Դանիել Դեֆո

Վիքիպեդիայից՝ ազատ հանրագիտարանից
Picto infobox auteur.png
Դանիել Դեֆո

Daniel Defoe Kneller Style.jpg

Ծնվել է 1660
Ծննդավայր Լոնդոն
Վախճանվել է 24, ապրիլ, 1731
Վախճանի վայր Լոնդոն
Մասնագիտություն Գրող,հրապարակախոս
Քաղաքացիություն Մեծ Բրիտանիա Մեծ Բրիտանիա
Գրական ոճեր վեպ
Ուշագրավ աշխատանքներ «Ռոբինզոն Կրուզո» (Robinson Crusoe) (1719)

Դանիել Դեֆո (անգլերեն՝ Daniel Defoe 1660 - 1731), անգլիացի նշանավոր արձակագիր։ Հանրահայտ «Ռոբինզոն Կրուզո» վեպի հեղինակը։

Կենսագրություն[խմբագրել]

Դանիել Դեֆոն ծնվել է 1660 թ. Լոնդոնում՝ մոմագործի ընտանիքում։ Նրա նախնիները բողոքականներ էին, որոնք 16-րդ դարում, Կրոնական պատերազմների ժամանակ, Կաթոլիկ Եկեղեցու հարուցած հալածանքների պտճառով Ֆլանդրիայից գաղթել էին Մեծ Բրիտանիա։ Գրողի բուն ազգանունը Ֆո էր, որին նա ավելացրել է «դե» մասնիկը։ Դեֆոյի հայրն արհեստավոր էր (մոմագործ) և լինելով խստակենցաղ պուրիտան իր որդու ապագան տեսնում էր հոգևորականի կոչման մեջ։ Ապագա գրողը հոր ուղղորդմամբ ընդունվում է Նյուինգտոնյան ճեմարան, որտեղ ուսումնասիրում է լատիներեն, հունարեն լեզուներ և դասական գրականություն։ Սակայն Դանիել Դեֆոն իր ապագան չտեսավ եկեղեցական ասպարեզում և սկսեց զբաղվել առևտրով։ Նա առևտրական ճանապարհորդություններ է կատարում Իսպանիա, Պորտուգալիա, Ֆրանսիա և Եվրոպական այլ երկրներ։ Նա այս ճանապարհորդություններն օգտագործում Եվրոպական երկրների կեցաղային առանձնահատկություններն ուսումնասիրելու, ինչպես նաև իսպաներեն, ֆրանսերեն և այլ արդի լեզուներ սովորելու համար։ Դանիել Դեֆոն նաև ակտիվ մասնակցում էր երկրի քաղաքական կյանքին։ Նա մասնակցել է Հակոբ II- ի դեմ դուքս Մոնմութի ապստամբությանը, որը ճնշվել է 1685 թ. հուլիսի 6-ին Սեջմուրի ճակատամարտում ապստամբների պարտությունից հետո։ Իսկ «Փառապանծ հեղափոխության» ժամանակ Դեֆոն լոնդոնցի այն առևտրականների մեջ էր, որոնք մայրաքաղաքում հանդիսավոր դիմավորեցին նոր թագավոր Վիլհելմ III Օրանցուն։[1]

Համառոտ մատենագիտություն[խմբագրել]

  • 1719 - «Ռոբինզոն Կրուզո», (թարգմանված է հայերեն)
  • 1719 - «Ռոբինզոն Կրուզոյի հետագա արկածները», (թարգմանված է հայերեն)
  • 1722 - «Ժանտախտային տարվա օրագիրը»
  • 1722 - «Մոլլ Ֆլենդերս», (թարգմանված է հայերեն)
  • 1724 - «Ծովահենության ընդհանուր պատմություն»

Աղբյուրներ[խմբագրել]

  1. Ս. Դ. Արտամոնով (1986)։ XVII-XVIII դդ. արտասահմանյան գրականության պատմություն։ Երևանի համալսարանի հրատարակչություն, էջ 301-302։