Վորմսի տաճար

Վիքիպեդիայից՝ ազատ հանրագիտարանից
Jump to navigation Jump to search
Վորմսի տաճար
Worms Dom Ostfassade Vierung2005-05-27a.jpg
Հիմնական տվյալներ
Տեսակկաթոլիկ տաճար և Կայսերական տաճարներ
ԵրկիրԳերմանիա Գերմանիա
ՏեղագրությունՎորմս[1]
Դավանանքկաթոլիկություն
ԹեմRoman Catholic Diocese of Mainz?
Ժառանգության կարգավիճակմշակույթի հուշարձան
Ճարտարապետական նկարագրություն
Ճարտարապետական ոճՌոմանական ճարտարապետություն
Հիմնադրված12-րդ դար
Կոորդինատներ: 49°37′49.000000100793″ հս․ լ. 8°21′35.000000099918″ ավ. ե. / 49.63027777780577310° հս․. լ. 8.35972222224997807° ավ. ե. / 49.63027777780577310; 8.35972222224997807

Վորմսի տաճար (գերմ.՝ Wormser Dom, լրիվ անվանումը` Սուրբ Պետրոսի տաճար գերմ.՝ Der Dom St. Peter), տաճար գերմանական Վորմս քաղաքում: Կառուցված է ռոմանական ոճով: Հռենոսի կայսերական երեք տաճարներից ամենափոքրն է:

Եկեղեցում տեղի ունեցած պատմական իրադարձություններից են Հռոմի Լև IX պապի ընտրությունը (1048) և Վորմսի ռեյխստագը (1521), որի ժամանակ Մարտին Լյութերը հանդես է եկել Կառլոս V կայսրի առաջ:

Վորմսի տաճարը կառուցվել է 1130-1181 թվականներին, որի պատճառով քանդվել է 11-րդ դարի սկզբին կառուցված ռոմանական բազիլիկը: Կանգնած է բլրի վրա, որը քաղաքի ամենաբարձր կետն է, ուր նախապես բնակություն էին հաստատել կելտերը և հռոմեացիները, քանի որ տեղանքը պաշտպանված էր հեղեղումներից: Մոտ 600 թվականին կառուցվել է եկեղեցի, որ նախորդել է տաճարին: Ներկայումս Վորմսի տաճարը կաթոլիկ տաճար է: Խորանին կից սենյակում ամփոփված են Կոնրադ II կայսեր հարազատների մնացորդները, որոնք մահացել են 10-11-րդ դարերում:

Վորմսի տաճար և նիբելունգներ[խմբագրել | խմբագրել կոդը]

Տաճարը 1904 թվականին

«Նիբելունգների երգը» գերմանական էպոսի հիմնական դրվագներից մեկը տեղի է ունենում Վորմսի տաճարի մոտ[2]: Այդ դրվագում Կրիմհիլդան և Բրյունհիլդան վիճում են այն բանի առթիվ, թե ում ամուսինն է ավելի բարձր դիրք գրավում, և հետևաբար ով պետք է առաջինը տաճար մտնի: Այս վեճի պատմական փաստարկներ չկան: Հնարավոր է, որ «Նիբելունգների երգը» էպոսը պատմողները տաճարն ուղղակի օգտագործել են որպես գործողությունների կատարման վայր:

Ծանոթագրություններ[խմբագրել | խմբագրել կոդը]

  1. archINFORM — 1994.
  2. Das Nibelungenlied

Արտաքին հղումներ[խմբագրել | խմբագրել կոդը]