Օսկար Սոնեջի

Վիքիպեդիայից՝ ազատ հանրագիտարանից
Jump to navigation Jump to search
Football pictogram.svg
Օսկար Սոնեջի
Óscar Sonejee.jpg
Անձնական տվյալներ
Ամբողջական անուն Օսկար Սոնեջի Մասանդ
Քաղաքացիությունը Անդորա Անդորա
Ծննդյան ամսաթիվ մարտի 26, 1976(1976-03-26)[1] (43 տարեկան)
Ծննդավայր Անդորրա լա Վելիա, Անդորրա
Հասակ 185 սմ
Քաշ 74 կգ
Դիրք կիսապաշտպան
Ակումբային տեղեկություններ
Ներկա ակումբ Անդորա Անդորրա (մինչև 17)
Պատանեկան կարիերա
0000
Մասնագիտական կարիերա*
Տարի Ակումբ Խաղ (Գոլ)
1996-2001 Իսպանիա Անդորրա
2001 Անդորա Սան Ժուլիա
2002 Իսպանիա Անդորրա
2002 Իսպանիա Սեո դե Ուրժել
2003-2008 Իսպանիա Անդորրա
2008-2012 Անդորա Սանտա Կոլոմա
2012-2013 Անդորա Լուիզիտանս 13 (0)
2014 Իսպանիա Անդորրա 26 (3)
2014-2015 Անդորա Լուիզիտանս 17 (3)
2015-2016 Անդորա Սան Ժուլիա 14 (3)
Ազգային հավաքական
1997-2015 Անդորա Անդորրա 105 (4)
Մարզչական կարիերա
2015-մ.հ. Անդորա Անդորրա (մինչև 17)
* Մասնագիտական կարիերայում ընդգրկված են միայն առաջնության խաղերը և գոլերը:

Օսկար Սոնեջի Մասանդ (կատ.՝ Òscar Sonejee Masand, մարաթհի՝ ऑस्कर सोनेजी, մարտի 26, 1967 թվական, Անդորրա լա Վելիա, Անդորրա), հնդկական ծագմամբ անդորրացի ֆուտբոլիստ, կիսապաշտպան: Համարվում է Անդորրայի ֆուտբոլի պատանեկան հավաքականի (մինչև 17 տարեկաններ) գլխավոր մարզիչը:

1997 թվականին նա սկսում է իր կարիերան «Անդորրա» ակումբի կազմում: 2001 թվականին նա հանդես է գալիս «Սան Ժուլիա» ակումբի կազմում, իսկ 2002 թվականին համարվում էր «Սեո դե Ուրժել» ակումբի ֆուտբոլիստը: 2003 թվականից 2008 թվականը հանդես է եկել «Անդորրա» ակումբի կազմում: 2008 թվականին տեղափոխվել է «Սանտա Կոլոմու» և ակումբի հետ միասին երկու անգամ դարձել է չեմպիոն և Անդորրայի գավաթի դափնեկիր: 2012 թվականին դառնում է «Լուզիտանս» ակումբի ֆուտբոլիստը, որի կազմում դառնում է առաջնության չեմպիոն և սուպերգավաթի դափնեկիր: Եվրոգավաթային մրցաշարերում մասնակցել է 10 հանդիպման[2]:

Անդորրայի ազգային հավաքականի կազմում Սոնեջին ռեկորդակիր է համարվում անցկացրած հանդիպումների քանակով: Նրա հաշվին կա 105 հանդիպում և հեղինակած 4 գոլ:

Կենսագրություն[խմբագրել | խմբագրել կոդը]

Ակումբային կարիերա[խմբագրել | խմբագրել կոդը]

1996 թվականից 2001 թվականը եղել է «Անդորրա» ակումբի ֆուտբոլիստը, որը հանդես էր գալիս Իսպանիայի ցածրագույն դիվիզիոններում: 1997-98 թվականների մրցաշրջանում անցկացրել է 11 հանդիպում[3]: 2001-02 թվականների մրցաշրջանում հանդես է եկել «Սան Ժուլիա» ակումբի կազմում՝ Անդորրայի առաջնությունում: Օսկարը մասնակցություն է ունեցել Ինտերտոտոյի գավաթի խաղարկության առաջին փուլի շրջանակներում կայացած «Կոլրեյնի» դեմ խաղին: Երկու խաղերի արդյունքում «Սան Ժուլիան» զիջում է մրցակցին[2]: Հետո Օսկարը վերադառնում է «Անդորրա»: 2002-03 թվականների մրցաշրջանի առաջին մասը Սոնեջին անցկացնում է «Սեո դե Ուրժել» ակումբի կազմում, ինչից հետո կրկին համալրում է «Անդորրայի» կազմը[4]:

2008 թվականի ամռանը Սոնեջին դառնում է «Սանտա Կոլոմայի» ֆուտբոլիստը: 2008 թվականի հուլիսին նա երկու խաղ է անցկացնում Չեմպիոնների Լիգայի որակավորման փուլի շրջանակներում ընդդեմ «Կաունասի»[5]: 2008-09 թվականների մրացշրջանում ակումբի հետ միասին դառնում է Անդորրայի առաջնության արծաթե մրցանակակիր և Գավաթի դափնեկիր[4]:

2009 թվականին որպես ֆիզպատրաստության մարզիչ աշխատել է «Սանտա Կոլոմաում» և Անդորրայի պատանեկան հավաքականում[6]: 2009 թվականի հոկտեմբերին Օսկարը ուներ հնարավորություն հնդկական «Չյորչիլ Բրազերս» տեղափոխվելու համար[7]: 2009-10 թվականների մրցաշրջանում Սոնեջին չորս խաղ է անցկացնում Անդորրայի առաջնությունում, իսկ ակումբը չեմպիոն է դառնում[4]:

2010 թվականի հուլիսին Սոնեջին մեկ խաղ է անցկացնում Չեմպիոնների լիգայի որակավորման փուլում կայացած «Բիրկիրկարայի» դեմ: Երկու խաղերի հաշվարկով «Սանտա Կոլոման» չի անցնում հաջորդ փուլ[8]: 2010-11 թվականների մրցաշրջանում ակումբի հետ միասին նա երկրորդ անգամն անընդմեջ դառնում է առաջնության չեմպիոն[9]: 2011 թվականի հունիսին Սոնեջին մեկ հանդիպման է մասնակցում Չեմպիոնների Լիգայի որակավորման փուլի շրջանակներում: Այս անգամ էլ նրանց չի հաջողվում անցնել մյուս փուլ[10]: 2011-12 թվականների մրցաշրջանում «Սանտա Կոլոման» դառնում է Անդորրայի առաջնության արծաթե մեդալակիր և իրենից առաջ է թողնում միայն «Լուզիտանսին»[11]: Այդ մրցաշրջանում նրանք նաև դառնում են Անդորրայի գավաթի դափնեկիր: 2012 թվականի հուլիսին Օսկարը մասնակցում է խորվաթական «Օսիեկա» ակումբի դեմ Եվրոպայի Լիգայի որակավորման փուլի շրջանակներում կայացած խաղին: Անդորրացիները երկու խաղերի ընդհանուր 4-1 հաշվով պարտվում են վերջինիս[12]:

2012-13 թվականների մրցաշրջանը Սոնեջին մեկնարկում է «Լուզիտանս» ակումբում, որի հետ այդ մրցաշրջանում դառնում է Անդորրայի չեմպիոն: Սոնեջին այդ մրցաշրջանում անցկացնում է 9 խաղ[4]: 2013 թվականի հուլիսին անդորրացի ֆուտբոլիստը մասնակցում է Եվրոպայի լիգայի որակավորման փուլում կայացած «Ստրեյմուրի» դեմ երկու խաղերին: «Լուզիտանսը» այդ խաղերում զիջում է մրցակցին, իսկ Սոնեջին երկու խաղերում էլ դեղին քարտ է ստանում[13]: 2013 թվականի սեպտեմբերին ակումբի հետ միասին նա դառնում է Անդորրայի սուպերգավաթի դափնեկիր[14]:

2013-14 թվականների մրցաշրջանի երկրորդ մասը Սոնեջին անցկացնում է «Անդորրա» ակումբի կազմում, որտեղ նա մասնակցելով 26 հանդիպման դառնում է 3 գոլի հեղինակ[4]: Մրցաշրջանի ավարտից հետո նա վերադառնում է «Լուզիտանս»[15]: 2014-15 թվականների մրցաշրջանում անդորրացի ֆուտբոլիստը առաջնությունում մասնակցում է 12 հանդիպման և դառնում է երկու գոլի հեղինակ: Առաջնությունը ակումբը ավարտում է մրցաշարային աղյուսակում երկրորդ հորիզոնականը զբաղեցնելով: Անդորրայի գավաթի խաղարկություն Սոնեջին մասնակցում է երկու խաղի և դառնում է մեկ գոլի հեղինակ[16]: 2015 թվականի հուլիսին Սոնեջին մասնակցում է Եվրոպայի Լիգայի որակավորման փուլի շրջանակներում կայացած անգլիական «Վեստ Հեմ Յունայթեդի» դեմ արտագնա խաղին[17]:

2015 թվականի ամռանը Սոնեջին կրկին դառնում է «Սան Ժուլիայի» ֆուտբոլիստը: Ակումբի կազմում անդորրացի ֆուտբոլիստը դառնում է առաջնության բրոնզե մեդալակիր և հասնում է մինչև Անդորրայի գավաթի խաղարկության եզրափակիչ, որտեղ նրանք զիջում են «Էնգորդանին»[18]:

Կարիերան հավաքականի կազմում[խմբագրել | խմբագրել կոդը]

Անդորրայի ազգային հավաքականը կազմավորվում է 1996 թվականին և շուտով դրանից հետո հավաքականի գլխավոր մարզիչ Մանոել Միլուիրը սկսում է հրավիրել Սոնեջիին ազգային հավաքական: Այդ ժամանակ Օսկարը 21 տարեկան էր: Անդորրայի հավաքականը համարվում է համաշխարհային ֆուտբոլի աութսայդերներից մեկը[19]:

1997 թվականի հունիսի 22-ին Սոնեջին իր նորամուտն է նշում Անդորրայի հավաքականի կազմում՝ ընդդեմ Էստոնիայի ազգային հավաքականի[20]: Երեք տարի անց Լատվիայի հավաքականի դեմ կայացած ընկերական խաղում Սոնեջին իր առաջին գոլն է հեղինակում հավաքականի կազմում[21]: 1998 թվականի հունիսի 24-ին մասնակցում է Ադրբեջանի հավաքականի դեմ կայացած խաղին: Խաղն ավարտվում է գոլազուրկ ոչ-ոքիով, իսկ ակումբին պատմության մեջ առաջին անգամ հաջողվում է չպարտվել[22]:

2000 թվականի Եվրոպայի առաջնության ընտրական մրցաշարում Սոնեջին մասնակցում է բոլոր 10 խաղերին: 2000 թվականի փետրվարին Սոնեջին հայտավորվում է Ռոթմանս մրցաշարի համար: Այնտեղ նա մասնակցում է երեք խաղի: Անդորրան զբաղեցնում է երեք երրորդ հորիզոնականը խմբում՝ զիջելով Ալբանիային և Մալթային[23]: Մալթայի դեմ կայացած խաղում Սոնեջին աչքի է ընկնում հեղինակած գոլով: 2002 թվականի աշխարհի առաջնության որակավորման փուլում անդորրացի ֆուտբոլիստը մասնակցություն է ունենում բոլոր 10 խաղերում[15]:

2004 թվականի Եվրոպայի առաջնության ընտրական մրցաշարում Սոնեջին մասնակցում է ութ հանդիպման: 2006 թվականի աշխարհի առաջնության որակավորման փուլի շրջանակներում Անդորրայի հավաքականը վաստակում է 5 միավոր և այդ արդյունքը համարվում է հավաքականի համար լավագույնը բոլոր ընտրական մրցաշարերի պատմության մեջ: Այդ ժամանակ հավաքականը մեկ անգամ հաղթել էր Մակեդոնիայի ազգային հավաքականին և երկու անգամ ոչ-ոքի է ավարտել կրկին Մակեդոնիայի և Ֆինլանդիայի հավաքականների դեմ խաղերը: Սոնեջին մասնակցել է բոլոր 12 խաղերին, իսկ Հայաստանի ազգային հավաքականի դեմ կայացած խաղում, Օսկարը ինքնագոլի հեղինակ է դառնում[24]: 2006 թվականին Սոնեջին, որպես Անդորրայի ազգային հավաքականի թմավագ մասնակցում է ՖԻՖԱ-ի կողմից անցկացվող տարվա լավագույն ֆուտբոլիստ մրցանակի քվեարկության փուլին և քվերակում է Զինեդին Զիդանի օգտին[25]:

2008 թվականի Եվրոպայի առաջնության որակավորման փուլում Օսկար Սոնեջին մասնակցում է կայացած 12 խաղերից 11-ին: 2010 թվականի Եվրոպայի առաջնության որակավորման մրցաշարում Սոնեջին մասնակցում է արդեն կայացած 10 խաղերից յոթին: Ղազախստանի ազգային հավաքականի դեմ խաղում Սոնեջին հեղինակում է Անդորրայի հավաքականի երրորդ գոլը այդ խաղում[26]: 2012 թվականի Եվրոպայի առաջնության որակավորման փուլում Սոնեջին անցկանցում է չորս հանդիպում: 2013 թվականի օգոստոսի 14-ին Մոլդովայի հավաքականի դեմ ընկերական խաղում, Սոնեջին գրավում է Սերգեյ Պաշենկոյի պաշտպանած դարպասը[27]: 2014 թվականի աշխարհի առաջնության ընտարական մրցաշարում Սոնեջին մասնակցել է երկու խաղի[15]:

Նրա վերջին ընտրական մրցաշարն է դառնում Եվրոպայի 2016 թվականի առաջնության որակավորման փուլը, որում նա Սոնեջին մասնակցում է յոթ հանդիպման: Իր վերջին խաղը հավաքականի կազմում Սոնեջին անցկացնում է 2015 թվականի նոյեմբերի 12-ին կայացած Սենթ Քիթս և Նևիսի ազգային հավաքականի դեմ[28]:

Օսկար Սոնեջին հանդես է եկել ազգային հավաքականի կազմում, որպես թմավագ: Անդորրայի հավաքականի կազմում ընդհանուր հաշվարկով նա անցկացրել է 105 հանդիպում և դարձել է 4 գոլի հեղինակ: Նա ռեկորդակիր է համարվում հավաքականի կազմում անցկացրած խաղերի քանակով և երկրորդն է լավագույն ռմբարկուների ցանկում. նա զիջում է միայն Իլդեֆոնս Լիմային (նրա հաշվին կա 11 գոլ)[29]:

Մարզչական կարիերա[խմբագրել | խմբագրել կոդը]

2015 թվականին Սոնեջին Էլեյ Կազալսի հետ միասին գլխավորում է մինչև 17 տարեկանների Անդորրայի պատանեկան հավաքականը[30]: 2017 թվականին Սոնեջին պատանեկան հավաքականին հասցնում է Մալթայում ընթացող ՈՒԵՖԱ-ի կողմից անցկացվող մրցաշարին: Անդորրացիները հաղթում են Ջիբլարթարի և Մալթայի հավաքականներին և ոչ-ոքի է խաղում Հայաստանի հավաքականի հետ[31]:

Անձնական կյանք[խմբագրել | խմբագրել կոդը]

Սոնեջին ունի հնդկական արմատներ, նրա ծնողները ապրում են Մումբային: Աշխատում է, որպես ապահովագրական գործակալ[32][33]:

Ծանոթագրություններ[խմբագրել | խմբագրել կոդը]

  1. Transfermarkt.com — 2000.
  2. 2,0 2,1 Վիճակագրությունը UEFA.com կայքում(ռուս.)
  3. Օսկար Սոնեջի պրոֆիլը BDFutbol կայքում
  4. 4,0 4,1 4,2 4,3 4,4 Վիճակագրութունը National Football Teams կայքում(անգլ.)
  5. «Матчи против «Каунаса»» (անգլերեն)։ transfermarkt.com։ Վերցված է 2015-05-02 
  6. Ляпин, Максим (02.09.2010)։ «Зарплата – от 1500 до 2500. Костяк сборной Андорры составляют «белые воротнички», чей месячный доход составляет меньшую сумму, чем у наших игроков первого дивизиона» (ռուսերեն)։ Советский спорт։ Արխիվացված օրիգինալից-ից 2013-05-14-ին։ Վերցված է 2015-02-10 
  7. Rahul Bali (11.10.2009)։ «I-League: Your ITC Request For Sonejee Can't Be Processed — AIFF To Churchill Brothers» (անգլերեն)։ Goal.com։ Վերցված է 2015-02-10 
  8. «Матчи против «Биркиркары»» (անգլերեն)։ transfermarkt.com։ Վերցված է 2015-05-02 
  9. «Шестой титул ФК «Санта-Колома»» (ռուսերեն)։ UEFA.com։ 06.03.2009։ Վերցված է 2015-02-10 
  10. «Матчи против «Ф91 Дюделанж»» (անգլերեն)։ transfermarkt.com։ Վերցված է 2015-05-02 
  11. Ֆուտբոլիստի էջը soccerway.com կայքում(անգլ.)
  12. «Матчи против «Осиека»» (անգլերեն)։ transfermarkt.com։ Վերցված է 2015-05-02 
  13. «Матчи против «ЭБ/Стреймур»» (անգլերեն)։ transfermarkt.com։ Վերցված է 2015-05-02 
  14. «Протокол матча «Лузитанс» — «Унио Эспортива Санта-Колома» (1:0)» (կատալաներեն)։ Футбольная федерация Андорры։ Վերցված է 2015-05-15 
  15. 15,0 15,1 15,2 «Профиль игрока» (անգլերեն)։ eu-football.info։ Վերցված է 2015-02-10 
  16. «Профиль игрока в чемпионате Андорры 2014/15» (կատալաներեն)։ Футбольная федерация Андорры։ Վերցված է 2015-05-15 
  17. «Профиль игрока в Кубке Андорры 2015» (կատալաներեն)։ Футбольная федерация Андорры։ Վերցված է 2015-05-15 
  18. «Полуфинал. 06.03.2016. Протокол матча «Сан-Жулиа» — «Энгордань» (1:2)» (կատալաներեն)։ Футбольная федерация Андорры։ Վերցված է 2017-02-28 
  19. «Рейтинг сборных» (անգլերեն)։ Официальный сайт ФИФА։ Արխիվացված օրիգինալից-ից 2013-05-14-ին։ Վերցված է 2015-02-10 
  20. «Football MATCH: 22.06.1997 Estonia v Andorra» (անգլերեն)։ eu-football.info։ Վերցված է 2015-02-10 
  21. «Football MATCH: 25.06.1997 Latvia v Andorra» (անգլերեն)։ eu-football.info։ Վերցված է 2015-02-10 
  22. «Football MATCH: 24.06.1998 Andorra v Azerbaijan» (անգլերեն)։ eu-football.info։ Վերցված է 2017-02-13 
  23. «Football MATCH: 08.02.2000 Malta v Andorra» (անգլերեն)։ eu-football.info։ Վերցված է 2015-02-10 
  24. «Football MATCH: 12.10.2005 Andorra v Armenia» (անգլերեն)։ eu-football.info։ Վերցված է 2015-02-10 
  25. «Лучший игрок мира-2006. Кто за кого голосовал» (ռուսերեն)։ Dynamomania.com։ 19.12.2006։ Վերցված է 2015-02-10 
  26. «Football MATCH: 09.09.2009 Andorra v Kazakhstan» (անգլերեն)։ eu-football.info։ Վերցված է 2015-02-10 
  27. «Football MATCH: 14.08.2013 Moldova v Andorra» (անգլերեն)։ eu-football.info։ Վերցված է 2015-02-10 
  28. «Football MATCH: 12.11.2015 Andorra v St. Kitts/Nevis» (անգլերեն)։ eu-football.info։ Վերցված է 2017-02-28 
  29. «Andorra international footballers of all-time» (անգլերեն)։ eu-football.info։ Վերցված է 2015-02-10 
  30. «La selecció sub16, a punt pel UEFA DEVELOPMENT TOURNAMENT de Montenegro» (կատալաներեն)։ faf.ad։ 09.04.2015։ Վերցված է 2015-04-17 
  31. «Campions d’ara. Promeses del futur» (կատալաներեն)։ faf.ad։ 19.02.2017։ Վերցված է 2017-02-28 
  32. Lucy Turner (08.03.2007)։ «Sonejee's Andorran odyssey» (անգլերեն)։ UEFA.com։ Վերցված է 2015-02-10  (Копия)
  33. Marcus Mergulhao (06.10.2009)։ «Sonejee Masand set to join Churchill Brothers» (անգլերեն)։ The Times of India։ Վերցված է 2015-02-10 

Արտաքին հղումներ[խմբագրել | խմբագրել կոդը]