Աշեր

Վիքիպեդիայից՝ ազատ հանրագիտարանից
Picto infobox music.png
Աշեր
Usher

Աշերը 2010 թվականին
Հիմնական տվյալներ
Ի ծնե անուն Աշեր Ռեյմոնդ IV
Ծնվել է հոկտեմբերի 14, 1978 (36 տարեկան)
Դալաս, Տեխաս, Ամերիկայի Միացյալ Նահանգներ ԱՄՆ
Երկիր Ատլանտա, Ջորջիա, Ամերիկայի Միացյալ Նահանգներ ԱՄՆ
Ժանրեր Փոփ, R&B, սոուլ, հիփ հոփ, պարային
Մասնագիտություն Երգիչ-երգահան, դերասան, պարող, գործարար
Գործունեություն 1991-ներկա
Լեյբլ LaFace Records, Arista Records, Jive Records, RCA Records
Կապված Ջերմեյն Դյուպրի, Ջասթին Բիբեր, Շոն Քոմբս, Ռիկո Լավ, Լուդաքրիս, Ռիք Ռոս, Լիլ Ջոն, Ար Քելլի
Կայք ushernow.com

Աշեր Ռեյմոնդ IV (անգլ.՝ Usher Raymond IV, ծնվ. 1978թ. հոկտեմբերի 14, Դալլաս, Տեխաս), ամերիկացի երգիչ-երգահան, պարող և դերասան։ Աշերը հայտնի դարձավ 1997 թվականին, իր «My Way» կոչվող երկրորդ ստուդիական ալբոմի թողարկումից հետո, որի «Nice & Slow» սինգլը Billboard Hot 100 երգերի հիթ շքերթում զբաղեցրեց առաջին հորիզոնականը։ Այդ ալբոմը նաև 6 անգամ պլատինե սերտիֆիկատ է ստացել RIAA-ի (Recording Industry Association of America, Ամերիկայի ձայնագրման արդյունաբերական ընկերություն) կողմից։ Այս հաջողություններից հետո, 2001 թվականին Աշեր թողարկում է իր երրորդ ստուդիական ալբոմը, որը կոչվում է «8701»։ Այս ալբոմը 4 անգամ ստացել է պլատինե սերտիֆիկատ RIAA ընկերության կողմից, իսկ ալբոմի «U Remind Me» և «U Got It Bad» սինգլները նաև գլխավորել են Billboard Hot 100-ը։

2004 թվականին թողարկվում է Աշերի «Confessions» անվանումը կրող չորրորդ ստուդիական ալբոմը։ Ալբոմը ամբողջ աշխարհում վաճառվել է ավելի քան 20 միլիոն օրինակով և Աշերին դարձրել է 2000-ականների ամենաշատ վաճառվող արտիստներից մեկը։ Ալբոմը RIAA-ի կողմից ստացել է ադամանդե սերտիֆիկատ։ Այս ալբոմի «Yeah!», «Burn» «Confessions Part II», և «My Boo» սինգլները գլխավորել են Billboard Hot 100 հիթ շքերթը։ 2008 թվականին թողարվում է Աշերի «Here I Stand» անվամբ հինգերորդ ստուդիական ալբոմը, որը ամբողջ աշխարհում վաճառվել է 5 միլիոն օրինակով, իսկ ալբոմի «Love In This Club» սինգլը Billboard Hot 100-ի առաջին հորիզոնականն է զբաղեցրել։

2010 թվականին Աշերը թողարկում է իր «Raymond v. Raymond» անվանումը կրող թվով վեցերորդ ստուդիական ալբոմը, որը գլխավորում է Billboard 200 ալբոմների հիթ շքերթը։ Այս ալբոմը նաև RIAA-ի կողմից նաև ստացել է պլատինե սերտիֆիկատ։ Billboard Hot 100-ում առաջին հորիզոնականն են գրավում ալբոմի «OMG» և «Love in This Club» սինգլները։ 2010 թվականին Աշերը նաև թողարկում է «Versus» կոչվող մինի ալբոմը, որի «DJ Got Us Fallin' In Love» սինգլը գլխավորում է Billboard Hot 100-ը։ 2012 թվականին թողարկվում է «Looking 4 Myself» անվանումը կրող թվով յոթերորդ ստուդիական ալբոմը։ Այս ալբոմը ի տարբերություն նախորդների, թողարկման առաջին շաբաթում ավելի ցածր վաճառք գրանցեց։

RIAA-ն Աշերին ճանաչում է ամենավաճառվող արտիստներից մեկը Միացյալ Նահանգների երաժշտական ինդուստրիայի պատմության մեջ։ Ամբողջ աշխարհում նա վաճառել է ավելի քան 65 միլիոն ձայնագրությունը, որից 23 միլիոնը միայն Միացյալ Նահանգներում։ Իր կարիերայի ընթացքում Աշերը ստացել է բազմաթիվ մրցանականեր, այդ թվում այդ թվում 8 Գրեմմի։ 2009 թվականի վերջին Billboard ամսագիրը նրան ճանաչել է 2000-ականների իր Hot 100 հիթ շքերթի համար մեկ արտիստը։ Նույն ամսագիրը նրան նաև ճանաչել է 2000-ականների 2-րդ ամենահաջողակ արտիստը։

Վաղ կյանք[խմբագրել]

Ծնվել է 1978 թվականի հոկտեմբերի 14-ին Դալասում, Տեխաս[1]։ Նրա հայրը թողել է ընտանիքը, երբ Աշերը եղել է ընդամենը 1 տարեկան։ Նա իր մանկությունը անց է կացրել Թենեսի նահանգի Չատանուգա քաղաքում, որտեղ 9 տարեկանում նա երգել է տեղի եկեղեցական երգչախմբում[2]։ Աշերի ընտանիքը այնուհետև տեղափոխվում է Ատլանտա, որտեղ նա ավելի լուրջ է սկսում զբաղվել երաժշտությամբ[3]։

Կատարողական արվեստ[խմբագրել]

Երաժշտական ոճ[խմբագրել]

Աշերի երգերը հիմնականում R&B ժանրում են[4], սակայն նաև ներառում են տարրեր փոփ, սոուլ, դանս և հիփ հոփ ժանրերից։ Նրա «Raymond v. Raymond» և «Looking 4 Myself» ալբոմների երգացանկը ընդգրկում է բազմաթիվ էլեկտրոփոփ և դանս փոփ ժանրերի երգեր[5]։ 2004 թվականին թողարկված «Confessions» ալբոմից հետո, Աշերի մեծ թվով երգեր ինքնակենսագրական բնույթ ունեն, որոնք անդրադառնում են նրա ապրելակերպին, հարաբերություններին և սիրուն։

Անձնական կյանք[խմբագրել]

2001 թվականից Աշերը հանդիպել է TLC խմբի նախկին անդամ Ռոզոնդա Թոմասի հետ, սակայն նրանք բաժանվել են 2003 թվականի դեկտեմբերին[6]։ 2005 թվականի նոյեմբերից նա սկսել է հանդիպել ոճավորող Թամեկա Ֆոսթերի հետ, ով մի քանի տարի շարունակ եղել է նրա անձնական ոճավորողը[7]։ Նրանք ամուսնացել են 2007 թվականի օգոստոսի 3-ին Ատլանտայում[8], իսկ մեկ ամիս անց` սեպտեմբերի 1-ին, նույն քաղաքում տեղի է ունեցել նրանց մեծ հարսանեկան արարողությունը[9]։ Նրանք միասին ունեն 2 երեխա[10][11]։

Սկավառակագրություն[խմբագրել]

Ստուդիական ալբոմներ[խմբագրել]

Ծանոթագրություններ[խմբագրել]

  1. Millner, Denene (November 9, 1999). «JOINING THE CLASS STRUGGLE R&B SUPERSTAR PLAYS THE LEADER OF A SCHOOL REVOLT IN 'LIGHT IT UP'». New York Daily News. http://www.nydailynews.com/archives/entertainment/1999/11/09/1999-11-09_joining_the_class_struggle_r.html։ Վերցված է September 25, 2010. 
  2. Reid, Shaheem. «Usher: King Me». MTV. http://www.mtv.com/bands/u/usher/news_feature_052404/index.jhtml։ Վերցված է November 18, 2008. 
  3. «Driven: Usher»։ Vh1։ http://www.vh1.com/shows/dyn/driven/81589/episode_about.jhtml։ Վերցված է December 21, 2008։ 
  4. Slavik, Nathan (15 June 2012). «Usher - Looking 4 Myself». Entertainment Weekly. http://www.djbooth.net/index/albums/review/usher-looking-4-myself-06141201/։ Վերցված է 9 October 2014. 
  5. Maerz, Melissa (14 June 2012). «Looking 4 Myself Review». Entertainment Weekly. http://www.ew.com/ew/article/0,,20601576,00.html։ Վերցված է 9 October 2014. 
  6. Peterson, Todd (February 20, 2004). «TLC's Chilli Dishes on Ex-Beau Usher». People. http://www.people.com/people/article/0,,627673,00.html։ Վերցված է December 23, 2008. 
  7. «Usher, Fiancée Expecting a Baby»։ People։ Time Inc.։ June 27, 2007։ http://www.people.com/people/article/0,,20044007,00.html։ Վերցված է August 10, 2013։ 
  8. Wulff, Jennifer (August 4, 2007)։ «Usher Marries Tameka Foster in Private Ceremony»։ People։ http://www.people.com/people/article/0,,20050010,00.html։ Վերցված է August 10, 2013։ 
  9. Wihlborg, Ulrica (September 1, 2007)։ «Usher & Tameka Foster Finally Get a Wedding»։ People։ Time Inc.։ http://www.people.com/people/article/0,,20054424,00.html։ Վերցված է August 10, 2013։ 
  10. Aswad, Jem (November 28, 2007)։ «Usher, Tameka Raymond Welcome Baby Boy»։ MTV News։ http://www.mtv.com/news/articles/1575151/20071127/usher.jhtml։ Վերցված է January 19, 2008։ 
  11. Dyball, Rennie (December 11, 2008)։ «Usher Welcomes Baby No. 2»։ People։ Time Inc.։ http://www.people.com/people/article/0,,20245927,00.html։ Վերցված է December 11, 2008։ 

Արտաքին հղումներ[խմբագրել]