Միխաել Շուլտե

Վիքիպեդիայից՝ ազատ հանրագիտարանից
Jump to navigation Jump to search
Միխաել Շուլտե
2018-05-20 Michael Schulte-8148.jpg
Բնօրինակ անունգերմ.՝ Michael Schulte
Ծնվել էապրիլի 30, 1990(1990-04-30) (29 տարեկան)
Էկերնֆյորդե, Rendsburg-Eckernförde, Շլեզվիգ-Հոլշտայն, Գերմանիայի Ֆեդերատիվ Հանրապետություն
ԵրկիրFlag of Germany.svg Գերմանիա
Ժանրերփոփ երաժշտություն
Մասնագիտությունհեղինակ-կատարող, կոմպոզիտոր և կիթառահար
Գործիքներվոկալ
ԼեյբլEdel Records?
Կայքmichaelschultemusic.com
Michael Schulte Վիքիպահեստում

Միխաել Շուլտե (գերմ.՝ Michael Schulte, ապրիլի 30, 1990(1990-04-30), Էկերնֆյորդե, Rendsburg-Eckernförde, Շլեզվիգ-Հոլշտայն, Գերմանիայի Ֆեդերատիվ Հանրապետություն), գերմանացի հեղինակ-կատարող, երգիչ, կիթառահար, գործիքավորող:

2011 թվականին նա «Գերմանիայի ձայնը» ընտրական շոուում զբաղեցրել է երրորդ տեղ, իսկ 2018 թվականի փետրվարին հայտարարվել է Եվրատեսիլ 2018 մրցույթի Գերմանիայի ներկայացուցիչը: Մրցույթում զբաղեցրել է չորրորդ տեղը[1][2]:

Կենսագրություն[խմբագրել | խմբագրել կոդը]

Ըստ Միխաել Շուլտեի պատմածի՝ մինչև 11 տարեկանը նա իր ընտանիքի հետ ապրել է Հյուսիսային Գերմանիայի Լինդաունիս գյուղում (գերմ.՝ Lindaunis), որը հայտնի է իր բացվող երկաթուղային կամրջով դեպ Շլյայի ծովախորշ[3]: Յոթ տարեկանում նա առաջին անգամ ձեռքն է վերցրել կիթառ, հետո սովորել է նվագել դաշնամուր, իսկ երգել փորձել է, երբ սկսել է խոսել: Հայրը նրան սովորեցրել է առաջին ակորդները[4]: Իր սեփական երգերը նա սկսել է գրել 10 տարեկանից: Երբ նա եղել է 11 տարեկան, ընտանիքը տեղափոխվել է Ֆլենսբուրգի մոտ գտնվող Դոլերուպ կոմունա, որտեղ Միխաելը սկսել է հաճախել դանիական գիմնազիա: 2009 թվականին հասունության վկայական ստանալուց հետո նա անցել է այլընտրանքային քաղաքացիական ծառայության: Երաժշտությունը միշտ առաջնային է եղել նրա կյանքում, դրա համար նա փորձել է փորձարկել իրեն փողոցային երաժշտի դերում, բայց ոչ այնտեղ, որտեղ շատերը կարող էին հեշտությամբ ճանաչել նրան, այլ Էկերնֆյորդե քաղաքում[5][6][7]:

Միխաելը աստիճանաբար ձեռք է բերել բեմական փորձ, սակայն չի ընդունել RTL Television հեռուսատալիքի «Գերմանիայում փնտրվում է սուպերաստղ» ընտրական շոուում մասնակցելու հրավերը[4]:

Հայտնիության նա հասել է համացանցի շնորհիվ: 2008 թվականի փետրվարի 4-ին Շուլտեն գրանցել է իր ալիքը YouTube-ի կայքում և միանգամից տեղադրել է տեսահոլովակ բարբադոսցի երգչուհի Ռիհաննայի առաջին սինգլի՝ «Umbrella»-ի քավեր տարբերակը: Ոգեշնչված անսպասելի հաջողություններով՝ Միխաելը շարունակել է ստեղծագործել վեբ-տեսախցիկների օգնությամբ և համացանցում հրապարակել է իր սեփական գործիքավորմամբ աշխատանքները՝ աստիճանաբար ձեռք բերելով ճանաչում[2][8]:

2011 թվականի ամռանը Կիլի շաբաթվա ընթացքում Շուլտեն համերգի ժամանակ երգել է հանրահայտ իռլանդացի կիթառիստ և երգիչ Ռի Գարվիի հետ, որը գերմանական Reamonn փոփ-ռոք խմբի մենակատարն է[9]:

Ռի Գարվին եղել է «Գերմանիայի ձայնի» առաջին մրցաշրջանի ընտրական փուլի կազմակերպիչներից (2011-2012), որտեղ բացի նրանից եղել են Nena-ն, Կսավյեր Նայդուն և The BossHoss[10]: Հենց Ռի Գարվին էլ Միխաելին հրավիրել է մասնակցելու այդ մրցույթին: Շուլդեն սկզբում գլխավորել է մրցույթը, բայց արդյունքներով զբաղեցրել է երրորդ տեղը[11]: Եզրափակիչ շոուի ժամանակ բրիտանացի փոփ երաժիշտ Էդ Շիրանի հետ դուետը դարձել է, Միխաելի խոստովանությամբ, նոր ստեղծագործական գաղափարների մարմնավորում: Շիրանը և Շուլտեն ոչ միայն արտաքնապես են նման միմյանց, այլև ներքուստ նրանք մոտ են իրենց երաժշտական նախասիրություններում[12][13]:

Իր YouTube-յան ալիքում Շուլտեն տեղադրել է տեսանյութեր տարբեր երգիչների հետ, օրինակ Մաքսիմ Գիզինգերի հետ հրապարակել է ավստրալացի երգչուհի Գոտյեի «Somebody That I Used to Know» երգի քավեր տարբերակը և այլն[1][14][15][16]:

Գերմանիայից «Եվրատեսիլ»-ին մասնակիցների մրցութային ընտրության կազմակերպիչը ավանդաբար հանդիսանում է ARD հեռուստաընկերության և ռադիոընկերության ասոցիացիան: 2018 թվականի փետրվարի 22-ին Առաջին ալիքով հեռարձակվել է «Մեր երգը Լիսաբոնի համար» ծրագիրը, որին մասնակցել են վեց դիմորդներ: Նորացված կանոնների համաձայն՝ քվեարկությունը հավասարապես կազմված էր երեք արդյունքներից՝ դիտորդների քվեարկություն, միջազգային ժյուրի և «Եվրատեսիլ»-ի փորձագետներ: Երեք վարկանիշային խմբերից յուրաքանչյուրից Միխաել Շուլտենը «You Let Me Walk Alone» բալլադ երգը կատարելու համար ստացել է 12 միավոր, որը նվիրված է կյանքից հեռացած հորը[16][17][18]:

Միխաելը, որը բնակվում է Ներքին Սաքսոնիայի Բուքստեհուդե քաղաքում[19][20], տարբեր թղթակիցների հետ հարցազրույցի ժամանակ ասել է, որ ունի հանգիստ բնավորություն, որ նրան դուր է գալիս բնությունը, որտեղ կարելի է «թռչունների երգի, քամու ձայնի և տերևների խշշոցի» տակ գրել նոր երգեր, որ մեգապոլիսները երբեք չեն գրավել իրեն[2]: Այնուամենայնիվ, նա շատ ուրախանում է համերգային շրջագայություններով, հատկապես «You Let Me Walk Alone» բալլադի պլանավորված ներկայացմամբ Լոնդոնում, Մադրիդում և Ամստերդամում մինչև Լիսաբոնում Եվրատեսիլ 2018 մրցույթային ծրագրի կայանալը[21]։ Դրանով հանդերձ նա պահում է սովորական հանգստություն ու անբռնազբոսիկություն և մտադիր է եզրափակչի ժամանակ հանդես գալ մոխրագույն ջինսով ու սև շապիկով, որոնք համապատասխանում են You Let Me Walk Alone երգի ոճին[4][22]։

Անկախ երգի մրցույթի արդյունքների, որոնք հայտնի կդառնան 2018 թվականի մայիսի 12-ին, Միխաել Շուլտեն ներառվել է նոյեբերյան ակումբային շրջագայության ծրագրում, որոնք տեղի են ունենալու 2018 թվականի նոյեմբերին Գերմանիայի խոշոր քաղաքներում՝ Մյունխեն, Քյոլն, Համբուրգ, Բեռլին[23]։

2018 թվականի մարտի 14-ի դրությամ, նրա YouTube-յան ալիքի բաժանորդագիրների թիվը հասել է 209 հազարի, իսկ դիտումների քանակով 51 միլիոնից ավելին է[24]։

Սկավառակագրություն[խմբագրել | խմբագրել կոդը]

Ալբոմներ[խմբագրել | խմբագրել կոդը]

(Փակագծերում նշված է թողարկման ամսաթիվը)

  • All the Waves (11.03.2011)
  • Acoustic Cover – Live, Vol. 1 (06.05.2011)
  • Acoustic Cover – Live, Vol. 2 (08.07.2011)
  • Berlin Sessions (02.12.2011)
  • Acoustic Cover – Live, Vol. 3 (27.07.2012)
  • Wide Awake (28.09.2012; DE: #54)
  • Grow Old with Me (EP- 21.12.2012)
  • My Christmas Classics (22.11.2013)
  • Thoughts (EP- 16.05.2014)
  • The Arising (3.10.2014; DE: #81)
  • Hold the Rhythm (28.04.2017)

Սինգլներ[խմբագրել | խմբագրել կոդը]

Տարի Անվանում Ցուցանիշներ[25] Ծանոթագրություն
{{{2}}} Գերմանիա DE {{{2}}} Ավստրիա AT {{{2}}} Շվեյցարիա CH
2012 Creep 62
(1 շաբաթ)
Թողարկում`
2012 թվականի հունվարի 6
(Միայն Download)
Video Games 66
(1 շաբաթ)
Թողարկում`
2012 թվականի հունվարի 27
(Միայն Download)
Carry Me Home 8
(5 շաբաթ)
30
(3 շաբաթ)
25
(3 շաբաթ)
Թողարկումներ՝
2012 թվականի փետրվարի 3 (Download);
2012 փետրվարի 10 (CD)
2018 You Let Me Walk Alone 27
(1 շաբաթ)
Թողարկում`
2018 թվականի փետրվարի 20
Եվրատեսիլ 2018 «Մեր երգը Լիսաբոնի համար» ծրագրում

Այլ թողարկումներ[խմբագրել | խմբագրել կոդը]

  • 2010 - Soul Traveler
  • 2011 - She
  • 2011 Tears
  • 2011 - Good Times
  • 2011 - Last Christmas
  • 2012 - Ohne Dich
  • 2012 - Jump Before We Fall
  • 2014 - Rock and Scissors
  • 2015 - Indigo, feat. «Fewjar»
  • 2016 - Remember Yesterday, «Alle Farben» & Perttu
  • 2015 - Carmine, feat. «Fewjar»
  • 2017 - End of My Days

Ֆիլմագրություն[խմբագրել | խմբագրել կոդը]

  • 2017 - Գերմանական «Neomaniacs» հեռուստատեսային մինի սերիալի գլխավոր դերակատար։

Տես նաև[խմբագրել | խմբագրել կոդը]

Ծանոթագրություններ[խմբագրել | խմբագրել կոդը]

  1. 1,0 1,1 «Michael Schulte - Interview am 26.09.2012» (գերմաներեն)։ dreamoutloudmagazin.de։ Վերցված է 2018-3-7 
  2. 2,0 2,1 2,2 Наталия Королева։ «Паренек из YouTube будет петь от Германии на "Евровидении-2018"»։ Deutsche Welle։ Վերցված է 2018-3-1 
  3. «Das kleine Örtchen Lindaunis an der Schlei» (գերմաներեն)։ meerart.de։ Վերցված է 2018-3-7 
  4. 4,0 4,1 4,2 Sören Kittel։ «Ist ESC-Teilnehmer Michael Schulte der deutsche Ed Sheeran?» (գերմաներեն)։ Berliner Morgenpost։ Վերցված է 2018-3-8 
  5. «Lange gewartet, bis ich durchstarten kann» (Интервью) (գերմաներեն)։ eurovision.de։ Վերցված է 2018-3-6 
  6. Tina Ludwig։ «Aus Dollerup zum ESC-Vorentscheid» (գերմաներեն)։ shz.de։ Վերցված է 2018-3-6 
  7. Jens Nygaard։ «Michael Schulte synger for ligestilling» (դանիերեն)։ fla.de։ Վերցված է 2018-3-7 
  8. «Umbrella (acoustic cover) - DanJT87-version FREE MP3!!!»։ YouTube։ Վերցված է 2018-3-7 
  9. «Kieler Woche 2011 Rea Garvey und Michael Schulte — Rolling in the deep»։ youtube.com։ Վերցված է 2018-3-1 
  10. «The Voice of Germany: Michael Schulte kommt aus dem Internet direkt auf die TVoG Bühne» (գերմաներեն)։ loomee-tv.de։ Վերցված է 2018-3-7 
  11. Gesa Schwanke։ «Auf Youtube ist ER schon ein ganz Großer!» (գերմաներեն)։ Bild։ Վերցված է 2018-3-7 
  12. «The Voice of Germany: Michael Schulte und Ed Sheeran» (գերմաներեն)։ loomee-tv.de։ Վերցված է 2018-3-07 
  13. «Michael Schulte & Ed Sheeran: The A-Team» (գերմաներեն)։ the-voice-of-germany.de։ Վերցված է 2018-3-07 
  14. «Gotye - Somebody That I Used To Know - Michael Schulte & Max Giesinger COVER»։ YouTube։ Վերցված է 2018-3-7 
  15. «Michael Schulte»։ YouTube։ Վերցված է 2018-3-7 
  16. 16,0 16,1 Сергей Гуща։ «На "Евровидении-2018" Германию представит Михаэль Шульте»։ Deutsche Welle։ Վերցված է 2018-3-7 
  17. «Michael Schulte mit "ESC"-Ballade auf Platz 1 der Musik-Downloads» (գերմաներեն)։ offiziellecharts.de։ Վերցված է 2018-3-7 
  18. Evren Gezer։ «Michael Schulte bei FFH: "Ich bin optimistisch"» (գերմաներեն)։ ffh.de։ Վերցված է 2018-3-14 
  19. «Michael Schulte fährt nach Portugal» (գերմաներեն)։ spiegel.de։ Վերցված է 2018-3-7 
  20. «Buxtehude: Michael Schulte vom YouTuber zum ESC» (գերմաներեն)։ abendblatt.de։ Վերցված է 2018-3-7 
  21. «Michael Schulte performt bei London Eurovision Party» (գերմաներեն)։ eurovision.de։ Վերցված է 2018-3-7 
  22. «Kann unser Kandidat Michael Schulte beim ESC überzeugen?» (գերմաներեն)։ tag24.de։ Վերցված է 2018-3-25 
  23. Felix Goth։ «Michael Schulte geht 2018 auf Clubtour» (գերմաներեն)։ eventim.de։ Վերցված է 2018-3-9 
  24. «Michael Schulte. 210 021 Abonnenten»։ YouTube։ Վերցված է 2018-3-14 
  25. Chartquellen Singles: Chartplatzierungen DE AT CH

Արտաքին հղումներ[խմբագրել | խմբագրել կոդը]

1956195719581959196019611962196319641965196619671968196919701971197219731974197519761977197819791980198119821983198419851986198719881989199019911992199319941995199619971998199920002001200220032004200520062007200820092010