Տրանսնախագիծ

Տրանսնախագիծ
Հիմնադրված	1971 թ.
Իրավ. կարգավիճակ	գործող
Տարածաշրջան	Հայաստան, Երևան
Նախկին անվանում(ներ)	«Հայպետտրանսնախագիծ»

Տրանսնախագիծ, տրանսպորտային շինարարության նախագծահետազննական ինստիտուտ Երևանում։ Գտնվում է Դավիթ Անհաղթ փողոցում։

Պատմություն

Տրանսպորտային շինարարության հայկական պետական նախագծահետազոտական ինստիտուտը՝ «Հայպետտրանսնախագիծը», հիմնադրվել է 1971 թ. Երևանում։

Ինստիտուտի հիմնական խնդիրներն են եղել Հայաստանի երկաթուղային և ավտոմոբիլային ճանապարհների ցանցի ընդլայնման նախագծերի մշակումը, ինչպես նաև Երևան քաղաքի տրանսպորտային արդյունավետ համակարգի խնդրի լուծումը՝ արագընթաց ռելսային տրանսպորտի կիրառմամբ։

Տրանսնախագիծ ինստիտուտի շենքը նախագծվել է ՀԽՍՀ վաստակավոր ճարտարապետ Գրիգոր Գրիգորյանի կողմից։

Ներկայումս Տրանսնախագիծ ինստիտուտի շենքում են գտնվում SEF International կազմակերպության գլխամասային գրասենյակը, բեռնափոխադրման կազմակերպություններ և կահույքի խանութ։ Մինչև 2013 թ. գործել է Կռունկ միջնակարգ դպրոց-վարժարանը։

Նախագծեր

Ինստիտուտի նախագծերից են՝

• Երևան-Սևան ավտոճանապարհ,
• Էջմիածին-Արմավիր ավտոճանապարհ,
• Մեղրի-Քաջարան ավտոճանապարհ,
• Երևան-Արտաշատ ավտոճանապարհ,
• Իջևան-Հրազդան երկաթուղի,
• Մասիս-Նուռնուս երկաթուղի,
• Սևան-Շորժա-Զոդ երկաթուղի,
• Երևանի մետրոպոլիտեն,
• Մեղրաձորի լեռնանցքը և Իջևան ու Դիլիջան քաղաքները շրջանցող թունելներ,
• Երևանի Դավթաշենի կամուրջ,
• Մի շարք այլ կամուրջներ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 6, էջ 201)։