Երկպտղիկ սեղմված
| Երկպտղիկ սեղմված | |
| Դասակարգում | |
| Թագավորություն | Բույսեր (Plantae) |
| Տիպ/Բաժին | Անոթավոր բույսեր (Tracheophytes) |
| Ենթատիպ | Սերմնավոր բույսեր (Spermatophytes) |
| Կարգ | Կաղամբածաղկավորներ (Brassicales) |
| Ընտանիք | Կաղամբազգիներ (Brassicaceae) |
| Տրիբա | Chorisporeae |
| Ցեղ | Երկպտղիկ (Diptychocarpus) |
| Տեսակ | Երկպտղիկ սեղմված (D. strictus) |
| Միջազգային անվանում | |
| Diptychocarpus strictus | |
Երկպտղիկ սեղմված (լատին․՝ Diptychocarpus strictus), խաչածաղկավորների ընտանիքին պատկանող ծածկասերմ բույս։ Գրանցված է Հայաստանի Կարմիր գրքում։
Նկարագրություն
[խմբագրել | խմբագրել կոդը]Միամյա բույս է, որն ունի 10-40 սմ բարձրություն։ Ստորին մասում հաճախ թավոտ է, հազվադեպ՝ մերկ։ Տերևները գծային են կամ փետրաձև՝ բաժանված գծային մասերի։ Ծաղկաթերթերը գծային են, ծիրանագույն։ Պատիճների երկարությունը 25-80 մմ է, կտուցը կարճ է՝ 3-10 մմ երկարությամբ, ստորինները չբացվող են, իսկ վերինները՝ բացվող կամ բոլոր պատիճները միանման՝ չբացվող կամ բացվող։ Սերմերը միաշարք են[1]։
Տարածվածություն
[խմբագրել | խմբագրել կոդը]Հայաստանում հանդիպում է միայն Երևանի ֆլորիստիկական շրջանում, Երասխի շրջակայքում։ Ընդհանուր արեալը ընդգրկում է Հարավային Անդրկովկասը, Նախիջևանը (Նախիջևան, Նեհրամ, Ջուլֆա), Միջին Ասիան, Իրանը, Աֆղանստանը, Պակիստանը[1]։
Էկոլոգիա
[խմբագրել | խմբագրել կոդը]Բույսն աճում է ստորին լեռնային գոտում` ծովի մակարդակից 700-800 մ բարձրությունների վրա, կավային, թույլ աղակալած հողերում, աղբոտ տեղերում։ Ծաղկում է մայիս ամսին, պտղաբերում՝ հունիսին[1]։
Պահպանություն
[խմբագրել | խմբագրել կոդը]Կրիտիկական վիճակում գտնվող տեսակ է։ Տարածման և բնակության շրջանի մակերեսը 10 կմ²-ից պակաս է։ Հայաստանի Կարմիր գրքի առաջին հրատարակության մեջ ընդգրկված չէր։ Բացակայում է նաև CITES–ի և Բեռնի կոնվենցիաների հավելվածներում[1]։
Պահպանության միջոցառումներ չեն իրականացվում[1]։
Ծանոթագրություններ
[խմբագրել | խմբագրել կոդը]- ↑ 1,0 1,1 1,2 1,3 1,4 Հայաստանի Կարմիր գիրք. Երևան: Հայաստանի բնապահպանության նախարարություն. 2010. ISBN 978-99941-2-420-6.
|
| ||||||||||