Փիթսբուրգի համալսարան

Վիքիպեդիայից՝ ազատ հանրագիտարանից
Jump to navigation Jump to search
Փիթսբուրգի համալսարան
Pitt Panthers wordmark.svg
CathedralFromSS.jpg
Տեսակpublic-private partnership[1], մասնավոր համալսարան, հետազոտական համալսարան և ԱՄՆ-ի հասարակական կռթության կազմակերպություն[2]
Հիմնադրված է1787
ՀիմնադրիրHugh Henry Brackenridge
ԱնդամակցությունORCID[3], Թվային գրադարանի ֆեդերացիա[4], Հետազոտական գրադարանների ասոցիացիա[5], Գիտական հրատարակչական և ակադեմիական ռեսուրսների կոալիցիա[6], Հետազոտական գրադարանների կենտրոն[7] և Atlantic Coast Conference
ԵրկիրԱՄՆ
ՏեղագրությունՓիթսբուրգ և Oakland
Հասցե4200 Fifth Avenue, Pittsburgh, PA, 15260[2]
Կայքpitt.edu[2]
Կոորդինատներ: 40°26′40.43400009999″ հս․ լ. 79°57′11.786400099976″ ամ. ե. / 40.4445650000277723° հս․. լ. 79.95327400002777551° ավ. ե. / 40.4445650000277723; 79.95327400002777551
University of Pittsburgh Վիքիպահեստում

Փիթսբուրգի համալսարան (անգլ.՝ University of Pittsburgh, ոչ պաշտոնական անվանում՝Pitt), հանրային հետազոտական համալսարան, որը գտնվում է ԱՄՆ Փենսիլվանիա նահանգի Փիթսբուրգ քաղաքում։ Հիմնադրվել է 1787 թվականին։ Հայտնի է բժշկության ոլորտում իրականացված հետազոտությունների և գիտական աշխատանքների համար։

Կարգավիճակ[խմբագրել | խմբագրել կոդը]

Փիթսբուրգի համալսարանը իր պատմության մեծ մասի ընթացքում եղել է մասնավոր կրթական հաստատություն։ 1966 թվականից մինչև 1970-ականները այն գտնվել է Փենսիլվանիա նահանգի ենթակայության տակ։ Այժմ նահանգում ներդրված է Commonwealth System of Higher Education կարգավիճակը և Փիթսբուրգի համալսարանը ևս 3 նման համալսարանների հետ ենթարկվում է այդ կարգավիճակին։

Կառուցվածք[խմբագրել | խմբագրել կոդը]

Համալսարանը կազմված է 17 քոլեջներից և դպրոցներից (ֆակուլտետ)․

  • Դիտրիխի արվեստի և գիտության դպրոց
  • Բիզնեսի կառավարման քոլեջ
  • Ջոզեֆ Կատցի անվան բիզնեսի դպրոց
  • Մանկավարժության դպրոց
  • Սվանսոնովյան ինժեներական դպրոց
  • Հիմնարար գիտությունների դպրոց
  • Փիթսբուրգի համալսարանի առողջապահության և վերականգնման դպրոց
  • Մրցանակակիրների դպրոց
  • Տեղեկատվական գիտությունների դպրոց
  • Իրավունքի դպրոց
  • Փիթսբուրգի համալսարանի բժշկագիտության դպրոց
  • Փիթսբուրգի համալսարանի քույրական գործի դպրոց
  • Դեղագիտության դպրոց
  • Հասարակական և միջազգային գործունեության բարձրագույն դպրոց
  • Փիթսբուրգի համալսարանի առողջապահության բարձրագույն դպրոց
  • Սոցաշխատանքի դպրոց

Փիթսբուրգի համալսարանը սերտորեն կապված է ԱՄՆ խոշորագույն հիվանդանոցային համալիրներից մեկի հետ։

Վարկանիշային դիրք[խմբագրել | խմբագրել կոդը]

Չնայած այն հանգամանքին, որ նահանգների համալսարանները պակաս հայտնի են, քան մասնավոր համալսարանները, այնուամենայնիվ Փիթսբուրգի համալսարանը մտնում է այսպես կոչված «Public Ivy» լավագույն համալսարանների կազմի մեջ [8] ։ Վարկանիշային բարձր դիրքերը մեծամասամբ պայմանավորված են բժշկության ոլորտում արված աշխատանքների, պակաս չափով՝ ինժեներիայի ոլորտում կատարված աշխատանքների համար։

2009 թվականին Համալսարանների որակի գնահատման կենտրոնը (Արիզոնայի համալսարանի կազմում գտնվող հետազոտական կենտրոն) Փիթսբուրգի համալսարանը ներառել է բարձրագույն խմբի, այսինքն հանրային համալսարանների թոփ յոթնյակի կազմի մեջ, և վեցերորդ խմբի կազմի մեջ, այսինքն՝ ամերիկյան համալսարանների թոփ-25-ի մեջ[9]։

U.S. News & World Report ամսագիրը 2009 թվականին Փիթսբուրգի համալսարանին շնորհել է հանրային համալսարանների մեջ 20-րդ տեղը և 56-րդ տեղը՝ ամերիկյան բոլոր համալսարանների հաշվարկով։

Աշխարհի համալսարանների ակադեմիական ռեյտինգի տվյալներով Փիթսբուրգի համալսարանը աշխարհում զբաղեցրել է 50-րդ տեղը և 37-րդ տեղը՝ ԱՄՆ-ում[10] ։

2014 թվականին Forbes-ը Փիթսբուրգի համալսարանին ԱՄՆ լավագույն համալսարանների շարքում շնորհել է 62-րդ հորիզոնականը [11] ։

Ձեռքբերումներ[խմբագրել | խմբագրել կոդը]

Փիթսբուրգի համալսարանում իրականացվել են մի շարք կարևոր հայտնագործություններ․

  • 1950-ականների ընթացքում համալսարանի մի շարք աշխատակիցների, և հատկապես Ջոնաս Սոլքի կողմից աշխարհում առաջին անգամ ստեղծվել է պոլիոմիելիտի դեմ պատվաստանյութը։
  • 2000 թվականին Ռ․ Նաթթի և Դ․ Թաունսենդի կողմից ստեղծվել է տոմոգրաֆիան (պոզիտրոն-էմիսիոնային և համակարգչային տոմոգրաֆիայի համակարգ)

Հայտնի շրջանավարտներ և աշխատակիցներ[խմբագրել | խմբագրել կոդը]

  • Գուստավ Ավրակոտոս՝ ԿՀՎ աշխատակից, որը մեծ դեր է ունեցել աֆղան մոջահեդների զինման հարցում,
  • Պավել Աստախով՝ ՌԴ նախագահին կից երեխաների իրավունքների նախկին պաշտպան,
  • Փիթեր Բիգլ՝ ֆանտաստ գրող, «Նեբյուլա» և «Հյուգո» մրցանակների դափնեկիր,
  • Հարրի Բիզել՝ ամերիկյան ուռուցքաբանության առաջամարտիկներից մեկը,
  • Հերբերթ Բոյեր՝ կենսաքիմիկոս,
  • Ջոն Իրվինգ՝ գրող և սցենարիստ, «Օսկարի» մրցանակակիր,
  • Ջեյմս Է․ Քիլեր՝ աստղագետ,
  • Չարլզ Գլեն Քինգ՝ կենսաքիմիկոս, վիտամին C սինթեզած գիտնականներից մեկը
  • Փեթեր Սաֆար՝ բժիշկ, սիրտ-թոքային վերակենդանացման առաջամարտիկներց,
  • Ռեջինալդ Ֆեսեդեն՝ կանադա-ամերիկյան գյուտարար,
  • Գարի Բյուզի՝ հայտնի հոլիվուդյան դերաան,
  • Բեռնարֆ Ֆիշեր՝ բժիշկ, կրծքագեղձի քաղցկեղի ադյուվանտ բուժման հայտնագործող,
  • Պատրիցիա Չերչլենդ՝ փիլիսոփա։


Ծանոթագրություններ[խմբագրել | խմբագրել կոդը]

Հղումներ[խմբագրել | խմբագրել կոդը]