Արա Ալոյան
- Վիքիպեդիայում կան հոդվածներ Ալոյան ազգանունով այլ մարդկանց մասին։
Արա Ալոյան | |
|---|---|
 | |
| Ծնվել է | օգոստոսի 19, 1981 (43 տարեկան) |
| Ծննդավայր | Վարդենիս, Հայկական ԽՍՀ, ԽՍՀՄ |
| Մասնագիտություն | բանաստեղծ, լրագրող, արձակագիր և մանկավարժ |
| Լեզու | հայերեն |
| Ազգություն | հայ |
| Քաղաքացիություն |  ԽՍՀՄ և  Հայաստան |
| Կրթություն | Երևանի Կոմիտասի անվան պետական կոնսերվատորիա (2003) |
| Ստեղծագործական շրջան | 1994 թվականից |
| Անդամակցություն | ՀԳՄ |
Արա Ռուդիկի Ալոյան (օգոստոսի 19, 1981, Վարդենիս, Հայկական ԽՍՀ, ԽՍՀՄ), հայ բանաստեղծ, արձակագիր, երաժիշտ, մանկավարժ, լրագրող։ ՀԳՄ Գեղարքունիքի մարզային բաժանմունքի և Կալիֆորնիայի հայ գրողների միության անդամ։
Կենսագրություն
[խմբագրել | խմբագրել կոդը]1988-1998 թվականներին սովորել է Վարդենիսի Էդվարդ Պողոսյանի անվան հանրակրթական դպրոցում, 1990-1995 թվականներին՝ Վարդենիսի թիվ մեկ Գեղարվեստական դպրոցի նկարչության և քանդակագործության դասարաններում, 1991-1996 թվականներին՝ Վարդենիսի թիվ 1 երաժշտական դպրոցի դուդուկի բաժնում, 1998-2003 թվականներին՝ Երևանի Կոմիտասի անվան պետական կոնսերվատորիայում։
1992 թվականից հանդես է եկել Հանրային ռադիոյի տարբեր մշակութային հաղորդաշարերում, ներկայացել դուդուկի կատարումներով և հեղինակային բանաստեղծություններով։ 1998-2000 թվականներին թղթակցել է «Կանչ» մանկապատանեկան շաբաթաթերթին, աշխատել է YMCA միջազգային ՀԿ-ի Վարդենիսի ընկերակցությունում, որպես դուդուկի դասատու դասավանդել Վարդենիսի երաժշտական դպրոցում, Վարդենիսի պետական քոլեջում եղել է տնօրենի օգնական և դասախոս։
Եղել է Սոթքի միջնակարգ դպրոցի Կառավարման խորհրդի նախագահ, դասատու, Գեղարքունիքի մարզի ՀԿ խորհրդի անդամ, մարզային փորձագետ, YMCA ծրագրերի քարտուղար, YMCA Հայաստանի ազգային գրասենյակի Թենսինգ հանձնաժողովի նախագահ։ Ալոյանը հանդիսացել է նաև Երևանի Թեթև արդյունաբերության պետական քոլեջի տնօրենի օգնական (գեղարվեստական ղեկավար)։
2007 թվականից աշխատում է հեռուստալրագրության ոլորտում։ Որպես լրագրող, սցենարիստ և խմբագիր համագործակցել է Երկիր Մեդիա, «Հայ թիվի», «Թիվի 5», «Արմենիա», «ATV» հեռւստաընկերությունների հետ, 2014 թվականից «Հ3» լրատվական, քաղաքական և հասարակական բաժնի տնօրեն, 2016 թվականի մարտից՝ նույն հեռուստաընկերության գլխավոր խմբագիր, գլխավոր տնօրենի տեղակալ[1], «Հ3»-ի «Օրվա խնդիր», «Օրվա դիտարկում» և «Ուղիղ տասանոցին» հաղորդաշարերի հեղինակ-վարող[2][3]։
2018-20 թթ եղել է Բաց TV հեռուստաընկերության լրատվական և քաղաքական հաղորդումների ղեկավար, ՛՛Բաց լուրեր՛՛ և ՛՛Բաց Շաբաթ՝ Արա Ալոյանի հետ՛՛ ծրագրերի հեղինակ-վարող։
2020 թ․ եղել է ՛՛Կենտրոն՛՛ հեռուստաընկերության լրատվական բաժնի խմբագիր, այնուհետև Armenia,Im մեդիահոլդինգի խմբագիր, հաղորդավար, լուրերի և վերլուծական բաժնի ղեկավար։ Ներկայում ՛՛Հրապարակ՛՛ օրաթերթի միջազգային բաժնի թղթակից, թարգմանիչ, վերլուծաբան է։
Արա Ալոյանի բանաստեղծությունները տեղ են գտել Կանչի, «Հույս, հավատ, Սեր» մատենաշարի համանուն ժողովածուում, «Ժամանակակից ուսանողական պոեզիա» հավաքածուում։
Թարգմանվել և տպագրվել է Վրաստանում, ԱՄՆ-ում, Բանգլադեշում, Լիբանանում, Սերբիայում, Աբխազիայում, Ռուսաստանում, Իրանում. Իտալիայում և այլուր։
Բանաստեղծական հինգ ժողովածուների հեղինակ է, վերջինը՝ Կատուն, որն ուզում էր դառնալ կոմպոզիտոր - մանկական չափածո պիեսն է, որը տարբեր ժանրերում՝ տիկնիկային ներկայացում, դասական բեմականացում և մյուզիքլ, ներկայացվել է ինչպես Հայաստանում, այնպես էլ արտերկրի հայկական կրթամշակութային հաստատություններում։
Մասնակցել է բազմաթիվ ազգային, տարածաշրջանային դասընթացների, վերապատրաստումների, համաժողովների, ղեկավարել ոչ-ֆորմալ կրթության ծրագրեր, ճամբարներ և այլն։
Անդամակցություն
[խմբագրել | խմբագրել կոդը]- Հայաստանի գրողների միության Գեղարքունիքի մարզային կառույցի անդամ
- ԱՄՆ Հայ գրողների միության անդամ
Մրցանակներ
[խմբագրել | խմբագրել կոդը]- Հանրապետական մրցույթների բազմակի դափնեկիր՝ որպես դուդուկահար և բանաստեղծ
- «Ռուբեն Սևակի անվան» գրական ամենամյա մրցանակ, 1997
- «Գրիր» գրական մրցույթի գլխավոր մրցանակակիր, 2013
Երկեր
[խմբագրել | խմբագրել կոդը]- «Լույս դառնալուց առաջ» բանաստեղծական ժողովածու, 2003
- «Ոտնահետքեր ջրաներկով», 2014
- «Մի՜ լուսացիր», 2014
- «Համանվագ Ցավի ու Հարության» (պոեմ գրված 1996 թվականին[4])
Ծանոթագրություններ
[խմբագրել | խմբագրել կոդը]- ↑ «h3tv.am, Դեմքեր». Արխիվացված է օրիգինալից 2015 թ․ հունիսի 30-ին. Վերցված է 2015 թ․ հունիսի 27-ին.
- ↑ «Նոր ու հետաքրքիր հաղորդաշար Հ3-ի եթերում՝ «Օրվա խնդիր»». HARTAK.am (անգլերեն). Արխիվացված է օրիգինալից 2022-02-12-ին. Վերցված է 2017 թ․ փետրվարի 24-ին.
- ↑ Օրվա խնդիր
- ↑ Արա Ալոյան. Համանվագ Ցավի ու Հարության
Արտաքին հղումներ
[խմբագրել | խմբագրել կոդը]- Արա Ալոյան, Բանաստեղծություններ
- Գրանիշ, Արա Ալոյան, Բանաստեղծություններ
- Արա Ալոյան, Պոեզիա
- Ստվերների արքան / Արա Ալոյան
|
- Օգոստոսի 19 ծնունդներ
- 1981 ծնունդներ
- Ապրող անձինք
- Վարդենիս քաղաքում ծնվածներ
- Երևանի Կոմիտասի անվան պետական կոնսերվատորիայի շրջանավարտներ
- Հայաստանի գրողների միության անդամներ
- Անձինք այբբենական կարգով
- Գրողներ այբբենական կարգով
- Հայ բանաստեղծներ
- Հայ լրագրողներ
- Հայ տղամարդ գրողներ
- Հայ երաժիշտներ
- Հայ մանկավարժներ
- Հայ արձակագիրներ