Վիքիպեդիա:Հարցեր/Արխիվ/2015

Վիքիպեդիայից՝ ազատ հանրագիտարանից

Հարց - տեղեկաքարտ[խմբագրել կոդը]

Հարգելի մասնակիցներ, ինչպե՞ս ստեղծել տեղեկաքարտ: Ինձ տվյալ դեպքում պետք է այս էջի (https://ru.wikipedia.org/wiki/Плечевое_нервное_сплетение) տեղեկաքարտի հայերեն տարբերակը, որպեսզի տեղադրեմ նյարդերին վերաբերող հայերեն հոդվածներում:--Davplast (քննարկում) 20:59, 12 Մայիսի 2015 (UTC)[reply]

Հարգելի Davplast, սկզբից պետք է գնալ տեղեկաքարտի էջ ռուվիքիյում, բացել և տեսնել նրա պարունակությունը։ Հետո գնալ Նավարկման աղյուսակ կաղապարի էջը հայվիքիյում։ Ձեր ավազարկղում պատճենել կաղապարի օրինակը (գրված է "Բնագիր պատճենահանման համար" տողի տակ) և լրացնել տվյալներով։ Հետո տարբեր փոփոխություններով հասնել Ձեր ուզածին։ Հեշտության համար կարելի է ուսումնասիրել արդեն ստեղծած կաղապարներ, օրինակ այս մեկը։ - Kareyac (քննարկում) 02:35, 13 Մայիսի 2015 (UTC)[reply]

Հարգելի՛ մասնակիցներ, որտե՞ղ և ինչպե՞ս նշեմ հոդվածիս աղբյուրները:– Այս անստորագիր գրառման հեղինակն է Անահիտ Բաղդասարյան (քննարկում|ներդրումներ) մասնակիցը։

Հարգելի Անահիտ Բաղդասարյան, Ձեզ կօգնի այս հղումը։--Լիլիթ (քննարկում) 07:01, 11 Հուլիսի 2015 (UTC)[reply]
Հարգելի՛ Լիլիթ, Շիրակի մարզի Հացիկ գյուղի բնակլիմայական պայմանների, բնակչության, արդյունաբերության, գյուղատնտեսության, անասնապահության, մշակութային կյանքի, եկեղեցու , սրբատեղիների, դպրոցի, առողջապահական կենտրոնի, կենցաղի, սովորույթների, ճաշատեսակների վերաբերյալ հավաքել եմ նյութեր: Նյութերի համար աղբյուրներ են հանդիսանում Արևմտյան Հայաստանից եկած և Հացիկում հաստատված ընտանիքների շառավիղների հաղորդածները, առանձին անհատների կողմից ստեղծված տոհմագրությունները, «Շիրակ » թերթի որոշ համարներում զետեղված նյութերը: Սրանք ինչպե՞ս կարող եմ ներմուծել Վիքիպեդիա կամ ընդհանրապես կարո՞ղ եմ արդյոք դա անել:– Այս անստորագիր գրառման հեղինակն է Անահիտ Բաղդասարյան (քննարկում|ներդրումներ) մասնակիցը։
Հարգելի Անահիտ Բաղդասարյան, եթե նյութերը հանրագիտարանային են և աղբյուրներով հաստատված, անշուշտ, կարող եք։ Շիրակ թերթի նյութերը կարող եք տեղադրել, միայն թե նույնությամբ գրել չեք կարող, քանի որ հեղինակային իրավունքի խախտում կլինի։ Իսկ բանավոր փոխանցածները, ցավոք, չեք կարող տեղադրել հոդվածում։--Լիլիթ (քննարկում) 15:29, 11 Հուլիսի 2015 (UTC)[reply]

Շնորհակալություն: Ներեցե՛ք, բայց ուզում եմ մի հարց էլ տալ: Նյութեր հավաքելուն զուգընթաց՝ արվել են նկարահանումներ, որտեղ երևում է գյուղը տարբեր եղանակներին, գյուղի «Յոթնեղբայր» սրբավայրը(Ծակ քար, Ձորի սուրբ), այլ սրբավայրեր, քանդված բազիլիկ եկեղեցին(կառուցվել է 19-րդ դարում գյուղի բնակիչների կողմից), խաչքարեր, հուշարձան: Կան գյուղին առնչվող այլ նկարներ, որոնցից մեկը ես ներբեռնել եմ վիքիպեդիա, և հիմա այն հնարավոր ջնջման ենթակա նկարների մեջ է: Նշված բոլոր նկարները ոչ ազատ պատկերնե՞ր են համարվում, և ես դրանք չե՞մ կարող ներբեռնել:

Հարգելի մասնակիցներ, ինչպես կարող եմ անել, որ իմ կողմից խմբագրված և պատրաստի էջում չերևա հեղինակի /տվյալ դեպքում իմ/ անունը: Էջը խմբագրում եմ, վերջացնում, պահպանում, դուրս գալիս համակարգից սակայն երբ գուգլով որոնում եմ տալիս, էջի վերևի մասում բերում է նաև մասնակցի անվանումը, տվյալ դեպքում այս տեսքով՝ Մասնակից:Vardan1977: Ինչպես անեմ, որ այն չերևա: – Այս անստորագիր գրառման հեղինակն է Vardan1977 (քննարկում|ներդրումներ) մասնակիցը։

Հարգելի Vardan1977, խնդիրը նրանումն է, որ հոդվածը դուք ստեղծել եք ոչ թե հիմնական տիրույթում, այլ ձեր մասնակցային էջում։ Տեղափոխեք հիմնական տիրույթ և ձեր մասնակցային անունը չի երևա։ Բայց խնդրում եմ հոդվածը վիքիֆիկացրեք, ավելացրեք հավաստի երկրորդական աղբյուրներ, նորմալ տեսքի բերեք, նոր տեղափոխեք։ Այս տեքսով հոդվածը ենթակա է ջնջման։ --Ջեօ (~) 11:49, 3 Մայիսի 2015 (UTC)[reply]

Շատ շնորհակալ եմ, և մի հարց էլ, ինչպես տեղափոխել հիմնական տիրույթ և վիկիֆիկացնել? ես նոր եմ մուտք գործել, կարդացել եմ որոշ բաներ, բայց կխնդրեի բացատրել, եթե կարելի է:– Այս անստորագիր գրառման հեղինակն է Vardan1977 (քննարկում|ներդրումներ) մասնակիցը։ 13:38, 3 Մայիսի 2015

Հարգելի Լիլիթ (Lilitik22), եթե մասնակցի գրանցումից չի անցել կես ժամ... կարող է եւ նա ինչ, որ բան ճիշտ չի արել, փնտրտուքի մեջ է, որտեղ որ գործիքն է այստեղ... եւ այլն. (սեւագիր բաժնում տեղադրվում էր նյութ), դուք շատ ակտիվ չթողեցիք գրել մարդու լրիվ կենսագրականը գիտական կոչումներով ու ձեռք բերումներով հանդերձ (սպասեիք եւ անեիք ձեր դիտողությունները, միգուցե եւ կար ձեր օգնության կարիքը՝դա է նաեւ ադմինիստրատորի աշխատանքը), այն որ հայ բժիշկը, որի վաստակների մասին կարծում եմ դուք եւս չգիտեք, ոնց ե՞ք կարծում այդպիսի մարդկանց հանրագիտարանային նշանակության դառնալը: Թե՞ պետք է վերցնենք արդեն իսկ Սովետական հանրագիտարանից մարդկանց, տեղադրենք այստեղ՞ այդպես եք պատկերացու՞մ հանրագիտարանային նշանակությունը, եւ հայ Վիքիպեդիայի զարգացումը, պետք է տեղադրե՞նք նյութեր արդեն իսկ հայտնի, հանրագիտարաններում առկա մարդկանց մասին, ճի՞շտ հասկացա ձեզ: Վերցնել առանց զգուշացման ջնջել սեւագրության ժամանակ նոր սկսված 2 տող եւ համարել գովա՞զդ: Ձեր պատճառաբանությունը առ այն, որ դա գովազդ է, չի կարող համարվել կանոնակարգված: Հասկացա նաեւ՝ կարդալով մարդկանց բողոքները այստեղ,որ դուք շատ ակտիվ եք նյութերը հեռացնելու մեջ: Շնորհակալություն, այլեւս բացառվում է, որեւէ նյութի տեղադրում իմ կողմից այստեղ՝ հայ Վիքիպեդայում: – Այս անստորագիր գրառման հեղինակն է Surgas (քննարկում|ներդրումներ) մասնակիցը։ 16:22, 8 Մայիսի 2015

Հոդվածի վերնագիր[խմբագրել կոդը]

Հնարավո՞ր է արդյոք փոխել արդեն ստեղծված հոդվածի անունը: Ինպե՞ս: --RfnlH (քննարկում) 18:06, 22 Ապրիլի 2015 (UTC)[reply]

Այո, հարգելի RfnlH։ Կարող եք դիտել այստեղ։ --Մասնակից:GeoO/Ս 18:09, 22 Ապրիլի 2015 (UTC)[reply]

հարցականի նշանը և ՛՛ուշադրություն այս հոդվածն աղբյուրների կարիք ունի՛՛ նշումը[խմբագրել կոդը]

Հոդվածի վերաբերյալ համապատասխան աղբյուրներն ավելցնելուց հետո էլ հարցականի նշանը և ՛՛ուշադրություն այս հոդվածն աղբյուրների կարիք ունի՛՛ նշումը չեն վերանում, խնդրում եմ կարող եք ասել, թե ինչպես կարող եմ դա ուղղել? Կանխավ շնորհակալություն– Այս անստորագիր գրառման հեղինակն է Gevorgtamamyan (քննարկում|ներդրումներ) մասնակիցը։

Ո՞ր հոդվածի մասին է խոսքը, Գևորգ։--Լիլիթ (քննարկում) 15:03, 27 Ապրիլի 2015 (UTC)[reply]
Արյունաբանության և Ուռուցքաբանության Հայկական Ասոցիացիա, Լիլիթ. Շնորհակալություն– Այս անստորագիր գրառման հեղինակն է Gevorgtamamyan (քննարկում|ներդրումներ) մասնակիցը։
Գևորգ ջան, խնդրում եմ հղումները/աղբյուրները դնել այն նախադասությունների կողքը, որոնց վերաբերվում են։--Լիլիթ (քննարկում) 16:36, 27 Ապրիլի 2015 (UTC)[reply]
Լիլիթ ջան դրեցի ինչպես որ ասեցիք: Այժմ ինչ պետք է անեմ, որ վերանա այդ նշանը և գրությունը? Շնորհակալ եմ– Այս անստորագիր գրառման հեղինակն է Gevorgtamamyan (քննարկում|ներդրումներ) մասնակիցը։
Հանեցի պիտակը, Գևորգ ջան։ Հուսով եմ՝ մեր հանրագիտարանում այս մեկ հոդվածով չես սահմանափակվի :)
Հ․ Գ․ Քննարկումների ժամանակ խնդրում եմ վերջում ստորագրել՝ սեղմելով խմբագրական պատուհանի վերևի հատվածում առկա մատիտի վրա։ Կհայտնվի 4 հատ՝ ~~~~, որն էլ ստորագրությունն է։--Լիլիթ (քննարկում) 20:03, 27 Ապրիլի 2015 (UTC)[reply]

Շատ շնորհակալ եմ Լիլիթ ջան, անպայման :Ճ --Gevorgtamamyan (քննարկում) 20:59, 27 Ապրիլի 2015 (UTC)[reply]

Հղում Ծանոթագրություններում[խմբագրել կոդը]

Ողջույն հարգելի մասնակիցներ:

Ինչպե՞ս կարող եմ նորաստեղծ ՎԻՔԻհոդվածիս «Ծանոթագրություններ»-ում տեղադրել 2 հանրամատչելի հարցազրույցները, (եթե իհարկե դրա իրավունքն ունեմ): Ինչպե՞ս անեմ, որ հղումներում նշվեն հոդվածի վերնագիրը և տվյալ լրատվական կայքը:
Խոսքն այս հոդվածների մասին է
http://hetq.am/arm/news/57957/qarahunj-folk-roq-khumby-nor-shunch-e-talis-azgayin-ergerin.html
https://www.yerkir.am/am/news/75359.htm – Այս անստորագիր գրառման հեղինակն է ԳևորգՄ90 (քննարկում|ներդրումներ) մասնակիցը։

Այ այսպես՝ <ref>[http://hetq.am/arm/news/57957/qarahunj-folk-roq-khumby-nor-shunch-e-talis-azgayin-ergerin.html «Քարահունջ» ֆոլկ-ռոք խումբը նոր շունչ է տալիս ազգային երգերին]</ref>: Սա դնում եք այն նախադասության կամ պարբերության կողքը, որին վերաբերվում է տվյալ աղբյուրը։ Իսկ եթե տվյալ նյութից չեք օգտվել հոդվածը գրելիս, ապա պետք է ստեղծեք == Արտաքին հղումներ == բաժինը և հղումները դնել այնտեղ առանց ref-երի։ Հարգելի Գևորգ, ցանկացած վստահելի, երկրորդական համարվող հղում կարող է հոդվածի համար աղբյուր ծառայել։--Լիլիթ (քննարկում) 14:15, 12 Մայիսի 2015 (UTC)[reply]

Խմբագրում[խմբագրել կոդը]

Վիքիպեդիայում տեղադրված նյութերը կարող է խմբագրել, օգտագործել և տարածել ցանկացած ոք, եթե կատարում է թույլատրագրի պայմանները (նշում հեղինակներին և տարածում նույն ազատ թույլատրագրով)։

Իսկ ինչպե՞ս պետք է նշեմ հեղինակներին և տարածեմ պայմանները: – Այս անստորագիր գրառման հեղինակն է ԳևորգՄ90 (քննարկում|ներդրումներ) մասնակիցը։

Ինչպես նկար տեղադրել նյութում[խմբագրել կոդը]

Ինչպես նկար տեղադրել նյութում – Այս անստորագիր գրառման հեղինակն է VachePetrosyan (քննարկում|ներդրումներ) մասնակիցը։

Պատասխանը այստեղ։ Խնդրում եմ, մի մոռացեք ստորագրել։ - Kareyac (քննարկում) 10:50, 15 Մայիսի 2015 (UTC)[reply]

Հարգելի մասնակիցներ, ես ստեղծել եմ մի նյութ, և ավարտելուն պես սեղմել եմ <<Հիշել էջը>>: Բայց ինձ մոտ խդնիր կա. գրված է. Այս հոդվածը կարող է վիքիֆիկացման կարիք ունենալ Վիքիպեդիայի որակի չափանիշներին համապատասխանելու համար։ Դուք կարող եք օգնել հոդվածի բարելավմանը՝ ավելացնելով համապատասխան ներքին հղումներ և շտկելով բաժինների դասավորությունը, ինչպես նաև վիքիչափանիշներին համապատասխան այլ գործողություններ կատարելով։

Ուշադրություն։ Հոդվածը պարունակում է չթարգմանված բաժիններ կամ հատվածներ։ Ոչ հայերեն հատված(ներ)ը անհրաժեշտ է թարգմանել կամ հեռացնել, հակառակ դեպքում հոդվածը ենթակա է ջնջման։

Հարցս հետևյալն է.նյութի մեջ որևէ այլ լեզվով գրված բառ չկա, ինչու՞ է այս հղումները բերել:Նյութի աղբյուրը ռուսական վիկիպեդիան է: – Այս անստորագիր գրառման հեղինակն է Տիգրան Նաջարյան (քննարկում|ներդրումներ) մասնակիցը։

Հարգելի Տիգրան Նաջարյան: Ձեր հարցին անդրադառնալուց առաջ նախ երկու դիտարկում: Խնդրում եմ քննարկումներից, որևէ հարց տալուց հետո անպայման ստորագրել՝ մուտքագրելով 4 ալիքանշան՝ ~~~~: Նաև՝ Ձեր գրառումները կատարեք ներքևում՝ առանց այլ մասնակիցների գրառումները ջնջելու:
Հիմա անդրադառնամ Ձեր հարցին: Ենթադրում եմ, որ խոսքը Մանհեթթենյան նախագիծ հոդվածի մասին է: Հոդվածը ստեղծելուց հետո Դուք էջում թողել էիք ռուսերեն պարբերություններ, և մասնակիցներից մեկը տեղադրել էր {{չթարգմանված}} կաղապարը: Թարգմանել-վերջացնելուց հետո ինքներդ պետք է ջնջեիք այդ կաղապարը (ես արդեն ջնջեցի): Նույն մասնակիցը տեղադրել է նաև {{անաղբյուր}} և {{վիքիֆիկացում}} կաղապարները, որոնք հոդվածի այս տեսքի դեպքում պետք է մնան, քանի որ հոդվածն իրոք չունի աղբյուրներ և վիքիֆիկացված չէ: Այլ լեզուներով վիքիպեդիաները աղբյուր չեն: Այնտեղից կարող եք թարգմանել՝ տեղափոխելով այնտեղ նշված աղբյուրները: Իսկ քանի որ ռուսերեն վիքիում, որտեղից Դուք թարգմանել եք, ևս աղբյուրներ գրեթե չկան, խորհուրդ կտամ օգտվեք անգլերենի աղբյուրներից: Շնորհակալություն ներդրումների համար: --23artashes (քննարկում) 12:49, 19 Մայիսի 2015 (UTC)[reply]

Վիզուալ խմբագրիչի հետ խնդիր կա[խմբագրել կոդը]

Վիզուալ խմբագրիչ

Իմ ստեղծած էջը փորձում եմ վիզուալ խմբագրիչով խմբագրել, բայց չի լինում: Ուղղակի չի թողնում խմբագրել: --Wizard Arm (քննարկում) 09:02, 26 Մայիսի 2015 (UTC)[reply]

հարգելի Wizard Arm, մի հատ նայեք Ձեր նախընտրություններում վիզուալ խմբագրիչը ակտիվ է թե ոչ՝ Սպասարկող:Նախընտրությունները#mw-prefsection-betafeatures։ --ERJANIK քննարկում: 12:24, 26 Մայիսի 2015 (UTC)[reply]
Մասնակիցն արգելափակված է 3 օրով, Երջանիկ ջան։ Արգելափակումը լրանալուց հետո, կնայի։--Լիլիթ (քննարկում) 12:27, 26 Մայիսի 2015 (UTC)[reply]

հարգելի մասնակիցնել ինչպես անեմ, որ հոդվածի ներքևի ծանոթություններ բաժնում գրվածը օրինակ Երևան հրատարակչություն-1974-ը երևա իմ տեքսում գրել եմ, բայց ասում է խմբագրված չէ. 1 կապույտ նշանը չի ցույց տալիս բառի վրա:– Այս անստորագիր գրառման հեղինակն է Lusik Dovlatyan (քննարկում|ներդրումներ) մասնակիցը։

Հոդվածում՝ նախադասության կողքը, ծանոթագրություն դնելու համար պետք է նշել՝ <ref>Գրքի հեղինակ, գրքի վերնագիր, Երևան հրատարակչություն, 1974թ</ref>--Լիլիթ (քննարկում) 11:02, 2 Հունիսի 2015 (UTC)[reply]
Լիլիթ ջան ստացվեց շնորհակալ եմ– Այս անստորագիր գրառման հեղինակն է Lusik Dovlatyan (քննարկում|ներդրումներ) մասնակիցը։
Խնդրեմ, Լուսիկ ջան :)--Լիլիթ (քննարկում) 11:23, 4 Հունիսի 2015 (UTC)[reply]

Կաղապար:Նորմատիվային վերահսկում[խմբագրել կոդը]

Ողջույն, բոլորին: Ռուսերեն Վիքիպեդիայում հանդիպել եմ Нормативный контрол կաղապարի: Հայերեն Վիքիպեդիայում կա՞ նման բան:--Արամ Սողոմոնյան (քննարկում) 09:39, 5 Հունիսի 2015 (UTC)[reply]

Ողջույն, Արամ ջան։ Այդ կաղապարը չգտա ռուսերենում :(--Լիլիթ (քննարկում) 09:40, 5 Հունիսի 2015 (UTC)[reply]
Երևի սա է, Լիլիթ ջան։ - Kareyac (քննարկում) 09:44, 5 Հունիսի 2015 (UTC)[reply]
Այո, դա է, Լիլիթ ջան, Կարեյաց ջան: Այդ կաղապարի միջոցով բավական արտաքին հղումներ ավտոմատ դրվում են: Գուցե մե՞նք էլ ունենանք:--Արամ Սողոմոնյան (քննարկում) 09:49, 5 Հունիսի 2015 (UTC)[reply]
Նման կաղապար կարծես թե մենք էլ ունենք։ Իմ կարծիքով, եթե հաճախ է օգտագործվելու տվյալ արտաքին հղումը, կարող ենք մենք էլ ունենանք։--Լիլիթ (քննարկում) 10:04, 5 Հունիսի 2015 (UTC)[reply]
Լիլիթ ջան, այդ կաղապարը բխում է սրանից: Ինձ թվում է՝ կարևոր է: Կարելի է ունենալ:--Արամ Սողոմոնյան (քննարկում) 10:11, 5 Հունիսի 2015 (UTC)[reply]
Ամբողջովին համակարգված մոտեցում է: Կարծես թե խառնաշփոթը կանխելու գործառույթներ էլ ունի:--Արամ Սողոմոնյան (քննարկում) 10:12, 5 Հունիսի 2015 (UTC)[reply]

Կարեյաց ջան, քանի որ գիտեմ, որ կաղապարներով դու ես զբաղվում, արժե՞ կամ կարո՞ղ ենք նման մի բան ունենալ: Կարող ես նաև հույս ինձ վրա դնել, ինչով կարող եմ, կօգնեմ: Շնորհակալություն:--Արամ Սողոմոնյան (քննարկում) 11:03, 5 Հունիսի 2015 (UTC)[reply]

Արամ ջան, եթե կարծում ես՝ անհրաժեշտ է ու կօգնի, ուրեմն կարելի է անել։ Կաղապարների պատրաստման հարցում կարող է օգնել նաև Աշոտը։--Լիլիթ (քննարկում) 11:14, 5 Հունիսի 2015 (UTC)[reply]
Ուրեմն սպասենք արձագանքի, Լիլիթ ջան:--Արամ Սողոմոնյան (քննարկում) 11:23, 5 Հունիսի 2015 (UTC)[reply]
Արամ ջան, նման բան չունենք քանի որ չկա համապատասխամ մոդուլ։ Մոտակա ժամանակում կփորցեմ։ - Kareyac (քննարկում) 11:36, 5 Հունիսի 2015 (UTC)[reply]
Կարեյաց ջան, հասկանում եմ՝ մի քիչ բարդ կլինի, բայց շնորհակալություն:--Արամ Սողոմոնյան (քննարկում) 12:18, 5 Հունիսի 2015 (UTC)[reply]
Արամ ջան, հարցը ոչ միայն բարդությունն է, շատ Վիքիներում այս կաղապարը տանում է դեպի Վիքիի լեզվով կամ թեմայի հիմնական լեզվով աղբյուրներին (ծայրաղեղ դեպքում անգլերեն) և տեղեկակվության զանգվածների կոդերին։ Իսկ մենք չունենք հայերեն աղբյուրների տեղադրում դատայում իսկ կոդեր օգտագործողներին մեազ մոտ դեռ չեմ տեսել։ Արդյոք այսոր դրա մեծ անհրաժեշտություն կա? Գուցե սկզբից տեղադրել բոլոր հոդվածներում ներկա կաղապարներ և տեղեկաքարտեր? Օրինակ ես հիմա տեղադրում եմ Գիտնական տեղեկաքարտը բացակա էջերում։ Դա արագորեն բերում է ավելի կարևոր ինֆորմացիա։ - Kareyac (քննարկում) 13:03, 5 Հունիսի 2015 (UTC)[reply]
Կարեյաց ջան, կարո՞ղ եմ ինչ-որ կերպ օգտակար լինել, թեկուզ ուժերիս ներածին չափով:--Արամ Սողոմոնյան (քննարկում) 13:40, 5 Հունիսի 2015 (UTC)[reply]
Արամ ջան, դու մեր Վիքիին միշտ օգտակար ես, շնորհակալ եմ։ Կաղապարը շուտով սկսելու եմ։ Վիքիողջույնով - Kareyac (քննարկում) 15:13, 5 Հունիսի 2015 (UTC)[reply]
Արամ ջան հայվիքիում ես չգտա Կաղապար:Տեղեկաքարտ Հասարակական գործիչ, կարող եք օգնել:Շնորհակալ կլինեմ--Զաբելա Աբելյան (քննարկում) 22:49, 15 Հունվարի 2017 (UTC)
Հարգելի Զաբելա Աբելյան, մենք չունենք Հասարակական գործիչ կաղապար, օգտագործեք {{Անձ}} կաշապարը։ - Kareyac (քննարկում) 02:58, 16 Հունվարի 2017 (UTC)

Kareyac Ո՞ր կաղապարից օգտվեմ իմ ավազարկղ 4-ի կաղապարը ստանալու համար:Փնտրել եմ հայերենում չկա կաղապար խոտաբույս կամ ծաղիկ:Կարող եք օգնել--Զաբելա Աբելյան (քննարկում) 13:03, 10 Փետրվարի 2017 (UTC)

{{Տաքսոտուփ}}, հարգելի Զաբելա Աբելյան։ - Kareyac (քննարկում) 13:28, 10 Փետրվարի 2017 (UTC)
Հարգելի Kareyac այդ կատեգորիան էլ չի ստացվում, ինչ որ սխալ մեկնաբանություն է տալիս, խնդրում եմ այդ կատեգորիան իր բոլոր հարցերով ուղարկեք, եթե դժվար չէ:--Զաբելա Աբելյան (քննարկում) 18:08, 10 Փետրվարի 2017 (UTC)
Ո՞ր մի էջում, հարգելի Զաբելա Աբելյան։ - Kareyac (քննարկում) 11:09, 11 Փետրվարի 2017 (UTC)
Ավազարկղ 4-ումKareyac--Զաբելա Աբելյան (քննարկում) 15:02, 11 Փետրվարի 2017 (UTC)
regnum - բույսեր։ - Kareyac (քննարկում) 15:48, 11 Փետրվարի 2017 (UTC)

Ինչ անեմ, որպեսզի նոր պարբերությունից գրվի տեքստը– Այս անստորագիր գրառման հեղինակն է Նարե Փարեմուզյան (քննարկում|ներդրումներ) մասնակիցը։

2 անգամ enter սեղմեք։--Լիլիթ (քննարկում) 19:53, 16 Հունիսի 2015 (UTC)[reply]
Շնորհակալություն – Այս անստորագիր գրառման հեղինակն է Նարե Փարեմուզյան (քննարկում|ներդրումներ) մասնակիցը։

Կաղապարում տեղադրված շքանշաններն ու պարգևները ինչու են ջնջվել[խմբագրել կոդը]

Իգոր Կուրչատով հոդվածում ջնջումների համար ո՞վ է պատասխանատու: Ինչպե՞ս կարելի է առանց մեկնաբանման ջնջել: Չէ՞ որ ջանադիր աշխատանք է կատարվել հոդվածը լավացնելու համար: Ավելի լավ է շքանշանների թվարկումը ընդհանրապես հանել կաղապարից, քանի որ հատուկ բաժնում թվարկված են:--Ապատ63 (քննարկում) 07:24, 21 Հունիսի 2015 (UTC)[reply]

Մասնակից:Beko ես ակնկալում էի պատասխան ստանալ, բայց քանի որ Դուք չարձագանքեցիք իմ հարցին, ես նպատակահարմար համարեցի ետ շրջել Ձեր խմբագրումը։ --Ապատ63 (քննարկում) 19:22, 21 Հունիսի 2015 (UTC)[reply]

Կրկնվող հոդվածները միավորելու կարգը[խմբագրել կոդը]

  • Ակադեմիա պլատոնյան հոդվածի էջը բացվել է ։03:51, 19 Մարտի 2015‎ Ապատ63 (Քննարկում | ներդրում)‎ . . (2755 բայթ) (+2755)‎
  • Պլատոնական ակադեմիա հոդվածի էջը բացվել է 15:09, 25 Մարտի 2015‎ Դավիթ Ալեքսանյան (Քննարկում | ներդրում)‎ . . (2795 բայթ) (+2795)‎ . .

Ինչպես է որոշվում ո՞ր հոդվածն է առաջնային և որը որին միավորել։

  • 11:19, 14 Հունիսի 2015‎ Hayk.arabaget (Քննարկում | ներդրում)‎ . . (61 բայթ) (-2 842)‎ . . (Վերահղվում է դեպի Պլատոնական ակադեմիա)
  • 11:18, 14 Հունիսի 2015‎ Hayk.arabaget (Քննարկում | ներդրում)‎ . . (5485 բայթ) (+2477)‎ .

Այստեղ տեսնում եք [Վերահղվում է դեպի Պլատոնական ակադեմիա], սակայն իրականում միավորվել է և որ ամենակարևորն է՝ ներդրում է մտել մյուս հոդված այլ մասնակցի անունով։ Հարգանքներով--Ապատ63 (քննարկում) 23:47, 23 Հունիսի 2015 (UTC)[reply]

Միշտ թողնվում է ավելի վաղ ստեղծված հոդվածը, իսկ նոր հոդվածի պարունակությունը տեղափոխվում է վաղի մեջ, այնուհետև ամբողջ հոդվածը վերախմբագրվում է․ հանվում է կրկնվող ինֆորմացիան։--Լիլիթ (քննարկում) 04:34, 24 Հունիսի 2015 (UTC)[reply]

Լիլիթ, շնորհակալություն։ Այս դեպքում հակառակն է արվել և գրանցվել է ներդրում այդ հոդվածի հետ առնչություն չունեցողի անվամբ։

Վերնագիրն էլ ճիշտ չէ ձևակերպված, փիլիսոփայության մեջ ընդունված է Պլատոնյան ակադեմիա կամ Ակադեմիա պլատոնյան, ոչ թե Պլատոնական։ Իսկ ես Ակադեմիա պլատոնյան վերնագրել էի միտումնավոր, որ ակադեմիա գրելիս բերի այդ վերնագրով հոդվածը։--Ապատ63 (քննարկում) 05:27, 24 Հունիսի 2015 (UTC)[reply]
Հոդվածները միացրել է հետևյալ մասնակիցը՝ Հայկ, հետևաբար իրենից էլ պետք է ճշտեք, թե ինչու է այդպես արել։--Լիլիթ (քննարկում) 09:22, 24 Հունիսի 2015 (UTC)[reply]

Հայկն իմ քննարկան էջում խորհուրդ է տվել տվել արագ արձագանք ստանալու համար այստեղ հարցադրում կատարել։ Լիլիթ իմ քննարկման էջում նույնպես հարցնե՞մ։--Ապատ63 (քննարկում) 06:50, 25 Հունիսի 2015 (UTC)[reply]

Իրականում, քաղաքական ու գիտական հոդվածներից հանգստանալու համար ուզում էի փիլիսոփայությանը կրկին անդրադառնալ, բարելավել նախկին գրած հոդվածներս, այդ թվում Ակադեմիա պլատոնյան և հոդվածի սխալ անվանումը աչք ծակեց։ Նախկինում զգուշացում եղել է և ես եմ կատարել միավորում։ Կարծում եմ վրիպակ է, քանի որ իմ անփորձության պատճառով ես Ջին Շարպը Ջին Շարփին միավորելու ժամանակ ջնջեցի պիտակը և հիմա ներդրում է երևում իմ անունով։ Ես չգիտեմ ինչպես ուղղել սխալը, այդպես էլ մնացել է։--Ապատ63 (քննարկում) 06:50, 25 Հունիսի 2015 (UTC)[reply]

Անհասկանալի իրավիճակ[խմբագրել կոդը]

Բարև Ձեզ, ես, կարելի է ասել, նորեկ եմ վիքիպեդիայի խմբագրիչների շարքում: Մի էջ էի ստեղծել՝ Pedagog2013, բեռնել էի այդ պերսոնաժի նկարը, ՀՈՒԽ-ի լոգոտիպը (Ինչպես հասկացա Երջանիկ անունով մարդու նամակից՝ սխալ էի արել ինչ-որ բան): Էջն այս պահին արգելափակված է՝ ինչպես նկատում եմ: Մի հարց ունեմ: Ես ինչպե՞ս կարող եմ նոր ավելի լիարժեք նկարագրություն և տվյալներ կցեմ իմ բեռնած երկու նկարներին: Եվս մի հարց. Ինչպե՞ս փոփոխեմ, կամ վերադարձնեմ այդ էջը (Pedagog2013-ը): Կանխավ շնորհակալ եմ: – Այս անստորագիր գրառման հեղինակն է RHovh (քննարկում|ներդրումներ) մասնակիցը։

հարգելի Մասնակից:RHovh, դա ես եմ գրել, բայց ոչ մի բան արգելափակված չէ, կարևորը որ արձագանքել եք թեկուզ ուշ, կարդացե՞լ եք նամակում նշված էջերը, եթե այո ապա այդ դեպքում պետք է կոնկրետ հարցեր ունենաք, նկարագրությունը այն կաղապարն է, որ պետք է լրացնեք, հիմա ուղղակի ասեք թե այդ պատկերը կոնկրետ որ հոդվածի համար եք բեռնել որ օգտագործեք, երբ որ ստեղծեք այդ հոդվածը ու այն լինի հանրագիտարանային, ես կօգնեմ պատկերի մյուս մասերն էլ լրացնելու, հիմամի երկու բան կավելացնեմ։ --ERJANIK (քննարկում) 04:25, 27 Հունիսի 2015 (UTC)[reply]

Ուղղակի ՀԱՆՐԱԳԻՏԱՐԱՆԱՅԻՆ-ը, եթե կարելի է, ավելի կոնկրետ բացատրեք, ինձ այդ էջում այսպիսի մի հաղորդագրություն է դիմավորում՝ «08:13, 26 Հունիսի 2015 Lilitik22 (Քննարկում | ներդրում) ջնջեց Pedagog2013 էջը (Ոչ հանրագիտարանային բովանդակություն: բովանդակությունը սա էր՝ «Pedagog2013-ի լոգոտիպը [[Պատկեր:Computer Teaching Games.jpeg|մինի...)», ու ես չեմ հասկանում, ԼՈԳՈՏԻՊ բառի՞ց է ջնջվել հոդվածը, թե դա նույնպես նկարի սխալ բեռնման հետ կապ ունի :) Միգուցե հմուտ խմբագրիչների մոտ հարցս շատ պրիմիտիվ ու անտրամաբանական լինի, բայց ես նորեկ եմ, շատ եմ ցանկանում խորանալ, ուսումնասիրել «ուղն ու ծուծը» ու ավելի հակված եմ որոշ չափով «կենդանի» բացատրություններին, քան ինչ-որ հոդվածներին: --RHovh

RHovh, հոդվածն ակնհայտ ոչ հանրագիտարանային բովանդակություն ունի, օրինակներ կարող եմ բերել․ «Գոտին պատրաստված է հին հայկական տարազի տեքստուրայով, իսկ գոտու գլխիկը Արտաշեսյանների տոհմի (Տիգրան ՄԵԾ-ը հենց այդ տոհմից էր) գերբն է, ասես մարդուկն ասում է «Հպարտացե՛ք ձեր անցյալով, հիշե՛ք որ Ծովից Ծով Հայաստան եք ունեցել և այն հետ պետք է բերենք: Ամեն օր ինքներդ ձեզ հարցրեք, թե Ի՞ՆՉ ԵՔ ԱՅՍՕՐ ԱՐԵԼ այդ սուրբ նպատակին հասնելու համար»։ Հայերեն Վիքիպեդիայում պետք է լինեն չոր փաստեր, մնացած ցանկացած բան ենթակա է հեռացման։ Բացի այդ, այդ չոր փաստերն էլ իրենց հերթին պետք է հիմնավորված լինեն վստահելի աղբյուրներով։ Կարճ-կոնկրետ ասած՝ Հայերեն Վիքիպեդայում թողնում ենք միայն չոր հանրագիտարանային, առանց պաթետիկ ոճի և մակդիրների հոդվածները։ --Ջեօ 13:34, 27 Հունիսի 2015 (UTC)[reply]

Այսինքն, ես եթե հիմա նոր էջ պատրաստեմ այդ նույն անունով, նկարները նորից ներբեռնեմ, «հանրագիտարանային ձևով լրացրած», դա չի՞ ջնջվի: HRobert

Եթե ոճը փոխեք, աղբյուրներն ավելացնեք, կարող է մնա։ Դրանք շատ կարևոր են։ --Ջեօ 14:53, 27 Հունիսի 2015 (UTC)[reply]
Այսինքն Վիքիպեդիայի կանոնակարգրին ու չափանիշներին համապատասխանելու դեպքում կարող է մնա։ --Ջեօ 14:58, 27 Հունիսի 2015 (UTC)[reply]

Որ խնդրեմ, կդիտե՞ք ավազարկղս: https://hy.wikipedia.org/wiki/Մասնակից:RHovh/Ավազարկղ : Փոփոխել եմ շատ բաներ, կցանկանայի, նախքան հոդված ստեղծելը, իմանալ՝ այդրո՞ք ամենը ճիշտ է և համապատասխանում է Վիքիպեդիայի կանոններին: HRobert

Թարգմանության օգնություն[խմբագրել կոդը]

Ողջույն բոլորին: Խնդրում եմ օգնել թարգմանել անգլերեն երգի բառերը՝ հոդվածում զուգահեռաբար տեղադրելու համար: Ինձ անհրաժեշտ է ճշգրիտ թարգմանություն, հանգավորումը կկատարեմ ինքս:-- Արամ Սողոմոնյան(քննարկում) 08:08, 30 Հունիսի 2015 (UTC)[reply]

Բարև Ձեզ, Արամ Սողոմոնյան: Թարգմանեցի հենց էջի վրա, "ճշգրիտ թարգմանությունով", ինչպես խնդրել էիք:Հույսով եմ, հանգավորելիս, Դուք այն ավելի բարեհունչ կդարձնեք: Հարգանքներով՝--Marina Melik-Adamyan (քննարկում) 08:56, 1 Օգոստոսի 2015 (UTC)[reply]
Շնորհակալություն, Մարինա ջան: Մեկ տարբերակ էլ առաջարկել է Հայկը, փորձեմ ստանալ երաժշտությանը համահունչ տեքստ:--Արամ Սողոմոնյան (քննարկում) 09:44, 1 Օգոստոսի 2015 (UTC)[reply]

Աշխարհագրական տեղանունների թարգմանության կանոնների համակարգման և շտկման հարց[խմբագրել կոդը]

Ինձ անհանգստացնում է մի այսպիսի հանգամանք: Օտարալեզու տեղանունների թարգմանությունը հայերենի մեր վիքիպեդիայի շրջաններում կատարվում է ավանդական կանոնների լրիվ «արհամարմամբ»: Ինչու են, օրինակ, «ՍԵՆՏ» (SAINT) անվանման թարգմանության պարագայում հոդվածները գրառվում են «ՍԵՆԹ» ձևով: Հարցը նրանում է, որ բավականին լայն շրջանակներում ավանդական ընդունված ձևերը պետք է չփոխարինվեն հնչյունային տարբերակի:

Հարկավոր է աշխարհագրական անվանումների որոշակի շարքեր և առանձին տեղանունների հայերեն փոխակերպման վերաբերյալ ընդհանուր համաձայնության գալ, այդ թվում աշխարհագրագետ մասնակիցների և ադմինիստրատորների մասնակցությամբ: Vahe (քննարկում) 09:51, 9 Օգոստոսի 2015 (UTC)[reply]

Ձեռքիս տակ կա Հ․ Գրգեարյանի և Ն․ Հարությունյանի «Աշխարհագրական անունների բառարանը», որտեղ տառադարձված է որպես «Սենտ»։ Կարծում եմ՝ սա հիմք վերցնելով, կարող ենք անվանափոխել։ --Ջեօ 09:58, 9 Օգոստոսի 2015 (UTC)[reply]

Բարև, Գեո ջան, կներես անունդ մոռացել եմ: Պարզապես, զուտ հնչյունային թարգմանությունն օգտագործելը, առանց հաշվի առնելու ավանդական օգտագործման ձևերը, ըստ իս շատ սխալ է: Եթե օգտագործենք ՍԵՆԹ ձևը, ապա նույն տրամաբանությամբ ՍԱՆԿՏ-ի փոխարեն պիտի օգտագործենք ՍԱՆՔԹ ձևը, ՊՈՒՏԻՆ-ի փոխարեն՝ ՊՈՒԾԻՆ )))))): Vahe (քննարկում) 10:23, 9 Օգոստոսի 2015 (UTC)[reply]

Vahe ջան, կարծում եմ, ինչ-որ պարագաներում ավանդական օգտագործման տարբերակները նշանակություն չունեն, մենք պետք է հաշվի առնենք, թե ո՞ր տարբերակն էլ ավելի տարածված այդ ոլորտի գրականության մեջ, ո՞րն էլ ավելի շատ հանդիպում։ Եթե ավանդականի հիմքով շարժվենք, պետք է Թուրինը անվանափոխենք Տուրին, որովհետև իտալերենում «թ» տառ ավանդաբան գոյություն չունի։ Համաձայն եմ, կարելի է ինչ-ինչ ենթադրություններ անել անվան ճիշտ տարբերակի վերաբերյալ, բայց որպես վերջնական տարբերակ ընտրվում է այն, որն առավել տարածված է [տվյալ դեպքում] աշխարհագրական բառարաններում և գիտական աշխատություններում։ --Ջեօ 11:01, 9 Օգոստոսի 2015 (UTC)[reply]
Կոնկրետ օրինակի դեպքում համաձայն չեմ, որովհետև Թուրին, Միլան, Վենետիկ, Ճենովա քաղաքների անվանումը հայերենում նորագույն փոխառություն չէ, այն եկել է առնվազն ուշ միջնադարից: Դու երևի ինձ լավ չհասկացար. իմ կարծիքով ԹՈՒՐԻՆՏՈՒՐԻՆ գրելը նույնքան սխալ է, որքան ՍԵՆՏ-ը՝ ՍԵՆԹ: Այսինքն, եթե կա ավանդաբար և առավել շատ օգտագործվող ձևը, այդ դեպքում ի՞նչ նպատակ կա փոխարինել ավանդական ձևերը հնչյունային տառադարձման ձևերով: Vahe (քննարկում) 11:11, 9 Օգոստոսի 2015 (UTC)[reply]
Վերանվամման որոշումը և "Սենթ" տարբերակով կատեգորիաների ջնջման արաջարկը կասկածելի են, քանի որ ԱԳՀ կայքում գրված է Սենթ Վինսենթ և Գրենադիններ, Սենթ Լուսիա, Սենթ Քիթս և Նեվիս։ Նույն կարծիքի է Կարավարությունը Սենթ Վինսենթ և Սենթ Լուիս։ ԱԺ ավելի վաղ տարբերակում գրում էր Սենտ, իսկ հետո Սենթ։ - Kareyac (քննարկում) 04:06, 12 Օգոստոսի 2015 (UTC)[reply]

Kareyac ջան, քանի գնում, ինձ մոտ այն կարծիքն է ամրապնդվում, որ մեր կառավարական մարմինները արդեն նույնիսկ լեզվի «վայ» տեսչությանը չեն հարցնում իրենց նյութերը հրապարակելիս, այլ պարզապես վիքիպեդիայից են վերցնում, իսկ բոլորս շատ լավ գիտենք, որ մեր վիքին բավականին թերի է և ոչ համակարգված։ Այսպիսի առաջարկ, եկեք մենք ուղղենք և՛ վիքին, և՛ նրանց նյութերը․․․․․ ))) Վահե(Discussion) 12:12, 16 Օգոստոսի 2015 (UTC)[reply]

Vahe չան, այ չգիտեմ, ինչով էին ուղղվում կառավարական մարմինները (համոզված եմ, ինձանից շատ գիտես), սակայն երբ ես 2012 թ. հարցրեցի ոնց գրեմ, պատասխանն էր, որ "վերջին տարիներին միտում կա Սենտ-ից Սենթ-ի անցնելու"։ - Kareyac (քննարկում) 13:57, 16 Օգոստոսի 2015 (UTC)[reply]
Սա էլ անշարժ գույքի պետական կոմիտեի ցանկը՝ Սենթ տարբերակով:--Արամ Լ.Ս. (քննարկում) 13:01, 16 Օգոստոսի 2015 (UTC)[reply]
Եղբայր, ինչ ուզում եք, արեք։ Ուզում եք՝ անվանափոխումը ետ շրջեք, չեք ուզում՝ մեք շրջի։ Ոչ մեկ տրամաբանությամբ չի առաջնորդվում, այլ մեր անգրագետ կառավարության որոշումներով։ Վահե(Discussion) 13:47, 16 Օգոստոսի 2015 (UTC)[reply]

Օրինակ, որ մի անգրագետն է քո նշած կադաստրում գրել Բելավեժյան պուշչա։ Беловежская пуща։ Դրանց վստահել չի կարելի։ Վահե(Discussion) 13:50, 16 Օգոստոսի 2015 (UTC)[reply]

Ես պարզապես մի բան եմ ուզում հասցնել մեր վիքիհամայնքին․․․․ ՍԵՆԹ, ՎԼԱՏԻՄԻՐ ՓՈՒԹԻՆ, ԹԱԼԼԻՆ և այլ նմանակ անվանակոչումները կարող են օգտագործվել արևմտահայերեն հոդվածների համար․ արևելահայերենի կանոններին, որը ՀՀ պետական լեզուն է արևմտահայերենի կանոնները չպիտի խառնվեն։ Վահե(Discussion) 14:33, 16 Օգոստոսի 2015 (UTC)[reply]

Հարգելիներս: Շատ բաների հետ համաձայն եմ: Այո, ես էլ եմ կարծում, որ չի կարելի գրել Վլատիմիր, կամ Փութին... Բայց տարօրինակ է հետևյալ արտահայտությունը, որը նույնությամբ մեջբերում եմ. ՛՛արևելահայերենի կանոններին, որը ՀՀ պետական լեզուն է արևմտահայերենի կանոնները չպիտի խառնվեն։՛՛ ՀԱՐՑ. ՀՀ սահմանադրության ո՞ր հոդվածում է գրված, որ ՀՀ պետական լեզուն արևելահայերենն է... Ես գիտեմ, որ ՀՀ սահմանադրության հոդված 12-ում գրված է. ՛՛Հայաստանի Հանրապետության պետական լեզուն հայերենն է:՛՛ Ցույց տվեք ՀՀ որևէ օրենք, որը հակասում է սահմանադրական այս դրույթին, այսինքն պետական լեզու է համարում ո՛չ թե հայերենը, այլ արևելահայերենը... Եթե հակասում է, ապա պիտի փոխվի: Ես դեռ չեմ հանդիպել: Եթե գտնեք, գրեք ինձ... Շնորհակալ եմ ուշադրության համար:--Գնդապետ Մնացական Ռ. Խաչատրեան (քննարկում) 13:29, 25 Հոկտեմբերի 2015 (UTC) Յարգելիներս: Շատ բաների հետ համաձայն եմ: Այո, ես էլ եմ կարծում, որ չի կարելի գրել Վլատիմիր, կամ Փութին... Բայց տարօրինակ է հետևեալ արտայայտութիւնը, որը նոյնութեամբ մէջբերում եմ. ՛՛արևելահայերէնի կանոններին, որը ՀՀ պետական լեզուն է արևմտահայերէնի կանոնները չպիտի խառնվեն։՛՛ ՀԱՐՑ. ՀՀ սահմանադրութեան ո՞ր յօդուածում է գրուած, որ ՀՀ պետական լեզուն արևելահայերէնն է... Ես գիտեմ, որ ՀՀ սահմանադրութեան յօդուած 12-ում գրուած է. ՛՛Հայաստանի Հանրապետութեան պետական լեզուն հայերէնն է:՛՛ Ցոյց տուէք ՀՀ որևէ օրէնք, որը հակասում է սահմանադրական այս դրոյթին, այսինքն պետական լեզու է համարում ո՛չ թէ հայերէնը, այլ արևելահայերէնը... Եթէ հակասում է, ապա պիտի փոխուի: Ես դեռ չեմ հանդիպել: Եթէ գտնէք, գրէք ինձ...Շնորհակալ եմ ուշադրութեան համար:--Գնդապետ Մնացական Ռ. Խաչատրեան (քննարկում) 13:29, 25 Հոկտեմբերի 2015 (UTC) Ի դէպ, վերևում գրուած նոյն տեքստը երկու տարբեր ուղղագրութիւններով էր, սակայն երկուսի լեզուն էլ արևելահայերէնն էր, ինչպէս և այս նախադասութեանս լեզուն... Վերևում Ձեզանից մէկը աւանդական կանոնների մասին էր խօսում: Ասեմ, որ իմ նախընտրելի ուղղագրութիւնը հենց աւանդականն է, որը նաև դասական կամ մաշտոցեան է կոչւում... Այն նախընտրելի է եղել նաև խորհրդահայ ուղղագրութեան 1922-1991թթ. ՛՛միահեծան՛՛ տիրապետութեան տարիներին դասական ուղղագրութիւնը գերադասած և դրանով իրենց լաւագոյն աշխատութիւնները ստեղծած խոշորագոյն լեզուաբանների՝ Հրաչեայ Աճառեանի և Ստեփան Մալխասեանցի համար, որոնք ԱՅԴ՝ դասական ուղղագրութեամբ հեղինակել են իրենց կոթողային աշխատութիւնները՝ ՛՛Արմատական բառարանը՛՛ (Երևան, 1926թ. ապակետիպ տպագրութեամբ, ապա՝ Երևան, 1971թ.՝ նոյն ուղղագրութեամբ վերահրատարակուած) և ՛՛Հայերէն բացատրական բառարանը՛՛ (Երևան, 1944թ.): Դասական ուղղագրութիւնը չի կարելի համարել արևմտահայերէնի ուղղագրութիւն. ի դէպ դրանով են գրում նաև պարսկահայերը, որոնք ներկայիս ՀՀ-ի հայերից պակաս արևելահայեր չեն... Դասական ուղղագրութիւնը հայերէնի ուղղագրութիւնն է, որը հաւասարապէս պատկանում է թէ՛ ժամանակակից հայերէնին իր երկու ճիւղերով, թէ՛ միջին և դասական հայերէնին՝ գրաբարին... Ընդունէք, խնդրեմ, յարգանացս հաւաստիքը: --Գնդապետ Մնացական Ռ. Խաչատրեան (քննարկում) 13:29, 25 Հոկտեմբերի 2015 (UTC)[reply]

Դրոշավորում, այլ «աշխարհագրական» վրիպակներ[խմբագրել կոդը]

Հարգելի հայ վիքիհամայնք, ես՝ Վահեն, Vahe մասնակիցը, լինելով աշխարհագրության, ավելի նեղ ոլորտում՝ գետաբանության մասնագետ, ինչպես նաև ֆուտբոլի մեծ երկրպագու և հավաքականների մակարդակով մրցաշարերի մեծ գիտակ, այսպիսի հարց է ուղղում ձեզ.
կարո՞ղ եմ արդյոք, ավելի ցած նշելով տերմինաբանական և քերականական-կառուցվածքային սխալները, ստանալ ձեր համաձայնությունը փոփոխելու հոդվածների և կատեգորիաների շարքերի անավանումներ՝ համաձայն ճշգրիտ տարբերակի:
Նախապես կխնդրեմ այս խոսքերս մեծամտություն չհամարել... Vahe (քննարկում) 19:22, 11 Օգոստոսի 2015 (UTC)[reply]

Vahe մասնակիցը ջան, կասե՞ս՝ որտե՞ղ ես հանդիպել «ՄԱԵ» տարբերակը։ Նայեցի, կարծես կաղապարներում և կատեգորիաներում դա չկար։ --Ջեօ 19:44, 11 Օգոստոսի 2015 (UTC)[reply]
Մեկ րոպե․․․ սխալ հասկացա։ --Ջեօ 19:45, 11 Օգոստոսի 2015 (UTC)[reply]
ՀՀ արտաքին գործերի նախարարության կայքում «Արաբական Միավորված Էմիրություններ» տարբերակն է օգտագործվում։ --Ջեօ 19:47, 11 Օգոստոսի 2015 (UTC)[reply]

Ջեո ջան, եղբայր, նորից կներես, անունդ մոռացել եմ, մոտ տարուկես ընդմիջումից հետո լրիվ ամնեզիա է... մեր պետական կառույցների կայքերում ժամանակին ԵՐՐՈՐԴ և ՉՈՐՐՈՐԴ բառերը գրված են եղել ԵՐՈՐԴ և ՉՈՐՈՐԴ ձևով: Ես դա իմ աչքով եմ տեսել: ՄԱԿ-ում անգլերեն տարբերակով United Arab Emirates ձևն է: Անգլերենում Միացյալ և Միավորված ձևերը նշվում են նույն բառով: Սակայն արաբերեն, ռուսերեն տարբերակներում բացատրված է ՄԻԱՎՈՐՎԱԾ ձևով: Ինչևէ, եթե նույնիսկ ՄԻԱՑՅԱԼ և ՄԻԱՎՈՐՎԱԾ տարբերակներից ճիշտ կլինի առաջինը (ի միջ այլոց արտաքին գործերի նախարարության կայքում Արաբական Միացյալ Էմիրություններ տարբերակն է օգտագործված, ոչ թե Միավորված), սակայն ՄԱԷ ձևը այսուհանդերձ ճիշտ է ԱՄԷ ձևից: Vahe (քննարկում) 20:02, 11 Օգոստոսի 2015 (UTC)[reply]

Խնդիր չկա, կարող ես մասնակցային անունովս դիմել։ Երկրի արաբերեն անվան (الإمارات العربية المتحدة) տառադարձումը Dawlat al-Imārāt al-‘Arabīyah al-Muttaḥidah է․ ինչպես տեսնում եմ՝ Արաբիան միջադաս դիրք ունի, դրանից հետևություն, որ առաջարկածդ տարբերակը ճիշտ է։ Այնուամենայնիվ, պետք է մասնագետին հարցնենք։ Հայկ ջան, օգնությանդ կարիքն ունենք։ --Ջեօ 20:14, 11 Օգոստոսի 2015 (UTC)[reply]
Արաբերենի շարադասությունը կարող է հայերենից, ռուսերենից և անգլերենից տարբերվել: Արաբերենի հետ կապված նշում էի զուտ ՄԻԱՎՈՐՎԱԾ բառի իմաստի մասին: Ոչ բոլոր լեզուներում են տարբերակվում ՄԻԱՎՈՐՎԱԾ և ՄԻԱՑՅԱԼ բառերը և նրանց իմաստները: Vahe (քննարկում) 20:17, 11 Օգոստոսի 2015 (UTC)[reply]
Բարև ձեզ: Միավորրված բառը միանգամայն սխալ է, դա ոչ հայերեն է, ոչ արաբերեն, ոչ էլ մեկ այլ լեզվով: Արաբերեն, Ջեօ, ճիշտ էիր գրել, բայց ագլերենը ոչ, Dawlat բառը ավելորդ է: Ճիշտը սա է՝ ալ-իմառաթ ալ-առաբիա ալ-մութթահիդա, ընդ որում՝ մութթահիդա՝ միացյալ, և այդ բառով ասում են նաև միացյալ նահանգները՝ ալ-ուիլայաթ ալ-մութթահիդա: Սա միավորվածի ու միացյալի պահով: Ինչ վերաբերում է շարադասությանը, ապա ասեմ, որ արաբերեն ասում են գոյականը, հետո ածականը: Այսինքն՝ ոչ թե կարմիր ծաղիկ, այլ ծաղիկ կարմիր: Հիմա գրված է՝ էմիրություններ արաբական միացյալ, հետևաբար՝ արաբական միացյալ էմիրություներ՝ հայերեն: Ու ՄԱԷ տարբերակը եթե նախընտրում եք ավելի շատ, դա չի նշանակում, որ ԱՄԷ սխալ է, որովհետև նույնը կարող եմ ասել ԱՄՆ մասին՝ ոչ ոք չի ասում ՄԱՆ: Ու այստեղ պետք չի քննարկել այն հարցը, որ այնտեղ ամերիկայի, մյուս տեղ՝ արաբական, ոչ ե արաբիայի, որովհետև երկու դեպքում էլ անգլերենում առաջինը united բառն է: Վերջապես, անգլերենում այդ բառը առաջ է ընկնում նույնիսկ ԽՍՀՄ բառի պարագայում, երբ մեզ մոտ առհասարակ վերջում է: Կարճ ասած՝ եզրափակեմ՝ ՄԱԷ-ն բառացի թարգմանություն է, ԱՄԷ՝ հայեցի (իմ կարծիքով): Կարծում եմ բոլոր հարցերին պատասխանեցի--Հայկ (արաբագետ) 21:16, 11 Օգոստոսի 2015 (UTC)[reply]
Հարգելի մասնակիցներ, հիշացնում եմ ձեզ, որ Վիքիպեդիան հետազոտությունների դաշտ չի։ Խնդրում եմ գտեք և գրեք վստահելի աղբյուրներում ընդունված տարբերակը, ոչ թե վերցված հարգերի էջից։ - Kareyac (քննարկում) 04:12, 12 Օգոստոսի 2015 (UTC)[reply]
Հարգելի մասնակիցներ, նախ նշեմ, որ որպես նախագիծ այդ պետությունը պիտի կրեր Ֆեդերատիվ Արաբական Էմիրություններ անվանումը, սակայն պետականության այդ նախագծի ձախողումից հետո էմիրությունների միավորման որոշում է կայացվել որոշակի պայմաններով։ Էմիրությունների այս միությունը դաշնությունից համադաշնություն (ֆեդերացիայից կոնֆեդերացիա) անցումային ձև է։ Նույնիսկ ռազմական ուժերի առումով երկիրը հաստատուն կանոնակարգ չունի, նրա պատմության ընթացքում էմիրություններից որոշները իրենց ռազմական ուժերն են առանձնացրել դաշնայինից և մինչ այժմ ունեն ինքնուրունություն։ Հետևյալ աղբյուրներից հասկանալի է դառնում, թե ինչու է երկիրը անվանվում ՄԻԱՎՈՐՎԱԾ (Объединённые), այլ ոչ թե ՄԻԱՑՅԱԼ (Соединённые)՝ 1, 2, 3։ Շարահյուսության առումով՝ UAE, ОАЭ... բոլորդ գիտեք, որ եթե արտահայտության մեջ չկա հատկացուցիչ, ապա որոշիչները և ենթական հայերենում, անգլերենում, ռուսերենում ունեն բացարձակ նույն շարադասությունը։ Այսքանից ավելի փաստարկներ կամ փաստեր ես էլ չեմ մատուցի, միայն կխնդրեմ մեր այժմյան իրականության մեջ արսգ զարգացող ու վառ արտահայտվող հակառուսականությունը ձեր դիրքորոշման կենտրոնական սյուն չդարձնել և հաշվի առնել ռուսական գրականության մեջ բավականին պրոֆեսիոնալ մոտեցումը։ Vahe (քննարկում) 18:40, 12 Օգոստոսի 2015 (UTC)[reply]
Շատ ուշ միացա քննարկմանը: Kareyac, ես հետազոտություն չեմ անոում, այլ բացատրում եմ ճիշտը: ԱՄԷ ասում են, և որպես այդպիսին գործածում մեր՝ ՀՀ ԱԳՆ կայքում, ինչպես նաև «հայկական հանրագիտարան» արտադրության գրքերից՝ Սփյուռքի հանրագիտարանում: Վահե, ես հակառուսականություն առհասարակ չունեմ, և, երևի տեղյակ չես եղել՝ զուտ 2 տարի չխմբագրելու ընթացքում (ես հենց այդ ժամանակ եմ մտել ՀՎ), ես պայքարել եմ այդ երևույթի դեմ: Հետևաբար, այն, ինչ ես գրում եմ, իմ՝ լեզվաբանիս կարծիքն է, ու ոչ մի կապ չունի որևէ այլ լեզվի, այդ թվում՝ ռուսերենի դեմ:--Հայկ (արաբագետ) 16:49, 16 Օգոստոսի 2015 (UTC)[reply]
Հայկ ջան, կարող ես կատարել այն ինչ անվանումես ճիշտ ցանկացած գործողություններ։ Ինձ հետաքրքրում են միայն աղբյուրներ, որտեղ օգտագործվում է այս կամ այն տարբերակը։ Նաև քո կարձիքը հետաքրքիր է - Kareyac (քննարկում) 17:15, 16 Օգոստոսի 2015 (UTC)[reply]

*երեն Վիքիպեդիա[խմբագրել կոդը]

Բարև ձեզ։ Ինչպե՞ս պետք է գրել, հայերեն Վիքիպեդիա թե՞ Հայերեն Վիքիպեդիա։ Հ․Գ․ Մասնակից:Արամ Սողոմոնյան, Մասնակից:23artashes, Մասնակից:Voskanyan, Մասնակից:Hayk.arabaget--ԱշոտՏՆՂ (քննարկում) 09:24, 26 Օգոստոսի 2015 (UTC)[reply]

Աշոտ ջան, երկու դեպքում էլ մեծատառ, եթե դիտարկում ենք Վիքիպեդիա-ն հատուկ անուն (անկասկած), իսկ Հայերեն-ը՝ որպես նրա նախադաս լրացյալ, ապա երկուսն էլ գրվում են մեծատառ:--Արամ Լ.Ս. (քննարկում) 09:46, 26 Օգոստոսի 2015 (UTC)[reply]
Հ.Գ. Այս պարագայում պետք է նշել չակերտներով գրության անհրաժեշտությունը՝ «Հայերեն Վիքիպեդիա» ազատ հանրագիտարան (ոչ պաշտոնական անվանումն է):--Արամ Լ.Ս. (քննարկում) 09:48, 26 Օգոստոսի 2015 (UTC)[reply]

Արամի գրածին հավելելու բան չունեմ։ --23artashes (քննարկում) 10:09, 26 Օգոստոսի 2015 (UTC)[reply]

Նմանապես--Հայկ (արաբագետ) 14:08, 26 Օգոստոսի 2015 (UTC)[reply]

Կատեգորիա[խմբագրել կոդը]

Կատեգորիա:Վիքիպեդիա:Տեղանունների բառարանի հոդվածներ առանց էջի: ինչի համար է այս կատեգորիան: -- Գարիկ 13:42, 30 Սեպտեմբերի 2015 (UTC)[reply]

Որ բարելավել ցանկացողը կարողանա մտնել ու էջերը ավելացնել, Գարիկ ջան--ԱշոտՏՆՂ (քննարկում) 10:01, 8 Հոկտեմբերի 2015 (UTC)[reply]
Շնորհակալություն Աշոտ ջան :):-- Գարիկ 21:59, 8 Հոկտեմբերի 2015 (UTC)[reply]


Ո՞ր կաղապարից օգտվեմ, իմ ավազարկղ 4-ի հոդվածի կաղապարը ստանալու համար:Հայերենում չկա կաղապար խոտաբույս---Զաբելա Աբելյան (քննարկում) 12:59, 10 Փետրվարի 2017 (UTC)

Կարող եմ առաջարկել Կաղապար:Տաքսոն--Ավետիսյան91 (քննարկում) 13:20, 10 Փետրվարի 2017 (UTC)

Առաջարկում եմ Վիքիպեդիայում ավելացնել ինքնաշխատ(ավտոմատ) տողադարձում։ Դա հարմար կլինի տարբեր չափերի էկրաններից կարդալու համար։[խմբագրել կոդը]

Տողադարձման համար պետք է օգտագործվի ֊ (ենթամնա) նշանը, այլ ոչ թե սովորական -(գիծ)-ը։ – Այս անստորագիր գրառման հեղինակն է Կամո Սեւոյան (քննարկում|ներդրումներ) մասնակիցը։

Նախընտրություններում կա հոդվածների տեքստը երկու կողմից հավասարեցնելու գործիք (Նախընտրություններ -> Գադջեթներ -> Արտաքին տեսք բաժնի առաին գործիքը): Ի՞նչ եք կարծում սա բավարար չէ--ԱշոտՏՆՂ (քննարկում) 10:06, 8 Հոկտեմբերի 2015 (UTC)[reply]

Կաթողիկոսների ազգանունների հարցը[խմբագրել կոդը]

Վիքիպեդիայում նորագույն ժամանակի Հայոց կաթողիկոսների համար օգտագործվում է նրանց հայրենի տեղանունները, օրինակ՝ Վազգեն Ա. Բուխարեստցի, Գարեգին Բ. Քեսաբցի կամ Գարեգին Բ. Ոսկեհատցի։ Միջնադարում տվյալ անձի ծագման տեղանունը ազգանունի դեր էր կատարում, սակայն մեր ժամանակներում դրանք գործածական չեն եւ չի կարելի կիրառել նորագույն ժամանակի Կաթողիկոսների պարագային։ Անհրաժեշտ է կիրառել նրանց ազգանունները, օրինակ՝ Վազգեն Ա. Պալճյան, Գարեգին Ա. Սարգիսյան կամ Գարեգին Բ. Ներսիսյան։ Եկեղեցական բոլոր փաստաթղթերում գործածվում են նրանց ազգանունները։ «Քրիստոնյա Հայաստան» եւ «Ամենայն Հայոց Կաթողիկոսներ» հանրագիտարաններում էլ միայն գործածվում են նրանց ազգանունները եւ ոչ թե ծննդավայրերի անվանումները։ Ինչպե՞ս կարելի է Վիքիպեդիայի Կաթողիկոսներին վերաբերվող այս էջերի վերտառությունները ուղղել։– Այս անստորագիր գրառման հեղինակն է Հայկ Վահանյան (քննարկում|ներդրումներ) մասնակիցը։

Ի՞նչ կասես, Rob ջան։--Լիլիթ (քննարկում) 05:26, 29 Հոկտեմբերի 2015 (UTC)[reply]
Ճիշտ ասած, համոզված չեմ, որ Հայկ Վահանյանի պնդումն առ այն, որ «Եկեղեցական բոլոր փաստաթղթերում» կաթողիկոսների ազգանուններն են գործածվում, համապատասխանում ա իրականությանը։ Ինչքան գիտեմ, կաթողիկոսների անունների գրության պաշտոնական ձևն է՝ ԱՆՈՒՆ և ՀԱՄԱՐ, առանց տեղանունների և ազգանվան։ Օրինակ Վազգեն Ա, Գարեգին Ա, Գարեգին Բ և այլն։ Հիմա մենք ավելացնում ենք տեղանունները կամ ծագման հատկանիշները (Հովհաննես Օձնեցի, Սահակ Պարթև, Հովհաննես Դրասխանակերտցի և այլն), քանի որ պատմական գրականության մեջ նրանք առավելապես հենց այդ անվան ձևերով են հայտնի, բայց ինչ վերաբերում է 20-21–րդ դդ. կաթողիկոսներին, ապա ազգանունները վերնագրի մեջ նշելը այնքան էլ ճիշտ չեմ համարում։ --Rob (քննարկում) 12:52, 30 Հոկտեմբերի 2015 (UTC)[reply]

Ահա, օրինակ, Գարեգին Բ կաթողիկոսի կենսագրությունը Հայ Առաքելական Եկեղեցու պաշտոնական կայքում։ Ազգանունը նշված է միայն նրա՝ արքեպիսկոպոս լինելու ժամանակվա տիտղոսագրում (տիտուլատուրա)՝ Տ. Գարեգին արքեպիսկոպոս Ներսիսյան։ --Rob (քննարկում) 12:56, 30 Հոկտեմբերի 2015 (UTC)[reply]

Հարգելի Rob խոսքն այստեղ չի վերաբերվում կաթողիկոսների կողմից ստորագրված կամ հրապարակված փաստաթղթերում կամ կոնդակներում նրանց տիտղոսների գրությանը, ի դեպ որոնց պարագայում Դուք ճիշտ եք նկատել, որ օգտագործվում է անունը, թվահամարը և տիտղոսը։ Սակայն հիմնական խնիրը վերաբերվում է նրանց անունների հանրագիտարանային կամ ցուցակայնին օգտագործմանը։ Այսպիսով «Քրիստոնյա Հայաստան», «Հայոց կաթողիկոսներ» հանրագիտարաններում նոր ժաամանակաշջանի կաթողիկոսների անուններին եւ թվահամարներին կից օգտագործվում է նաև նրանց ազգանունը (օր. Վազգեն Ա Պալճյան, Գարեգին Ա Սարգիսյան, Գարեգին Բ Ներսիսյան)։ Վիքիպեդիան էլ լինելով հանրագիտարան անհրաժեշտ է, որ նույն ընդունված չափանիշները գործածի և ոչ թե նրանց ծննդյան տեղանունները (ի դեպ դրանք եկեղեցական միջավայրում բացարձակապես անգործածական են)։ Մայր Աթոռի կողմից հրատարակված Ամենայն Հայոց կաթողիկոսների ցանկերում (Պաշտոնական օրացոյց Մայր Աթոռ Սուրբ Էջմիածնի) նույնպես նոր ժամանակաշրջանի կաթողիկոսները նշված են ազգանուններով։ --Հայկ Վահանյան (քննարկում) 20:57, 01 Նոյեմբերի 2015 (UTC)[reply]
Հարգելի Հայկ Վահանյան, համաձայն եմ, որ «Քրիստոնյա Հայաստան» հանրագիտարանի գրելաձևը լուրջ փաստարկ է։ Բայց արդյո՞ք այդ գրելաձևը ընդունված է Հայ Առաքելական Եկեղեցու կողմից։ Սա է խնդիրը։ Կա՞ն ձեր նշած պաշտոնական ցանկերն առցանց. կարելի՞ է դրանց ծանոթանալ։ Մենք վերջիվերջո պետք է առաջին հերթին հաշվի առնենք ոչ այնքան այս կամ այն հանրագիտարանի, այլ հենց պաշտոնական կառույցի՝ ՀԱԵ դիրքորոշումը այս հարցում։ --Rob (քննարկում) 11:58, 3 Նոյեմբերի 2015 (UTC)[reply]
Հարգելի Rob լիովին համաձայն եմ Ձեր այն տեսակետի հետ, որ առաջին հերթին պետք է հաշվի առնել ՀԱԵ-ի պաշտոնական դիրքորոշումը և իմ առաջարկն էլ ելնում է հենց այդ դիրքորոշումից։ Իմ կողմից նշված կաթողիկոսների ցանկը կարող եք գտնել «Պաշտոնական օրացոյց Մայր Աթոռ Սուրբ Էջմիածնի, 2015»-ի 263-268 էջերում։ Իմ պնդման վառ ապացույցն է նաև Մայր Աթոռ Ս. Էջմիածնի կողմից հրատարակված և Մայր Աթոռի պաշտոնական դիրքորոշումն Ամենայն Հայոց կաթողիկոսների կենսագրության վերաբերյալ ներկայացնող «Ամենայն Հայոց կաթողիկոսներ» հանրագիտարանը (չշփոթել «Քրիստոնյա Հայաստան» հանրագիտարանի հետ), որտեղ նույպես կիրառված են կաթողիկոների ազգանունները։ Ցավոք սրտի այս գիրքն առցանց առկա չէ։ Սակայն ես դրա էլեկտրոնային տարբերակը ունեմ և կարող եմ այն Ձեզ տրամադրել։ (քննարկում) 10:50, 04 Նոյեմբերի 2015 (UTC)[reply]
Հարգելի Հայկ Վահանյան։ Շնորհակալություն օրացույցի հղումը տրամադրելու համար։ Կարծում եմ, այո, հայերեն Վիքիպեդիայում կարելի է առաջնորդվել այնտեղ նշված գրելաձևով։ Անվանափոխմանը դեմ չեմ։ --Rob (քննարկում) 07:41, 5 Նոյեմբերի 2015 (UTC)[reply]


Թարմացրել եմ կաղապարը, բայց տեքստը չի փոխվում։ Ի՞նչ անել։ Կարեն Վարդանյան (քննարկում) 19:55, 19 Նոյեմբերի 2015 (UTC)[reply]

Կարեն ջան, կոնկրետ հղում կտա՞ս։--BekoՔննարկում 20:03, 19 Նոյեմբերի 2015 (UTC)[reply]
Եթե խոսքը {{Հայաստանի Հանրապետության վերահսկիչ պալատի խորհուրդ}} կաղապարի մասին է, ապա նորն ես սարքել, որը հնից տարբերվում է ՀՀ -> Հայաստանի Հանրապետության

--BekoՔննարկում 20:06, 19 Նոյեմբերի 2015 (UTC) Այո, դա է։[reply]

Այլ դեպքեր էլ կան, որտեղ դ-ն կարմիր է։ Կարեն Վարդանյան (քննարկում) 20:14, 19 Նոյեմբերի 2015 (UTC)[reply]

Հղում, և նորից հղում եմ պահանջում։ Բնականաբար չաշխատող կաղապարով էջերի։ --BekoՔննարկում 20:19, 19 Նոյեմբերի 2015 (UTC)[reply]

Հայաստանի ազգային օլիմպիական կոմիտեի նախագահները ( Ուղղված է), Հայաստանի ներքին գործերի նախարարները ( Ուղղված է), Արագածոտնի մարզպետերը ( Ուղղված է--Արամ (քննարկում) 20:38, 19 Նոյեմբերի 2015 (UTC))Կարեն Վարդանյան (քննարկում) 20:20, 19 Նոյեմբերի 2015 (UTC)[reply]

Հայաստանի Հանրապետության հանրային խորհրդի անդամներ Կարեն Վարդանյան (քննարկում) 23:34, 19 Նոյեմբերի 2015 (UTC)[reply]

2 հատ են, ո՞ր մեկը:--Արամ (քննարկում) 23:45, 19 Նոյեմբերի 2015 (UTC)--Արամ (քննարկում) 23:45, 19 Նոյեմբերի 2015 (UTC)[reply]
Կարեն Վարդանյան, ո՞ր մեկը:--Արամ (քննարկում) 23:47, 19 Նոյեմբերի 2015 (UTC)[reply]

Դե միավորենք https://hy.wikipedia.org/w/index.php?title=%D4%BF%D5%A1%D5%B2%D5%A1%D5%BA%D5%A1%D6%80:%D5%80%D5%A1%D5%B5%D5%A1%D5%BD%D5%BF%D5%A1%D5%B6%D5%AB_%D5%80%D5%A1%D5%B6%D6%80%D5%A1%D5%BA%D5%A5%D5%BF%D5%B8%D6%82%D5%A9%D5%B5%D5%A1%D5%B6_%D5%B0%D5%A1%D5%B6%D6%80%D5%A1%D5%B5%D5%AB%D5%B6_%D5%AD%D5%B8%D6%80%D5%B0%D6%80%D5%A4%D5%AB_%D5%A1%D5%B6%D5%A4%D5%A1%D5%B4%D5%B6%D5%A5%D6%80&action=edit Կարեն Վարդանյան (քննարկում) 16:20, 20 Նոյեմբերի 2015 (UTC)[reply]

ՀՀ Ազգային ժողովի գիտության, կրթության, մշակույթի, երիտասարդության և սպորտի հարցերի մշտական հանձնաժողովի նախագահներ Հայաստանի քրեակատարողական ծառայության ղեկավարներ Սյունիքի մարզպետերը Կարեն Վարդանյան (քննարկում) 17:20, 23 Նոյեմբերի 2015 (UTC)[reply]

Նույն խնդի՞րն է, Կարեն Վարդանյան:--Արամ (քննարկում) 22:03, 25 Նոյեմբերի 2015 (UTC)[reply]
Թե՞ պիտի ձուլվեն:--Արամ (քննարկում) 22:04, 25 Նոյեմբերի 2015 (UTC)[reply]
Ուղղված է:--Արամ (քննարկում) 22:07, 25 Նոյեմբերի 2015 (UTC)[reply]

Հայաստանի հարկային մարմինների ղեկավարները: Կարեն Վարդանյան (քննարկում) 22:11, 25 Նոյեմբերի 2015 (UTC)[reply]

Կարեն Վարդանյան, հղումը կտա՞ք, ցույց է տալիս կաղապարը ջնջված, չեմ կարողանում գտնել:--Արամ (քննարկում) 22:17, 25 Նոյեմբերի 2015 (UTC)[reply]

Կա Գագիկ Խաչատրյանի, Պավել Սաֆարյանի էջերում: Կարեն Վարդանյան (քննարկում) 10:09, 26 Նոյեմբերի 2015 (UTC)[reply]

Ուղղված է, Կարեն Վարդանյան:--Արամ քննարկում 17:22, 7 Դեկտեմբերի 2015 (UTC)[reply]

Իմ հոդվածը գցելու ուղիղ մեկ րոպե անց այն ջնջվեց:Ինչու? – Այս անստորագիր գրառման հեղինակն է 212.34.255.67 (քննարկում|ներդրումներ) մասնակիցը։

Ողջույն, եթե խոսքը Մշտահուր հոդվածի մասին է, ապա ամփոփման մեջ նշվել է պատճառը՝ ոչ հանրագիտարանային։ Նման հոդվածները բառարանային արժեք ունեն և գրվում են վիքիբառարանում և ոչ թե հանրագիտարանում։--Լիլիթ (քննարկում) 12:38, 24 Նոյեմբերի 2015 (UTC)[reply]

Վիքիամանոր 2016[խմբագրել կոդը]

Հարգելի' Ոսկանյան, ուզում եմ մասնակցել ՎիքիԱմանոր2016 նախագծին և ուզում եմ ստեղծել հոդվածներ նախագծի շրջանակներում։ Խնդրում եմ ինձ օգնեք Ձեր խորհուրդներով։ --Լիլիթ85 (քննարկում) 17:11, 7 Դեկտեմբերի 2015 (UTC)[reply]

Հարգելի՛ Լիլիթ85, ՎիքիԱմանոր 2016-ի Ուղեցույցում ընթացակարգը ներկայացված է, հարցեր լինեն, կարող եք դիմել:--Արամ քննարկում 17:19, 7 Դեկտեմբերի 2015 (UTC)[reply]

Պատկերի վերանվանում[խմբագրել կոդը]

Ինչպե՞ս վերանվանել հայերեն վիքիպեդիայում բեռնված նկարները։ -Սահակ (քննարկում) 07:47, 28 Դեկտեմբերի 2015 (UTC)[reply]

Պատկերները կարող են վերանվանել միայն ադմինները, Սահակ ջան։--Լիլիթ (քննարկում) 07:53, 28 Դեկտեմբերի 2015 (UTC)[reply]

«Ֆինլանդիայի քաղաքացու անձնագիր» հոդվածիս մեջ մի նկար չստացվեց, եթե կարող ես օգնեք, --Զաբելա Աբելյան (քննարկում) 23:31, 29 Հունվարի 2017 (UTC)