Jump to content

Ռուբեն (սենդվիչ)

Վիքիպեդիայից՝ ազատ հանրագիտարանից
Ռուբեն
Ենթատեսակսենդվիչ, մսային ուտեստ և hot dish?
Առաջացման երկիր ԱՄՆ
 Reuben sandwiches Վիքիպահեստում

Ռուբեն սենդվիչ (անգլ.՝ Reuben sandwich), ամերիկյան սենդվիչի տեսակ, որը բաղկացած է աղ դրված տավարի մսից, շվեյցարական պանրից, թթու կաղամբից, ռուսական սոուսից և տարեկանի հացի կտորներից[1]։ Հավաքելուց հետո այն եփում են թավայի մեջ կամ տապակի մեջ։

Ծագում

[խմբագրել | խմբագրել կոդը]

Ծագման վարկածներից մեկում ասվում է, որ սենդվիչի գյուտարարը եղել է Ռուբեն Կուլակովսկին (երբեմն՝ Ռուբին, Քեյ), հրեա նպարավաճառ, որը ծնվել է Լիտվայում, և ապրել է Նեբրասկա նահանգի Օմահա քաղաքում։ Եղել է պոկերի մեծ երկրպագու։ Ամեն շաբաթ կազմակերպել է պոկերի մրցաշար «Blackstone» հյուրանոցում։ Իրենց «կոմիտե» անվանող անդամների թվում էր նաև հյուրանոցի սեփականատեր Չարլզ Շիմելը։ Սենդվիչն առաջին անգամ տեղական համբավ ձեռք բերեց, երբ Շիմելը ներառեց այն «Blackstone»-ի ճաշացանկում։ Այն է'լ ավելի հայտնի դարձավ, երբ հյուրանոցի աշխատակիցը հաղթեց ազգային մրցույթում այդ սենդվիչի բաղադրատոմսով[2]։ Օմահայում մարտի 14-ը նշանակվել է Ռուբեն Սենդվիչի օր[3]։

Սենդվիչը հիշատակվում է «Game Show» ֆիլմի մի տեսարանում, որտեղ Ռիչարդ Ն. Գուդվինը (Դիկ) պատվիրում է այն և քննարկում է Չարլզ Վան Դորենի հետ սենդվիչի ծագումը։

Մեկ այլ վարկածի համաձայն՝ սենդվիչի ստեղծողը Առնոլդ Ռուբենն է՝ Նյու Յորքի «Reuben's Restaurant/Reuben's Delicatessen»–ի (1908-2001) գերմանահրեական ռեստորանի սեփականատերը։ Առնոլդ Ռուբենը ստեղծել է «Reuben Special»-ը մոտ 1914 թվականին, ինչի մասին մատնանշվել է լրագրող և ռեստորանային փորձագետ Քրեյգ Քլեյբորնի հետ հարցազրույցում[4][5]։

Հրապարակախոս և դրամատուրգ Բեռնարդ Սոբելը իր «Բրոդվեյի սրտի բաբախյուն. մամուլի գործակալի հուշերը» գրքում (1953) նշել է, որ սենդվիչը Մարջորի Ռամբութի հանպատրաստից ստեղծագործությունն է։ Մի անգամ, երբ Բրոդվեյան հայտնի մի դերասանուհի գիշերն այցելում է Ռուբենի ռեստորան, որտեղ ուտելիքը վերջացել էր[6], Մարջորի Ռամբութին հյուրասիրում է նրան հենց այս սենդվիչով։

Այլ տարբերակներում հիշատակվում է Ալֆրեդ Շեյինգը՝ Reuben's Delicatessen-ի շեֆ-խոհարարը, և ասում են, որ նա ստեղծել է սենդվիչը Ռուբեն Առնոլդ կրտսերի որդու համար 1930-ական թվականներին[2]։

Տեսակներ

[խմբագրել | խմբագրել կոդը]

Մոնրեալյան տարբերակ

[խմբագրել | խմբագրել կոդը]

Ռուբեն սենդվիչի մոնրեալյան տարբերակը փոխարինում է աղ դրված տավարի միսը մոնրեալյան ապխտած մսով[7]։ Այս սենդվիչը համտեսելու հայտնի վայր է Մոնրեալի «Schwarz» արագ սննդի կետը։

«Thousand Island» սոուսով տարբերակ

[խմբագրել | խմբագրել կոդը]

Ռուսական սոուսի փոխարեն սովորաբար օգտագործվում է «Thousand Island» սոուսը[8]։

Շիղաձկով տարբերակ

[խմբագրել | խմբագրել կոդը]

Աղ դրված տավարի մսի փոխարեն օգտագործվում է շիղաձուկ[9][10][11]։

Էպինեֆելուսով տարբերակ

[խմբագրել | խմբագրել կոդը]

Ստանդարտ սենդվիչի միսը փոխարինվում է էպինեֆլուս ձկով, իսկ թթու կաղամբը՝ կաղամբի աղցանով։ Այս տարբերակը հաճախ հանդիպում է Ֆլորիդայի ռեստորաններում[12]։

Ձվով տարբերակ

[խմբագրել | խմբագրել կոդը]

Օգտագործվում է ստանդարտ սենդվիչի միջուկը,որը փաթաթված է տապակած ձվով։ Սովորաբար մատուցվում է «Thousand Island» սոուսով (ռուսական սոուսի փոխարեն)՝ որպես նախուտեստ կամ խորտիկ։ Այս տարբերակն առաջին անգամ հայտնվել է Վիսկոնսին նահանգի Միլուոկի քաղաքում՝ «Mader's» գերմանական ռեստորանում, որտեղ շեֆ խոհարար Դենիս Վեգները ստեղծեց այն 1990 թվականի ամառային փառատոնի համար[13]։

Ռեյչել սենդվիչ

[խմբագրել | խմբագրել կոդը]

Ռեյչել սենդվիչը մի տարբերակ է, որը ներառում է պաստրոմա կամ հնդկահավ՝ տավարի մսի փոխարեն և թարմ կաղամբով աղցան (կաղամբի աղցան)՝ թթու կաղամբի փոխարեն[14][15][16].: Միացյալ Նահանգների որոշ շրջաններում, հատկապես Միչիգանում, հնդկահավի այս տարբերակը հայտնի է որպես «Ջորջիա Ռուբեն» կամ «Կալիֆորնիա Ռուբեն» անվանումով։ Ռուսական սոուսի փոխարեն կարող է պահանջել ամերիկյան բարբեքյու սոուս կամ ֆրանսիական սոուս։ Անունը հնարավոր է ծագել է 1871 թվականի «Ռուբեն և Ռեյչել» երգից[15]։

Վեգան տարբերակ

[խմբագրել | խմբագրել կոդը]

Վեգան տարբերակներում, որոնք կոչվում են «Veggie Reubens», տավարի միսը կամ փոխարինվում է բուսական բաղադրիչներով, ներառյալ ցուկկինին, վարունգը[17], ցորենը[18], սունկը[19], տեմպեյը[20][21] և այլն։

Ծանոթագրություններ

[խմբագրել | խմբագրել կոդը]
  1. ↑ Алекс Крамер Уличная еда: рецепты блюд современного стрит-фуда. — Litres, 2019-11-01. — 716 с. — ISBN 978-5-04-110978-3
  2. ↑ 2,0 2,1 Rader, Jim. «The Reuben Sandwich». Reuben Realm. Արխիվացված օրիգինալից 2014 թ․ հունվարի 30-ին. Վերցված է 2020 թ․ հունիսի 9-ին.
  3. ↑ Griswold, Jennifer. «Today is Proclaimed Reuben Sandwich Day». KMTV. Արխիվացված է օրիգինալից 2015 թ․ մարտի 15-ին.
  4. ↑ Ingersoll, Jared. Danks Street Depot. — Millers Point, N.S.W.: Murdoch Books, 2006. — 159 pages с. — ISBN 1-74045-598-3, 978-1-74045-598-5
  5. ↑ Craig Claiborne. The New York Times Food Encyclopedia. See also Arnold Reuben interview, American Life Histories: Manuscripts from the Federal Writers' Project, 1936—1940 Արխիվացված 2014-03-23 Wayback Machine, quoted on What’s cooking America Արխիվացված 2020-06-19 Wayback Machine site.
  6. ↑ Sobel, Bernard[en] Broadway Heartbeat: Memoirs of a Press Agent. — New York City: Hermitage House, 1953. — С. 233.
  7. ↑ «Montreal Corned Beef Reuben Sandwich» Արխիվացված 2015-12-22 Wayback Machine, The Gazette
  8. ↑ Holl, John (2014 թ․ դեկտեմբերի 22). «America was sweet on its spicy Russian dressing — until Thousand Island, that is». The Washington Post. Արխիվացված է օրիգինալից 2020 թ․ ապրիլի 27-ին. Վերցված է 2018 թ․ հոկտեմբերի 19-ին.
  9. ↑ «Walleye Reuben @ Town Ball Tavern». Արխիվացված է օրիգինալից 2017 թ․ դեկտեմբերի 23-ին. Վերցված է 2020 թ․ հունիսի 9-ին.
  10. ↑ Otis, Ginger Adams (2015 թ․ սեպտեմբերի 6). «Ohio proves to be a great destination for a history- and fun-loving family». New York Daily News. Արխիվացված է օրիգինալից 2020 թ․ հունիսի 9-ին. Վերցված է 2020 թ․ հունիսի 9-ին.
  11. ↑ Deptolla, Carol (2012 թ․ մայիսի 17). «Chez Ballpark: What's good to eat at Miller Park». Milwaukee Journal Sentinel. Արխիվացված է օրիգինալից 2020 թ․ սեպտեմբերի 26-ին. Վերցված է 2020 թ․ հունիսի 9-ին. «For the homestand against the Minnesota Twins this weekend, look for walleye Reuben sandwiches, for $9.25.»
  12. ↑ Calloway, Karin (2010 թ․ սեպտեմբերի 21). «Takeoff on Reuben sandwich makes tasty meal». The Augusta Chronicle. Արխիվացված է օրիգինալից 2011 թ․ հուլիսի 7-ին. Վերցված է 2011 թ․ փետրվարի 2-ին. «In Florida … many restaurants serve a grouper Reuben»
  13. ↑ Zeldes, Leah A. (2010 թ․ մարտի 10). «Irish' food in Chicago isn't quite so in Ireland: Who played a role in the reuben egg roll?». Chicago Sun-Times. Արխիվացված է օրիգինալից 2010 թ․ ապրիլի 13-ին. Վերցված է 2010 թ․ մարտի 15-ին.
  14. ↑ Mary-Lane Kamberg Grilled Reuben sandwich variation: Grilled Rachel sandwich // The I Don't Know How to Cook Book: 300 Great Recipes You Can't Mess Up. — Adams Media, 2004. — С. 42. — ISBN 9781593370091
  15. ↑ 15,0 15,1 Popik, Barry (2004 թ․ նոյեմբերի 13). «Reuben Sandwich (and Rachel Sandwich, Celebrity Sandwiches)». The Big Apple. Արխիվացված օրիգինալից 2013 թ․ նոյեմբերի 4-ին. Վերցված է 2013 թ․ նոյեմբերի 2-ին.
  16. ↑ Rombauer, Irma S.; Becker, Marion Rombauer; Becker, Ethan Joy of Cooking. — 75th Anniversary. — Scribner, 2006. — С. 181. — ISBN 978-0-7432-4626-2. — «For a Rachel, substitute turkey for the corned beef».
  17. ↑ Better Homes and Gardens, Cooking for Two, p. 82
  18. ↑ Joy Nicholson, «Reubenesque», Los Angeles Magazine September, 2001, p. 52
  19. ↑ Cameron Woodworth, Green Cuisine, p. 25
  20. ↑ «Vegan Tempeh Reubens». Vegetarian Times. 2017 թ․ մայիսի 10. Արխիվացված օրիգինալից 2018 թ․ նոյեմբերի 7-ին. Վերցված է 2018 թ․ նոյեմբերի 7-ին.
  21. ↑ Любовь и лимоны. Каждый день. Более 100 ярких рецептов на растительной основе для любой трапезы Արխիվացված 2020-06-09 Wayback Machine. Жанин Донофрио. — Москва: ЭКСМО, 2020. — 320 с. — ISBN 5-04-246937-0, 9785042469374
Վիքիպահեստն ունի նյութեր, որոնք վերաբերում են «Ռուբեն (սենդվիչ)» հոդվածին։
 ⛭ 
  Բառարաններ և հանրագիտարաններ
Ստացված է «https://hy.wikipedia.org/w/index.php?title=Ռուբեն_(սենդվիչ)&oldid=9773098» էջից