Մևլութ Էրդինչ
Մևլութ Էրդինչ ֆր.՝ Mevlüt Erdinç | |||
---|---|---|---|
![]() | |||
Քաղաքացիությունը |
![]() | ||
Ծննդյան ամսաթիվ | փետրվարի 25, 1987[1][2] (37 տարեկան) | ||
Ծննդավայր | Սեն Կլոդ | ||
Հասակ | 181 սանտիմետր | ||
Քաշ | 85 կիլոգրամ | ||
Դիրք | հարձակվող | ||
| |||
| |||
| |||
| |||
|
Մևլութ Էրդինչ (թուրքերեն՝ և ֆր.՝ Mevlüt Erdinç; փետրվարի 25, 1987[1][2], Սեն Կլոդ), թուրք և ֆրանսիացի ֆուտբոլիստ, հարձակվող։ Հանդես է եկել Թուրքիայի ազգային հավաքականում։
Նախկինում Էրդինչը հանդես է եկել ֆրանսիական «Սոշո», «Պարի Սեն Ժերմեն», «Ռեն», «Սենթ Էտիեն», «Գենգան» և «Մեց» ակումբներում, ինչպես նաև գերմանական «Հանովեր 96»-ում։ Թուրքիայի հավաքականի հետ 2008 թվականին հասել Է Եվրոպայի առաջնության կիսաեզրափակիչ փուլ։
Ակումբային կարիերա
[խմբագրել | խմբագրել կոդը]Էրդինչը ծնվել է Ֆրանսիայի Սենտ Կլոդ քաղաքում (Ժուրայի դեպարտամենտ), թուրք ներգաղթյալների ընտանիքում, որոնք 1973 թվականին Ֆրանսիա են տեղափոխվել Թուրքիայի Յոզղաթ նահանգից[3]։ Էրդինչը Ֆուտբոլով սկսել է զբաղվել տեղի «Սենթ Կլոդ» ակումբում, 13 տարեկանում տեղափոխվել է «Սոշոյի» երիտասարդական թիմ[4]։ Անցնելով երիտասարդական և կրկնօրինակ կազմով՝ Էրդինչը «Սոշոյի» հիմնական կազմում նորամուտը նշել է 2005 թվականի նոյեմբերի 19-ին՝ «Այաչոյի» դեմ Ֆրանսիայի առաջնության խաղում։ Հանդիպման վերջնամասում փոխարինման դուրս գալով՝ նա աչքի է ընկել խփած գոլով, որը հաղթական էր[5]։ Դրանից հետո Էրդինչը դեռ երկար ժամանակ չէր կարողանում ամրապնդվել իր ակումբի հիմնական կազմում, հատկապես ծանր էր նրա համար այն ժամանակահատվածը, երբ ակումբը մարզում էին Ալեն Պերենն ու Ֆրեդերիկ Հանցը։ Նրա դիրքն ակումբում կտրուկ փոխվեց 2007 թվականի դեկտեմբերին, երբ «Սոշոյի» մարզիչ նշանակվեց Ֆրանսիս Ժիյոն, որն անմիջապես Էրդինչին դարձրեց հիմնական հարձակվող։ Մինչև մրցաշրջանի ավարտը թուրք հարձակվողը խփել է 11 գոլ։ Ժիյոյի խոսքով՝ ակումբը պահպանել է տեղը Լիգա 1-ում 2007/2008 մրցաշրջանի արդյունքներով՝ հիմնականում Էրդինչի շնորհիվ[6]։ Հաջորդ մրցաշրջանում Էրդինչը կրկին 11 գոլ է խփել Ֆրանսիայի առաջնությունում։
2009 թվականի հունիսի 30-ին Էրդինչը տեղափոխվել է մայրաքաղաքային «Պարի Սեն Ժերմեն», որի հետ կնքել է 4 տարվա պայմանագիր։ Փարիզյան ակումբը վաղուց հետաքրքրություն էր ցուցաբերում ֆուտբոլիստի նկատմամբ, սակայն երկար ժամանակ չէր կարողանում բավարարել «Սոշոյի» ֆինանսական պահանջները, մինչև վերջապես կողմերը համաձայնության եկան 9 միլիոն եվրոյի հարցում[7]։ Ֆուտբոլիստի ծառայություններով հետաքրքրված էին նաև ֆրանսիական «Բորդոն» և «Լիոնը», անգլիական «Ֆուլհեմը», «Աստոն Վիլլան» և «Ուիգան Ատլետիկը»[8]։ ՊՍԺ-ում Էրդինչը դարձավ հիմնական հարձակվողը և առաջին մրցաշրջանում 15 գոլով դարձավ թիմի լավագույն ռմբարկուն Ֆրանսիայի առաջնությունում, իսկ ֆրանսիական լիգայի բոլոր խաղացողների մեջ գրավեց երրորդ տեղը։ Նա նաև օգնեց թիմին նվաճել ազգային գավաթը։ Հաջորդ մրցաշրջանն այնքան էլ հաջող դուրս չեկավ արդյունավետության առումով՝ Էրդինչը Ֆրանսիայի առաջնությունում խփեց ընդամենը 8 գոլ։ Երբ 2011 թվականի մայիսին «Պարի Սեն Ժերմեն» ակումբը ձեռք բերվեց Կատարի ներդրումային խմբի կողմից, որը պատրաստ էր մեծ գումարներ ծախսել նոր ֆուտբոլիստներ ձեռք բերելու համար, Էրդինչի ապագան ակումբում վտանգված էր։ Մի քանի ակումբներ տրանսֆերի առաջարկով դիմել էին «Պարի Սեն Ժերմենին», սակայն օգոստոսի վերջին ակումբի ղեկավարությունը մերժել էր՝ ցանկանալով պահպանել թուրք հարձակվողին[9]։
Սակայն հաջորդ կես տարում իր տեղը փարիզյան ակումբի հիմնական կազմում Էրդինչն այդպես էլ չվերադարձավ՝ պարտվելով Կևին Գամեյրոյին։ 2012 թվականի ձմեռային տրանսֆերային պատուհանի ժամանակ թուրք հարձակվողը տեղափոխվեց «Ռեն», որը նրա համար վճարեց 8 միլիոն եվրո[10]։ Ֆուտբոլիստի համար պայքարում էր նաեւ անգլիական «Նյուքասլ Յունայթեդը», որն առաջարկում էր 7 միլիոն ֆունտ ստերլինգ[11]։ «Ռենի» հետ պայմանագիրը կնքվել է 3.5 տարով[12]։ Սակայն Էրդինչն այդ ակումբում խաղացել է ընդամենը մեկուկես։ 2012/2013 մրցաշրջանում նա Ֆրանսիայի առաջնությունում խփել է 10 գոլ, սակայն աչքի է ընկել երկարատև առանց գոլերի։ Ընդհանուր առմամբ, «Ռենի» կազմում նա մասնակցել է 55 հանդիպման, որոնցում դարձել է 18 գոլի հեղինակ[13]։
2013 թվականի սեպտեմբերի 1-ին Էրդինչը տեղափոխվեց «Սենտ Էտիեն», որը նրա համար վճարեց 4 միլիոն եվրո[14]։ Նոր ակումբի կազմում նորամուտի մրցաշրջանում Էրդինչը Ֆրանսիայի առաջնությունում խփել է 11 գոլ՝ դառնալով «Սենտ Էտիենի» լավագույն ռմբարկուն։ Երկրորդ մրցաշրջանում նրա արդյունավետությունը նվազել է՝ 8 գոլ։ 2015 թվականի հուլիսի 17-ին Էրդինչը հեռացավ Ֆրանսիայից և տեղափոխվեց գերմանական «Հանովեր 96» ակումբ, որի հետ պայմանագիր կնքեց մինչև 2018 թվականը։ Տրանսֆերի արժեքը կազմել է 3,5 միլիոն եվրո[15]։ 2015/2016 մրցաշրջանի առաջին կեսում Էրդինչը «Հանովեր 96»-ի կազմում մասնակցել է 11 հանդիպման և ոչ մի գոլ չի խփել։ 2016 թվականի հունվարի 7-ին այն մինչև մրցաշրջանի ավարտը վարձակալության է տրվել ֆրանսիական «Գենգան» կումբին[16]։
2016 թվականի հունիսին Էրդինչը մեկ տարով վարձավճարով տեղափոխվել է ֆրանսիական «Մեց»։ «Մեցի» և «Հանովերի» միջև կնքված պայմանագիրը նախատեսում էր ֆուտբոլիստի պայմանագիրը գնելու հնարավորություն[17]։ Էրդինչը լավ սկսեց մրցաշրջանը «Մեցում»՝ Ֆրանսիայի առաջնության առաջին յոթ տուրերում դառնալով 6 գոլի հեղինակ, սակայն մինչև մրցաշրջանի ավարտը չկարողացավ ավելի շատ գոլ խփել և արդյունքում կորցրեց տեղը հիմնական կազմում։
2017 թվականի հուլիսի 14-ին Էրդինչը ներկայացվել է որպես թուրքական «Իստանբուլ Բաշաքշեհիր» ակումբի խաղացող, որի հետ կնքել է երեք տարվա պայմանագիր[18]։
Ելույթներ ազգային հավաքականում
[խմբագրել | խմբագրել կոդը]Ֆրանսիայում ծնված, բայց թուրքական արմատներ ունեցող Մևլութ Էրդինչը կարող էր ընտրել, թե որ երկիրն է ներկայացնելու միջազգային մակարդակով։ 2004 թվականին նա ներկայացրել է Ֆրանսիան մինչև 17 տարիքային խմբում, 2005 թվականին որոշել է հանդես գալ Թուրքիայի հավաքականում։ 2006 թվականի Եվրոպայի առաջնությունում հանդես է եկել Թուրքիայի մինչև 19 տարեկանների թիմում, 2007 թվականին երիտասարդական հավաքականի կազմում մասնակցել է 5 հանդիպման։
Թուրքիայի ազգային հավաքականում Էրդինչն իր նորամուտը նշել է 2008 թվականի մարտի 26-ին Բելառուսի հավաքականի հետ ընկերական խաղում։ Նույն թվականի մայիսին մարզիչ Ֆաթիհ Թերիմը նրան ընդգրկեց հավաքականի հայտացուցակում 2008 թվականի Եվրոպայի առաջնության համար[19]։ Էրդինչը մեկնարկային կազմում էր հանդես եկել մրցաշարում իր թիմի առաջին խաղում, սակայն փոխարինվել է ընդմիջմանը։ Հաջորդ անգամ նա խաղադաշտ դուրս եկավ միայն Գերմանիայի հավաքականի հետ կիսաեզրափակիչում, որտեղ փոխարինման դուրս եկավ խաղի վերջնամասում։
2016 թվականի մայիսին Թերիմը Էրդինչին հրավիրել էր Եվրոպայի առաջնությունից առաջ Անգլիայի և Չեռնոգորիայի հավաքականների հետ ընկերական խաղերին, սակայն մրցաշրջանն ընդգրկված չէր հավաքականի վերջնական հայտացուցակում[20]։
Ձեռքբերումներ
[խմբագրել | խմբագրել կոդը]- Ֆրանսիայի գավաթակիր (2)՝ 2007, 2010
- Ֆրանսիայի լիգայի գավաթի եզրափակչի մասնակից՝ 2012/13
- Եվրոպայի առաջնության կիսաեզրափակչի մասնակից 2008
Վիճակագրություն
[խմբագրել | խմբագրել կոդը]Ակումբ | Մրցաշրջան | Ազգային առաջնություն | Ազգային գավաթներ | Եվրագավաթներ | Ընդամենը | |||||
---|---|---|---|---|---|---|---|---|---|---|
Լիգա | Խաղեր | Գոլեր | Խաղեր | Գոլեր | Խաղեր | Գոլեր | Խաղեր | Գոլեր | ||
![]() |
2005/2006 | Լիգա 1 | 10 | 2 | 3 | 0 | 0 | 0 | 13 | 2 |
2006/2007 | Լիգա 1 | 4 | 0 | 1 | 0 | 0 | 0 | 5 | 0 | |
2007/2008 | Լիգա 1 | 29 | 11 | 3 | 0 | 0 | 0 | 32 | 11 | |
2008/2009 | Լիգա 1 | 36 | 11 | 2 | 1 | 0 | 0 | 38 | 11 | |
Ընդհանուր «Սոշո»-ի ընթացքում | 79 | 24 | 9 | 1 | 0 | 0 | 88 | 25 | ||
![]() |
2009/2010 | Լիգա 1 | 31 | 15 | 6 | 4 | 0 | 0 | 37 | 19 |
2010/2011 | Լիգա 1 | 34 | 8 | 10 | 0 | 10 | 1 | 54 | 9 | |
2011/2012 | Լիգա 1 | 11 | 1 | 2 | 1 | 6 | 0 | 18 | 2 | |
Ընդհանուր «Պարի Սեն-Ժերմեն»-ի ընթացքում | 76 | 24 | 18 | 5 | 16 | 1 | 110 | 30 | ||
![]() |
2011/2012 | Լիգա 1 | 12 | 4 | 2 | 1 | 0 | 0 | 14 | 5 |
2012/2013 | Լիգա 1 | 32 | 10 | 5 | 3 | 0 | 0 | 37 | 13 | |
2013/2014 | Լիգա 1 | 4 | 1 | 0 | 0 | 0 | 0 | 4 | 1 | |
Ընդհանուր «Ռեն»-ի ընթացքում | 48 | 15 | 7 | 4 | 0 | 0 | 55 | 19 | ||
![]() |
2013/2014 | Լիգա 1 | 27 | 11 | 2 | 1 | 0 | 0 | 29 | 12 |
2014/2015 | Լիգա 1 | 26 | 8 | 6 | 1 | 4 | 0 | 36 | 9 | |
Ընդհանուր «Սենտ Էտիեն»-ի ընթացքում | 53 | 19 | 8 | 2 | 4 | 0 | 65 | 21 | ||
![]() |
2015/2016 | Բունդեսլիգա | 11 | 0 | 2 | 0 | 0 | 0 | 13 | 0 |
![]() |
2015/2016 | Լիգա 1 | 15 | 4 | 1 | 0 | 0 | 0 | 16 | 4 |
![]() |
2016/2017 | Լիգա 1 | 8 | 6 | 0 | 0 | 0 | 0 | 8 | 6 |
Ընդհանուր կարիերայի ընթացքում | 290 | 92 | 45 | 12 | 20 | 1 | 355 | 105 |
Ծանոթագրություններ
[խմբագրել | խմբագրել կոդը]- ↑ 1,0 1,1 FBref.com(բազմ․)
- ↑ 2,0 2,1 Արգենտինական ֆուտբոլի տվյալների շտեմարան (իսպ.)
- ↑ Çıtak, İsmail (2013 թ․ հունիսի 24). «Ve Mevlüt Erdinç konuştu» (թուրքերեն). Radikal. Արխիվացված օրիգինալից 2020 թ․ հունիսի 29-ին. Վերցված է 2015 թ․ նոյեմբերի 4-ին.
- ↑ «ASSE: «Mevlut (Erding) n'oublie pas d'où il vient»» (ֆրանսերեն). Le Progrès. 2014 թ․ ապրիլի 23. Արխիվացված օրիգինալից 2016 թ․ մարտի 5-ին. Վերցված է 2015 թ․ նոյեմբերի 4-ին.
- ↑ «AC Ajaccio - FC Sochaux-Montbéliard, Nov 19, 2005 - Ligue 1 - Match report» (անգլերեն). Transfermarkt. 2005 թ․ նոյեմբերի 19. Արխիվացված օրիգինալից 2016 թ․ մարտի 4-ին. Վերցված է 2015 թ․ նոյեմբերի 4-ին.
- ↑ «Turquie: la belle trajectoire de Mevlüt Erding» (թուրքերեն). FIFA.com. 2008 թ․ հունիսի 6. Արխիվացված է օրիգինալից 2015 թ․ նոյեմբերի 5-ին. Վերցված է 2015 թ․ նոյեմբերի 4-ին.
- ↑ Bairner, Robin. (2009 թ․ հունիսի 30). «Les Parisiens have confirmed the signing of the Turkish international forward after a period of drawn on negotiations» (անգլերեն). Goal.com. Արխիվացված օրիգինալից 2015 թ․ սեպտեմբերի 24-ին. Վերցված է 2015 թ․ նոյեմբերի 4-ին.
- ↑ «PSG agree deal for Erdinc» (անգլերեն). Sky Sports. 2009 թ․ հունիսի 28. Արխիվացված օրիգինալից 2015 թ․ սեպտեմբերի 24-ին. Վերցված է 2015 թ․ նոյեմբերի 4-ին.
- ↑ «PSG keeping Erdinc» (անգլերեն). ESPN. 2011 թ․ օգոստոսի 29. Արխիվացված օրիգինալից 2016 թ․ մարտի 15-ին. Վերցված է 2015 թ․ նոյեմբերի 4-ին.
- ↑ Mira, Luis. (2012 թ․ հունվարի 24). «Rennes reach agreement with Paris Saint-Germain over Mevlut Erding» (անգլերեն). Goal.com. Արխիվացված օրիգինալից 2015 թ․ սեպտեմբերի 24-ին. Վերցված է 2015 թ․ նոյեմբերի 4-ին.
- ↑ Hardy, Martin. (2012 թ․ հունվարի 11). «Newcastle in for £7m Erding» (անգլերեն). Independent. Արխիվացված օրիգինալից 2016 թ․ մարտի 5-ին. Վերցված է 2015 թ․ նոյեմբերի 4-ին.
- ↑ «Erding makes Rennes switch» (անգլերեն). Ligue1.com. 2012 թ․ հունվարի 25. Արխիվացված օրիգինալից 2016 թ․ մարտի 5-ին. Վերցված է 2015 թ․ նոյեմբերի 4-ին.
- ↑ «Erding va signer à Saint-Étienne» (ֆրանսերեն). Stade Rennais Online. 2013 թ․ սեպտեմբերի 1. Արխիվացված օրիգինալից 2015 թ․ օգոստոսի 28-ին. Վերցված է 2015 թ․ նոյեմբերի 4-ին.
- ↑ «Soccer-Erding to sign for St Etienne, Guilavogui to leave» (անգլերեն). Reuters. 2013 թ․ սեպտեմբերի 1. Արխիվացված է օրիգինալից 2014 թ․ նոյեմբերի 7-ին. Վերցված է 2015 թ․ նոյեմբերի 4-ին.
- ↑ Comte, Etienne. (2015 թ․ հուլիսի 17). «Officiel: Erding quitte l'ASSE» (ֆրանսերեն). FootMercato. Արխիվացված օրիգինալից 2015 թ․ սեպտեմբերի 24-ին. Վերցված է 2015 թ․ նոյեմբերի 4-ին.
- ↑ «Mevlüt Erdinç'in yeni adresi Guingamp!» (թուրքերեն). Goal.com. 2016 թ․ հունվարի 7. Արխիվացված օրիգինալից 2016 թ․ հունվարի 10-ին. Վերցված է 2016 թ․ հունվարի 19-ին.
- ↑ Jeangeorge, Thomas. (2016 թ․ հունիսի 28). «Ligue 1: Mevlüt Erding, le gros coup du mercato estival du FC Metz» (ֆրանսերեն). France Bleu Lorraine Nord. Արխիվացված օրիգինալից 2016 թ․ օգոստոսի 11-ին. Վերցված է 2016 թ․ հուլիսի 13-ին.
- ↑ «Başakşehir Mevlüt Erdinç transferini resmen açıkladı» (թուրքերեն). Goal.com. 2017 թ․ հուլիսի 13. Արխիվացված օրիգինալից 2017 թ․ հուլիսի 24-ին. Վերցված է 2017 թ․ հուլիսի 26-ին.
- ↑ «Turkey squad for Euro 2008» (անգլերեն). The Guardian. 2008 թ․ մայիսի 28. Արխիվացված օրիգինալից 2015 թ․ սեպտեմբերի 16-ին. Վերցված է 2015 թ․ նոյեմբերի 4-ին.
- ↑ «Fatih Terim Milli Takım EURO 2016 kadrosunu açıkladı! İşte olmayan 8 isim» (թուրքերեն). Hürriyet. 2016 թ․ մայիսի 31. Արխիվացված օրիգինալից 2016 թ․ հունիսի 1-ին. Վերցված է 2016 թ․ մայիսի 31-ին.
- Փետրվարի 25 ծնունդներ
- 1987 ծնունդներ
- Ապրող անձինք
- Անձինք այբբենական կարգով
- Ֆուտբոլիստներ այբբենական կարգով
- 1983 ծնունդներ
- Անթալյասպորի ֆուտբոլիստներ
- Բունդեսլիգայի ֆուտբոլիստներ
- Գենգանի ֆուտբոլիստներ
- Թուրք ֆուտբոլիստներ
- Թուրքական Սուպերլիգայի ֆուտբոլիստներ
- Թուրքեր
- Թուրքիայի երիտասարդական միջազգային կարգի ֆուտբոլիստներ
- Թուրքիայի հավաքականի ֆուտբոլիստներ
- Թուրքիայի մինչև 21 տարեկանների հավաքականի միջազգային ֆուտբոլիստներ
- Իստանբուլ Բաշակշեհիրի ֆուտբոլիստներ
- Մեցի ֆուտբոլիստներ
- Պարի Սեն Ժերմենի ֆուտբոլիստներ
- Ռենի ֆուտբոլիստներ
- Սենտ Էտիենի ֆուտբոլիստներ
- Սոշոյի ֆուտբոլիստներ
- Տղամարդկանց ֆուտբոլի հարձակվողներ
- Ֆեներբահչեի ֆուտբոլիստներ
- Ֆրանսիացի ֆուտբոլիստներ