Քրիստիան Պետերս

Վիքիպեդիայից՝ ազատ հանրագիտարանից
Քրիստիան Հենրիխ Ֆրիդրիխ Պետերս
Christian Heinrich Friedrich Peters
ChristianHFPeters.jpg
աստղագետ
Անունը Քրիստիան Հենրիխ Ֆրիդրիխ Պետերս
Բնօրինակ
անունը
Christian Heinrich Friedrich Peters
Ծնվել է 19.09.1813
Ծննդավայր Շլեզվիգ-Հոլշտեյն, Գերմանիա
Մահացել է 18.07.1890
Մահվան վայր Քլինտոն, Նյու Յորք
Քաղաքացիություն Գերմանիա Գերմանիա,
Ամերիկայի Միացյալ Նահանգներ ԱՄՆ
Ազգություն գերմանացի
Աշխատանք Լիչֆիլդի աստղադիտարան

Քրիստիան Հենրիխ Ֆրիդրիխ Պետերս (անգլ.՝ Christian Heinrich Friedrich Peters, ծնվ. 1813 թ. սեպտեմբերի 19, Շլեզվիգ-Հոլշտեյնում, Դանիա (այժմ Գերմանիա) - մահ. 1890 թ. հուլիսի 18, Քլինտոն, ԱՄՆ), գերմանա-ամերիկացի աստղագետ, եղել է աստերոիդների առաջին հետազոտողներից մեկը, հայտնաբերել է նրանցից 48-ը, ինչպես նաև մի քանի միգամածություններ և գալակտիկաներ։ Ղեկավարել է Լիչֆիլդի աստղադիտարանը։

Պետերսը սովորել է Գումբոլդտի անվան Բեռլինյան համալսարանում, որտեղ մաթեմատիկայի և աստղագիտության դասախոսությունները վարում էր Յոհան Էնկեն։ 23 տարեկանում Պետերսը ստացավ փիլիսոփայության դոկտորի կոչում։ Կրթությունը շարունակեց մեծ մաթեմատիկոս Կարլ Գաուսի մոտ, ով հայտնի էր աստղագիտության ոլորտում շնորհիվ նրա, որ սեփական մշակման մեթոդով հաշվարկել էր առաջին հայտնաբերած աստերոիդի` Սերեսի, շարժման հետագիծը։

Ուսման ավարտից հետո Պետերսը ուղևորվում է Իտալիա, որպեսզի կատարի մի շարք հետազոտական աշխատանքներ և հետո ընդունվի Սիցիլիայում նոր կառուցված աստղադիտարան որպես օգնական։ Սակայն անհանգիստ քաղաքական իրավիճակը Իտալիայում ներքաշում է Պետերսին Իտալիայի անկախության համար մղվող ապստամբական պայքարի մեջ։ 1849 թվականին թագավորական զորքերը գրավում են կղզին, ինչի արդյունքում Պետերսը ստիպված է լինում փախչել Ֆրանսիա։ Որոշ ժամանակ անց նա ուղևորվում է Կոնստանտինոպոլիս։ Սակայն այստեղ ևս նա չի կարողանում շարունակել իր գիտական գործունեությունը, քանի-որ շուտով սկսում է Ղրիմյան պատերազմը։

1854 թվականին ամերիկյան դեսպանի օգնությամբ Պետերսին հաջողվում է տեղափոխվել ԱՄՆ, որտեղ նա անմիջապես վերսկսում է իր հետազոտողական աշխատանքը։ Արդեն հինգ տարի անց նա զբաղեցնում էր աստղագիտության պրոֆեսորի պաշտոնը Համիլտոնյան քոլեջում Քլինտոն քաղաքում և ղեկավարում էր Լիչֆիլդի աստղադիտարանը։ Այն ժամանակ աստղադիտարանում էր գտնվում այն ժամանակվա ԱՄՆ-ում գտնվող ամենամեծ ռեֆրակտոր աստղադիտակներից մեկը` 13 ½ դյույմ։ Այս աստղադիտակի միջոցով էլ Պետերսը կատարել է իր հայտնագործությունների մեծ մասը։

Արտաքին հղումներ[խմբագրել]

«Կենսագրություն»։ Ազգային ակադեմիայի հրատարակություն։ Արխիվացված օրիգինալից 2012-04-08-ին։ http://www.webcitation.org/66lMthpN5։  (անգլերեն)