Տիմոֆեյ Մոզգով

Վիքիպեդիայից՝ ազատ հանրագիտարանից
Picto infobox baschet.png
Տիմոֆեյ Մոզգով
Timofey Mozgov portrait.JPG
Ակումբ Ամերիկայի Միացյալ Նահանգներ Դենվեր Նագեթս
Դիրքը Կենտրոնական
Համար № 25
Ի ծնե տրված անունը Տիմոֆեյ Մոզգով
Ծննդյան ամսաթիվ հուլիսի 16, 1986 (28 տարեկան)
Ծննդավայր Խորհրդային Սոցիալիստական Հանրապետությունների Միություն Սանկտ Պետերբուրգ, ՌԽՖՍՀ
Ազգություն Ռուսաստան Ռուս
Հասակ 216 սմ
Քաշ 113 կգ
Դրաֆթի տարի 2008 / չդրաֆտացված
Կարիերայի պատմություն
ՌուսաստանԼենվո Սանկտ Պետերբուրգ (2004–06)
ՌուսաստանՑՍԿ ՎՎՍ-2 Սամարա (2006)
ՌուսաստանԽիմկի ԲԱ (2006-10; 2011)
Ամերիկայի Միացյալ ՆահանգներՆյու Յորք Նիքս (2010-11)
Ամերիկայի Միացյալ ՆահանգներԴենվեր Նագեթս (2011-այժմ)
Դանիլո Գալինարին և Տիմոֆեյ Մոզգովը «Նիքս»-ի մարզումների ժամանակ

Տիմոֆեյ Պավլովիչ Մոզգով (ռուս.՝ Тимофей Павлович Мозгов), (հուլիսի 16, 1986, Սանկտ Պետերբուրգ, Ռուսաստանի Դաշնություն), ռուս պրոֆեսիոնալ բասկետբոլիստ, կենտրոնական։ Ներկա պահին հանդես է գալիս Բասկետբոլի ազգային ասոցիացիայի (NBA) «Դենվեր Նագեթս» ակումբում։ Հասակն է 216 սմ։ Հանդես է գալիս նաև Ռուսաստանի բասկետբոլի ազգային հավաքականում։

Ըստ «Սպորտ Էքսպրեսի»՝ 2008/09 թվականների Ռուսաստանի բասկետբոլի առաջնության ամենաարդյունավետ խաղացողն է[1]: Ռուսաստանի բասկետբոլի հավաքականի կազմում բրոնզե մեդալի է արժանացել 2011 թվականի Եվրոպայի առաջնությունում ու 2012 թվականի աշխարհի առաջնությունում: 2012 թվականի օգոստոսի 20-ին՝ այն բանից հետո, երբ Ռուսաստանի բասկետբոլի հավաքականը հաջող ելույթ ունեցավ 2012 թվականին անցկացված օլիմպիական խաղերում, Մոզգովն ստացավ Ռուսաստանի սպորտի վաստակավոր վարպետի կոչում[2]:

Պրոֆեսիոնալ կարիերան[խմբագրել]

Պրոֆեսիոնալ կարիերան Տիմոֆեյ Մոզգովն սկսում է ծննդավայրում 2004թ.-ին` պայմանագիր կնքելով տեղի «Լենվո Սանկտ Պետերբուրգ» ակումբի հետ, որը հանդես է գալիս ռուսական լիգայի երկրորդ դիվիզիայում։ 2006թ.-ին Մոզգովը տեղափոխվում է «ՑՍԿ ՎՎՍ-2 Սամարա» կոչվող ակումբ, որը նույնպես կրտսեր լիգայի ներկայացուցիչ էր։ Մինչև 2006-07 խաղաշրջանի մեկնարկը, Մոզգովը վերջապես պայմանագիր է կնքում «Խիմկիի» հետ, որտեղ մնում է մինչև 2009-10 խաղաշրջանը։

NBA-յան կարիերան[խմբագրել]

2010 թվականին Մոզգովին հաջողվում է 9.7 միլիոն դոլարանոց պայմանագրի առաջարկ ստանալ NBA«Նյու Յորք Նիքս» ակումբից, որը նա իսկույն ընդունում է։ [3]

2011 թվականի փետրվարի 22-ին Մոզգովը ներառվում է «Նիքս»-«Նագեթս»-«Թիմբերվուլվզ» եռակողմանի փոխանակման մեջ և տեղափոխվում «Դենվեր Նագեթս» (փոխանակման արդյունքում «Նիքս»-ում է հայտնվում նաև Կարմելո Էնթընին[4]

2013 թվականի հուլիսի 23-ին Մոզգով երկարաձգում է պայմանագիրը «Դենվերի» հետ։

2014 թվականի ապրիլի 10-ին, «Գոլդեն սթեյթ Ուորիորսի» հետ ունեցած կանոնավոր առաջնության մրցապայքարում Մոզգովն իր հաշվին գրանցում է կարիերայի բարձրագույն 23 միավոր և 29 անդրադարձ։ Հանդիպումն հաղթում է «Դենվերը»՝ 100-99 հաշվով։ [5]

Ծանոթագրություններ[խմբագրել]

  1. «Самый прогрессирующий игрок 2008/09». Спорт-Экспресс. 25.09.2009. http://www.webcitation.org/6Bdh9QCUV։ Վերցված է 2012-09-29. 
  2. «Наградные приказы»։ Министерство спорта Российской Федерации։ 20.08.2012։ Արխիվացված օրիգինալից 2012-10-24-ին։ http://www.webcitation.org/6BdhJs9HK։ Վերցված է 2012-09-14։ 
  3. Բերման, Մարկ (Հուլիսի 11, 2010թ.). «Նիքսը լրտեսում է ռուսին». Նյու Յորք Փոստ. http://www.nypost.com/p/sports/knicks/knicks_spy_russian_ptUJeyNeF9Q19RPLQbroKJ։ Վերցված է 2011-02-07. 
  4. «Նագեթսը ձեռք է բերում 5 խաղացողի և 3 ապագա դրաֆթների ընտրության իրավունք»։ NBA.com։ 2011-02-22։ http://www.nba.com/nuggets/news/nuggets_trade_02_22_2011.html։ Վերցված է 2011-02-23։ 
  5. Գոնզալես, Անտոնիո։ «Տիմոֆեյ Մոզգովը տիրում է 29 անդրադարձի, «Նագեթսը» վերջին վայրկյանին հաղթում է «Ուորիորսին»»։ «denverpost.com»։ «Ասոշիեդ պրես»։ http://www.denverpost.com/nuggets/ci_25544003/timofey-mozgov-gets-29-rebounds-nuggets-nip-warriors։ Վերցված է Ապրիլի 11, 2014։ 

Արտաքին հղումներ[խմբագրել]

Commons-logo.svg