Մովսես Պչաքճյան

Մովսես Պչաքճյան; արմտ. հայ.՝ Մովսէս Պչաքճեան
Ծնվել է	հուլիսի 11, 1940
Ծննդավայր	Հալեպ, Սիրիա
Վախճանվել է	հոկտեմբերի 17, 2016 (76 տարեկան)
Վախճանի վայր	Փարիզի 12-րդ շրջան, Փարիզ, Ֆրանսիա
Մասնագիտություն	գրող և արձակագիր
Քաղաքացիություն	Ֆրանսիա
Կրթություն	Կրթասիրաց վարժարան, Կարեն Եփփե ազգային ճեմարան և Դամասկոսի համալսարան
Անդամակցություն	ՀԳՄ
Աշխատավայր	Դամասկոսի համալսարան, Այգ, Բագին և Սուրբ Հովհաննես Մկրտիչ եկեղեցի (Փարիզ)
Պարգևներ

Մովսես Պչաքճյան (հուլիսի 11, 1940(1940-07-11)^[1], Հալեպ, Սիրիա - հոկտեմբերի 17, 2016(2016-10-17), Փարիզի 12-րդ շրջան, Փարիզ, Ֆրանսիա^[1]^[2]), սփյուռքահայ գրող, արձակագիր։ Հայաստանի գրողների միության անդամ։

Կենսագրություն

Նախնական կրթությունը ստացել է Կրթասիրաց վարժարանում։ Ապա հաճախել է «Կարեն Եփփե» ազգային ճեմարան, որի արաբական բակալավրիատի դասընթացը հաջողությամբ ավարտելուց հետո ստացել է մասնագիտական կրթություն Դամասկոսի համալսարանում։ Ուսումնասիրել է անգլերենի և անգլիական գրականության ճյուղերը։

Ուսանողական տարիներին էլ կատարել է գրական առաջին փորձերը՝ տպագրվելով ճեմարանի «Պարման» և «Ծիլեր» պարբերաթերթերում։ Յոթ տարի հայոց լեզու և անգլերեն է դասավանդել նույն հաստատությունում։

1970 թվականին տեղափոխվել է Բեյրութ, որտեղ աշխատել է իբրև ճամփորդական գրասենյակի տնօրեն։ Այնուհետև աշխատել է Հալեպի «Արևելք» և Բեյրութի «Այգ» օրաթերթերում, ավելի ուշ` 1970-ական թվականներին՝ «Բագին» գրական ամսագրում։

1972 թվականին թարգմանաբար հրատարակել է Էրիկ Սիգալի «Սիրո պատմություն» վիպակը, 1973 թվականին՝ «Անկարելի կարելին» թատերակը, իսկ 1975 թվականին «Բարև՛, Հայաստան» հատորը^[3]։

1976 թվականից բնակություն էր հաստատել Ֆրանսիայում (Փարիզ)։

Պաշտոնավարել է Փարիզի Սուրբ Հովհաննես եկեղեցում` որպես դիվանապետ։

Վերջին տարիներին աշխատում էր նոր գործերի` պատմվածքների, վեպի, թատերակների վրա։ Նրա գրքերից մի քանիսը հրատարակվել են Հայաստանում։

Կյանքի վերջին օրերին առողջական խնդիրներ է ունեցել և տեղափոխվել է հիվանդանոց։ Մահացել է Լիոնում` 2016 թվականի հոկտեմբերի 17-ին։

Մրցանակներ, պարգևներ

1981 թվականին Պչաքճյանի «L’Imprevu» («Անկանխատեսելին») պատմվածքը ճանաչվել է Համազգային մշակութային միության «Բագին» գրական հանդեսի տարվա լավագոյն արձակ ստեղծագործություն։

1990 թվականին նրա «Ծիծեռնակները պիտի չսարսափին խրտուիլակներէն» վեպին շնորհվել է Թեքեյան մշակութային միության «Հայկաշեն Ուզունյան» գրական մրցանակ^[4]։

2009 թվականին Պչաքճյանը պարգևատրվել է Մովսես Խորենացու մեդալով, իսկ 2010-ին` Հայաստանի գրողների միության կողմից՝ «Գրական վաստակի համար» մեդալով^[5]։

Աշխատություններ

«Անցողիկը Ու Անժամանցելին»
«Մինչեւ Վերջինը Արեւներուն»
«Աշխարհահայեաց Պատուհան»
«Լուսաւոր Աչքերով Օտարականը»
«Վարագոյրը Իջնելէ Առաջ»
«Խմելով Քաղաքը»
«Անկատար Վերծանումներ»
«Լուացք Փռուած Տանիքի Վրայ»
«Անկարելի Կարելին»^[5]

Ծանոթագրություններ

↑ ^1,0 ^1,1 ^1,2 ^1,3 ^1,4 Fichier des personnes décédées
↑ «Կյանքից հեռացել է ֆրանսահայ գրող Մովսես Պչաքճեանը». Վերցված է 2016 Հոկտեմբեր 19-ին.
↑ Մինաս Թէօլէօլեան, Դար մը գրականութիւն, հ. Բ (Բ հրատարակութիւն), Հալէպ, 1982, էջ 539-540 — 664 էջ։
↑ «Մովսէս Պչաքճեան». Վերցված է 2016 Հոկտեմբեր 19-ին.
↑ ^5,0 ^5,1 «Ոչ Եւս Է Գրագէտ Մովսէս Պչաքճեան». Վերցված է 2016 Հոկտեմբեր 19-ին.(չաշխատող հղում)

Արտաքին հղումներ

ԾԱՆՕԹԱՆԱՆՔ «ԼՈՒՍԱՒՈՐ ԱՉՔԵՐՈՎ ՕՏԱՐԱԿԱՆ»ԻՆ Արխիվացված 2019-04-07 Wayback Machine։

[_b09662e188f5fd03-1] 1,0 ^1,1 ^1,2 ^1,3 ^1,4 Fichier des personnes décédées

[2] «Կյանքից հեռացել է ֆրանսահայ գրող Մովսես Պչաքճեանը». Վերցված է 2016 Հոկտեմբեր 19-ին.

[3] Մինաս Թէօլէօլեան, Դար մը գրականութիւն, հ. Բ (Բ հրատարակութիւն), Հալէպ, 1982, էջ 539-540 — 664 էջ։

[4] «Մովսէս Պչաքճեան». Վերցված է 2016 Հոկտեմբեր 19-ին.

[Աս-5] 5,0 ^5,1 «Ոչ Եւս Է Գրագէտ Մովսէս Պչաքճեան». Վերցված է 2016 Հոկտեմբեր 19-ին.(չաշխատող հղում)

[1]

[2]

[3]

[4]

[5]