Տիրսո դե Մոլինա

Վիքիպեդիայից՝ ազատ հանրագիտարանից
Jump to navigation Jump to search
Տիրսո դե Մոլինա
իսպ.՝ Tirso de Molina
Fray Gabriel Téllez, Tirso de Molina.jpg
Ծննդյան անունիսպ.՝ Gabriel José López Téllez
Ծնվել էմարտի 24, 1579
ԾննդավայրՄադրիդ, Իսպանիա[1]
Վախճանվել էմոտ. փետրվարի 20, 1648(1648-02-20)[1] (68 տարեկանում)
Վախճանի վայրԱլմասան, Soria Province, Կաստիլիա և Լեոն, Իսպանիա
Գրական անունTirso de Molina
Մասնագիտությունդրամատուրգ, բանաստեղծ և գրող
Լեզուիսպաներեն
ՔաղաքացիությունԻսպանիա
ԿրթությունԱլկալի համալսարան
Գիտական աստիճանDoctor of Divinity
Ժանրերպոեզիա, թատրոն և կատակերգություն
Firma de Gabriel Téllez (Tirso de Molina).svg
Tirso de Molina Վիքիպահեստում

Գաբրիել Տիրսո դե Մոլինա, (իսպ.՝ Tirso de Molina, իսկական անունը՝ Գաբրիել Տելես (իսպ.՝ Gabriel Téllez, մարտի 24, 1579, Մադրիդ, Իսպանիա[1] - մոտ. փետրվարի 20, 1648(1648-02-20)[1], Ալմասան, Soria Province, Կաստիլիա և Լեոն, Իսպանիա), իսպանացի դրամատուրգ։ Սովորել է Ալկալա դե Էնարեսի համալսարանում։ Բարձր պաշտոններ է վարել մերսենարյան միաբանությունում, որի պատմագիրն է դարձել 1632 թվականներից։ Առաջին գիրքը՝ «Տոլեդյան վիլլաներ» (16211624), ժանրային առումով մոտ է հովվերգական վեպին։ 1627–1636 թվականներին Տիրսո դե Մոլինան հրատարակել է պիեսների 5 ժողովածու։ Երրորդ գրքի առաջաբանում նշել է, որ ինքը հեղինակ է 400 պիեսի (պահպանվել է շուրջ 90)։ Գրել է պատմական, աստվածաշնչային և սրբախոսական թեմաներով պիեսներ, կրոնափիլիսոփայական դրամաներ, ինչպես նաև կատակերգություններ։ Տիրսո դե Մոլինան զարգացրել է Լ․ Ֆ․ դե Վեգա Կարպիոյի Վերածննդի դրամայի սկզբունքները։ Միաժամանակ, նրա ստեղծագործության մեջ, որ արդեն բարոկկոյի դարաշրջանին էր պատկանում, արտահայտվել է մարդկային բնության հանդեպ հումանիստական հավատի կորուստը և հիասթափությունը սիրուց։ Տիրսո դե Մոլինաի պիեսներում մարմնավորվել է ամենայն ինչի անստույգ, թատերական և խաբուսիկ լինելու գաղափարը։ Նրա առավել նշանավոր դրաման է «Սևիլյան աղմկարարը կամ Քարե հյուրը» (16191920․ հրտատակվել է 1630, որտեղ համաշխարհային գրականության մեջ առաջին անգամ մշակվել է Դոն ժուանի մասին ավանդազրույցը։

Ծանոթագրություններ[խմբագրել | խմբագրել կոդը]

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից։ CC-BY-SA-icon-80x15.png