Կորին Տելյադո
Կորին Տելյադո իսպ.՝ María del Socorro Tellado López | |
---|---|
![]() | |
Ծննդյան անուն | իսպ.՝ María del Socorro Tellado López |
Ծնվել է | ապրիլի 25, 1927[1] |
Ծննդավայր | Viavélez, Valdepares, El Franco, Աստուրիա, Աստուրիա, Իսպանիա |
Վախճանվել է | ապրիլի 11, 2009[2] (81 տարեկան) |
Վախճանի վայր | Խիխոն, Աստուրիա, Աստուրիա, Իսպանիա |
Գրական անուն | Corín Tellado, Ada Miller և Ada Miller Leswy |
Մասնագիտություն | գրող և վիպասան |
Լեզու | իսպաներեն |
Քաղաքացիություն | ![]() |
Ժանրեր | սիրավեպ, էրոտիկ վեպ, մանկական վեպ, վեպ և պատմվածք |
Պարգևներ | |
Կայք | corintellado.com |
![]() |
Կորին Տելյադո (իսկական անունը՝ Մարիա դել Սոկորո Տելյադո Լոպես (իսպ.՝ Corín Tellado, María del Socorro Tellado López, ապրիլի 25, 1927[1], Viavélez, Valdepares, El Franco, Աստուրիա, Աստուրիա, Իսպանիա - ապրիլի 11, 2009[2], Խիխոն, Աստուրիա, Աստուրիա, Իսպանիա), իսպանացի կին գրող, ամենաբեղմնավոր գրողը և ամենաշատ ընթերցված իսպանացի հեղինակը Սերվանտեսից հետո։
Կենսագրություն
[խմբագրել | խմբագրել կոդը]Մեծացել է բազմազավակ ընտանիքում, ունեցել է հինգ եղբայր, հայրը եղել է նավի մեխանիկ, մայրը՝ տնային տնտեսուհի։ Մարիան մանկությունից անհագ կարդացել է Դյումայի և Բալզակի ստեղծագործությունները։ 1945 թվականին մահացել է հայրը, և ընտանիքի համար սկսվել են տնտեսական դժվարությունները։ 1946 թվականին «Bruguera » հրատարակչությունը գնել է նրանից առաջին վեպը՝ «Համարձակ գրազ» (այդ ժամանակից ի վեր ունեցել է 36 հրատարակություն), և պայմանագիր է կնքել, որի համաձայն գրողը պարտավորվել է հրատարակչությանը ամեն շաբաթ ներկայացնել մոտ 100 էջանոց մեկ փոքր վեպ։ 1964 թվականին Տելյադոն խզել է պայմանագիրը հրատարակչության հետ։ 1966 թվականի վերջից սկսել են լույս ընծայվել և լուսանկարչական վեպի ժանրի նրա ստեղծագործությունները։
Նա հրատարակել է մոտ 4 հազար վեպ, որոնք վաճառվել են ընդհանուր 400 միլիոն օրինակով։ Թարգմանվել է աշխարհի տարբեր լեզուներով, նրա մի շարք գրքեր էկրանավորվել են, դարձել հեռուստատեսային ֆիլմեր։ 1994 թվականին նրա անունն ընդգրկվել է Գինեսի ռեկորդների գրքում։
Մահացել է 2009 թվականի ապրիլի 11-ին Իսպանիայի հյուսիսում գտնվող Խիխոն քաղաքում։
Ստեղծագործություն
[խմբագրել | խմբագրել կոդը]Նրա հիմնական ժանրը սիրավեպն է՝ սիրային-քնարական պատմություններ։ Բացի դրանից՝ կեղծանուններով (Ադա Միլեր և այլն) հրատարակել է մի քանի տասնյակ էրոտիկ վեպեր։
Հետաքրքիր փաստեր
[խմբագրել | խմբագրել կոդը]1950-ական թվականներին Կորին Տելյադոյի գրքերի սրբագրիչը որոշ ժամանակ եղել է Գիլերմո Կաբրերա Ինֆանտեն։ Ավելի ուշ նա Տելյադոյին անվանել է անմեղ պորնոգրաֆ և խոստովանել, որ նրա վեպերի ընթերցումը մեծապես ազդել է գրող դառնալու իր որոշման վրա. Տելյադոյի գրքերի մասին էսսեն ընդգրկվել է Կաբրերա Ինֆանտեի ժողովածուում (1975 թվական)։ Իսպանացի նշանավոր գրաքննադատ և սոցիոլոգ Անդրես Ամորասի գիրքը՝ «Վարդագույն վեպի սոցիոլոգիան» (1968 թվական), ստեղծվել է Տելյադոյի 10 ամենահայտնի ստեղծագործությունների վերլուծության հիման վրա։ Նրա գրքերը՝ որպես ընդհանուր ռոմանտիզմի խորհրդանիշ և դարաշրջանի յուրօրինակ նշան, հիշատակվում են Մարկեսի, Վարգաս Լյոսայի, Մ. Պուիգի գործերում։
Ծանոթագրություններ
[խմբագրել | խմբագրել կոդը]- ↑ 1,0 1,1 Deutsche Nationalbibliothek Record #129245151 // Gemeinsame Normdatei (գերմ.) — 2012—2016.
- ↑ 2,0 2,1 2,2 Diccionario biográfico español (իսպ.) — Real Academia de la Historia, 2011.
Գրականություն
[խմբագրել | խմբագրել կոդը]- Amorós A. Sociología de una novela rosa. Madrid: Taurus, 1968
- González García M.T. Corín Tellado: medio siglo de novela de amor, 1946—1996. Oviedo: Pentalfa Ediciones, 1998
- Carmona González A. Corín Tellado: el erotismo rosa. Madrid: Espasa Calpe, 2002
Արտաքին հղումներ
[խմբագրել | խմբագրել կոդը]![]() | Վիքիպահեստն ունի նյութեր, որոնք վերաբերում են «Կորին Տելյադո» հոդվածին։ |
|