Ռեբեկա Ռոմեյն

Ռեբեկա Ռոմեյն;
Ծնվել է	նոյեմբերի 6, 1972 (51 տարեկան)
Ծննդավայր	Բերկլի, Ալամեդա շրջան, Կալիֆոռնիա, ԱՄՆ
Քաղաքացիություն	ԱՄՆ
Մայրենի լեզու	անգլերեն
Կրթություն	Կալիֆոռնիական համալսարան Սանտա Կրուսում և Բերքլիի ավագ դպրոց
Մասնագիտություն	դերասանուհի, մոդել, հեռուստատեսային դերասանուհի, կինոդերասանուհի և ձայնային դերասանուհի
Ամուսին	Ջերրի Օ'Քոննել
	Rebecca Romijn Վիքիպահեստում

Ռեբեկա Ռոմեյն (հոլ.՝ Rebecca Romijn, նոյեմբերի 6, 1972(1972-11-06)^[1], Բերկլի, Ալամեդա շրջան, Կալիֆոռնիա, ԱՄՆ), ամերիկացի դերասան և մոդել։ Որպես դերասան հայտնի է «Գրադարանավարները» հեռուստասերիալում կատարած գնդապետ Իվ Բերտի դերով։

Կենսագրություն[խմբագրել | խմբագրել կոդը]

Ռեբեկա Ռոմեյնը արմատներով նիդերլանդացի է։ Դերասանուհու հայրը՝ Յան Ռոմեյնը և մայրը՝ Էլիզաբեթ Կյոյզենգան նույնպես ունեն նիդերլանդական արմատներ։ Ռեբեկան ծնվել է Կալիֆոռնիա նահանգի Բերքլի քաղաքում։ Փոքր հասակում նա երջանիկ և ուրախ երեխա էր։ Դպրոցում նրան անվանում էին «ուրախ, հսկա շիկահեր»՝ այդ տարիքում Ռեբեկայի հասակը համարյա 180 սմ էր։

Կալիֆոռնիական համալսարանում Ռոմեյնը զբաղվում է վոկալով՝ այդտեղ էլ առաջին անգամ մոդելությամբ զբաղելու առաջարկ է ստացել։ Այդ աշխատանքի համար 2 տարուց ավել տեղափոխվել է Փարիզ։ Շատ նկարների մեջ առավել հայտնի են համարվում «Sports Illustrated» ամերիկյան ասագրի նկարները, ինչպես նաև Ռեբեկան եղել է «Victoria's Secret» նորաձևության տան դեմքը (և մարմինը)։ Նա նաև հայտնվել է ամենահայտնի նորաձևության ամսագրերի շապիկներին, ինչպիսիք են Vogue - ը, Harper's Bazaar - ը և Elle -ը։

Անձնական կյանք[խմբագրել | խմբագրել կոդը]

Ռոյեյնը 1997 թվականի Սուրբ Ծննդյան նախօրեին նշանվել է դերասան Ջոն Սթեյմոսի հետ։ Նրանք ամուսնացել են 1998 թվականի սեպտեմբերի 19 - ին (այդ շրջանում նա հանդես է եկել Ռեբեկա Ռոմեյն - Սթեյմոս անունով)^[2]։ 2005 թվականի մարտ ամսին նրանք բաժանվեցին։

2007 թվականի հուլիսին նա դարձել է ամերիկացի կատակերգ դերասան Ջերրի Օ'Քոննելի կինը։ 2008 թվականի հուլիսին նրանք հայտնեցին, որ երկորյակ են սպասում։ Դերասանուհին նաև հայտնել է, որ ինքը և ամուսինը չեն դիմել ԱՄԲ - ի օգնությանը։ Երեխաները լույս աշխարհ են եկել 2008 թվականի դեկտեմբերի 28 - ին։ Նրանցից մեկին կոչել են Դոլլի Ռեբեկա Ռոուզ, իսկ մյուսին՝ Չարլի Թամարա Թյյուրլիպ։

Ստեղծագործական աշխատանք[խմբագրել | խմբագրել կոդը]

1998 թվականին Ռեբեկա Ռոմեյնը MTV ալիքում վարել է «MTV’s House of Style» հաղորդումը։ Դեր է կատարել «Ընկերներ» հեռուստասերիալում։ «Կեղտոտ աշխատանք» ֆիլմում կատարել է Մորուքավոր Կնոջ դերը, որը կարիերայի հաար լավ սկիզբ չէր։ Նրա հաջորդ դերը եղել է «Օթին Պաուերս։ Լրտես, ով ինձ հրապուրեց» ֆիլմում, որտեղ նա խաղացել է ինքն իրեն։

2000 թվականին Ռեբեկան ունենում է հաջողություն՝ նա խաղաց կապույտ մուտանտ Միստիկի դերը Բրայն Սինգերի «Իքս մարդիկ» ֆիլմում։ Այդ դերում Ռոմեյնը ոտքից գլուխ պատված է կապույտ թեփուկներով, ցույց է տվել ահավանական ֆիզիկական ուժ և գրավչություն և անմիջապես Միստիկին դարձրել է չար կիսաաղջիկ - կիսասողուն, կոմիքս - էկրանավորումների ամենահայտնի հերոսներից մեկը։ Նա այդ դերը խաղացել է համարյա մերկ՝ նա հագած է եղել կապույտ ներկ և մի քանի պլաստիկ պահպանակ։ Ռեբեկան այդ դերը ևս երկու անգամ է խաղացել՝ «Իքս մարդիկ 2» չափազանց հաջող շարունակության մեջ և 2006 թվականի «Իքս մարդիկ։ Վերջին մարտը» վերջնական ֆիլմում։

Հաջորդ դերը ցույց տվեց, որ նա ոչ միայմ օժտված է ֆիզիկական տվյալներով, այլ նաև հիասքանչ դրամատիկական տաղանդով։ Ռեժիսոր Բրայան դե Պալման դերասանուհուն հրավիրեց իր «Ճակատագրական կին» ֆիլմում գլխավոր դերի համար։ Ռեբեկայի՝ Լորա Էշ և Լիլի երկակի դերը անհավանական շփոթեցնող է, էրոտիկ և դաժան դետեկտիվ կնոջ դերը նշվել է գրեթե բոլոր քննադատների կողմից։ Շնորհիվ նույն հատկանիշների ֆիլմը մեծ հաջողություն չունեցավ, սակայն լավ կարգավիճակ է ձեռք բերել ռեժիսորի երկրպագուների կողմից։

Ներկայումս դերասանուհին հեռուստատեսության համար նկարահանվում է «Pepper Dennis» սերիալում, որտեղ ցուցադրում իր երաժշտական, դերասանական և մոդելական տաղանդը։ Ինչպես նաև 2014 թվականից մինչ այժմ նկարահանվում է «Գրադարանավարները» սերիալում և կատարում է գնդապետ Իվ Բերտի դերը։

Ֆիլմագրություն[խմբագրել | խմբագրել կոդը]

Տարեթիվ	Անվանումը հայերեն	Անվանումը անգլերեն	Դեր
1997	Ընկերներ	Friends	Շեռլին
1998	Կեղտոտ աշխատանք	Dirty Work	Մորուքավոր Կին
1999		Hefner: Unauthorized	Կիմբերլի Հեֆներ
1999 - 2000		Just Shoot Me!	Ադրիանա Բեյկեր
2000	Ջեքը և Ջիլլը	Jack & Jill	Պերիս Էվերետտ
2000	Իքս մարդիկ	X-Men	Միստիկ
2002	Ռոլլերբոլ	Rollerball	Ավրորա
2002	Ճակատագրական կին	Femme Fatale	Լորա Էշ/ Լիլի
2002	Սիմոնա	S1m0ne	Ֆեյթ
2003	Իքս մարդիկ 2	X2	Միստիկ
2003	Tron 2.0	TRON 2.0	Մերկուրի
2004	Պատժիչ	The Punisher	Ջոան
2004	Ուրիշը	Godsend	Ջեսսի Դանկան
2004	Tron 2.0: Killer App	Tron 2.0: Killer App	Մերկուրի
2006	Ալիբի	The Alibi	Լոլա Դևիս
2006	Մարդը քաղաքի մասին	Man About Town	Նինա Ջիամորո
2006	Իքս մարդիկ։ Վերջին մարտը	X-Men: The Last Stand	Միստիկ
2006		Pepper Dennis	Փեփփեր Դեննիս
2007	Միասին նկարվածները	Drawn Together	Շառլոտտա
2007		Carpoolers	Ջենիֆֆեր
2008	Լեյք Սիթի	Lake City	Ջենիֆֆեր
2007 - 2008	Տգեղ աղջիկ	Ugly Betty	Ալեքսիս
2009 - 2010	Իստվիք	Eastwick	Ռոքսի
2010	Գող նկարիչը	The Con Artist	Բելինդա
2011	Հատուկ Գործակալ Օսո	Special Agent Oso	Միսս Գարսիա
2011	Քլիվլենդի շոու	The Cleveland Show	սպիկեր
2011	Իքս մարդիկ։ Առաջին դաս	X-Men: First Class	մեծահասակ Ռեյվեն Դարկհոլմ (Միստիկ)
2011		Possessing Piper Rose	Ջոանա Մաքսվել
2011	Չակ	Chuck	Ռոբին Կաննինգս
2011 - 2012		NTSF:SD:SUV	Ջեսսի Նիչոլս
2012	Լավ արարքներ	Good Deeds	Հեյդի
2013		Burning Love	Քեթի
2013	Քինգ և Մաքսվել	King & Maxwell	Միշել Մաքսվել
2014 - 2017	Գրադարանավարները	The Librarians	Իվ Բերտ

Ծանոթագրություններ[խմբագրել | խմբագրել կոդը]

Վիքիպահեստն ունի նյութեր, որոնք վերաբերում են «Ռեբեկա Ռոմեյն» հոդվածին։

[_9543c12620b0ae97-1] 1,0 ^1,1 GeneaStar

[2] ttp://people.com/archive/full-spouse-vol-52-no-12/

[1]

[2]