Ռոբերտ Թորբերն Էյթոն Ինես
| Ռոբերտ Թորբերն Էյթոն Ինես | |
|---|---|
 | |
| Ծնվել է | նոյեմբերի 10, 1861[1] |
| Ծննդավայր | Էդինբուրգ, Շոտլանդիա, Մեծ Բրիտանիայի և Իռլանդիայի միացյալ թագավորություն |
| Մահացել է | մարտի 13, 1933[1] (71 տարեկան) |
| Մահվան վայր | Լոնդոն, Միացյալ Թագավորություն |
| Քաղաքացիություն | .svg){kind=small} Միացյալ Թագավորություն և .svg){kind=small} ՀԱՀ |
| Մասնագիտություն | աստղագետ |
| Աշխատավայր | Յոհանեսբուրգի աստղադիտարան |
| Պարգևներ և մրցանակներ | |
 Robert Thorburn Ayton Innes (astronomer) Վիքիպահեստում | |
Ռոբերտ Թորբերն Էյթոն Ինես (անգլ.՝ Robert Thorburn Ayton Innes; նոյեմբերի 10, 1861[1], Էդինբուրգ, Շոտլանդիա, Մեծ Բրիտանիայի և Իռլանդիայի միացյալ թագավորություն - մարտի 13, 1933[1], Լոնդոն, Միացյալ Թագավորություն), անգլիացի աստղագետ։
Ծնվել է Էդինբուրգում, ինքնուրույն է կրթվել։ Երիտասարդ տարիքում ուղևորվել է Ավստրալիա, Սիդնեյում աշխատել է որպես գինու վաճառող և միաժամանակ որպես սիրողական աստղագետ 12 դյույմանոց տնական Ռեֆլեկտորով կատարել է դիտարկումներ։
Հայտնաբերել է մի քանի նոր աստղեր, նաև հրապարակել է նյութեր Մարսի և Վեներայի ուղեծրերի վերաբերյալ։ 1894 թվականին Բրիտանական թագավորական ընկերության աստղագետ սըր Դեյվիդ Գիլլի կողմից հրավիրվել է Բարեհուսո հրվանդանում գտնվող աստղադիտարան՝ աշխատանքի։ 1903 թվականին զբաղեցրել է Յոհաննեսբուրգի նոր մետեորոլոգիական աստղադիտարանի տնօրենի պաշտոնը, որը հետագայում վերակազմավորվել է Յոհանեսբուրգի աստղադիտարանի, իսկ Իննեսը մնացել է այդ պաշտոնում մինչև 1927 թվականը։
1915 թվականին հայտնաբերել է Կենտավրոսի ալֆա C-ն[3], որի համար առաջարկել է «Proxima Centaurus»[4], լատիներեն՝ «Կենտավրոսին ամենամոտ աստղ»[5] անունը։ Կենտավրոսի Պրոքսիման հետագայում ավելի լայն կիրառություն է ձեռք բերել և այժմ Միջազգային աստղագիտական միության կողմից համարվում է ընդունելի հատուկ անուն[6][7]
Հիմնական աշխատությունները վերաբերվում են դիտարկման աստղագիտությանը, մասնավորապես հայտնի է կրկնակի աստղերի բազմաթիվ դիտարկումներով, մշտադիտարկումներ է իրականացրել նաև փոփոխական աստղերին, հայտնագործել է ավելի քան հարյուր փոփոխական աստղեր։ Առաջիններից մեկն է հայտնաբերել մեծ հունվարյան գիսավորը՝ 1910 թվականին։ Եղել է Էդինբուրգի թագավորական ընկերության անդամ (1904), ունեցել է Լեյդենի համալսարանի պատվավոր դոկտորի կոչում (1923)։
Նրա պատվին է անվանվել լուսնի խառնարաններից մեկը և № 1658 աստերոիդը։
Գրականություն
[խմբագրել | խմբագրել կոդը]Колчинский И.Г.,Корсунь А.А.,Родригес М.Г. Астрономы.Биографический справочник. — Киев: Наукова думка, 1986.
Արտաքին հղումներ
[խմբագրել | խմբագրել կոդը]Biography of Robert T. A. Innes at the S2A3 Biographical Database of Southern African Science
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Biographical Database of Southern African Science — 2002.
- ↑ https://www.universiteitleiden.nl/en/about-us/facts-and-figures/laureates
- ↑ Innes, R. T. A. (October 1915). «A Faint Star of Large Proper Motion». Circular of the Union Observatory Johannesburg. 30: 235–236. Bibcode:1915CiUO...30..235I.
- ↑ Innes, R. T. A. (September 1917). «Parallax of the Faint Proper Motion Star Near Alpha of Centaurus. 1900. R.A. 14 h 22 m 55s.-0s 6t. Dec-62° 15'2 0'8 t». Circular of the Union Observatory Johannesburg. 40: 331–336. Bibcode:1917CiUO...40..331I.
- ↑ Stevenson, Angus, ed. (2010), Oxford Dictionary of English, OUP Oxford, էջ 1431, ISBN 978-0-19-957112-3.
- ↑ Alden, Harold L. (1928). «Alpha and Proxima Centauri». Astronomical Journal. 39 (913): 20–23. Bibcode:1928AJ.....39...20A. doi:10.1086/104871.
- ↑ «Bulletin of the IAU Working Group on Star Names, No. 2» (PDF). International Astronomical Union. October 2016. Վերցված է 2019 թ․ մայիսի 29-ին.
 | Վիքիպահեստն ունի նյութեր, որոնք վերաբերում են «Ռոբերտ Թորբերն Էյթոն Ինես» հոդվածին։ |
| ||||||||||||||||
