Ռաֆայել Ասլանյան
- Վիքիպեդիայում կան հոդվածներ Ասլանյան ազգանունով այլ մարդկանց մասին։
Ռաֆայել Ասլանյան | |
---|---|
![]() | |
Ծնվել է | հուլիսի 29, 1948 |
Ծննդավայր | Կիրովական, Հայկական ԽՍՀ, ԽՍՀՄ |
Վախճանվել է | մարտի 9, 2017 (68 տարեկան) |
Մահվան վայր | Տոմսկ, Ռուսաստան |
Քաղաքացիություն | ![]() ![]() |
Կրթություն | Վանաձորի նկարչական դպրոց և Երևանի պետական գեղարվեստա-թատերական ինստիտուտ (1976) |
Մասնագիտություն | նկարիչ |
Ժանր | դիմապատկեր և նատյուրմորտ |
Ուսուցիչ | Սարգիս Մուրադյան |
Ռաֆայել (Ռաֆիկ) Եգորի Ասլանյան (հուլիսի 29, 1948, Կիրովական, Հայկական ԽՍՀ, ԽՍՀՄ - մարտի 9, 2017, Տոմսկ, Ռուսաստան), հայ նկարիչ։ ՌԴ նկարիչների միության անդամ։ Տոմսկի պետական մանկավարժական համալսարանի գեղարվեստական կրթության ամբիոնի պրոֆեսոր։
Կենսագրություն[խմբագրել | խմբագրել կոդը]
Ռաֆայել Ասլանյանը ծնվել է ՀԽՍՀ Կիրովական (այժմ` Վանաձոր) քաղաքում` մտավորականի ընտանիքում։ Հայրը` Եգոր Ասլանյանը, անգլերեն է դասավանդել տեղական դպրոցում, մայրը եղել է տնային տնտեսուհի։ Նրանք ունեցել են չորս տղա, որոնցից երեքը (այդ թվում Ռաֆայելը) դարձել են նկարիչներ։
![]() |
Ես հինգ կամ վեց տարեկան էի, երբ գետի ափին տեսա փորձառու նկարիչների աշխատանքները։ Վառ գույներն ու արարման անկրկնելի գեղեցկությունն անմիջապես գրավեց իմ ուշադրությունը։ Այդ ժամանակ ես կարծեցի` իմ առջև ինչ-որ կախարդներ են իրենց գունապնակի հմայքը տարածում[1]... | ![]() |
Ռաֆայել Ասլանյանը միջնակարգ կրթությանը զուգահեռ սովորել է Կիրովականի նկարչական դպրոցում։ 1976 թվականին ավարտել է Երևանի գեղարվեստա-թատերական ինստիտուտը (Սարգիս Մուրադյանի արվեստանոց)։ Ավարտելուց հետո նկարչություն է դասավանդել Դիլիջանում։ 1976 թվականին մասնակցել է Երևանի նկարիչների և քանդակագործների մրցույթին և արժանացել առաջին մրցանակի։
1978-1984 թվականներին մասնակցել է հանրապետական գեղարվեստական ցուցահանդեսներին (Հայաստան), սոցիալիստական երկրների երիտասարդ նկարիչների միջազգային ցուցահանդեսներին (Հավանա, Կուբա), համամիութենական գեղարվեստական ցուցահանդեսներին (Մոսկվա, ԽՍՀՄ), 1987-1993 թվականներին ցուցահանդեսների է մասնակցել Ֆրանսիայում, Իտալիայում, Գերմանիայում, ԱՄՆ-ում։
1997-1998 թվականներին նկարներ է ստեղծել Թաթարստանի Նուրլատ քաղաքի Սուրբ Իլյայի եկեղեցում, ինչպես նաև վերականգնել է սրբապատկերներ։
Ռաֆայել Ասլանյանի արվեստը ձևավորվել է 19-20-րդ դարերի հայկական ազգային նկարչության, հին ռուսական կրոնական, ինչպես նաև արևմտյան մոտիվների ազդեցության ներքո։
1998 թվականից ապրել և ստեղծագործել է Տոմսկում։ Մշակույթի վարչության աջակցությամբ ստացել է արվեստանոց, 1998-2007 թվականներին դասավանդել է Տոմսկի Վ. Շիշկովի անվան մշակութային կրթական ուսումնարանում։ Տոմսկի պետական մանկավարժական համալսարանի կազմում «Մշակույթի և արվեստի ինստիտուտի» ստեղծման պահից դասավանդել է այնտեղ, 2006 թվականից եղել գեղարվեստաերաժշտական կրթության ամբիոնի պրոֆեսոր[2]։
1998-2013 թվականներին մասնակցել է տեղական և միջազգային ցուցահանդեսների, անհատական ցուցահանդեսներ է ունեցել Տոմսկում, Սևերսկում, Յուրգայում, Նովոսիբիրսկում, Կրասնոյարսկում և Մոսկվայում։ 2002 թվականին դարձել է Աֆղանստանում և տեղական ռազմաճակատներում զոհված զինվորների հուշարձանի նախագծի հաղթող[3]։
Ռաֆայել Ասլանյանի կտավները գտնվում են Ռուսաստանի և արտերկրի տարբեր թանգարաններում և մասնավոր հավաքածուներում։
Մահ[խմբագրել | խմբագրել կոդը]
2017 թվականի մարտին սրտի կաթվածի պատճառով[4] հոսպիտալացվել է։ Մահացել է 2017 թվականի մարտի 9-ին։
Երկեր[խմբագրել | խմբագրել կոդը]
- Рафаэль Асланян: Творчество (учебное наглядное пособие). - Томск: ИД «Смелая версия» и ООО Типография «Иван Фёдоров», 2012 . - 104 с., ил. - Электронный ресурс: smel.tomsk.ru.
- Асланян Р.Е. Живопись (учебное пособие). - Томск: Издательство ТГПУ, 2012. - 98 с. - ISBN 978-5-89428-608-2
- Асланян Р.Е. Особенности работы со студентами младших курсов педагогического вуза на занятиях по рисунку (научная статья) / Актуальные проблемы преподавания творческих дисциплин в контексте современного образования и культуры: Материалы III Всероссийской научно-практической заочной конференции (г. Томск, 14 ноября 2014 г.) / Под ред. Е.А. Каюмовой, И.В. Рудина. - Томск: Издательство ТГПУ, 2014. - 196 с.
- Веснина, Татьяна. Оправдание Малевича. О художнике Рафо Асланяне // Красное знамя, обл.газета. - Томск, 2014. - 3 февраля. - Электронный ресурс: krasnoeznamya.tomsk.ru
- Тайлашева, Елена. Высшая лига. Культура и искусство // Томские новости, газета. - Томск, 2011. - 27 мая. - Электронный ресурс: tomsk-novosti.ru (эссе о художниках и музыкантах, в том числе о Р.Е. Асланяне, фото).
- Шелест, Татьяна. Рафо. Палитра любви и страсти // Томская неделя, газета. - Томск, 2015. - 21 августа. - Электронный ресурс: tomskw.ru.
Ծանոթագրություններ[խմբագրել | խմբագրել կոդը]
- ↑ Виртуальная галерея ArtNow.ru, 2014: Художник Асланян Рафаэль Егорович.
- ↑ ТГПУ. Информация о профессоре Р.Е. Асланяне (2015—2017. Фото).
- ↑ Памятник (адрес: Томск, проспект Мира, 17-А) расположен на территории Парка Победы. Слоган памятника: Памяти павших во имя живых ради правды.
- ↑ In Memoriam: Ушёл из жизни художник Рафаэль Асланян (фото, Интернет-видео). 09.03.2017.
- Հուլիսի 29 ծնունդներ
- 1948 ծնունդներ
- Վանաձոր քաղաքում ծնվածներ
- Մարտի 9 մահեր
- 2017 մահեր
- Ռուսաստանում մահացածներ
- Երևանի պետական գեղարվեստաթատերական ինստիտուտի շրջանավարտներ
- Անձինք այբբենական կարգով
- Նկարիչներ այբբենական կարգով
- Հայ նկարիչներ
- Խորհրդային նկարիչներ
- Կաթվածից մահացածներ
- Ռուսաստանի նկարիչների միության անդամներ
- Սրտի կաթվածից մահացածներ