Ծովոսպ լողացող

Ծովոսպ լողացող
Ծովոսպ լողացող
Դասակարգում
Թագավորություն	Բույսեր (Plantae)
Տիպ/Բաժին	Պտերներ (Pteridophyta)
Դաս	Polypodiopsida
Ենթադաս	Polypodiidae
Կարգ	Salviniales
Ընտանիք	Սալվինազգիներ (Salviniaceae)
Ցեղ	Ծովոսպ (Salvinia)
Տեսակ	Ծովոսպ լողացող (S. natans)
Միջազգային անվանում
Salvinia natans All., 1785
Կարգավիճակ
Հատուկ պահպանության կարգավիճակ՝ Քիչ մտահոգող տեսակ

Ծովոսպ լողացող (լատին․՝ Salvinia natans), ծովոսպազգիների ընտանիքին պատկանող պտերանման բույս։ Գրանցված է Հայաստանի Հանրապետության Կարմիր գրքում։

Նկարագրություն

Ջրի մակերեսին լողացող օվալապտերաձև ոչ մեծ պտեր։ Տերևները դասավորված են օղակաձև, 3-ական, երկուսը՝ ջրի մակերեսին լողացող, մեկը` բաժանված թելանման, կախված ջրում։ Սորուսները 4-8-ական են, ստորջրյա տերևների հիմքերի մոտ։

Տարածվածություն

Հայաստանում հանդիպում է միայն Լոռու ֆլորիստիկական շրջանում և Լոռու սարահարթի լճերում։ Հանդիպում է նաև Նախակովկասում, Հարավային Կովկասում, Թալիշում, Եվրոպայում, Հյուսիսային Աֆրիկայում, Արևմտյան Սիբիրում, Միջին Ասիայում, Հեռավոր Արևելքում, Չինաստանում, Հնդկաստանում և Հյուսիսային Ամերիկայում։

Էկոլոգիա

Հայաստանում աճում է միջին լեռնային գոտում՝ծովի մակարդակից 1300-1400 մ բարձրությունների վրա, լճերում։

Պահպանություն

Կրիտիկական վիճակում գտնվող տեսակ է։ Հայտնի է ընդամենը 1 պոպուլյացիա, որի տարածման մակերեսը 10 քառ․ կմ-ից պակաս է։ Հայաստանի Կարմիր գրքի առաջին հրատարակությունում գրանցված է որպես ոչնչացման անմիջական վտանգի ենթակա տեսակ։ CITES-ի կոնվենցիայի հավելվածներում ընդգրկված չէ։

Պահպանման միջոցառումներ չեն իրականացվում։ Անհրաժեշտ է ստեղծել նոր ԲՀՊՏ Լոռու սարահարթում։

Ծանոթագրություններ

Վիքիցեղերն ունի նյութեր, որոնք վերաբերում են «Ծովոսպ լողացող» հոդվածին։

Վիքիպահեստն ունի նյութեր, որոնք վերաբերում են «Ծովոսպ լողացող» հոդվածին։