Սուրեն Աբովյան
Սուրեն Աբովյան | |
---|---|
Ի ծնե | Սուրեն Աբովյան |
Ծնվել է | սեպտեմբերի 14, 1989 (34 տարեկան) |
Ծննդավայր | Կիրովական, Հայկական ԽՍՀ, ԽՍՀՄ |
Կրթություն | Վիեննայի տեխնիկական համալսարան (2012) և Ճարտարապետության և շինարարարության Հայաստանի ազգային համալսարան (2011) |
Սուրեն Վահանի Աբովյան (սեպտեմբերի 14, 1989, Կիրովական, Հայկական ԽՍՀ, ԽՍՀՄ), հայ ճարտարագետ, վերականգնող ճարտարապետ, Վանաձորի գլխավոր ճարտարապետ[1]։
Կենսագրություն[խմբագրել | խմբագրել կոդը]
Ծնվել է 1989 թվականի սեպտեմբերի 14-ին ՀԽՍՀ Գուգարքի շրջանի Կիրովական քաղաքում (ներկայիս՝ Լոռու մարզ, Վանաձոր)։ Արմատներով սերում է Արցախի Խաչեն գավառում իշխած Գյուլիստանի մելիքներից՝ Մելիք-Բեգլարյաններից, Մելիք-Աբովի ժառանգներից, ովքեր գաղթել են Գյուլիստանից Թիֆլիսի նահանգի Բորչալուի գավառ, այնտեղից էլ Սանահին գյուղ, ապա Ահնիձոր ու Ղարաքիլիսա (ներկայիս՝ Վանաձոր)։ Ամուսնացած է, ունի մեկ որդի և մեկ դուստր։
Արժանացել է բազմաթիվ պատվոգրերի և շնորհակալագրերի։ 4 գիտական հոդվածների հեղինակ է, որոնք տպագրվել են ՀԱՊՀ-ի տարեկան տեղեկագրերում։
Կրթություն[խմբագրել | խմբագրել կոդը]
1996-2004 թվականներին նախնական կրթությունը ստացել է Վանաձորի Ստեփան Շահումյանի անվան թիվ 6 դպրոցում, ապա 2004-2006 թվականներին կրթությունը շարունակել է ՀՊՃՀ հենակետային վարժարանում։ 2006-2010 թվականներին մասնագիտական կրթությունը ստացել է Հայաստանի պետական ճարտարագիտական համալսարանի արդյունաբերական և քաղաքացիական շինարարության ֆակուլտետում, որպես ճարտարագետ, իսկ 2010-2012 թվականներին սովորել և ավարտել է ՀՊՃՀ-ի մագիստրատուրան, ստանալով ճարտարագիտության մագիստրոսի գիտական կոչում։ 2012 թվականին վերապատրաստման է մեկնել Վիեննայի տեխնիկական համալսարան, որպես վերականգնող ճարտարապետ։
Աշխատանքային գործունեություն[խմբագրել | խմբագրել կոդը]
2010-2012 թվականներին աշխատել է «Վ․ Աղաբաբյան» ՍՊԸ-ի նախագծային բաժնի ճարտարապետ, 2011 թվականից՝ բաժնի պետ-նախագծերի գլխավոր ճարտարապետ։ Համատեղության կարգով, 2010-2016 թվականներին եղել է «Շինէքսպրտ» ՍՊԸ-ի հիմնադիր տնօրեն, նախագծերի գլխավոր ճարտարապետ։ 2014-2015 թվականներին շինարարական մասնագիտությունների դասախոս է աշխատել Վանաձորի պետական գյուղատնտեսական քոլեջում, իսկ 2015-2016 թվականներին եղել է Հայաստանի ազգային պոլիտեխնիկական համալսարանի քաղաքացիական շինարարության ամբիոնի ավագ դասախոս։ 2015-2016 թվականներին աշխատել է ՀՀ ԱԻՆ Սեյսմիկ պաշտպանության հյուսիսային ծառայության կառուցվածքների սեյսմակայության բաժնի գիտաշխատող։ 2016 թվականից առ այսօր Վանաձորի համայնքապետարանի ճարտարապետության և քաղաքաշինության բաժնի պետ-Վանաձորի գլխավոր ճարտարապետն է[1]։
Անդամակցություն[խմբագրել | խմբագրել կոդը]
- ՀՀ ճարտարապետների պալատի անդամ (2016),
- Վանաձորի համայնքապետարանի ճարտարապետական խորհրդի նախագահ (2016),
- ՀԱՊՀ-ի պետական քննական հանձնաժողովի անդամ (2018),
- ՀՀ Էկոնոմիկայի նախարարության Ստանդարտների ազգային ինստիտուտի ՏՀ-16 տեխնիկական հանձնաժողովի անդամ։
Ստեղծագործական գործունեություն[խմբագրել | խմբագրել կոդը]
Սուրեն Աբովյանի նախագծով են իրականացվել՝
եկեղեցի-հուշարձաններ[խմբագրել | խմբագրել կոդը]
- Մեղրաձորի Սուրբ Գայանե մատուռ (2013)
- Վահագնաձորի Սուրբ Աստվածածին եկեղեցի (2015)
- Գուգարքի Սուրբ Մարիամ եկեղեցի (2015)
- Բազումի Սուրբ Աստվածածին եկեղեցի (12-19դդ․ վերակնգնվել է 2016)
- Հոռոմայրի Սուրբ Նշան վանք (10-13դդ, վերակագնվել է 2017)[2]
- Լեջանի Կարմիր վանք (5-18դդ վերականգնվել է 2018)
- Ուռուտի Սուրբ Սարգիս եկեղեցի (12-19դդ, վերակնգնվել է 2019)
- Ագարակի Սուրբ Աստվածածին եկեղեցի (18-րդ դար, վերակագնվել է 2017)
- Ակների Սուրբ Գևորգ եկեղեցի (2019-2021)
- Վարդաբլուրի Սուրբ Աստվածածին եկեղեցու զանգաշտարակ (2020)
- Գյուլագարակի եկեղեցու վերականգնման նախագիծ (2018)
- ԼեռնահովիտԻ Սուրբ Սարգիս եկեղեցու զանգաշտարակ (2018)
- Սարամեջի նոր եկեղեցու նախագիծ (2021)
Հուշարձան-հուշակոթողներ[խմբագրել | խմբագրել կոդը]
- Զորավար Անդրանիկի հուշարձանը Վանաձորում, քանդակագործ՝ Գ․ Բեգջանյան (2019)
- Մարշալ Բաբաջանյանի արձանը Երևանում, համահեղինակ, հեղինակ` Միքայել Միսակյան, քանդակագործ՝ Համլետ Մատինյան (2015)
- Աղբյուր-հուշարձան Վանաձորի Համերաշխության պուրակում` Արման Աղվանյանի հիշատակին (2021)
- Հովհաննես Թումանյանի «Շունն ու կատուն» քանդակ, քանդակագործ՝ Ս․ Ղարիբյան
- Արցախյան 44-օրյա պատերազմում զոհված զինվորականների ռազմական պանթեոնը Վանաձորում (2021)[3]
Կապիտան Գևորգյանի, Կիրովականի քաղկոմի նախագահ Հայկ Օհանյանի, ՀՀ արվեստի վաստակավոր գործիչներ՝ Աիդա Ավետիսյանի ու Վլադիմիր Կռոյանի և այլ հայտնի անձանց հուշատախտակների նախագծեր (2016-2021)։
Արդյունաբերական օբյեկտներ[խմբագրել | խմբագրել կոդը]
- Սպիտակի Թռչնաբուծական Ֆաբրիկայի արտադրական համալիր (2013)
- Արմանիսի ոսկու բազմամետաղային հարստացման կոմբինատի արտադրական մասնաշենքեր (2010)
- «Գլորիա» կարի Ֆաբրիկայի արտադրական ենթակառուցվածների արդիականացում (2019-2021)
4-րդ սերնդի գազաբալոնների գործարանի նախագիծ 2017թ․
Այգիներ, պուրակներ, հրապարակներ[խմբագրել | խմբագրել կոդը]
2017-2021 թվականներին կատարել է Վանաձորի Շառլ Ազնավուրի անվան զբոսայգու, Ռուբեն Սևակի անվան այգու, Սայաթ-Նովայի անվան քաղաքային զբոսայգու հիմաննորոգման[4], Մարդու իրավունքների այգու կառուցման, Արցախ պուրակի, Համերաշխության պուրակի, Հանրապետության պուրակի հիմանորոգման, Հերոսների պուրակի կառուցման, Հայքի հրապարակի հիմնանորոգման և արդիականացման, քարե գորգի կառուցման, Թումանյանի հրապարակի հիմնանորոգման նախագծեր[5][6]։
Կրթական մշակութային կառույցներ[խմբագրել | խմբագրել կոդը]
- Ախթալայի թիվ 2 դպրոցի վերակառուցման,
- Ալավերդու թիվ 4 դպրոցի վերակառուցման,
- Վանաձորի թիվ 8 մանկապարտեզի կառուցման,
- Վանաձորի թիվ 10 մանկապարտեզի վերակառուցման,
- Վանաձորի Կառլոս Աբովյանի անվան կերպարվեստի թանգարանի հիմնանորոգման և արդիականացման,
Լոռու, Տավուշի և Շիրակի մարզերի մոտ 20 դպրոցների և մանկապարտեզնի հիմնանորոգման նախագծեր։
Ռազմական օբյեկտներ[խմբագրել | խմբագրել կոդը]
2011-2021 թվականներին ՀՀ Պաշտպանության նախարարության համար իրագործել է ավելի քան 2 տասնյակ ռազմական օբյետկների նախագծում։
Առողջապահական օբյեկտներ[խմբագրել | խմբագրել կոդը]
- Ստոմատոլոգիական կլինիկա Վանաձորում (2019)
- Ընդհանուր բժշկական կլինիկա Վանաձորում (2020)
մեկ տասնյակից ավելի հիվանդանոցների և պոլիկլինիկաների հիմնանորոգման նախագծեր (2016-2021)։
Հասարակական կառույցներ[խմբագրել | խմբագրել կոդը]
Ավելի քան 100 բնակելի տներ, և ավելի քան 300 հասարակական նշանակության կառույցներ Հայաստանի բոլոր մարզերում, այդ թվում հյուրանորցներ, առևտրի կենտրոններ, խանութներ, գրասենյակներ, կենցաղսպասարկման օբյեկտներ և այլն։
Ծանոթագրություններ[խմբագրել | խմբագրել կոդը]
- ↑ 1,0 1,1 Վանաձորի ճարտարապետության և քաղաքաշինության բաժին
- ↑ Հոռոմայրի Սբ Նշան եկեղեցու վերականգնումը
- ↑ Վանաձորում կառուցվում է Արցախյան 44-օրյա պատերազմի նահատակների զինվորական պանթեոն.
- ↑ Վանաձորի Սայաթ-Նովայի անվան զբոսայգին կվերակառուցվի
- ↑ Վանաձորի այգիների ու պուրակների բարեկարգման համար այս տարի կտրամադրվի 140 մլն դրամ
- ↑ Վանաձորի հանրային տարածքները