձը» և հայ-ամերիկյան «Այստեղ» ֆիլմերում: Հայաստանի հանրային հեռուստաընկերությամբ կրկնօրինակել է բազմաթիվ գեղարվեստական ֆիլմեր: Նկարահանվել է հեռուստասերիալներում` «Դժբախտ երջանկություն», «Ներիր ինձ», «Սադրանք», «Վեր կաց ու քայլիր», «Նռան հատիկ»: 2011-2012 թվականներին Հայաստանի հանրային հեռուստաընկերությամբ վարել է «Ռետրո 22:30» երաժշտական հաղորդումը: Որպես ժյուրիի անդամ հանդես է եկել մի շարք նախագծերում:
Հետաքրքիր փաստեր[խմբագրել | խմբագրել կոդը]
- Արա Դեղտրիկյանի 50-ամյակը նշել են Հ. Պարոնյանի անվան երաժշտական թատրոնում, ՀՀ ժողովրդական արտիստ Երվանդ Ղազանչյանի բեմադրությամբ «Ինձնից պրծում չկա» ներկայացումը խաղալուց հետո, հաջորդել է պաշտոնական արարողություն[4]:
