Օշան Օշեի

Վիքիպեդիայից՝ ազատ հանրագիտարանից
Jump to navigation Jump to search
Օշան Օշեի
Դասակարգում
Թագավորություն  Բույսեր (Plantae)
Ենթատիպ Սերմնավոր բույսեր (Spermatophytina)
Կարգ Մեխակածաղկավորներ (Caryophyllales)
Ընտանիք Թելուկազգիներ (Chenopodiaceae)
Ենթաընտանիք Salsoloideae
Տրիբա Caroxyleae
Ցեղ Kaviria
Տեսակ Օշան Օշեի (K. aucheri)
Միջազգային անվանում
Kaviria aucheri

Օշան Օշեի (լատ.՝  Salsola aucheri), թելուկազգիների ընտանիքին պատկանող ծածկասերմ բույս։ Գրանցված է Հայաստանի Հանրապետության Կարմիր գրքում։

Նկարագրություն[խմբագրել | խմբագրել կոդը]

Կարճ փայտացած ճյուղերով և ճյուղավորված կոտրատվող միամյա ընձյուղներով կիսաթփիկ է։ Ցողունները և տերևները ծածկված են ուղիղ կարճ առսեղմ մազիկիներով։ Տերևների երկարությունը 20-25 մմ է, կիսագլանիկանման։ Ծաղկապատի մասերը ունեն 6 մմ երկարություն, թաղանթային են, նշտարաձև վերևում՝ սրացած, պտղի ժամանակ սևավուն-ծիրանագույն թևերով[1]։

Տարածվածություն[խմբագրել | խմբագրել կոդը]

Հանդիպում է միայն Երևանի ֆլորիստիկական շրջանում (Արևշատ, Զովաշեն, Վեդի, Շահումյան, Երասխ լեռնաշղթա)։ Աճում է նաև Նախիջևանում, Հյուսիսային Իրանում, Թուրքմենստանում և Աֆղանստանում[1]։

Էկոլոգիա[խմբագրել | խմբագրել կոդը]

Աճում է ստորին լեռնային գոտում՝ ծովի մակարդակը 800-1200 մ բարձրությունների վրա, քարքարոտ, գիպսակիր, կավային և չոր աղակալած լանջերին, կիսաանապատում։ Ծաղկում է հուլիս-սեպտեմբեր ամիսներին, պտղաբերում՝ սեպտեմբեր-հոկտեմբերին[1]։

Պահպանություն[խմբագրել | խմբագրել կոդը]

Վտանգված տեսակ է։ Տարածման և բնակության շրջանների մակերեսը 500 կմ²-ից պակաս է։ Հայաստանի Կարմիր գրքի առաջին հրատարակության մեջ ընդգրկված չէր։ Ընդգրկված չէ նաև CITES-ի և Բեռնի կոնվենցիաների հավելվածներում[1]։

Պահպանության գործողություններ չեն իրականացվում[1]։

Ծանոթագրություններ[խմբագրել | խմբագրել կոդը]

  1. 1,0 1,1 1,2 1,3 1,4 Հայաստանի Կարմիր գիրք (հայերեն)։ Երևան: ՀՀ Բնապահպանության նախարարություն։ 2010։ ISBN 978-99941-2-420-6