El Perdón (երգ)

Վիքիպեդիայից՝ ազատ հանրագիտարանից
Jump to navigation Jump to search
«El Perdón»
Նիքի Ջեմ և Էնրիկե Իգլեսիասի երգը «Fénix (Nicky Jam album)» ալբոմից
Թողարկված2015
Ժանրլատինական փոփ
ԼեյբլSony Music

"El Perdón" (անգլ.՝ «Forgiveness»), պուերտոռիկացի երգիչ Նիքի Ջեմի և իսպանացի երգիչ Էնրիկե Իգլեսիասի երգը։ Երգի անգլալեզու տարբերակը՝ «Forgiveness»-ը, թողարկվել է 2015 թվականի հուլիսի 10-ին[1]։

Նախադրյալներ[խմբագրել | խմբագրել կոդը]

«El Perdón»-ն ի սկզբանե եղել է Նիքի Ջեմի մեներգը, բայց Ջեմի հետ խոսելուց հետո իսպանացի երգիչ Էնրիկե Իգլեսիասը որոշել է համագործակցել նրա հետ՝ սինգլը թողարկելու համար։ Իգլեսիասը Billboard-ին ասել է, որ թեպետ ինքը սովորաբար իր երգերը գրում կամ համահեղինակում է, սակայն չի ապահովում երգերի գրելու ուղին։ Երգն արագ բարձրացավ հիթ-շքերթների գագաթը և մեծ հաջողություն ունեցավ։ Երաժշտական տեսահոլովակը ձայնագրվել է Կոլումբիայի Մեդելյին քաղաքում։

Ընկալում[խմբագրել | խմբագրել կոդը]

Քննադատական[խմբագրել | խմբագրել կոդը]

«Billboard» ամսագրում «El Perdón» երգը դասվել է տարեվերջյան ցանկի 12-րդ հորիզոնականում․ «Այնքան շատ է ասվել «El Perdón» երգի սահմանված ռեկորդների մասին, որ «Billboard Hot Latin Songs» հիթ-շքերթում ամենաերկար գտնվող երկրորդ երգն է համարվում։ Բայց շատ քիչ է խոսվել գրավիչ և տխուր պարային մեղեդու մասին։ Էլ չենք խոսում կորցրած սիրո մասին այն թախծալի տեքստից, որը կարող է ստիպել աղջիկներին (և տղաներին) լաց լինել։ «Երբ ես գրեցի երգի սկիզբը՝ «Did he take you to the moon, and I couldn't do that», այդ մասն ինձ շատ ուժեղ հարվածեց», ասել է Նիքի Ջեմը Billboard-ին։ «Հավատացեք մեզ, Նիքի, մենք էլ ենք դա հասկանում»[2]։

«El Perdón» երգը ստացել է Լատինական Գրեմմի մրցանակ, քանի որ աշխարհի ավելի քան 40 երկրում դարձել է թիվ մեկ հիթը՝ ունենալով ավելի քան 4 միլիոն վաճառք և 300 միլիոն հոսք ամբողջ աշխարհում[3]։

Առևտրային[խմբագրել | խմբագրել կոդը]

«El Perdón» երգը դարձել է միջազգային հիթ։ Հինգ շաբաթվա ընթացքում երգը «Hot Latin Songs»-ում հասել է առաջին հորիզոնականին և 30 շաբաթ շարունակ եղել առաջատար՝ անցնելով Շակիրայի «La Tortura» (20 շաբաթ) և Իգլեսիասի «Bailando» երգերին (41 շաբաթ)[4]։ Երգը հասել է Լատինական Billboard-ի մի շարք աղյուսակների գագաթին, ներառյալ «Latin Airplay»-ը, «Latin Digital Sales»-ը, «Latin Streaming Songs»-ը և «Latin Pop Songs»-ը։ Նիքի Ջեմը և Էնրիկե Իգլեսիասը թողարկել են երգի անգլերեն տարբերակը՝ «Forgiveness» անվանումով։ Երգը, առաջին շաբաթում գրանցելով մեծ վաճառք, Billboard Hot 100-ում զբաղեցրել է 56-րդ հորիզոնականը։

Սինգլը կայուն դիրք է ունեցել շքերթներում՝ 30 շաբաթ լինելով «Hot 100»-ում։ «El Perdón» երգը զբաղեցրել է Billboard-ի տարեվերջյան թոփ 100-ի 96-րդ հորիզոնականը։ Երգի անգլերեն տարբերակը՝ «Forgiveness»-ը, մեծ ազդեցություն է ունեցել Mainstream Top 40-ի և Rhythmic Top 40-ի վրա։ 2015 թվականի սեպտեմբերի 1-ին «Forgiveness» տեսահոլովակը YouTube-ում ունեցել է ավելի քան 45 միլիոն դիտում։ Երգի իսպանական տարբերակի երաժշտական տեսահոլովակը ունեցել է 1,2 բիլիոն դիտում, իսկ բառերով տեսահոլովակը՝ շուրջ 450 միլիոն դիտում։ Սինգլը նաև առաջին տեղն է զբաղեցրել Իսպանիայում, Ֆրանսիայում, Իտալիայում և Նիդերլանդներում և ընդգրկվել է Շվեյցարիայի և Բելգիայի լավագույն հնգյակում։ Նիդերլանդներում Իգլեսիասը ձեռք է բերել իր առաջին թիվ մեկ հիթը նախկինում այս երկրում ունեցած չորս լավագույն հիթերից հետո («Could I Have This Kiss Forever», «Hero», «Do You Know» և «Can You Hear Me»)։

Մրցանակներ և անվանակարգեր[խմբագրել | խմբագրել կոդը]

Տարի Արարողություն Մրցանակ Արդյունք
2015 Premios Juventud[5] La Combinación Perfecta (The Perfect Combo) Առաջադրված
La Más Pegajosa (Catchiest Tune) Առաջադրված
Premios Tu Mundo[6] Երեկույթի մեկնարկի երգ Հաղթանակ
Latin American Music Awards[7] Տարվա երգ Հաղթանակ
Լավագույն համագործակցություն Հաղթանակ
Լավագույն երգ Հաղթանակ
Latin Grammy Awards[8] Լավագույն քաղաքային ելույթ Հաղթանակ
NRJ Music Awards Միջազգային խումբ/Տարվա զուգերգ Առաջադրված
2016 Lo Nuestro Awards[9] Տարվա համագործակցություն Հաղթանակ
Տարվա քաղաքային երգ Հաղթանակ
Billboard Music Awards Թոփ լատինական երգ Հաղթանակ

Ծանոթագրություններ[խմբագրել | խմբագրել կոդը]

  1. «Nicky Jam & Enrique Iglesias Release 'Forgiveness,' English Version of 'El Perdon': Listen»։ Billboard։ հուլիսի 10, 2015 
  2. «Billboard 25 Best Songs of 2015: Critics' Picks»։ Billboard.com 
  3. «Enrique Iglesias Releases "DUELE EL CORAZON" (English Version) Today»։ July 19, 2016 
  4. http://www.billboard.com/biz/articles/6685079/nicky-jam-enrique-iglesias-el-perdon-earns-historic-26th-week-at-no-1-on-hot
  5. Irizarry Doris (May 8, 2015)։ «Fans start voting for Premios Juventud 2015 finalists»։ axs։ Վերցված է October 17, 2015 
  6. Romero Angie (August 20, 2015)։ «Nicky Jam, Daddy Yankee Win Big at Premios Tu Mundo»։ Billboard։ Վերցված է October 17, 2015 
  7. Cobo Leila (October 8, 2015)։ «Latin AMAs Winners List: Enrique Iglesias & Nicky Jam Win Big at Inaugural Awards Show»։ Billboard։ Վերցված է October 17, 2015 
  8. Roiz Jessica Lucia (September 23, 2015)։ «Latin Grammys 2015 Nominations: Ricky Martin, J Balvin, Alejandro Sanz Get Nods, Plus Full List»։ Latin Times։ IBT Media։ Վերցված է October 17, 2015 
  9. Flores Griselda (December 1, 2015)։ «Premio Lo Nuestro 2016: Lista completa de nominados»։ Variety Latino (Spanish) (Penske Business Media)։ Վերցված է December 1, 2015