Լեուկոագարիկուս երկարարմատ

Լեուկոագարիկուս երկարարմատ
Լեուկոագարիկուս երկարարմատ
Դասակարգում
Թագավորություն	Սնկեր (Fungi)
Ենթատիպ	Agaricomycotina
Դաս	Ագարիկոմիցետներ (Agaricomycetes)
Ենթադաս	Agaricomycetidae
Կարգ	Agaricales
Ընտանիք	Agaricaceae
Ցեղ	Leucoagaricus
Տեսակ	Լեուկոագարիկուս երկարարմատ (L. barssii)
Միջազգային անվանում
Leucoagaricus barssii Vellinga, 2000

Լեուկոագարիկուս երկարարմատ (լատին․՝ Leucoagaricus macrorhizum), Agaricaceae ընտանիքին պատկանող սունկ, որը գրանցված է Հայաստանի Կարմիր գրքում։

Նկարագրություն

5-15 սմ տրամագծով գլխարկը սպիտակ է, կենտրոնում՝ մոխրագույն կամ մանուշակագույն, սպիտակավուն եզրերով, թավշյա, թելանման և ծածկված է թեփուկներով։ Սպիտակ և մսալի պտղամիսը հասունանալուց հետո ստանում է բաց շագանակագույն երանգ։ Համը և հոտը հաճելի են։ Թարմ վիճակում թիթեղները սպիտակ են, իսկ չորացածները՝ բաց շագանակագույն, ազատ, խիտ դասավորված և հարթ եզրերով։ Կենտրոնական, գլանաձև, արմատաձև երկարացած ոտիկը 5-8 x 1-2 սմ է, ներքևի մասում թեթևակի նեղացող, օղակից վերև՝ սպիտակ, իսկ ներքևի մասում՝ գլխարկի գույնի և սպիտակավուն պարզ օղակով։ Սպորափոշին սպիտակավուն է, իսկ լայն էլիպսաձև և հարթ սպորները անգույն են և 7-8 x 4,5-5,5 մկմ^[1]։

Տարածվածություն

Ընդհանուր արեալն ընդգրկում է Եվրոպան, Ասիան, Աֆրիկան և Հարավային Կովկասը (Հայաստան)։ Հայաստանում հայտնաբերված է Երևանի ֆլորիստիկական շրջանում (Զևա, Այղր լճի շրջակայք) և Ապարանի ֆլորիստիկական շրջանում (Մարմարիկ գետի ափ, խառը անտառների բացատներ)^[1]։

Էկոլոգիա

Հանդիպում է հազվադեպ, հուլիս, հոկտեմբեր և նոյեմբեր ամիսներին, եզակի առանձնյակներով, հողի վրա, այգիներում, դաշտերում, անտառների բացատներում և 860-1500 մ բարձրություններում։ Հումուսային սապրոտրոֆ է^[1]։

Պահպանություն

Վտանգված տեսակ է^[1]։

Ծանոթագրություններ

↑ ^1,0 ^1,1 ^1,2 ^1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.

Վիքիպահեստն ունի նյութեր, որոնք վերաբերում են «Լեուկոագարիկուս երկարարմատ» հոդվածին։

[:0-1] 1,0 ^1,1 ^1,2 ^1,3 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.

[1]