Առանց ընտանիքի (վիպակ)

Առանց ընտանիքի; Sans famille
Հեղինակ	Հեկտոր Մալո
Տեսակ	գրական ստեղծագործություն
Ժանր	դաստիարակչական վեպ
Թեմա	որբ
Բնօրինակ լեզու	ֆրանսերեն
Լեզու	հայերեն
Կերպար(ներ)	Ռեմի և Վիտալիս
Նկարագրում է	Պո, Quercy?, Բորդո, Փարիզ, Առլ, Ավինյոն, Montélimar?, Վալանս, Լիոն, Դիժոն, Բոլուն սյուր Մեր, Լոնդոն և Ֆրանսիա
Նկարազարդող	Գ. Գասպարյան
Երկիր	Ֆրանսիա
Հրատարակման վայր	Երևան
Հրատարակիչ	Սովետական գրող
Հրատարակման տարեթիվ	1978
Թարգմանիչ հայերեն	Աիդա Հայրապետյան
Վիքիքաղվածք	Առանց ընտանիքի
	Sans Famille Վիքիպահեստում

«Առանց ընտանիքի» (ֆր.՝ Sans famille), ֆրանսիացի գրող Հեկտոր Մալոյի՝ 1878 թվականին լույս տեսած վիպակը։

«Առանց ընտանիքի» վիպակը Ռեմի անունով մի փոքրիկ տղայի կյանքի պատմություն է։ Ռեմիի հորեղբայրը նորածին Ռեմիին գողանում և տալիս է աղքատ Բարբարեն ընտանիքին։ Ռեմիի մանկությունն անցնում է աղքատության և չքավորության մեջ։ Միակ լուսավոր կետը նրա կյանքում Բարբարեն մայրիկի անսահաման սերն է։ Նրան վաճառում են թափառական երաժիշտ Վիտալիսին, ով մեծ դեր է ունենում Ռեմիի դաստիարակության գործում։ Վիտալիսը զարգացած, խելացի մարդ էր և շատ բան է սովորեցնում Ռեմիին։ Շուտով Վիտալիսը հիվանդանում և մահանում է, իսկ տղան մնում է մենակ։ Նա շատ փորձություններ և դժվարություններ է հաղթահարում, բայց չի փոխում բնավորությունը, նա մնում է նույն բարի, աշխատասեր, և մարդասեր Ռեմին։ Երկար փորձություններից հետո նա գտնում է իր ընտանիքին։

Մալոն մեծ սիրով նկարագրում է կենդանիներին՝ կապիկ Հոգյակին, երեք շներին՝ Կապիին, Դոլչեին և Զերբինոյին։

Նկարագրելով Ռեմիի ճակատագիրը՝ Մալոն ցույց է տալիս, որ այն հասարակությունը, ուր ապրում են Ռեմին և նրա բարեկամները, ամեն ինչ որոշում է դրամը։ Հեղինակը պատմում է, որ սեփականատերերի աշխարհում, ուր ամեն ինչ գնվում ու վաճառվում է, երեխաները նույնպես առուծախի առարկա են։