Ներսես Հովհաննիսյան

Ներսես Հովհաննիսյան
Ծնվել է	հոկտեմբերի 12, 1938
Ծննդավայր	Երևան, Հայկական ԽՍՀ, ԽՍՀՄ
Մահացել է	հոկտեմբերի 23, 2016 (78 տարեկան)
Մահվան վայր	Մոսկվա, Ռուսաստան
Կրթություն	Երևանի պետական գեղարվեստա-թատերական ինստիտուտ
Քաղաքացիություն	ԽՍՀՄ և Հայաստան
Ազգություն	հայ
Մասնագիտացում	ռեժիսոր; դերասան ; սցենարիստ
Պարգևներ
IMDb	ID ID 0644489

Ներսես Գեդեոնի Հովհաննիսյան (հոկտեմբերի 12, 1938(1938-10-12), Երևան, Հայկական ԽՍՀ, ԽՍՀՄ^[1] - հոկտեմբերի 23, 2016(2016-10-23)^[2], Մոսկվա, Ռուսաստան^[3]), հայ կինոռեժիսոր, սցենարիստ, դերասան, ՀԽՍՀ արվեստի վաստակավոր գործիչ (1987), հայկական «Հայակ» ազգային կինոյի մրցանակաբաշխության Հատուկ մրցանակի դափնեկիր (2013)։

Կենսագրություն[խմբագրել | խմբագրել կոդը]

Ավարտել է Երևանի № 58 ռուսական դպրոցը և մինչ ինստիտուտ ընդունվելն աշխատել է Գաբրիել Սունդուկյանի անվան ազգային ակադեմիական թատրոնում։ 1953 թվականին ավարտել է Երևանի գեղարվեստա-թատերական ինստիտուտի ռեժիսուրայի բաժինը։ 1959 թվականից աշխատել է Հայֆիլմ կինոստուդիայում նախ որպես ռեժիսորի ասիստենտ, ապա՝ որպես ռեժիսոր։ 1966-1967 թվականներին աշխատել է «Մոսֆիլմ» կինոստուդիայում. եղել է Յուլի Ռայզմանի` «Քո ժամանակակիցը» ֆիլմի ռեժիսորի օգնականը։ Որպես դերասան նկարահանվել է մի շարք ֆիլմերում, այդ թվում՝ Խոշոր շահում, Վերջին կիրակին, Մենավոր ընկուզենի և այլն։ Որպես ռեժիսոր ճանաչում է գտել հատկապես Հարսնացու հյուսիսից ֆիլմի նկարահանումից հետո։ 1983 թվականին «Երջանկության մեխանիկան» ֆիլմի համար արժանացել է ՀԽՍՀ Մինիստրների խորհրդի և Կոմերիտմիության մրցանակի։

«Մոսֆիլմ» կինոստուդիայում նկարահանել է խորհրդային կինոռեժիսորներին (Ռայզման, Կալատոզով, Պիրև) նվիրված վավերագրական ֆիլմերի շարք։ «Михаил Калатозов. Путь к себе» ֆիլմի համար Արվեստի մասին ֆիլմերի միջազգային փառատոնում արժանացել է Լումիեր եղբայրների անվան բրոնզե մեդալի։

Ներսես Հովհաննիսյանը «Բումերանգ» երգիծական կինոալմանախի գեղարվեստական ղեկավարն է ու գլխավոր խմբագիրը, հանդիսանում է կինոստուդիայի ղեկավարության ու Հայաստանի կինեմատոգրաֆների միության անդամ, Հայկական մանկավարժական ինստիտուտի պրոֆեսոր։

Վերջին տարիներին ապրել է Մոսկվայում^[4]։

Թաղված է Տրոյեկուրովյան գերեզմանատանը^[5]։

Ներսես Հովհաննիսյանի եղբայրը Հայկական ԽՍՀ արվեստների վաստակավոր գործիչ և կոմպոզիտոր Գագիկ Հովունցն է^[6]։

Ֆիլմագրություն[խմբագրել | խմբագրել կոդը]

Ռեժիսոր[խմբագրել | խմբագրել կոդը]

1968 – «Հանդիպում ցուցահանդեսում»
1969 – «Ուշադրություն, նկարահանում է Ռայզմանը», սցենարի հեղ., ռեժ., վավ.
1969 – «Ձախորդ Փանոսը»
1971 – «Ավետիք Իսահակյան», վավ.
1972 – «Հանդիպում պրոֆեսոր Բադալյանի հետ», վավ.
1973 – «Լուսաբացից մեկ ժամ առաջ», համառեժ. (Էրազմ Մելիք-Քարամյանի հետ)
1975 – «Հարսնացու հյուսիսից»
1977 – «Խոհարարները եկել են մրցույթի», սցենարի համահեղ., ռեժ.
1980 – «Թռիչքն սկսվում է երկրից», սցենարի համահեղ., ռեժ.
1982 – «Երջանկության մեխանիկան»
1985 – «Հրամանատարին հյուր», սցենարի համահեղ., համառեժ. (Ա. Խաչատրյանի հետ), վավ.
1986 – «Օտար խաղեր», սցենարի համահեղ., ռեժ.
1997 – «Երկարակեցություն» (վավ.)

Դերերը կինոյում[խմբագրել | խմբագրել կոդը]

1979 – «Ապրեցեք երկար» – Բենիկ
1980 – Խոշոր շահում – Շեկոյան
1981 – «Գործուղում առողջարան» – Արտուշ
1982 – «Սիրամարգի ճիչը»
1986 – «Վերջին կիրակին» – Մովսես
1987 – «Մենավոր ընկուզենի» – Հովսեփ
1990 – «Կարոտ» – Ենոք
2007 – «Անառակ որդու վերադարձը»

Սցենարիստ[խմբագրել | խմբագրել կոդը]

Տարեթիվ	Ֆիլմ
1997	Երկարակեցություն
1986	Օտար խաղեր
1985	Հրամանատարին հյուր
1980	Թռիչքն սկսվում է երկրից
1977	Խոհարարները եկել են մրցույթի

Հիշատակ[խմբագրել | խմբագրել կոդը]

2017 թվականին Երևանի Փավստոս Բուզանդի փողոցի 30 հասցեում բացվել է Ներսես Հովհաննիսյանի հուշատախտակը (ճարտարապետ՝ Տիգրան Բարսեղյան, քանդակագործ՝ Հայկ Պետրոսյան)^[7]։

Ծանոթագրություններ[խմբագրել | խմբագրել կոդը]

↑ ^1,0 ^1,1 ^1,2 Freebase տվյալների վերբեռնում — Google.
↑ ^2,0 ^2,1 ^2,2 https://historygreatest.com/nerses-hovhannisyan-armenian-film-director-actor-and-screenwriter-died-at-78
↑ «Մահացել է կինոռեժիսոր, սցենարիստ Ներսես Հովհաննիսյանը». 168 Ժամ. Վերցված է 2016 թ․ հոկտեմբերի 23-ին.
↑ «На 78-м году жизни скончался режиссер фильма «Невеста с Севера»» (ռուսերեն). PanARMENIAN.Net — новость. Վերցված է 2022 թ․ հուլիսի 27-ին.
↑ «Скончался режиссер «Невесты с севера» Нерсес Оганесян» (ռուսերեն). RusArmInfo — новость. Վերցված է 2022 թ․ հուլիսի 27-ին.
↑ «В Армении скончался композитор, заслуженный деятель искусств Гагик Овунц» (ռուսերեն). Армянский музей Москвы и культуры наций — новость. Վերցված է 2022 թ․ հուլիսի 27-ին.
↑ «Երեւանում բացվել է Ներսես Հովհաննիսյանի հուշատախտակը». mediamax.am (անգլերեն). Վերցված է 2018 թ․ հունվարի 14-ին.

Արտաքին հղումներ[խմբագրել | խմբագրել կոդը]

[_e861a8b6660d1193-1] 1,0 ^1,1 ^1,2 Freebase տվյալների վերբեռնում — Google.

[_3f550a7f9557783b-2] 2,0 ^2,1 ^2,2 https://historygreatest.com/nerses-hovhannisyan-armenian-film-director-actor-and-screenwriter-died-at-78

[3] «Մահացել է կինոռեժիսոր, սցենարիստ Ներսես Հովհաննիսյանը». 168 Ժամ. Վերցված է 2016 թ․ հոկտեմբերի 23-ին.

[4] «На 78-м году жизни скончался режиссер фильма «Невеста с Севера»» (ռուսերեն). PanARMENIAN.Net — новость. Վերցված է 2022 թ․ հուլիսի 27-ին.

[5] «Скончался режиссер «Невесты с севера» Нерсес Оганесян» (ռուսերեն). RusArmInfo — новость. Վերցված է 2022 թ․ հուլիսի 27-ին.

[6] «В Армении скончался композитор, заслуженный деятель искусств Гагик Овунц» (ռուսերեն). Армянский музей Москвы и культуры наций — новость. Վերցված է 2022 թ․ հուլիսի 27-ին.

[7] «Երեւանում բացվել է Ներսես Հովհաննիսյանի հուշատախտակը». mediamax.am (անգլերեն). Վերցված է 2018 թ․ հունվարի 14-ին.

[1]

[2]

[3]

[4]

[5]

[6]

[7]