Վլադիմիր Ասաթիանի

Վիքիպեդիայից՝ ազատ հանրագիտարանից
Jump to navigation Jump to search
Վիքիպեդիայում կան հոդվածներ Ասաթիանի ազգանունով այլ մարդկանց մասին:
Վլադիմիր Ասաթիանի
վրացերեն՝ ვლადიმერ ასათიანი
Ծնվել էսեպտեմբերի 23, 1901(1901-09-23)
Ֆերգանա, Ուզբեկստան
Մահացել էմարտի 9, 1972(1972-03-09) (70 տարեկան)
Թբիլիսի, Վրացական Խորհրդային Սոցիալիստական Հանրապետություն, ԽՍՀՄ
ՔաղաքացիությունFlag of Russia.svg Ռուսական կայսրություն և Flag of the Soviet Union.svg ԽՍՀՄ
Ազգությունվրացի
Մասնագիտությունկենսաքիմիկոս
Գործունեության ոլորտԿենսաքիմիա
ԱնդամակցությունՎրաստանի Գիտությունների ազգային ակադեմիա
Գիտական աստիճանկենսաբանական գիտությունների դոկտոր
Տիրապետում է լեզուներինվրացերեն
ՊարգևներՎրացական ԽՍՀ գիտության վաստակավոր գործիչ Լենինի շքանշան ԽՍՀՄ պետական մրցանակ և Petre Melikishvili Award?

Վլադիմիր Ասաթիանի (վրացերեն՝ ვლადიმერ ასათიანი (ბიოქიმიკოსი), սեպտեմբերի 23, 1901(1901-09-23), Ֆերգանա, Ուզբեկստան - մարտի 9, 1972(1972-03-09), Թբիլիսի, Վրացական Խորհրդային Սոցիալիստական Հանրապետություն, ԽՍՀՄ), խորհրդային կենսաքիմիկոս, Վրաստանի գիտությունների ակադեմիայի ակադեմիկոս (1960 թ.), Լենինի շքանշանակիր, ԽՍՀՄ պետական մրցանակի դափնեկիր, Վրաստանի գիտության վաստակավոր գործիչ, Պետրե Մելիքիշվիլու անվան մրցանակի դափնեկիր

Կենսագրություն[խմբագրել | խմբագրել կոդը]

Ծնվել է 1901 թվականի սեպտեմբերի 10-ին միջինասիական Սկոբելև /ներկայումս՝ Ֆերգանա) քաղաքում: 1923 թվականին ավարտել է իտալական Պերուջա քաղաքի փորձարարական գյուղատնտեսության թագավորական բարձրագույն ինստիտուտի կենսաքիմիական բաաժանմունքը: 1923 թվականից սկսած՝ աշխատել է եվրոպական մի շարք համալսարաններում կամ բարձրագույն ուսումնական այլ հաստատություններում, այդ թվում՝ Շառլոտենբուրգի պոլիտեխնիկական ինստիտուտում, Բեռլինի, Փարիզի, Ստրասբուրգի համալսարաններում: 1925 թվականին եկել է ԽՍՀՄ, մեկնել Անդրֆեդերացիա, աշխատանքի անցել Թիֆլիսի պետական համալսարանի օրգանական և ֆիզիոլոգիական քիմիայի ամբիոնում: 1931-1932 թվականներին աշխատել է որպես Մախարաձե (ներկայումս՝ Օզուրգեթ) քաղաքում գործող թեյի համամիութենական ինստիտուտի քիմիայի ամբիոնի վարիչ: 1932-ից 1972 թվականներին գիտական լայն ու արդյունավետ գործունեություն է ծավալել Վրաստանի գիտությունների ակադեմիայի դեղաբանա-քիմիական ինստիտուտում, ընդ որում՝ 1964-ից 1972 թվականներին եղել է այդ ինստիտուտի տնօրենը[1]: Միաժամանակ՝ 1937-ից 1972 թվականներին ղեկավարել է Թբիլիսիի պետական բժշկական համալսարանի օրգանական և դատական քիմիայի ամբիոնը:

Վլադիմիր Ասաթիանին վախճանվել է 1972 թվականի մարտի 9-ին, Թբիլիսիում:

Գիտական աշխատանքները[խմբագրել | խմբագրել կոդը]

Վ. Ասաթիանիի գիտական աշխատանքները հիմնականում վերաբերում են վերլուծական (անալիտիկ) քիմիային, կենսաբանորեն ակտիվ բնական միացությունների քիմիային, կենսաքիմիական դեղաբանությանն ու բժշկական ֆերմենտաբանությանը:

Գրականություն[խմբագրել | խմբագրել կոդը]

  • Биологи. Биографический справочник.

Ծանոթագրություններ[խմբագրել | խմբագրել կոդը]

Արտաքին հղումներ[խմբագրել | խմբագրել կոդը]