Վարձու մարդասպան
Վարձու մարդասպան, կիլեր (անգլ.՝ killer — «սպանող»), անձ, որը սպանություն է կատարում ոչ թե անձնական դրդապատճառներով, այլ վարձատրության դիմաց կամ պատվերով։ Երբեմն կոչվում է նաև պրոֆիսիոնալ մարդասպան։
Ընդհանուր միտումներ
[խմբագրել | խմբագրել կոդը]Պատվերով սպանությունը դարձել է սպանության բավականին տարածված տեսակ, քանի որ այն պատվիրատուին թույլ է տալիս ապահովել լավ ալիբի։ Այդպես պատվիրատուն հանցագործության վայրից կարող է գտնվել հեռու՝ մարդաշատ վայրում։ Միևնույն ժամանակ անմիջականորեն սպանություն կատարող անձը սովորաբար ոչ մի կերպ ուղղակիորեն կապված չէ ոչ զոհի, ոչ էլ պատվիրատուի հետ, ինչը զգալիորեն դժվարացնում է նման սպանության հետաքննությունը։ Բացի դրանից՝ եթե պատվիրատուն ինչ-ինչ պատճառներով չի ցանկանում կամ չի կարող դա անել (հատկապես այն դեպքում, երբ ինքը կապված է զոհի հետ), մարդասպան վարձելով ազատվում է անձամբ սպանելու անհրաժեշտությունից։
Մարդասպանին, որը կատարել է պատվիրված սպանություն, առաջադրանքը կատարելուց հետո երբեմն նաև սպանում են, որպեսզի չկարողանա նշել պատվիրատուին։ Այդ իսկ պատճառով կատարողը սովորաբար ուղղակիորեն ծանոթ չի լինում պատվիրատուին, այլ օգտվում է միջնորդի կամ սպանության կազմակերպչի օգնությունից։ Որպես կանոն՝ պրոֆեսիոնալ մարդասպանը հանցագործության վայրում անմիջականորեն ներկա չէ և հետքեր չի թողնում՝ այդ նպատակով օգտագործելով, օրինակ, դիպուկահար հրացան կամ պայթուցիկ, որը և զգալիորեն դժվարացնում է հետաքննության ընթացքն ու մարդասպանի բացահայտումը։
Եթե զոհը սպանվում է մոտ հեռավորությունից (օրինակ, երբ գործածվում է ատրճանակ, գնդացիր կամ ինքնաձիգ), մարդասպանը, մոտենալով տուժողին և համապատասխան զենքը նրա գլխին դնելով իրականացնում է նաև այսպես կոչված ստուգիչ կրակոց, որպեսզի նրա մահը հավաստի լինի։ Հաճախ այն զենքը, որով սպանվել է զոհը (օրինակ՝ դիպուկահար հրացան, ատրճանակ, ինքնաձիգ ...), վարձու մարդասպանը թողնում է այն վայրում, որտեղից կրակել է, կամ հանցագործության վայրի ճանապարհի սկզբում[1]։
Եղել են դեպքեր, երբ վարձու մարդասպաններին գտել են թերթում հրապարակված հայտարարությունների միջոցով, օրինակ՝ ամերիկյան «Soldier of Fortune» ամսագրում արվել էր հայտարարություն՝ «Փնտրում եմ աշխատանք ... ԱՄՆ հատուկ նշանակության նախկին զինծառայող ... Վիետնամի պատերազմի վետերան, որը գիտի ինչպես վարել մարտական գործողություններ Ամերիկայում և այլ վայրերում»[2]։
Որոշ հայտնի վարձու մարդասպաններ
[խմբագրել | խմբագրել կոդը]- Ջին Քեն լեգենդի մեջ է մտել որպես բռնակալ, որն անհաջող, բայց ժամանակակիցների համար տպավորիչ մահափորձ է կատարել Ցին Շի Հուանդիի դեմ։ Այս մահափորձը Ցին Շի Հուանդիի համար առիթ է հանդիսացել Յան թագավորության գրավման համար, որի իշխանը մեղադրվում էր վարձու մարդասպանի արտաքսման մեջ։ Այդ իրադարձություններին է նվիրված «Կայսրն ու մարդասպանը» ֆիլմը։
- Ալեքսանդր Սոլոնիկ, ռուս վարձու մարդասպան (հնարավոր է՝ «Սպիտակ ստրելա» հատուկ ծառայության աշխատակից), որն իրականացրել է տասնյակ, այդ թվում՝ քրեական հանցագործների սպանություններ, որոնք երեք անգամ փորձել են փախչել կալանքից։
- Վիտալի Նովիցկի, Հադի Տակտաշ խմբավորման անհաջողակ մարդասպան։
- Ալեքսանդր Պուստովալով (Սաշա-զինվոր), մարդասպան, որը հայտնի է դիակների մասնատման իր մեթոդով։
- Ալեքսեյ Շերստոբիտով («Զինվոր Լյոշա») Մեդվեդկովսկա կազմակերպված հանցավոր խմբի մարդասպան։ Շերստոբիտովի պատմությունը հիմք հանդիսացավ «Հրոսակներ» հեռուստասերիալի համար։
- Ռիչարդ Կուկլինսկի, ամերիկացի մարդասպան, որը 20 տարվա ընթացքում սպանել է հարյուրավոր մարդկանց։ Հայտնի է դարձել «Սառցե մարդ» մականունով այն բանի համար, որ իր զոհերի դիակները սառեցրել է արդյունաբերական սառնարանում, որպեսզի ոստիկանությունը չկարողանա որոշել սպանության կատարման իրական ժամանակը։
- Գլեննոն Էդվարդ Էնգլման, ատամնաբույժ Սենթ Լուիսից, որն աշխատել է նաև որպես վարձու մարդասպան։ 22 տարվա ընթացքում կատարել է առնվազն 7 սպանություն։
- Չարլզ Վոյդ Հարլսոն, ամերիկացի մարդասպան, որը երկու անգամ դատապարտվել է ցմահ ազատազրկման՝ դաշնային դատավոր Ջոնաթան Վուդին սպանելու մեղադրանքով։ Նա հոլիվուդյան դերասան Վուդի Հարելսոնի հայրն է։
- Ջոն Չայլդս, բրիտանացի մարդասպան, որը հայտնի է իր դաժանությամբ։ Նրա զոհերից ոչ մեկին չեն գտել։ Ինքը՝ Չայլդսը հաստատել էր, որ իր զոհերին կտոր-կտոր է արել, աղացել, այնուհետև հյուրանոցում վառել[3]։
- Սրետկո Կալինիչ, Զեմուն հանցավոր խմբի անդամ։ Նա 2003 թվականին Սերբիայի վարչապետ Զորան Ջինջիչի սպանության նախաձեռնողներից մեկն էր[3]։
Զանգվածային մշակույթում
[խմբագրել | խմբագրել կոդը]Վերջին տասնամյակների ընթացքում վարձու մարդասպանի կերպարը հայտնի է դարձել զանգվածային մշակույթում, այդ թվում՝ կինեմատոգրաֆիայում և համակարգչային խաղերում․
- Հոնկոնգյան ֆիլմ՝ Ջոն Վուի «Վարձու մարդասպանը»,
- Ֆրանսիական ֆիլմ՝ Լյուկա Բեսոնի «Լեոն»,
- Ճապոնական մուլտֆիլմեր՝ «Նուար» և «Քայթ՝ աղջիկ մարդասպանը»,
- Համակարգչային խաղերի շարք՝ «Hitman»,
- «S.T.A.L.K.E.R.» համակարգչային խաղերի շարքում կա մի առանձին խմբավորում «վարձկաններ»։
- Եռանկյունի «Ջոն Ուիք»։
Ծանոթագրություններ
[խմբագրել | խմբագրել կոդը]- ↑ Константинов, Андрей Дмитриевич, книга «Бандитский Петербург» .
- ↑ Советский журнал «Крокодил», статья об американском (США) журнале «Солдат удачи», поместившем такое объявление, вызвавшее после убийства иск к журналу «Солдат удачи».
- ↑ 3,0 3,1 Полина Фанаскова (18.04.2014). «10 самых известных профессиональных убийц».
Արտաքին հղումներ
[խմբագրել | խմբագրել կոդը]![]() |
Ընթերցե՛ք «կիլեր» բառի բացատրությունը Հայերեն Վիքիբառարանում։ |
- Վարձու մարդասպան Արխիվացված 2019-08-18 Wayback Machine
|