You Let Me Walk Alone

Վիքիպեդիայից՝ ազատ հանրագիտարանից
Jump to navigation Jump to search
«You Let Me Walk Alone»
«You Let Me Walk Alone» սինգլի շապիկը (Միխաել Շուլտե, 2018)
Միխաել Շուլտեի սինգլը
ՖորմատDigital download
Ժանրփոփ
ԵրգահանՄիխաել Շուլտե
Տևողություն02:57
Լեյբլ
  • Very Us
Միխաել Շուլտեի սինգլների ժամանակագրություն
«End of My Days»
(2017)
«You Let Me Walk Alone»
(2018)

«You Let Me Walk Alone»անգլ. թարգմանաբար՝ «Այս ճանապարհին դու ինձ թողել ես միայնակ»), Միխաել Շուլտեի երգ-բալլադը, որի հեղինակներն են Շուլտեն, Թոմաս Սթենգորը (դան․՝ Thomas Stengaard), Նիսսե Ինգվերսենը (գերմ.՝ Nisse Ingwersen) և Նինա Մյուլլերը (գերմ.՝ Nina Müller):

Անվանում[խմբագրել | խմբագրել կոդը]

Բալլադի անվանումը ստացվել է կրկներգի եզրափակիչ տողից` «Cause you let me walk this road alone» (հայերեն՝ «Որովհետև այս ճանապարհին դու ինձ թողել ես միայնակ»)[1]:

14 տարեկանում Միխաել Շուլտեի համար ճակատագրի հարված էր դարձել հարազատ հոր կորուստը։ Մանկության հիշողություններն ու հոր հանդեպ որդու սերը նա արտահայտել է բալլադի տեքստում, որը 14 տարի անց երգել է Լիսաբոնում.

«Դու միշտ կմնաս իմ մանկության հերոսը / Ոչ ոք նույնիսկ չի հավասարվում դրան / Ես կարծում էի, որ դու ինձ ուղղություն կտաս, եթե ես մոլորվեմ / Նման պահերին ես ամենից շատ կարոտում եմ քեզ»[2]։

Եվրատեսիլ[խմբագրել | խմբագրել կոդը]

Գերմանիա Գերմանիա «You Let Me Walk Alone»
Եվրատեսիլ 2018-ի երգ
ԵրկիրԳերմանիա
Երգիչ(ներ)Միխաել Շուլտե
Լեզուանգլերեն
Երգահան(ներ)Միխաել Շուլտե, Թոմաս Սթենգոր, Նիսսե Ինգվերսեն, Նինա Մյուլլեր
Բառերի հեղինակ(ներ)Միխաել Շուլտե, Թոմաս Սթենգոր, Նիսսե Ինգվերսեն, Նինա Մյուլլեր
Արդյունքներ
Եզրափակչի արդյունք{{{դաս}}}
Եզրափակչի միավորներ{{{միավորներ}}}

2018 թվականի փետրվարի 22-ին գերմանական հեռուստատեսության առաջին ալիքով հեռարձակվել է «Մեր երգը Լիսաբոնի համար» (գերմ.՝ Unser Lied für Lissabon) ծրագիրը, որին մասնակցել է վեց թեկնածու[3][4]։

Քվեարկության արդյունքներով, որը ներառում էր միջազգային ժյուրիի, Եվրատեսիլի փորձագետների և հեռուստադիտողների գնահատականները, Միխաել Շուլտեի կատարմամբ այդ բալլադն ընտրվել է «Եվրատեսիլ 2018» մրցութային ծրագրի համար[5][6][7]։

«Մեր երգը Լիսաբոնի համար» մրցույթի արդյունքների հրապարակումից անմիջապես հետո՝ փետրվարի 22-ին կայացած մամուլի ասուլիսի ժամանակ, բալլադի չորս հեղինակները պատասխանել են մրցույթի ստեղծման վերաբերյալ հարցերին։ Որպես հիմք ընդունվել է երգիչ Ստորին Սաքսոնիայի Բուքսթեխուդե քաղաքից Միխաել Շուլտեի զգացմունքային ապրումները, որը դեռահաս տարիքում կորցրել է իր սիրելի հորը[8]։ Հեղինակների խումբը փորձել է գտնել մի տեքստ, որը արցունքներ չի առաջացնի ունկնդիրների մոտ, բայց շատերի համար կառաջացնի բնական ասոցիացիաներ և մանկության հիշողություններ, հարազատների և մտերիմների, այդ թվում՝ արդեն մահացածների հետ շփվելու ցանկություն[1][9]։

Մարտին և ապրիլին Լոնդոնում, Մադրիդում և Ամստերդամում տեղի են ունեցել «Եվրատեսիլ 2018»-ից առաջ պլանավորված Միխաել Շուլտեի համերգները, որտեղ նա կատարել է «You Let Me Walk Alone» բալլադը[10]։

Միխաել Շուլտեի ելույթի շոուն «Եվրատեսիլ 2018»-ի եզրափակչում
ESC2018 - Germany 01.jpg
ESC2018 - Germany 03.jpg
ESC2018 - Germany 02.jpg

Արձագանքներ[խմբագրել | խմբագրել կոդը]

Դեռևս «Մեր երգը Լիսաբոնի համար» մրցութային ընտրության փուլում գերմանացի երաժիշտ, կոմպոզիտոր և պրոդյուսեր Ռալֆ Զիգելը, որը 1976 թվականից անմիջական կապ ունի «Եվրատեսիլի» հետ, Միխաել Շուլտեին համարել է իր ֆավորիտը։ Սակայն հավելել է, որ իր համար առեղծված է մնացել, թե ինչու է երգչին պահանջվել չորս հեղինակ սեփական հոր մասին բալլադներ ստեղծելիս[11]։

Գերմանական մի շարք հոդվածներում անբարենպաստ կանխատեսումներ են արվել՝ տեսնելով վերջին տեղերը, որոնք տարիներ շարունակ Գերմանիայի ներկայացուցիչներն են զբաղեցրել[12][13]։

Բեռլինի «Die Tageszeitung» օրաթերթի խմբագիր լրագրող Յան Ֆեդերսենը, որը գերմանական մամուլի անդրադարձն է կատարել այդ թեմայով, նման քննադատությունը «փնթփնթոց» է անվանել և խորհուրդ է տվել հանգիստ սպասել իրադարձությունների զարգացմանը[14]։

2018 թվականի մարտի 2-ին «Եվրատեսիլի» կայքում հրապարակված Միխաել Շուլտեի տեսահարցազրույցում նա, պատասխանելով իր և հոր մասին բալլադի ստեղծման մասին հարցերին, խոստովանել է, որ արտահայտված բացասական գնահատականները վշտացնում են իրեն։ Այնուամենայնիվ նա ասել է, որ դա չի խանգարի նրան ինտենսիվորեն պատրաստվել եզրափակիչ ելույթին[15]։

2018 թվականի մայիսի 6-ին բուքմեյքերները հրապարակել են «Եվրատեսիլ 2018»-ի ֆավորիտների թարմացած կանխատեսումները, որոնց համաձայն՝ Գերմանիան չի հայտնվել առաջին տասնյակում, որտեղ ընդգրկվել են Իսրայելը, Նորվեգիան, Ֆրանսիան, Էստոնիան, Շվեդիան, Չեխիան, Ավստրալիան և Մոլդովան[16]։

Արդյունքում Գերմանիայի չորրորդ տեղը, որն զբաղեցրել էր Միխաել Շուլտեի «You Let Me Walk Alone» բալլադը, շատերի համար անսպասելի և նույնիսկ սենսացիոն էր[2][17][18][19]։

Ծանոթագրություններ[խմբագրել | խմբագրել կոդը]

  1. 1,0 1,1 «Michael Schulte — You Let Me Walk Alone Lyrics» (անգլերեն)։ songlyrics.com։ Վերցված է 2019-10-29 
  2. 2,0 2,1 «Die Geschichte hinter unserem ESC-Song» (գերմաներեն)։ Bild։ Վերցված է 2019-10-29 
  3. «Diese sechs Acts sind im ESC-Vorentscheid 2018» (գերմաներեն)։ eurovision.de։ Վերցված է 2019-10-29 
  4. Posted by:Emily Herbert։ «Germany: Song Titles for Unser Lied für Lissabon Revealed» (անգլերեն)։ eurovoix.com։ Վերցված է 2019-10-29 
  5. «Michael Schulte mit "ESC"-Ballade auf Platz 1» (գերմաներեն)։ offiziellecharts.de։ Վերցված է 2019-10-29 
  6. «Michael Schulte fährt nach Portugal» (գերմաներեն)։ Der Spiegel։ Վերցված է 2019-10-29 
  7. «Alle Infos zum ESC 2018 in Portugal» (գերմաներեն)։ eurovision.de։ Վերցված է 2019-10-29 
  8. Kurt Sagatz։ «Ballade für toten Vater soll Deutschland beim ESC nach vorn bringen»։ tagesspiegel.de։ Վերցված է 2019-10-29 
  9. «Pressekonferenz nach ESC-Vorentscheid» (գերմաներեն)։ eurovision.de։ Վերցված է 2019-10-29 
  10. «Michael Schulte performt bei London Eurovision Party» (գերմաներեն)։ eurovision.de։ Վերցված է 2019-10-29 
  11. «Michael Schulte: Das hält Ralph Siegel vom deutschen ESC-Kandidaten» (գերմաներեն)։ vip.de։ Վերցված է 2019-11-16 
  12. Peter-Philipp Schmitt։ «Ein Youtube-Star für Lissabon» (գերմաներեն)։ Frankfurter Allgemeine Zeitung։ Վերցված է 2019-10-29 
  13. Hans Hoff։ «Abhak-Moderationen der Pilawa-Klasse» (գերմաներեն)։ Süddeutsche Zeitung։ Վերցված է 2019-10-29 
  14. Jan Feddersen։ «Kritik an Michael Schulte ist Miesmacherei» (գերմաներեն)։ eurovision.de։ Վերցված է 2019-10-29 
  15. «Lange gewartet, bis ich durchstarten kann» (Видеоинтервью) (գերմաներեն)։ eurovision.de։ Վերցված է 2019-10-29 
  16. «Букмекеры сделали новые прогнозы на фаворитов «Евровидения-2018»»։ point.md։ Վերցված է 2019-11-16 
  17. Arno Frank։ «Der Michael nervte nicht» (գերմաներեն)։ Der Spiegel։ Վերցված է 2019-10-29 
  18. Hans Hoff։ «Michael Schulte hat es allen gezeigt» (գերմաներեն)։ Süddeutsche Zeitung։ Վերցված է 2019-10-29 
  19. «ESC in Lissabon Michael Schulte sensationell unter den Top Fünf» (գերմաներեն)։ express.de։ Վերցված է 2019-10-29  (չաշխատող հղում)


Արտաքին հղումներ[խմբագրել | խմբագրել կոդը]