Քրիստինա Էհին

Քրիստինա Էհին էստ․՝ Kristiina Ehin
Ծնվել է	հուլիսի 18, 1977(1977-07-18) (47 տարեկան)
Ծննդավայր	Ռապլա, Էստոնական ԽՍՀ, ԽՍՀՄ
Մասնագիտություն	թարգմանչուհի, բանաստեղծուհի, արձակագիր, գրող, երգերի հեղինակ, երգչուհի և ուսուցչուհի
Քաղաքացիություն	Էստոնիա
Կրթություն	Տարտուի համալսարան
Պարգևներ
Ամուսին	Silver Sepp?
Kristiina Ehin Վիքիպահեստում

Քրիստինա Էհին (իսպ.՝ Kristiina Ehin, հուլիսի 18, 1977(1977-07-18), Ռապլա, Էստոնական ԽՍՀ, ԽՍՀՄ), էստոնացի բանաստեղծուհի, արձակագիր և թարգմանչուհի։

Կենսագրություն

Քրիստինա Էհինը ծնվել է 1977 թվականի հուլիսի 18-ին Ռապլա քաղաքում, էստոնացի բանաստեղծ, արձակագիր և թարգմանիչ Անդրես Էհինի (1940—2011) և բանաստեղծուհի Լի Սեպելի (ծնվել է 1943 թվականին) ընտանիքում։

Նա սովորել է Տարտուի համալսարանի բանասիրական ֆակուլտետում, մասնագիտացել է «համեմատական ժողովրդական բանահյուսության» մեջ, զբաղվել է էստոնական ժողովրդական երգերի ուսումնասիրությամբ։ 2004 թվականին ստացել է մագիստրոսի աստիճան։ 1997-1998 թվականներին նա զուգահեռ սովորել է Տարտուի նկարչական քոլեջում։

1995 թվականից 2000 թվականներին նա աշխատել է պարուսույց, 1996 թվականից արդեն ազատ գրող էր։ Ապրում է Տարտուում։

Նրա բանաստեղծությունները սկսել են հրատարակվել Տարտուի համալսարանում սովորելու ժամանակներից։ Եղել է "Erakkond" ուսանողական գրական խմբակի անդամ։ "Kaitseala" («Արգելավայր») բանաստեղծությունների հավաքածուն հրատարակվել է 2005 թվականին, այն գրել է Էստոնիայի հյուսիսային ափերի մոտ գտնվող Մոհնի անմարդաբնակ կղզու վրա մեկ տարի գտնվելու ընթացքում, որտեղ նա աշխատել է որպես արգելոցի վերակացու։ Նա նույնպես մի շարք գրքեր է թարգմանել անգլերենից։ Նա նաև հեքիաթների գրքերի և պիեսների հեղինակ է։

Նրա բանաստեղծություններում և արձակում արտացոլվում են կանացի հայացքներ։ Քրիստինա Էհինի հոգևոր և զգացմունքային պոեզիան բխում է ուգրո-ֆիննական մշակույթից, բայց չնայած դրան՝ նրա աշխատանքները մնում են ժամանակակից։

2008 թվականին իր ծնողների աջակցությամբ կազմակերպել է բանաստեղծական միջազգային փառատոն, որին մասնակցում էին Էստոնիայից և արտասահմանից 24 բանաստեղծներ, երգիչներ և երգահաններ։ Էստոնիայի XXVI երգի փառատոնի համար նա գրել է "Puudutus" («Հպում») գլխավոր երգը։

Քրիստինա Էհինի բանաստեղծությունները թարգմանվել են մի շարք լեզուներով, այդ թվում անգլերեն, ռուսերեն, վեդերեն, սլովերեն, իսլանդերեն, ֆիններեն, սլովակերեն, ուդմուրտերեն, կոմի, գերմաներեն, իռլանդերեն և ուելսերեն։

Մրցանակներ

• 2004 թվական՝ «Sirp» ամսագրի գրական մրցանակ,
• 2006 թվական՝ "Eesti Kultuurkapital" բանաստեղծական մրցանակ (Յուրգենի Ռոստիի հետ),
• 2006 թվական՝ Տարտու քաղաքի Գուստավ Սույտսի կրթաթոշակ,
• 2008 թվական՝ Էստոնիայի նախագահի կողմից մրցանակ երիտասարդ մշակութային գործիչներին,
• 2010 թվական՝ "Eesti Kultuurkapital"-ից «Ela ja sära»-ից կրթաթոշակ,
• 2014 թվական՝ Վիրումաայի գրական մրցանակ (Վակդուր Միկիտի հետ),
• 2014 թվական՝ Էստոնիայի արտաքին գործերի մշակութային մրցանակ,
• 2016 թվական՝ Սպիտակ աստղի շքանշանի IV աստիճան։

Ստեղծագործություններ

Բանաստեղծությունների ժողովածուներ

• «Kevad Astrahanis: luuletusi 1992—1999» (Tallinn, 2000)
• «Simunapäev» (Tallinn, 2003)
• «Luigeluulinn» (Tallinn, 2004)
• «Kaitseala» (Tallinn, 2005)
• «Emapuhkus» (Tallinn, 2009)
• «Viimane Monogaamlane» (Tallinn, 2011)

Արձակ

• «Pillipuhujanaine ja pommipanijanaine» (Tallinn, 2006)
• «Päevaseiskaja — Lõuna-Eesti muinasjutud» (Tallinn, 2009)
• «Viimane Monogaamlane» (Tallinn, 2011)
• «Kirjatud teekond» (Türi, 2012)
• «Paleontoloogi Päevaraamat» (Tartu, 2013)

Ծանոթագրություններ

Վիքիպահեստն ունի նյութեր, որոնք վերաբերում են «Քրիստինա Էհին» հոդվածին։