Կարտիկամ

Գյուղ
Կարտիկամ
վրաց.՝ კარტიკამი
Երկիր	Վրաստան
Մարզ	Սամցխե-ՋավախքՍամցխե-Ջավախք
Շրջան	Ախալքալաքի
ԲԾՄ	1740 մ
Պաշտոնական լեզու	վրացերեն
Բնակչություն	1695 մարդ (2014)
Ազգային կազմ	Հայեր 98,3 %
Կրոնական կազմ	հայ կաթոլիկներ
Ժամային գոտի	UTC+4
Կարտիկամ (Վրաստան) Կարտիկամ (Սամցխե-Ջավախեթի մարզ)

Կարտիկամ (վրաց. კარტიკამი), հայաբնակ գյուղ Ջավախքում, Վրաստանի Սամցխե-Ջավախք մարզի Ախալքալաքի շրջանում, Աբուլ լեռան հարավային կողմում։ Գտնվում է Ախալքալաքից 5 կմ արևելք, ծովի մակարդակից 1740 մ բարձրության վրա։

Բնակչությունը

Բնակիչներն զբաղվում են երկրագործությամբ (հացահատիկային, բանջարաբոստանային կուլտուրաների մշակություն) և անասնապահությամբ։ Հիմնականում հայ-կաթոլիկներ են։

Հաշվառման տարեթիվը	Բնակիչների թվաքանակը
2002	2017
2014	1695

Գյուղն ուներ միջնակարգ դպրոց (հիմնադրվել է 1886 թվականին), գրադարան, կինոկետ, բուժկետ, կապի բաժանմունք։

Պատմությունը

Բնակիչների նախնիները գաղթել են 1829—1830 թվականներին, Արևմտյան Հայաստանի Արդահանի գավառի Վել գյուղից։ Մի քանի ընտանիք գաղթել են 1917-1920 թվականներին։ Մի մասը հաստատվել են Ախալքալաքի շրջանի Խուլգումո գյուղում։

1904 թվականին կառուցված եկեղեցու մոտակայքում կա հին գերեզմանոց։

Ծանոթագրություններ

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 5, էջ 348)։