Վոնգեչի Մուտու
Վոնգեչի Մուտու | |
|---|---|
| Ծնվել է | հունիսի 22, 1972[1][2][3] (51 տարեկան) |
| Ծննդավայր | Նայրոբի, Քենիա[4] |
| Քաղաքացիություն |  Քենիա[5] և  ԱՄՆ |
| Կրթություն | Եյլի արվեստի դպրոց, Քուփեր Յունիոն և UWC Atlantic College? |
| Մասնագիտություն | նկարչուհի, վիզուալ արտիստ, քանդակագործ, գծանկարիչ, collagist և ինստալյացիոն արտիստ |
| Ոճ | աֆրոֆուտուրիզմ և ժամանակակից արվեստ[4] |
| Ժանր | social-artistic project?[6] և Ֆիգուր[6] |
| Պարգևներ | |
| Պաշտոն | artist-in-residence? |
| Կայք | wangechimutu.com |
 Wangechi Mutu Վիքիպահեստում | |
Վոնգեչի Մուտու (անգլ.՝ Wangechi Mutu, հունիսի 22, 1972[1][2][3], Նայրոբի, Քենիա[4]), քենիացի ժամանակակից նկարչուհի։
Կենսագրություն[խմբագրել | խմբագրել կոդը]
Մուտուն ծնվել է 1972 թվականին Քենիայի Նայրոբի քաղաքում։ Ապրում և աշխատում է ԱՄՆ-ի Նյու Յորքի Բրուքլին բնակավայրում։
Վոնգեչի Մուտուի ստեղծագործական խումբը մասնակցել է Մոսկվայի ժամանակակից արվեստի 5-րդ բիենալեի հիմնական նախագծին, որը տեղի է ունեցել 2013 թվականի սեպտեմբերի 20-ից հոկտեմբերի 20-ը[7]։
Կրթություն[խմբագրել | խմբագրել կոդը]
Վոնգեչի Մուտուն կրթություն է ստացել Լորետո Մսոնգարի վանքում (1978-1989), այնուհետև ուսանել է Ուելսում՝ Ատլանտիկայի միացյալ համաշխարհային քոլեջում։ 1990-ական թվականներին Մուտուն տեղափոխվել է Նյու Յորք՝ մասնագիտանալով արվեստի և մարդաբանության ոլորտում Սոցիալական հետազոտությունների նոր դպրոցում և Փարսոնսի դիզայնի դպրոցում։ 1996 թվականին Կուպերի միությունում ստացել է արվեստի և գիտության բակալավրի աստիճան, իսկ 2000 թվականին Եյլի համալսարանում ստացել է մագիստրոսի աստիճան։
Ստեղծագործություն[խմբագրել | խմբագրել կոդը]
Լինելով ծնունդով քենուհի՝ Վոնգեչի Մուտուն ստացել է քանդակագործի և մարդաբանի կրթություն։ Նա իր ստեղծագործական գործունեության ընթացքում ուսումնասիրում է կնոջ ու մշակութային ինքնությունների հակասությունները, հղում դրանք գաղութատիրական պատմություններին, ժամանակակից աֆրիկյան քաղաքականությանը և միջազգային նորաձևության արտադրությանը։ Համակցելով հանդեսների, ներկված մակերեսների և գտածո նյութերի կերպարները, Մուտուի կոլաժները հիշեցնում են փոխպատվաստման վիրաբուժություն և բիոնային պրոթեզավորում։ Մուտուի ձևերը միաժամանակ վանող են և գրավիչ, հնագույն և ֆուտուրիստական, բռնությունից նկարչուհին ստեղծել է գրավիչ գեղեցկություն։ Նրա աշխատանքը ցույց է տալիս ինքնության ճգնաժամը, երբ որոշակի մշակույթի ծագումն ու պատկանելիությունը դառնում են անհանգստացնող և վտանգավոր տարածք։
Մուտուի աշխատանքները ցուցադրվում եմ համաշխարհային թանգարաններում և պատկերասրահներում, ներառյալ՝ Սան Ֆրանցիսկոյի ժամանակակից արվեստի թանգարանում, Մայամիի Պերես արվեստի թանգարանում, Լոնդոնի Թեյթ Մոդեռն ժամանակակից պատկերասրահում, Նյու Յորքի Հառլեմ ստուդիա-թանգարանում, Գերմանիայի Դյուսելդորֆ քաղաքի Կունստպալաստ թանգարանում և Փարիզի Պոմպիդու կենտրոնում։
Անձնական ցուցադրություններ[խմբագրել | խմբագրել կոդը]
- 2003՝ Pagan Poetry, Susanne Vielmetter Los Angeles Projects, Los Angeles, CA
- 2003՝ Creatures, Jamaica Center for the Arts and Learning, Queens, NY
Ծանոթագրություններ[խմբագրել | խմբագրել կոդը]
- ↑ 1,0 1,1 Mancoff D. N. Encyclopædia Britannica
- ↑ 2,0 2,1 Cox L. M. Mutu, Wangechi // Grove Art Online / J. Turner — [Oxford, England], Houndmills, Basingstoke, England, New York: OUP, 2017. — ISBN 978-1-884446-05-4 — doi:10.1093/GAO/9781884446054.ARTICLE.T2086311
- ↑ 3,0 3,1 Artists of the World Online, Allgemeines Künstlerlexikon Online, AKL Online (գերմ.) / Hrsg.: A. Beyer, B. Savoy — B: K. G. Saur Verlag, Verlag Walter de Gruyter, 2009. — ISSN 2750-6088 — doi:10.1515/AKL
- ↑ 4,0 4,1 4,2 4,3 https://www.britannica.com/biography/Wangechi-Mutu
- ↑ Ժամանակակից արվեստի թանգարանի առցանց հավաքածու
- ↑ 6,0 6,1 http://www.artnet.com/artists/wangechi-mutu/
- ↑ «В основном проекте 5-й Московской биеннале примут участие 72 художника и творческих коллектива | Art | Новости». Արխիվացված է օրիգինալից 2013 թ․ սեպտեմբերի 28-ին. Վերցված է 2020 թ․ մարտի 25-ին.
Արտաքին հղումներ[խմբագրել | խմբագրել կոդը]
 | Վիքիպահեստն ունի նյութեր, որոնք վերաբերում են «Վոնգեչի Մուտու» հոդվածին։ |
| ||||||||||||||||
