Յուլի Ռայզման

Վիքիպեդիայից՝ ազատ հանրագիտարանից
Jump to navigation Jump to search
Յուլի Ռայզման
Ծնվել է դեկտեմբերի 15 (28), 1903
Ծննդավայր Մոսկվա, Ռուսական կայսրություն
Մահացել է դեկտեմբերի 11, 1994(1994-12-11)[1][2] (90 տարեկանում)
Մահվան վայր Մոսկվա, Ռուսաստան
Քաղաքացիություն Flag of the Soviet Union.svg ԽՍՀՄ
Flag of Russia.svg Ռուսական կայսրություն
Flag of Russia.svg Ռուսաստան
Կրթություն Faculty of Social Sciences of Moscow State University
Մասնագիտություն սցենարիստ և կինոռեժիսոր
Աշխատավայր Mezhrabpom-Rus, Q4126422?, Մոսֆիլմ, Ռիգայի կինոստուդիա և Մոսկվայի Գերասիմովի անվան կինեմատոգրաֆիայի ինստիտուտ
Պարգևներ և
մրցանակներ
Ստալինյան մրցանակ ԽՍՀՄ պետական մրցանակ Լենինի շքանշան Սոցիալիստական աշխատանքի հերոս Հոկտեմբերյան հեղափոխության շքանշան ԽՍՀՄ ժողովրդական արտիստ Աշխատանքային Կարմիր դրոշի շքանշան Ժողովուրդների բարեկամության շքանշան «Պատվո նշան» շքանշան «Աշխատանքի վետերան» մեդալ «Հայրենական մեծ պատերազմի ժամանակ Անձնվեր աշխատանքի համար» մեդալ Լենինի շքանշան «Մուրճ և մանգաղ» մեդալ Աշխատանքային Կարմիր դրոշի շքանշան Ստալինյան մրցանակ Ստալինյան մրցանակ Ստալինյան մրցանակ Ստալինյան մրցանակ Ստալինյան մրցանակ ՌՍՖՍՀ Վասիլև եղբայրների անվան պետական մրցանակ Q4313310? և ՌԽՖՍՀ արվեստի վաստակավոր գործիչ
Անդամություն ԽՍՀՄ կինեմատոգրաֆիստների միություն
Yuli Raizman Վիքիպահեստում

Ռայզման Յուլի Յակովլևիչ (ռուս.՝ Юлий Яковлевич Райзман, դեկտեմբերի 15 (28), 1903, Մոսկվա, Ռուսական կայսրություն - դեկտեմբերի 11, 1994(1994-12-11)[1][2], Մոսկվա, Ռուսաստան), խորհրդային կինոռեժիսոր։ ԽՍՀՄ (1964 թվական) և Լատվիայի ԽՍՀ (1949 թվական) ժողովրդական արտիստ։ Սոցիալիստական աշխատանքի հերոս (1973 թվական)։ Սովորել է Մոսկվայի համալսարանի գրական-գեղարվեստական ֆակուլտետում։ Եղել է Յա․ Ա․ Պրոտազանովի ասիստենտը։ Առաջին ռեժիսորական աշխատանքներից են՝ «Շրջան» (1927 թվական), «Տաժանակրություն» (1928 թվական)։ Ռայզմանի ստեղծագործության մեջ գլխավորը արդիական թեման է։ «Օդաչուներ» (1935 թվական) ֆիլմը նվիրված է նոր կյանք ստեղծողներին։ 1937 թվականին ստեղծել է խորհրդային պատմահեղափոխական լավագույն ֆիլմերից մեկը՝ «Վերջին գիշերը»։ Հերոսների անխզելի կապը ժամանակի մթնոլորտին վառ դրսևորվել է նաև «Մաշենկա» (1942 թվական) կինոնկարում։ Ռայզմանի լավագույն աշխատանքների թվում են «Բեռլին» (1945 թվական) վավերագրական, «Ռայնիս» (1949 թվական) կենսագրական և «Կյանքի դասը» (1955 թվական) ժապավենները։ Ռայզմանի նշանակալից աշխատանքը «Կոմունիստ» (1958 թվական) պատմահեղափոխական ֆիլմն է, որի հերոսը՝ հեղափոխության շարքային Վասիլի Գուբանովը, մտել է խորհրդային կինեմատոգրաֆիայի լեգենդար կերպարների շարքը։ «Իսկ եթե դա սե՞ր է» (1962 թվական), «Քո ժամանակակիցը» (1968 թվական), «Քաղաքավարության այց» (1973 թվական), «Անձնական կյանք» (1982 թվական) ֆիլմերում Ռայզմանը հետագոտել է ժամանակակից կյանքի խորհրդային և բարոյական օրինաչափությունները, հանդես եկել ակտիվ, քաղաքական արվեստի դիրքերից։ ԽՍՀՄ պետական մրցանակներ։ Պարգևատրվել է Լենինի և 3 այլ շքանշաններով։

Ծանոթագրություններ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png