Կետապանգ
| Բնակավայր | ||
|---|---|---|
| Կետապանգ | ||
| ինդոն.՝ Ketapang | ||
_from_the_sky..JPG) | ||
| Երկիր |  Ինդոնեզիա | |
| Համայնք | West Kalimantan? | |
| Բնակչություն | 77 765 մարդ (2000) | |
| Ժամային գոտի | UTC+7 | |
| Պաշտոնական կայք | ketapangkab.go.id | |
| ||
Կետապանգ (ինդոն.՝ Ketapang), քաղաք Ինդոնեզիայում։ Արևմտյան Կալիմանտան պրովինցիայի նույնանուն շրջանի (Kabupaten Ketapang) կենտրոնն է։ Գտնվում է Կալիմանտան կղզում (Բորնեո), Պավան գետի դելտայում։ 2000 թվականի դրությամբ բնակչությունը կազմել է 77 765 մարդ, իսկ 2012 թվականի մարդահամարի տվյալներով քաղաքում բնակվում է 200 544 մարդ[1]։
Պատմություն
[խմբագրել | խմբագրել կոդը]Քաղաքն անվանակոչվել է հնդկական նուշի տեղական՝ մալայական անվանմամբ (Terminalia catappa)։
1930-ական թվականներին Կետապանգ շրջանը ներառված էր Հոլանդական արևելահնդկական ընկերության կազմում, որտեղ համարվում էր Բորնեոյի արևմտյան մասի նստավայրի մի մասը։ Վերջինիս կենտրոնը Պոնտիանակն էր։ 1956 թվականին շրջանը դարձել է ինքնավար (անկախ) և մտել ռեգենտի (bupati) կողմից կառավարվող Արևմտյան Կալիմանտան պրովինցիայի կազմի մեջ։
1961 թվականից ի վեր քաղաքում է գտնվում Պոնտիանակի միտրոպոլիտի կազմի մեջ մտնող Հռոմի կաթոլիկ եկեղեցու թեմը։
Տնտեսություն
[խմբագրել | խմբագրել կոդը]Քաղաքում զբաղվում են արմավենու յուղի, կաուչուկի և փայտանյութի արտադրությամբ։ Բացի այդ, արդյունահանվում են նաև բոքսիտ, ցիրկոն և կապար։
Ժողովրդագրություն
[խմբագրել | խմբագրել կոդը]Կետապանգը բազմազգ քաղաք է։ Քաղաքացիների մեծամասնությունը կազմում են ինդոնեզացիները, իսկ փոքրամասնությունում գերակշռում են չինացիները (հան)։ Փոքրամասնություն են կազմում նաև մադուրացիները և ճավացիները։ Չինացի բնակիչների մեծամասնությունն են կազմում չաոշան և հակա ժողովուրդները, ընդ որում՝ գերակշռում է չաոշանը։
Քաղաքում ապրող բնիկ ինդոնեզացիները հիմնականում մալակացիներ կամ դայակացիներ են։ Կետապանգի բնակիչների մեծամասնությունը ինդոնեզերենում ներառում է մալազիական շեշտադրում, որը փոքր-ինչ նման է Մալայզիայում օգտագործվող լեզվին։
Տրանսպորտ
[խմբագրել | խմբագրել կոդը]Քաղաքը սպասարկում է Կետապանգի օդանավակայանը (Rahadi Osman Airport)։ Օդանավակայանում Pangkalan Bun-ի միջոցով իրականացվում են մի շարք չվերթներ դեպի Պոնտիանակ և Սեմարանգ։ 2011 թվականի հունվարից գործում է նաև ուղիղ չվերթ դեպի Ջակարտա, որը իրականացնում է Aviastar ընկերությունը։ Պոնտիանակից Կետապանգ կարելի է հասնել նաև նավի միջոցով (նավով ուղևորությունը տևում է վեց ժամ, ամեն օր ուղևորությունները սկսվում են առվոտյան ժամը վեցից)։
Կետապանգից դեպի Սուկդանու հասարակական երթևեկությունը ապահովում են ավտոբուսները, տաքսիները և մոտոցիկլետները։
Տեսարժան վայրեր
[խմբագրել | խմբագրել կոդը]- Գունունգ Պալունգ՝ ազգային պարկ, գտնվում է քաղաքի հյուսիսում, ստեղծվել է 1937 թվականին որպես անտառային արգելոց։ Պարկում բնակվում է Կալիմանտանում օրանգուտանների ամենախոշոր պոպուլյացիաներից մեկը (1°14′24″ հվ. լ. 110°14′21″ ավ. ե.HGЯO)։
- Kelenteng Tua Pek Kong՝ չինական տաճար։
- Tugu Ale-ale՝ էկզոկմախքի հուշարձան (Tugu-հուշարձան, Ale-ale-էկզոկմախքի տեսակ)։
 |
 |
 |
 |
| Շինություն Կետապանգ քաղաքում | Kelenteng Tua Pek Kong | Tugu Ale-ale | Ազգայիին պարկ Գունունգ Պալունգ |