Կարեն Եփփե ազգային ճեմարան
Կարեն Եփփե ազգային ճեմարան | |
---|---|
Տեսակ | քոլեջ |
Հիմնադրված է | 1947 |
Անվանված է | Կարեն Եպպե |
Աշակերտներ | 1000 |
Դասարաններ | 6 (1953 թվականի տվյալով) |
Երկիր | Սիրիա |
Տեղագրություն | Հալեպ |
Կարեն Եփփե ազգային ճեմարան, երկսեռ կրթական հաստատություն։ Հիմնվել է 1947 թվականին, Հալեպում՝ Բերիո թեմի առաջնորդ Զարեհ եպիսկոպոս Փայասլյանի (1956-1963 թվականներին՝ Մեծի Տանն Կիլիկիո կաթողիկոս) նախաձեռնությամբ։ Կոչվում է դանիացի հայասեր բարերարուհի Կարեն Եպպեի անունով։ Սկզբնապես ունեցել է մեկ դասարան, 1953 թվականին՝ 6։ Ուսուցումը տարվել է ֆրանսիական լիցեյի ծրագրով։ Ավարտողներին շնորհվել է բակալավրի աստիճան, որն իրավունք է տալիս ընդունվելու բարձրագույն ուսումնական հաստատություն։ Կարևոր տեղ է հատկացվում հայագիտական առարկաների ուսուցմանը։ 1958 թվականին հաստատությունը վերակառուցվել է ըստ Սիրիայի հանրակրթական միջնակարգ դպրոցի ծրագրի։ Դասավանդվում են հայոց լեզու և գրականություն, կրոն, արաբերեն, օտար լեզուներ, թվաբանություն, բնագիտություն, մաթեմատիկա, ֆիզիկա, քիմիա, պատմություն, աշխարհագրություն, իրավագիտություն, փիլիսոփայություն։ Ունի «Սիմոն Վրացյան» գրադարան։ Ընդունվում են նախակրթարան ավարտածները։ Աշակերտների թիվը՝ 1000 (2000 թվականի տվյալով)։ 1961 թվականից պարբերաբար հրատարակում է «Ծիլեր» աշակերտական թերթը։ 1947 թվականից գործում է վարժարանի Շրջանավարտից միությունը (ունի մասնաճյուղ Լոս Անջելեսում), որը 1999 թվականից հրատարակում է «Շավիղ» պարբերաթերթը։
2014 թվականին Կարեն Եփփե ազգային ճեմարանը հրթիռակոծվել է[1]