Աննա Բարսամյան

Աննա Ալեքսանդրի Բարսամյան;
Ծնվել է	հունիսի 28, 1915
Ծննդավայր	Ալեքսանդրապոլ, Երևանի նահանգ, Կովկասի փոխարքայություն, Ռուսական կայսրություն
Մահացել է	օգոստոսի 11, 2016 (101 տարեկան)
Մահվան վայր	Երևան, Հայաստան
Քաղաքացիություն	Հայաստան
Կրթություն	Երևանի Կոմիտասի անվան պետական կոնսերվատորիա
Գիտական աստիճան	արվեստագիտության թեկնածու
Մասնագիտություն	երաժշտագետ
Պարգևներ և ; մրցանակներ	Հայաստանի արվեստի վաստակավոր գործիչ
Անդամություն	Հայաստանի կոմպոզիտորների միություն

Աննա Ալեքսանդրի Բարսամյան (հունիսի 28, 1915(1915-06-28), Ալեքսանդրապոլ, Երևանի նահանգ, Կովկասի փոխարքայություն, Ռուսական կայսրություն - օգոստոսի 11, 2016(2016-08-11), Երևան, Հայաստան), հայ երաժշտագետ։ Արվեստագիտության թեկնածու (1955), պրոֆեսոր (2003)։ ՀԽՍՀ արվեստի վաստակավոր գործիչ (1983)։

Կենսագրություն[խմբագրել | խմբագրել կոդը]

1932-1936 թվականներին սովորել է Գյումրիի երաժշտական տեխնիկումի, 1936-1941 թվականներին՝ Երևանի Կոմիտասի անվան պետական կոնսերվատորիայի դաշնամուրային բաժնում, 1938 թվականին՝ նորաստեղծ երաժշտական պատմա-տեսական բաժնում։ 1945-1949 թվականներին ուսումը շարունակել է Մոսկվայի կոնսերվատորիայի ասպիրանտուրայում՝ Ռ. Գրուբերի դասարանում, որի ղեկավարությամբ պաշտպանել է «Ալեքսանդր Սպենդիարյանը և նրա ստեղծագործությունը» թեկնածուական թեզը։ 1938-1942 թվականներին դասավանդել է Երևանի երաժշտական ուսումնարանում և Պյոտր Չայկովսկու անվան միջնակարգ մասնագիտական երաժշտական դպրոցում, 1942-1945 թվականներին՝ Լենինականի երաժշտական ուսումնարանում, 1950 թվականից՝ Երևանի կոնսերվատորիայում, որտեղ դասավանդել է «Ռուսական երաժշտության պատմություն», «Արտասահմանյան երաժշտության պատմություն», «Երաժշտագիտություն» մասնագիտական դասընթացները։ Աննա Բարսամյանի ղեկավարությամբ ավարտել է 51 երաժշտագետ։ 1956 թվականից Հայաստանի կոմպոզիտորների միության անդամ է։ 1974-1977 թվականներին զինվորական բարձրագույն կուսակցական դպրոցում դասավանդել է երաժշտության պատմություն։ 1977-1992 թվականներին ԵՊԿ-ում բարձրագույն երաժշտական հաստատությունների դասատուների որակավորման բարձրացման ֆակուլտետում հանդես է եկել որպես դասախոս և երաժշտագետ ունկնդիրների գիտա-մեթոդական աշխատանքների ղեկավար^[1]^[2]։

Հեղինակել է գիտական աշխատություններ, հոդվածներ, որոնք տպագրվել են պարբերական մամուլում, ամսագրերում, հայկական հանրագիտարանում (12 հատոր), ռուսական «Հիշարժան տարեթվերի և իրադարձությունների տարեգրքերում» նաև՝ 30-ից ավելի ռադիոհաղորդումներ։ 1960 թվականից ՀԿՄ և «Գիտելիք» ընկերության շրջանակներում կարդացել է շուրջ 600 դասախոսություն Հայաստանում և նրա սահմաններից դուրս (Կիև, Լվով, Դոնի Ռոստով, Մոսկվա, Լենինգրադ)^[3]։

Երկեր[խմբագրել | խմբագրել կոդը]

Հայ երաժշտության պատմություն, դասագիրք, 1996, համահեղինակ,
Մեդեա Աբրահամյան (համահեղինակությամբ՝ Ա. Սարյանի), Երևան, «Արճեշ» հրատ., 2000, 79 էջ,
Հայ երաժշտության դասականները,
Հայ երաժշտությունը XIX դարում և XX դարասկզբում։

Ծանոթագրություններ[խմբագրել | խմբագրել կոդը]

↑ «Աննա Բարսամյանի կենսագրությունը avproduction.am կայքում». Արխիվացված է օրիգինալից 2016 թ․ մարտի 5-ին. Վերցված է 2018 թ․ փետրվարի 19-ին.
↑ Ով ով է. Հայեր. Կենսագրական հանրագիտարան, հատոր առաջին, Երևան, 2005.
↑ Կոնսերվատորիայի 100-ամյա պրոֆեսորը

[1] «Աննա Բարսամյանի կենսագրությունը avproduction.am կայքում». Արխիվացված է օրիգինալից 2016 թ․ մարտի 5-ին. Վերցված է 2018 թ․ փետրվարի 19-ին.

[2] Ով ով է. Հայեր. Կենսագրական հանրագիտարան, հատոր առաջին, Երևան, 2005.

[3] Կոնսերվատորիայի 100-ամյա պրոֆեսորը

[1]

[2]

[3]