Գտնվում է Արվե գետի ստորին հոսանքում, նրա աջակողմյա Ֆորոն վտակի գետաբերանի մոտ, որն այդ հատվածում կազմում է ֆրանս-շվեյցարական սահմանը։ Անմասը կարևոր երկաթուղային և ավտոճանապարհային հանգույց է (թե երկաթգծով և թե ավտոմայրուղիներով կապված է, ի թիվս այլոց, Թոնոն լե Բենի, Անսիի, Շամոնի Մոն Բլանի և շվեյցարական Ժնև քաղաքի հետ)[4]։ Գործում է նաև ոչ մեծ օդանավակայան, որն սպասարկում է զբոսաշրջային և բիզնես նպատակներով թռիչքներ կատարող փոքր ինքնաթիռների։
2018 թվականի տվյալներով համայնքի բնակչության թվաքանակը եղել է 36 648[5][6], իսկ բնակչության միջին խտությունը՝ 7359 մարդ/կմ² (Ռոն-Ալպեր երկրամասի 2880 համայնքների շարքում Անմասը զբաղեցնում է 25-րդ տեղը բնակչության թվով,և 1516-րդը՝ տարածքով)։
Քաղաքում զարգացած է էլեկտրատեխնիկան և ճշգրիտ մեքենաների ու սարքերի արտադրությունը[7]։ Անմասը նաև զբոսաշրջային կենտրոն է։
↑Cytuj |tytuł = Populations légales 2018 – Ces données sont disponibles sur toutes les communes de France hors Mayotte | Insee |data dostępu = 2021-03-29 |opublikowany = www.insee.fr |url = https://www.insee.fr/fr/statistiques/5001880?geo=COM-74012