Այնո Բախ

Այնո Բախ; էստ․՝ Aino Bach
Ծնվել է	դեկտեմբերի 14, 1901
Ծննդավայր	Կոեռու, Յարվամաա, Էստոնիա
Վախճանվել է	օգոստոսի 6, 1980 (78 տարեկան)
Մահվան վայր	Տալլին, Էստոնական ԽՍՀ, ԽՍՀՄ
Քաղաքացիություն	Ռուսական կայսրություն, Էստոնիա և ԽՍՀՄ
Կրթություն	Տարտուի «Պալլաս» գեղարվեստի բարձրագույն դպրոց
Մասնագիտություն	արվեստագետ, նկարիչ-փորագրող, նկարազարդող և գծանկարիչ
Ժանր	դիմապատկեր և բնանկար
Պարգևներ	Էստոնական ԽՍՀ ժողովրդական արտիստ և Prize of Soviet Estonia?
Ամուսին	Kaarel Liimand?
	Aino Bach Վիքիպահեստում

Այնո Բախ (էստ․՝ Aino Bach, դեկտեմբերի 14, 1901(1901-12-14)^[1]^[2]^[3], Կոեռու, Յարվամաա, Էստոնիա - օգոստոսի 6, 1980(1980-08-06)^[1]^[3], Տալլին, Էստոնական ԽՍՀ, ԽՍՀՄ), էստոնացի և խորհրդային նկարիչ, փորագրող, գրաֆիկական նկարիչ։ Էստոնական ԽՍՀ ժողովրդական արտիստ (1961)։

Կենսագրություն

1907 թվականից Այնո Բախը բնակվել է Նարվա քաղաքում։ Առաջին աշխարհամարտի բռնկումից հետո նա իր ընտանիքի հետ տարհանվել է Ռուսաստան՝ Սիբիր։ Այնտեղ ընդունվել է Օմսկի միջնակարգ դպրոց, 1921 թվականին վերադարձել է Էստոնիա։

1923 թվականից մինչև 1935 թվականը նկարչություն է սովորել Տարտուի Պալասի արվեստի դպրոցում՝ Նիկոլայ Տրիյկի ղեկավարությամբ, այնուհետև՝ փորագրության արվեստ։ 1931 թվականին ամուսնացել է նկարիչ Կաարել Լիյմանդայի հետ և կիսել է ամուսնու սոցիալիստական գաղափարները։ 1937 թվականին ամուսնու հետ մեկնել է Փարիզ։

Էստոնիայի ԽՍՀՄ-ին միացվելուց հետո Այնո Բախն ակտիվորեն մասնակցել է էստոնական արվեստի կյանքի վերակազմավորմանը։ Դասավանդել է Տարտուի գեղարվեստի դպրոցում։

Երկրորդ համաշխարհային պատերազմի սկսվելուց հետո նա տարհանվել է Յարոսլավլ, ամուսինը մահացել է տարհանման ժամանակ։ Բախը Յարոսլավլի նկարիչների միության ստեղծման նախաձեռնողներից էր, Էստոնական ԽՍՀ նկարիչների միության հիմնադիրներից մեկը։ Նա ղեկավարել է այդ միությունը։

1946 թվականից ապրել է Տալլինում։ Մահացել է 1980 թվականին։ Թաղված է Տալլինի անտառային գերեզմանատանը։

Ստեղծագործություն

Էստոնիայի առաջին փորագրողներից մեկ լինելով՝ Այնո Բախը ցուցադրել է տեխնիկական վարպետություն, որն օգնել է ընդլայնել ինտալյոյի փորագրման արտահայտիչ հնարավորությունները։

Ժանրային կոմպոզիցիաների, պատկերազարդումների հեղինակ է՝ «Կինը կիթառով», (1936), «Մայրը երեխայի հետ», «Կինը հայելու մեջ» (աքվատինտա, 1937), «Քնած երեխա», «Փոքրիկ Մարի», Կերսի Մերիլասի դիմանկարը։

Այնո Բախը մասնակցել է ցուցահանդեսների Ռիգայում և Կաունասում (1937), Հռոմում, Բուդապեշտում և Անտվերպենում (1939)։

Մրցանակներ

Հանրապետական մրցանակ (1947)
3 շքանշան և մեդալ
Էստոնիայի ԽՍՀ ժողովրդական արտիստ (1961)։

Ծանոթագրություններ

↑ ^1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.
↑ ^2,0 ^2,1 Artists of the World Online, Allgemeines Künstlerlexikon Online, AKL Online (գերմ.) / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL
↑ ^3,0 ^3,1 ^3,2 ^3,3 ^3,4 Կերպարվեստի արխիվ

Արտաքին հղումներ

Այնո Բախ (անգլ.)
Այնո Բախ (անգլ.)
Շքանշաններ(չաշխատող հղում)

Վիքիպահեստն ունի նյութեր, որոնք վերաբերում են «Այնո Բախ» հոդվածին։

[_1384ad169923527d-1] 1,0 ^1,1 ^1,2 ^1,3 ^1,4 Bibliothèque nationale de France data.bnf.fr (ֆր.): տվյալների բաց շտեմարան — 2011.

[_6897642dcd093868-2] 2,0 ^2,1 Artists of the World Online, Allgemeines Künstlerlexikon Online, AKL Online (գերմ.) / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL

[_f8bb817f10811634-3] 3,0 ^3,1 ^3,2 ^3,3 ^3,4 Կերպարվեստի արխիվ

[1]

[2]

[3]