Լիդիա Դուռնովո

Լիդիա Դուռնովո;
Ծնվել է	մայիսի 1, 1885 կամ 1885
Ծննդավայր	Սմոլենսկ, Ռուսական կայսրություն
Մահացել է	հունվարի 7, 1963 կամ 1963
Մահվան վայր	Երևան, Հայկական ԽՍՀ, ԽՍՀՄ
Քաղաքացիություն	Ռուսական կայսրություն և ԽՍՀՄ
Կրթություն	Գեղարվեստի բարձրագույն դպրոց
Մասնագիտություն	արվեստագետ և արվեստի տեսաբան
Պարգևներ և ; մրցանակներ

Լիդիա Ալեքսանդրովնա Դուռնովո (մայիսի 1, 1885(1885-05-01) կամ 1885^[1], Սմոլենսկ, Ռուսական կայսրություն - հունվարի 7, 1963(1963-01-07) կամ 1963^[1], Երևան, Հայկական ԽՍՀ, ԽՍՀՄ), ռուս արվեստաբան, վերականգնող նկարիչ։ ՀԽՍՀ արվեստի վաստակավոր գործիչ 1945 թվականից։

Կենսագրություն

Ծնվել է Սմոլենսկում, 1915 թվականին ավարտել է Պետերբուրգի գեղարվեստը խրախուսող ընկերության դպրոցը։ 1918 թվականից աշխատել է ռուսական թանգարաններում։

1936 թվականից Հայաստանի պետական պատկերասրահի հրավերով տեղափոխվել է Հայաստան։ Դուռնովոյի ղեկավարությամբ թանգարանում սկսվել է միջնադարյան հայկական որմնանկարների և մանրանկարների գիտական ուսումնասիրումը և պատճենահանումը։ Երիտասարդ նկարիչներից կազմված խումբը` Ե. Խաչատրյան, Մ. Չուբարյան, Ռ. Լորիս-Մելիքով, Վ. Բաղդասարյան, Գևորգ Խանաղյան, Հայկազ Ղարագյոզյան և ուրիշներ, սովորել են պատճենահանողների և վերականգնողների բարդ մասնագիտությունները։ Հայաստանի տարբեր շրջաններում կազմակերպվող արշավներում նրանք հայտնաբերել, հետազոտել, թվագրել և պատճենահանել են հայկական մոնումենտալ գեղանկաչության հուշարձանները^[2]։

Մահացել է Երևանում 1963 թվականին։

Գործունեությունը

Ուսումնասիրել է հայկական միջնադարյան մոնումենտալ գեղանկարչությունը, քանդակագործությունը, դաջարվեստը ու մանրանկարը։ Վերականգնել է Էջմիածնի և ընդօրինակել Արուճի, Թալինի, Տաթևի, Հաղպատի որմնանկարները։ Վերականգնել է ավելի քան 300 հայկական մանրանկար և դաջվածք։ Բազմաթիվ հոդվածների և գրքերի հեղինակ է^[3]։

Տպագիր գործերը

Հին հայկական մանրանկարչությունը, 1953, Երևան
Краткая история древнеармянской живописи, 1957, Երևան(ռուս.)
Հայկական նկարչությունը, 1967, Երևան
Очерки изобразительного искусства средневековой Армении, 1979 (ռուս.)
Фрески монастыря Киранц։ Материалы из арх. Гл. упр. по охране и использ. памятников истории и культуры при Совете Министров АрмССР, Гос. картин. галерея Армении Երևան, Հայաստան հրատարակչություն, 1990 isbn=5-540-00556-2 (ռուս.)

Ծանոթագրություններ

↑ ^1,0 ^1,1 ^1,2 ^1,3 ^1,4 Люди и судьбы. Биобиблиографический словарь востоковедов - жертв политического террора в советский период (1917-1991) (ռուս.) — СПб.: Петербургское Востоковедение, 2013. — 496 с. — (Социальная история отечественной науки о Востоке) — ISBN 978-5-85803-225-0
↑ Հասմիկ Հարությունյան, «Հայ արվեստ» մշակութային հանդես, 2005, Հայաստանի ազգային պատկերասրահ։
↑ Հայկական Սովետական Հանրագիտարան

Արտաքին հղումներ

Լիդիա Դուռնովոյի մասին (ռուս.)
Լիդիա Դուռնովո (ռուս.)

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից (հ․ 3, էջ 461)։

[_d9d0b2b8ca15eddb-1] 1,0 ^1,1 ^1,2 ^1,3 ^1,4 Люди и судьбы. Биобиблиографический словарь востоковедов - жертв политического террора в советский период (1917-1991) (ռուս.) — СПб.: Петербургское Востоковедение, 2013. — 496 с. — (Социальная история отечественной науки о Востоке) — ISBN 978-5-85803-225-0

[2] Հասմիկ Հարությունյան, «Հայ արվեստ» մշակութային հանդես, 2005, Հայաստանի ազգային պատկերասրահ։

[3] Հայկական Սովետական Հանրագիտարան

[1]

[2]

[3]