Բոյան Պետրով
| Բոյան Պետրով բուլղար․՝ Боян Петров | |
|---|---|
 | |
| Ծնվել է | փետրվարի 7, 1973 |
| Ծննդավայր | Սոֆիա, Բուլղարիայի Ժողովրդական Հանրապետություն |
| Մահացել է | մայիս 2018 (45 տարեկան) |
| Մահվան վայր | Շիշապանգմա, Չինաստան |
| Քաղաքացիություն |  Բուլղարիա |
| Մայրենի լեզու | բուլղարերեն |
| Կրթություն | Սոֆիայի համալսարան (1997) |
| Մասնագիտություն | կենդանաբան, լեռնագնաց և քարանձավագետ |
| Աշխատավայր | Բուլղարիայի բնական պատմության ազգային թանգարան[1] |
| Անդամություն | Բուլղարիայի աշխարհագրական ընկերություն |
 Boyan Petrov Վիքիպահեստում | |
Բոյան Պետրով (բուլղար․՝ Боян Петров, փետրվարի 7, 1973, Սոֆիա, Բուլղարիայի Ժողովրդական Հանրապետություն - մայիս 2018, Շիշապանգմա, Չինաստան), բուլղարացի կենդանաբան և լեռնագնաց, Սոֆիայի Ազգային բնագիտական թանգարանի աշխատակից[2]։
Կենսագրություն[խմբագրել | խմբագրել կոդը]
Բոյան Պետրովը ծնվել է 1973 թվականի փետրվարի 7-ին Սոֆիայում։ 1992-1997 թվականներին սովորել է Սոֆիայի «Սուրբ Կլիմենտ Օհրիդսկի» համալսարանում։
Բոյան Պետրովի գիտական հետաքրքրությունների շրջանակում են չղջիկների, երկկենցաղների ու սողունների էկոլոգիան ու կենսաբանությունն։ Բոյան Պետրովը մասնակցել է Բուլղարիայի ազգային պարկերում, արգելանոցներում ու պահպանվող տարածքներում կենսաբանական տեսակների ավելացմանն ուղղված ավելի քան 50 նախագծերի։ Եվրոպայում չղջիկների պահպանության համաձայնագրի (EUROBATS) խորհրդակցական հանձնաժողովի անդամ է[2]։
Լեռնագնացությամբ Բոյան Պետրովն սկսել է զբաղվել 1990 թվականին, երբ գլխավորել է առաջին արշավախումբը։ Մասնակցել է տարբեր արշավների ու բարձրացել է Ղազախստանի, Ֆրանսիայի, Իսպանիայի, Իտալիայի, Հունաստանի, Թուրքիայի, Ռումինիայի, Պակիստանի, Նեպալի, Չինաստանի, Ղրղզստանի, Տաջիկստանի, Արգենտինայի, ԱՄՆ-ի, Ռուսաստանի, Քենիայի, Ուգանդայի ու Տանզանիայի լեռների գագաթները[2]։ 1990 թվականից մինչև 2015 թվականը Բոյան Պետրովը ուսումնասիրել է Բուլղարիայում, Ալբանիայում, Հունաստանում, Խորվաթիայում, Թուրքիայում, Կոսովոյում, Ռումինիայում, Չեռնոգորիայում ու Չինաստանում գտնվող ավելի քան 450 քարանձավներ[2]։
2014 թվականի մայիսի 20-ին Բոյան Պետրովը, որ տառապում էր շաքարային դիաբետով, հաղթահարել է աշխարհի երրորդ ամենաբարձր գագաթը՝ Կանչենջանգան (8586 մ)՝ դրանով դառնալով առաջին շաքարախտով հիվանդը, որ այդ գագաթն է բարձրացել առանց թթվածնի պաշարի[3]։ Նույն թվականի հուլիսի 23-ին նա բարձրացել է Բրոուդ Պիկ լեռը (8047 մ)[4], իսկ հուլիսի 31-ին Բուլղարիայի պատմության մեջ առաջին անգամ բարձրացել է Չոգորիի գագաթը (К2, բարձրությունը՝ 8611 մ) և ընդգրկվել այն 35 անձանց շարքում, ովքեր ութ հազարից մեծ բարձրություն ունեցող երեք լեռների գագաթներն են բարձրացել 100 օրից քիչ ժամանակում[5]։ Բոյան Պետրովը նաև սահմանել է աշխարհի ռեկորդ՝ Բրոուդ Պիկի ու Չոգորիի գագաթը բարձրանալով ութ օրից քիչ ժամանակում[4]. դրա համար նրան շնորհավորական տեսագրություն է ուղարկել լեռնագնաց Ռայնհոլդ Մեսները[4]։
2014 թվականի դեկտեմբերի 7-14-ը БНТ 1 և БНТ HD հեռուստաալիքներով ցուցադրվել է Բոյան Պետրովին նվիրված «3 x 8000» վավերագրական ֆիլմը[6][7]։ 2015 թվականի սեպտեմբերի 30-ին Բոյան Պետրովը նվաճել է Մինասլու գագաթը[8]։
Ծանոթագրություններ[խմբագրել | խմբագրել կոդը]
- ↑ https://www.nmnhs.com/petrov-boyan-en.html
- ↑ 2,0 2,1 2,2 2,3 Боян Петров, НПНМ
- ↑ Тайнствен глас водил Боян Петров към върха Արխիվացված 2014-12-13 Wayback Machine, Монитор
- ↑ 4,0 4,1 4,2 Боян Петров: Най-успешното лято за българския алпинизъм, БНР
- ↑ Боян Петров: Най-добрият алпинист е живият алпинист OFFNews
- ↑ «БНТ излъчва втора част на филма „3x8000"». Արխիվացված է օրիգինալից 2014 թ․ դեկտեմբերի 14-ին. Վերցված է 2016 թ․ մայիսի 4-ին.
- ↑ БНТ излъчва филм за алпиниста Боян Петров
- ↑ «Алпинистът Боян Петров изкачи връх Манаслу» (բուլղարերեն). 2015 թ․ սեպտեմբերի 30. Արխիվացված է օրիգինալից 2015 թ․ հոկտեմբերի 1-ին. Վերցված է 2015 թ․ սեպտեմբերի 30-ին.
{{cite web}}: Unknown parameter|publsiher=ignored (|publisher=suggested) (օգնություն)