Մակեդոնիայի հրեաների Հոլոքոստի հիշատակի կենտրոն
Մակեդոնիայի հրեաների Հոլոքոստի հիշատակի կենտրոն | |
|---|---|
 | |
| Տեսակ | թանգարան |
| Երկիր |  Հյուսիսային Մակեդոնիա |
| Տեղագրություն | Սկոպիե |
| Հիմնադրվել է | մարտի 10, 2011 |
 | |
 | |
Մակեդոնիայի հրեաների Հոլոքոստի հիշատակի կենտրոն (մակեդոներեն՝ Меморијален центар на холокаустот на Евреите од Македонија), հուշահամալիր-թանգարան Հյուսիսային Մակեդոնիայի մայրաքաղաք Սկոպիեում։ Նվիրված է 7148 հրեաների Հոլոքոստին[1] և հրեաների պատմությանը Բալկաններում, ովքեր ապրել են ներկայիս Հյուսիսային Մակեդոնիայի տարածքում։
Պատմություն
[խմբագրել | խմբագրել կոդը]Թանգարանի շինարարությունը սկսվել է 2005 թվականին։ Հուշահամալիր կենտրոնը բացվել է 2011 թվականի մարտի 10-ին՝ 68 տարի անց այն բանից հետո, երբ գերմանական զորքերը մակեդոնացի հրեաներին արտաքսել են Տրեբլինկայի մահվան ճամբար[2]։ Բացման պահին այն այդ տեսակի միայն չորրորդ կենտրոնն է եղել Վաշինգտոնի, Երուսաղեմի և Բեռլինի համանման օբյեկտներից հետո[3]։ Բացմանը ներկա են գտնվել Հյուսիսային Մակեդոնիայի, Իսրայելի և այլ երկրների բարձրաստիճան պաշտոնյաներ, այդ թվում՝ Մակեդոնիայի վարչապետ Նիկոլա Գրուևսկին, նախագահ Գեորգե Իվանովը, Իսրայելի փոխվարչապետ Մոշե Յաալոնը, Չեռնոգորիայի և Ալբանիայի նախագահներ Ֆիլիպ Վույանովիչը և Բամիր Տոպին, Քնեսեթի անդամներ, կրոնական առաջնորդներ և դիվանագետներ[1]։
Ըստ հյուսիսմակեդոնական լրատվամիջոցների՝ թանգարանի կառուցման վրա ծախսվել է 23 միլիոն ԱՄՆ դոլար[4]։
Հիշատակի թանգարանը գտնվում է Սկոպիեի նախկին հրեական թաղամասում, որը հրեա բնակչության առօրյա կենսական կենտրոնն է եղել մինչև հրեաների տեղահանությունը։ Թանգարանը գտնվում է Մակեդոնիայի համար պայքարի թանգարանի հետևում՝ Վարդար գետի ափին[2]։
Գործունեության առաջին երեք օրերի ընթացքում Կենտրոն է այցելել ավելի քան 3000 մարդ[5]։
Թանգարանի ցուցանմուշներուընդգրկված են բեռնատար վագոններից մեկը, որով նացիստները արտաքսել են մակեդոնացի հրեաներին[5] և 500-ամյա Թորայի մագաղաթը[6]։
Ծանոթագրություններ
[խմբագրել | խմբագրել կոդը]- ↑ 1,0 1,1 Memorial Center of the Holocaust of Jews from Macedonia opensԱրխիվացված 2012-04-05 Wayback Machine
- ↑ 2,0 2,1 «Holocaust Memorial Center for the Jews of Macedonia». visitskopje.mk. Վերցված է 2022 թ․ մայիսի 13-ին.
- ↑ «Macedonian Holocaust Memorial museum inaugurated». bbc.com. Արխիվացված օրիգինալից 2022 թ․ ապրիլի 3-ին. Վերցված է 2022 թ․ մայիսի 13-ին.
- ↑ Cnaan Liphshiz. «Multimillion-dollar Holocaust museum opens in Macedonia». timesofisrael.com. Արխիվացված օրիգինալից 2021 թ․ հոկտեմբերի 19-ին. Վերցված է 2022 թ․ մայիսի 13-ին.
- ↑ 5,0 5,1 Другар ми Моис никогаш не се вратиԱրխիվացված 2011-03-18 Wayback Machine
- ↑ «Macedonia Płn. upamiętniła 76. rocznicę deportacji Żydów do Treblinki». dzieje.pl. Արխիվացված օրիգինալից 2022 թ․ ապրիլի 3-ին. Վերցված է 2022 թ․ մայիսի 13-ին.
Արտաքին հղումներ
[խմբագրել | խմբագրել կոդը] | Վիքիպահեստն ունի նյութեր, որոնք վերաբերում են «Մակեդոնիայի հրեաների Հոլոքոստի հիշատակի կենտրոն» հոդվածին։ |