Ախալցխայի հայկական թատրոն
Ախալցխայի հայկական թատրոն ახალციხეს სომხური თეატრი | |
---|---|
Հիմնադիրներ | Միհրդատ Ամրիկյան |
Երկիր | Ռուսական կայսրություն |
Գտնվելու վայրը | քաղաք Ախալցխա |
Հիմնադրման ամսաթիվ | 1860 թվական |
Ախալցխայի հայկական թատրոն (վրաց.՝ ახალციხეს სომხური თეატრი), առաջին ներկայացումները Ախալցխայում կազմակերպել է Միհրդատ Ամրիկյանը, 1860 թվականին, տեղի թատերասերների ուժերով։
Պատմություն[խմբագրել | խմբագրել կոդը]
1880 թվականին հյուրախաղերով հանդես է եկել Պետրոս Ադամյանը՝ Ստեփան Սաֆրազյանի, Ս. Հովվյանի և այլոց հետ։ 1906-1907 թվականներին թատերախումբը ղեկավարել է Նիկողայոս Հովհաննիսյանը։ 1909 թվականին այստեղ ելույթներ է ունեցել Սիրանույշը։ 1890-1910-ական թվականներին թատրոնի զարգացմանը նպաստել են թատերական գործիչներ Ս. Ազնավուրյանը. Խ. Թեխմիշճյանը և ուրիշներ։
Խորհրդային իշխանության տարիներին թատրոնում հանդես են եկել Լևոն Երամյանը, Հովհաննես Աբելյանը. Վահրամ Փափազյանը և ուրիշներ, ավելի հաճախ՝ Թբիլիսիի հայկական թատրոնը։ 1937 թվականից թատրոնը դարձել է պետական, գոյատևել մինչև 1941 թվականը (ղեկավար՝ Արտաշես Վրույր)։
Բեմադրություններ[խմբագրել | խմբագրել կոդը]
Բեմադրվել են՝ Պարոնյանի «Մեծապատիվ մուրացկաններ», Սունդուկյանի «Պեպո», «Խաթաբալա», Շիրվանզադեի «Նամուս», «Պատվի համար», Դեմիրճյանի «Քաջ Նազար», Նաիրի Զարյանի «Վրեժ», Շիլլերի «Ավազակներ», Ծերեթելու «Կինտո» և այլն։
Այստեղ են աշխատել ռեժիսորներ Վ. Գասպարյանը, Համո Բաղդասարյանը, Ա. Աղաջանյանը, նկարիչ Արշալույս Չիֆլիկյանը և ուրիշներ։
1944 թվականից գործել է հայկական դրամատիկական խումբ (ապա՝ մշակույթի տան հայկական թատերախումբ)[1]։
Տես նաև[խմբագրել | խմբագրել կոդը]
- Թբիլիսիի Պետրոս Ադամյանի անվան պետական հայկական դրամատիկական թատրոն
- Թբիլիսիի պատանի հանդիսատեսի հայկական թատրոն
Ծանոթագրություններ[խմբագրել | խմբագրել կոդը]
- ↑ «Հայկական համառոտ հանրագիտարան», հատոր առաջին, գլխ. խմբ. Կ. Խուդավերդյան, Հայկական խորհրդային հանրագիտարանի գլխ. խմբ., Երևան, 1990, էջ 98-99։