Անահիտ Փերիխանյան

Անահիտ Փերիխանյան
Ծնվել է	ապրիլի 24, 1928(1928-04-24) Մոսկվա, ԽՍՀՄ
Մահացել է	մայիսի 27, 2012(2012-05-27) (84 տարեկան) Սանկտ Պետերբուրգ, Ռուսաստան
Քաղաքացիություն	ԽՍՀՄ և  Ռուսաստան
Մասնագիտություն	պատմաբան, արևելագետ և համալսարանի դասախոս
Հաստատություն(ներ)	Ռուսաստանի գիտությունների ակադեմիայի արևելագիտության ինստիտուտ և Սանկտ Պետերբուրգի համալսարան
Գործունեության ոլորտ	արևելագիտություն և Իրանագիտություն
Ալմա մատեր	ԵՊՀ պատմության ֆակուլտետ (1948) և Սանկտ Պետերբուրգի պետական համալսարանի պատմության ինստիտուտ (1951)
Գիտական աստիճան	պատմական գիտությունների դոկտոր (1974)
Տիրապետում է լեզուներին	ռուսերեն
Գիտական ղեկավար	Կամիլլա Տրևեր
Հայտնի աշակերտներ	Olga Chunakova?

Անահիտ Գեորգիի Փերիխանյան (ապրիլի 24, 1928(1928-04-24), Մոսկվա, ԽՍՀՄ - մայիսի 27, 2012(2012-05-27), Սանկտ Պետերբուրգ, Ռուսաստան), հայ պատմաբան, արևելագետ, պատմական գիտությունների դոկտոր (1974)։

Կենսագրություն

Անահիտ Փերիխանյանը ծնվել է 1928 թվականի ապրիլի 24-ին Մոսկվայում։ Մայրը՝ Արուսյակ Իվանովնան, եղել է բժիշկ, հայրը՝ Գեորգի Նիկիտիչը՝ ինժեներ։ Գեորգի Նիկիտիչը նշանակվել է Սևան-Հրազդան հիդրոէլեկտրակայանների կասկադի տնօրեն, որից հետո ընտանիքը տեղափոխվել է Երևան։ Անահիտը Երևանում ավարտել է միջնակարգ դպրոցը, 1945-1948 թվականներին սովորել է Երևանի պետական համալսարանի պատմության ֆակուլտետում, այնուհետև տեղափոխվել Լենինգրադ և 1951 թվականին ավարտել Լենինգրադի պետական համալսարանը։ 1951-1955 թվականներին սովորել է Պետական Էրմիտաժի ասպիրանտուրայում Կ. Վ. Տրևերի գլխավորությամբ։ 1956 թվականին պաշտպանել է թեկնածուական ատենախոսություն, այնուհետև աշխատել է ԽՍՀՄ ԳԱ Արևելագիտության ինստիտուտում, 1959 թվականից՝ ԽՍՀՄ ԳԱ Արևելագիտության ինստիտուտի Լենինգրադի մասնաճյուղում, 1974-1986 թվականներին եղել է ավագ գիտաշխատող, 1986-1998 թվականներին՝ առաջատար գիտաշխատող, 1959 թվականից միաժամանակ Սանկտ Պետերբուրգի պետական համալսարանում դասավանդել է գրաբար։

Աշխատությունները նվիրված են Իրանի Պարթևական և Սասանյանների ժամանակարշրջաններին, միջնադարյան Հայաստանի պատմության, գրականության և իրավունքի խնդիրներին, հայ գրերի ծագման և համեմատական հնդեվրոպագիտության հարցերին։

Փերիխանյանը հինգ մենագրությունների և շուրջ 50 հոդվածների հեղինակ է, որոնք հրատարակվել են առաջատար գիտական հանդեսներում՝ «Вестник древней истории» (Մոսկվա), «Պատմաբանասիրական հանդես» (Երևան), «Revue des études arméniennes» (Փարիզ), Orientalia Suecana (Ուփսալա), Acta Orientalia (Կոպենհագեն)։

Կյանքի վերջին տարիներին Փերիխանյանը լուրջ հիվանդ էր, սակայն փոքր առիթի դեպքում զբաղվում էր գիտական հարցերով։ Նրա վերջին հոդվածը՝ «К вопросу о происхождении павликианства», 2011 թվականին տպագրվել է «Письменных памятниках Востока» հանդեսում (№2(15)):

Անդամակցություն

• Ֆրանսիայի ԳԱ պատվավոր անդամ

Երկեր

• Храмовые объединения Малой Азии и Армении, 1959.
• Тигранакерт : Из истории древнеармянских городских общин, 1960.
• Сасанидский Судебник. Книга тысячи судебных решений, Е., 1973.
• Общество и право Ирана в Парфянский и Сасанидский периоды, М., 1983.
• Материалы к этимологическому словарю древнеармянского языка, ч. 1, Е., 1993.

Ծանոթագրություններ

Վիքիդարանն ունի նյութեր, որոնք վերաբերում են «Անահիտ Փերիխանյան» հոդվածին։