Օբիդուշի պալատ
 պորտ.՝ Castelo de Óbidos | |
|---|---|
 Նկարագրություն | |
| Տեսակ | դղյակ և մշակութային ժառանգություն |
| Տեղագրություն | Օբիդուշ |
| Վարչական միավոր | Santa Maria, São Pedro e Sobral da Lagoa?[1] |
| Երկիր | Պորտուգալիա |
| Համալիրի մաս | Castelo de Óbidos e todo o conjunto urbano da vila? |
| Կառուցված | 12-րդ դար |
 | |
 | |
 Castelo de Óbidos Վիքիպահեստում | |
Օբիդուշի պալատ (պորտ.՝ Castelo de Óbidos), միջնադարյան պատմաճարտարապետական հուշարձան։ Գտնվում է Պորտուգալիայի Լեյրիյա շրջանի Օբիդուշ քաղաքում (Էշտրեմադուրա պատմական շրջան)։ 2007 թվականին մշակույթի նախարարության կողմից ընդգրկվել է Պորտուգալիայի յոթ հրաշալիքների ցանկում։
Պատմություն[խմբագրել | խմբագրել կոդը]
Ժամանակակից ամրոցի շինարարությունը սկսվել է 12-րդ դարում։ Պաշտպանական ոճով կառուցված դղյակն ունի քառանկյան տեսք` 30 մ երկարությամբ կողմերով։
Պալատը կառուցվել է հինհռոմեական ամրության տեղում[2]։ Մոտակայքում գտնվում է Կալդաշ դա Ռաինյա խոշոր քաղաքը (պորտ.՝ Caldas da Rainha):
5-րդ դարում Պիրենեյան թերակղզի են ներխուժել վեստգոթերը։ Օգտագործելով հռոմեական ամրությունը` նրանք կառուցել են ամրոց, իսկ որպես շինանյութ օգտագործել են Օբիդուշից 1 կմ հեռավորության վրա գտնվող հինհռոմեական պատմական Eburobrittium քաղաքի քարերը։
711-718 թվականների իսլամական նվաճումների ժամանակ ամրոցն անցել է արաբներին։ Կորդովայի ամիրայության ձևավորման ժամանակ արաբները Օբիդուշի ամրոցը դարձրել են պատմական Էշտրեմադուրա շրջանի կարևոր կետերից մեկը. այն մտել է նահանգի ստորին հատվածի մեջ։ Գնահատելով տեղի ջրի որակը` արաբները հռոմեական թերմերի տեղում վերականգնել են բաղնիքները։ Արաբներն ավարտին են հասցրել գյուղի շրջակայքում ամրոցային պատերի շինարարությունը։
1227 թվականին արաբական Բադախոս էմիրությունը մտնում է Պորտուգալիայի կազմի մեջ։ Պորտուգալացիներն ընդարձակում են ամրոցը` կառուցելով մի քանի շարք պաշտպանական պատեր։ Ամրոցն իր ժամանակակից տեսքը ձեռք է բերել 15-րդ դարում։ Պալատում սկսում են իշխել արքային ենթակվող տարբեր ֆեոդալներ։ Պալատը դառնում է պորտուգալացի իշխողների սիրելի նստավայրը հատկապես նոր ժամանակների սկզբնական հատվածում։ Միապետներն այստեղ կազմակերպում են տոնական ընդունելություններ, հարսանիքներ, տոնահանդեսներ, քանի որ Օբիդուշը գտնվում էր Լիսաբոնից ոչ հեռու։
18-րդ դարում Պորտուգալիայում տնտեսական անկում է սկսվում, և ամրոցը դատարկվում է` մասամբ վնասվելով։ Դրան նպաստում է Լիսաբոնի երկրաշարժը, որն ավերում է ամրոցի կենտրոնում գտնվող պալատը։ Սկսած 19-րդ դարից` ամրոցը դառնում է զբոսաշրջային գրավիչ ուղղություն։
Ժամանակակից շրջան[խմբագրել | խմբագրել կոդը]
Ամրոցը զբոսաշրջային հանրաճանաչ օբյեկտ է։ Այն գրավում է իր բաստիոններով, ատամնավոր պատերով։ Մինչ օրս պահպանվել են որոշ պատուհաններ ու կամարային մուտքեր, որոնք զարդարված են միջնադարյան բարձրաքանդակներով։
Ծանոթագրություններ[խմբագրել | խմբագրել կոդը]
- ↑ Ulysses database (порт.)
- ↑ Mendonça, Isabel; Matias, Cecília; Elias, Margarida (2011), SIPA, ed., Castelo de Óbidos/Castelo e cerca urbana de Óbidos/Pousada de Óbidos (IPA.00003324/PT031012040001) (in Portuguese), Lisbon, Portugal: SIPA – Sistema de Informação para o Património Arquitectónico, archived from the original on 9 March 2016, retrieved 31 July 2016
Գրականություն[խմբագրել | խմբագրել կոդը]
Ջաննի Գուադալուպի, Գաբրիելե Ռեյնա (թարգմանություն` Ա. Բորիսովա) // Աշխարհի ամրոցները. — М.: "ԱՍՏ" ԲԲԸ, "Աստրել" ԲԲԸ, 2005. — С. 16-17. — 272 с. — ISBN 978-5-17-033048-5, 978-5-271-12588-1, 88-544-0097-1
 | Վիքիպահեստն ունի նյութեր, որոնք վերաբերում են «Օբիդուշի պալատ» հոդվածին։ |
