Ավետիք Ավետիսյան

Վիքիպեդիայում կան հոդվածներ Ավետիսյան ազգանունով այլ մարդկանց մասին։

Ավետիք Ավետիսյան
Ի ծնե	Ավետիք Արամայիսի Ավետիսյան
Ծնվել է	հունվարի 25, 1952 (72 տարեկան)
Ծննդավայր	գյուղ Եղեգնուտ, Արմավիրի մարզ
Ազգություն	հայ
Քաղաքացիություն	Հայաստան
Կրթություն	Փանոս Թերլեմեզյանի անվան գեղարվեստական ուսումնարան (1972) և Երևանի պետական գեղարվեստա-թատերական ինստիտուտ (1982)
Մասնագիտություն	նկարիչ
Ակտիվ շրջան	նկարիչ
Պարգևներ
Անդամակցություն	Հայաստանի նկարիչների միություն

Ավետիք Արամայիսի Ավետիսյան (1952, հունվարի 25, գյուղ Եղեգնուտ, Արմավիրի մարզ), հայ նկարիչ։

Կենսագրություն

1972 թվականին ավարտել է Երևանի Փանոս Թերլեմեզյանի անվան գեղարվեստի ուսումնարանը, 1982 թվականին՝ Երևանի գեղարվեստի ինստիտուտը։ 1984 թվականից Հայաստանի նկարիչների միության անդամ է։ 1984 թվականից դասավանդում է Երևանի գեղարվեստի ակադեմիայում, 1995 թվականից՝ դիզայնի և մոդելավորման ֆակուլտետի դեկան, պրոֆեսոր` 1998 թվականից։

Ստեղծագործական ուղի

Ստեղծել է գրաֆիկական, գեղանկարչական գործեր, գրքի նկարազարդումներ։

• «Քավարան», 2001 ըստ Դանթեի
• «Անիի դիմանկարը», 1998
• «Մասիս», 1999, Շառլ Ազնավուրի հավաքածու
• «Ամառ», 2002
• «Աշուն», 2003
• «Երազ», 2003
• Խաչիկ Դաշտենցի «Խոդեդան» գրքի նկարազարդումները, 2001

Ցուցահանդեսներ

Անհատական ցուցահանդեսներ է ունեցել Հալեպում (1995), Մոսկվայում (1997)։

Պարգևներ

• Մովսես Խորենացու մեդալ (2011)։