Վիքիպեդիա:Խորհրդարան/Արխիվ/Հունիս 2013

Վիքիպեդիայից՝ ազատ հանրագիտարանից
Jump to navigation Jump to search

ՀՍՀ տեսածրված հատորներ

Հարգելի մասնակիցներ, Վիքիդարանում արդեն տեղադրված են ՀՍՀ հետևյալ հատորները՝

  1. 1 հատոր
  2. 2 հատոր
  3. 4 հատոր
  4. 5 հատոր
  5. 6 հատոր
  6. 7 հատոր
  7. 8 հատոր
  8. 9 հատոր
  9. 10 հատոր
  10. 11 հատոր
  11. 12 հատոր
  12. 13 հատոր

Վերջ, ես իմ անելիքը արեցի: Մնաց Աեքսեյի 3-րդ հատորը: --Ahaik (քննարկում) 04:42, 22 Հունիսի 2013 (UTC)

Շատ շնորհակալ ենք քեզանից Հայկ ջան և մյուս մասնակիցներից՝ ՀՍՀ-ի այդքան հատորների վրա աշխատելու և վիիդարանում տեղադրելու համար։ --Lilitik22 (քննարկում) 05:38, 22 Հունիսի 2013 (UTC)

Տեքստերը տեղադրված են առանց սրբագրման, հաճելի խմբագրումներ Ձեզ:--Ahaik (քննարկում) 08:24, 21 Մայիսի 2013 (UTC)

Ես այդպես էլ գլուխ չհանեցի։ Հայկ ջան, տեքստերը չեմ կարողանում գտնել։ Չի բացում մոտս։ --ջեօ  08:53, 21 Մայիսի 2013 (UTC)
Գտա արդեն ։Ճ --ջեօ  08:55, 21 Մայիսի 2013 (UTC)
6-րդ հատորն իսկապես չի բացվում: Հայկ ջան, մի հատ կնայես թե հարցն ինչումն է: Իսկ արված հսկա գործի համար շնորհակալություն եմ հայտնում Հայկին և Ալեքսեյին: Արման Մուսիկյան (քննարկում) 09:20, 21 Մայիսի 2013 (UTC)
6-ը նոր վերբեռնեցի, կներեք :) Շարունակությունը հետևում է... --Ahaik (քննարկում) 10:43, 21 Մայիսի 2013 (UTC)
Հանրագիտարանի տեքստերի հղումները ավելացրեցի Հայկական սովետական հանրագիտարան հոդվածին: Արման Մուսիկյան (քննարկում) 12:25, 24 Մայիսի 2013 (UTC)


Ժողովուրդ ջան, Սովետական հանրագիտարանից Վիքիգիտարան նյութեր ավելացնելիս խնդրում եմ ուշադիր լինել սխալներից խուսափելու համար, ճշտել տեքստը, հատկապես` անունները էջի կողքի նկարի օգնությամբ։ Հակառակ դեպքում Պողոս անվան փոխարեն մենք ունենում ենք Պողքս, իսկ Խանազատի փոխարեն` Խանաձատ... --Rob (քննարկում) 14:26, 24 Մայիսի 2013 (UTC)

Rob ջան, ճիշտն ասած ես ուշադիր նայում եմ: Ուղղակի այդ բժտառը այդպես չկարողացա ջոկել թե ինչ էր: Շնորհակալություն հոդվածը ճշգրտելու համար:Արման Մուսիկյան (քննարկում) 17:42, 24 Մայիսի 2013 (UTC)
Խնդրում եմ ուշադիր եղեք, այդ նյութերից բնակավայրերի մասին հոդվածներ գրելուց, քանի որ շատ գյուղերի անվանումներ փոխվել են, և որպեսզի այսպես չլինի. Գողթանիկ vs Ղաբախլու, ստուգեք կամ ԱՎԾ տվյալներով կամ մարզպետարաների կայքերում բոլոր գյուղերի մասին էջեր կան, թեև այնտեղ ներկայացված ինֆորմացիան էլ պետք չի միանշանակ ընդունել:--6AND5 (քննարկում) 09:17, 26 Մայիսի 2013 (UTC)
Կառաջարկեմ ընդհանրապես ձեռնպահ մնալ ՀՍՀ-ից Հայաստանի բնակավայրերի, հատկապես գյուղերի մասին տվյալները Վիքիպեդիայում տեղադրելուց՝ դրանք էապես ու անհույս հնացած են... --Rob (քննարկում) 09:22, 26 Մայիսի 2013 (UTC)
Արևմտյան Հայաստանի մասին հոդվածները համենայն դեպս արժե մուտքագրել: Դա մեր պատմության մի մասն է կազմում և չպետք է այն մոռացության մատնել:Արման Մուսիկյան (քննարկում) 09:36, 26 Մայիսի 2013 (UTC)
Կարծում եմ Ռոբը Հայաստան ասելով նկատի ուներ ներկայիս Հայաստանի Հանրապետության տարածքը, և ոչ ոք չի մոռանում մեր պատմությունը, ուղղակի մուտքագրելուց հարկավոր է ճշտել ինֆորմացիայի արդիականությունը, օնլայն հանրագիտարանների գլխավոր առավելությունը կարծում եմ հենց դա ժամանակին համահունչ ընթանալը:--6AND5 (քննարկում) 13:36, 30 Մայիսի 2013 (UTC)

Ադմիններ՝՜

Ադմիններ, ինչո՞ւ չեք առհավետ արգելափակում անհարգելի մասնակից NatigKrolik-ին՝ խամաճիկության համար: --Vadgt (քննարկում) 15:16, 29 Մայիսի 2013 (UTC)

Միանում եմ հարցին, վերուղղելով այն ոչ միայն ադմիններին։ Մանսակցիը անժամկետ արգելափակված էր, բազմաթիվ խախտումների և կոնտակտի դուրս չգալու, ու մասնակիցների նշված բացատրությունները և հորդորները անտեսելու համար։ Այսինքն, վարքի շտկում ակնկալելու որևէ հիմք չունեինք։ Վերադառնալուն պես, նա պետք է արգելափակվեր։ Քանի որ նման ակտիվությունը աննկատ չէր կարող անցնել, ինձ հետաքրքիր է հասկանալ ձեր մոտեցումը, որը որքան հասկանում եմ տարբեր է իմ մոտեցումից, ու այլ վիքիների և ինտերնետ նախագծերի մոտեցումից։ --Ալեքսեյ a.k.a. Xelgen (քննարկում) 22:54, 29 Մայիսի 2013 (UTC)
Հ․Գ․ Վադգտ, խնդրում եմ ծանոթանալ Վիքիպեդիա:Վարվելակարգ և ապագայում «անհարգելի այսինչ» բնորոշումներից ՎՊ–ում զերծ մնալ։ --Ալեքսեյ a.k.a. Xelgen (քննարկում) 22:54, 29 Մայիսի 2013 (UTC)

Դուք էլ նայեք այստեղ: --Vadgt (քննարկում) 09:33, 31 Մայիսի 2013 (UTC)

Տպավորություն է, որ մենք շատ ժողովրդավար ենք, դրա համար էլ թողնում են, սակայն նմանատիպ ժողովրդավարությունը շատ վտանգավոր է, չէս կարող ասել թե մի հարմար պահի ինչ պոնտ կբերի մեր վիքիի գլխին, ուղղակի որոշումերի մեջ պետք է ավելի համարձակ լինել, իհարկե մինչ այդ կարելի է քննարկել և կոլեգիալ որոշում ընդունել, դրա համար կարծում եմ համապատասխան մարմին պիտի լինի մեր վիքիում, որը կա այլ վիքիներում:--6AND5 (քննարկում) 23:19, 29 Մայիսի 2013 (UTC)
Վերջին վիքիհանդիպման ժամանակ ես էլ այս հարցը բարձրացրեցի` կապված Maurice07 մասնակցի գործողությունների հետ, որն ըստ երևույթին նույն Natig98 ու NatigKrolik–ն ա... Ադմիններ ջան, ևս մեկ անգամ կոչ եմ անում լինել ավելի համարձակ և առանց ավելորդ հապաղման արգելափակել վանդալությամբ ու քաղաքական մոտիվացիայով խմբագրական պատերազամների մեջ մեզ ներքաշող ու մեր ժամանակը վատնող թուրք և ադրբեջանցի անկոչ «հյուրերին»... --Rob (քննարկում) 12:17, 30 Մայիսի 2013 (UTC)
Օրեկան մի 15 անգամ Ադրբեջան–ԼՂՀ քարտեզի խմբագրումներն էի հետ շրջում... Կներեք, բայց սկզբունքային հարց ա`ինչու ես պետք ա հայերեն վիքիում ժամանակս վատնեմ ակնհայտ քաղաքական մոտիվացիայով արված խմբագրումները հետ շրջելու վրա այն դեպքում, երբ ադմինի կողմից հարցը կարճ ու կոնկրետ լուծվում ա մեկ վայրկյանում մեկ քլիքով։--Rob (քննարկում) 12:23, 30 Մայիսի 2013 (UTC)

Հայտ ներկայացրեցի մեթայում, որ ստուգեն տարբեր հաշիվների միջև կապը։ Եթե կան այլ կասկածելի հաշիվներ, խնդրում եմ տեղյակ պահել, որպեսզի սրանք էլ ավելացվեն ցանկին։ Թե բոլոր հաշիվների միջև կապը հաստատվի, կարգելափակվի ամբողձ IP range-ը։ ― Teak (քննարկում) 18:42, 30 Մայիսի 2013 (UTC)

հարգելի Teak, Մասնակից:Paranjem, Մասնակից:Parandjem, Մասնակից:Ազատ Հայրենիք, Մասնակից:Lia 2013, խնդրում եմ ներկայացրու ստուգման, չնայած անզեն աչքով էլ պարզ է որ նույն մասնակիցն է, սրանցից մեկն էլ արգելափակված է, չնայած նոր մասնակից է, բայց դժվար է նրա հետ, կարող ես նայել այս քննարկումը այնտեղ գրել եմ։ Ինչևէ եթե վիքիկանոններով այդպես է, պետք է արգելափակվի, ապա թող արգելափակվի բոլոր հաշիվները։ --ERJANIK քննարկում: 13:43, 31 Մայիսի 2013 (UTC)

Խնդրում եմ նաև աչքի անցկացնել Երջանիկի նշած մանակցի կողմից ստեղծված հոդվածները, որոնք ես ջնջման եմ ներկայացրել։ --ջեօ » 13:54, 31 Մայիսի 2013 (UTC)
Հայտը ներկայացված է։ ― Teak (քննարկում) 17:47, 31 Մայիսի 2013 (UTC)

NatigKrolik-ի բոլոր խամաճիկները (բացի վերև հնչեցված Maurice07 հաշվից) հաստատվեցին։ Քանի որ բոլոր այս հաշիվները արդեն իսկ արգելափակված են, և կարծես NatigKrolik-ի վերջին խմբագրումները համապատասխանում են վիքիպեդիայի ոգուն, ուզում եմ այս մասնակցին տալ վերջին հնարավորությունը։ Սակայան բոլոր չարաշահումները նշված են գրանցամատյանում։ Այս կապակցությամբ մասնակցին տվեցի վերջին նախազգուշացումը և հետագա չարաշահումների դեպքում նա անհապաղ կարգելափակվի (խնդրում եմ բոլոր ադմիններին աչալուրջ լինել մոտ օրերս)։ ― Teak (քննարկում) 17:30, 31 Մայիսի 2013 (UTC)

Երբ NatigKrolik մասնակիցը ողջունում է նորեկներին, ապա հայտնվում է այս ստորագրությունը։ Որքան գիտեմ TRT1-ը թուրքական հեռուստաալիք է։ Արդյո՞ք սա չի դիտարկվում որպես գովազդ։ --Lilitik22 (քննարկում) 07:46, 2 Հունիսի 2013 (UTC)
Ես նշված տարբերակում այդ լոգոն հեռացրի, բայց իհարկե դա հակաքարոզչություն է, այնպես որ Նաթիգը երկար չի ձգի մեր վիքիում:--6AND5 (քննարկում) 09:40, 2 Հունիսի 2013 (UTC)
Իհարկե դիտարկվում է։ Շնորհակալություն սա նկատելու համար։ Ջնջեցի այդ պատկերակները բոլոր մասնակիցների քննարկման էջերից ու հանեցի այդ պատկերակը մասնակցի ստորագրությունից՝ նախազգուշացում տալով գովազդային պատկերակների օգտագործման համար։ Քանի որ այդ ստորագրությունը ստեղծվել էր մինչև նախորդ «վերջին» նախազգուշացումը, սա չի հաշվվի որպես արգելափակմանը բերող չարաշահում։ ― Teak (քննարկում) 07:01, 3 Հունիսի 2013 (UTC)


Նիշքերի տեղափոխությունը Վիքիպահեստ

Հայերեն Վիքիի համայնք, ինչ կասեք՞ որ Հայերեն վիքիի բոլոր նիշքերը տեղափոխվեն Վիքիպահեստ մասնաորապես՝

  • Հայերեն բոլոր Վիքինախագծերը սնվեն Վիքիպահեստի նիշքերով:
  • «Բեռնել նիշք (ֆայլ)»-ի հղումը փոխադրել Վիքիպահեստի նիշքի բեռնման պատուհան: (մի խոսքով Իսպաներեն Վիքիի պես անել): Ասեք: --Vadgt (քննարկում) 18:41, 31 Մայիսի 2013 (UTC)
Բոլոր ազատ նիշքերը, այսպես թե այնպես պետք է բեռնել Վիքիպահեստում, իսկ ոչ ազատները մեր մոտ՝ օգտագործման հատուկ պարտավորությամբ։ Արդեն կա բեռնման էջում զգուշացում, եթե բեռնվող նյութը ազատ է, ապա այն առաջարկվում է բեռնել Վիքիպահեստում, այնպես, որ հղում տալու կարիքը չկա։--Bekoքննարկում 18:50, 31 Մայիսի 2013 (UTC)
Իսկ ինչո՞ւ էր Իսպաներեն Վիքիպեդիան այդպես արել: --Vadgt (քննարկում) 18:55, 31 Մայիսի 2013 (UTC)
Ուրեմն հրաժարվել են ոչ ազատ նիշքեր բեռնելուց, այդպիսինները Վիքիպահեստ չես կարող բեռնել։--Bekoքննարկում 19:09, 31 Մայիսի 2013 (UTC)
իսկ ին՞չ կասի Վիքի համայնքը ոչ ազատ պատկերները արգելելու մասին: --Vadgt (քննարկում) 19:26, 31 Մայիսի 2013 (UTC)
Ես ինքս լիովին կողմ եմ։ --vacio 19:48, 31 Մայիսի 2013 (UTC)
Իսկ ես` դեմ։ Ընդհանրապես գտնում եմ, որ յուրաքանչյուր հոդվածում պետք է լինի լուսանկար` աչքի համար ընթեռնելի դառնալու համար։ Իսկ կան այնպիսի հոդվածներ, որտեղ կարելի է օգտագործել միայն ոչ ազատ պատկեր (օրինակ ֆիլմերի մասին հոդվածներում)։ --ջեօ » 20:32, 31 Մայիսի 2013 (UTC)
Յուրաքանչյուր հոդվածում պետք է լինի նկար, այո՛, դա բոլորիս ցանկությունն ու նպատակն է։ Բայց ինչպես հոդվածի տեքստն է ազատ, այնպես էլ՝ հոդվածի պատկերազարդումը պետք է լինի ազատ արտոնագրով։ Իսկ դա ցանկություն չէ, դա այն է, ինչ Վիքիպեդիայի հիմնական ու ամենակարևոր կանոնն է։
Ես համոզված եմ, որ եթե մենք այդ բացառությունը չմտցնենք, ապա մարդիկ ավելի շուտ կհասկանան իրենց աշխատանքները ազատ արտոնագրով թողարկելու կարևորությունը։ Բերեմ մեկ օրինակ․ մի ժամանակ որոշ խմբագիրներ նյութեր ու նկարներ էին պատճենում ինչ֊որ քաղաքական կուսակցությունների կայքերից (հետո պարզվեց նրանք այդ կայքերի ներկայացուցիչներից են)։ Մենք դրանք անընդհատ ջնջում էինք՝ պատճառաբանելով, որ այդ կայքերի նյութերը պաշտպանված են հեղինակային իրավունքներով։ Կարճ ժամանակ անց որոշ կուսակցություներից ոմանց կայքերը սկսեցին իրենց նյութերը տեղադրել ազատ արտոնագրի ներքո։
Հետևաբար, ոչ ազատ պատկերներ չթույլատրելու դեպքում՝ երկարատև ժամկետում և՛ վիքիպեդիայի խմբագիրները կավելանան, և ազատ լուսանկարները կավելանան։ Այսինքն նրանք, ովքեր կողմ են ոչ ազատ պատկերների օգտագործմանը, այսպես թե այնպես կողմ են, որ Հայերեն Վիքիպեդիայում քիչ լինեն պատկերները։ --vacio 20:56, 31 Մայիսի 2013 (UTC)
Լավ, ասենք կուսակցությունների պարագայում կարելի է այդպես մտածել, իսկ ֆիլմերի՞։ Նույնը չենք կարող ֆիլմերի դեպքում ասել։ Եթե որոշենք ՀյՎՊ֊ում արգելել ոչ ազատ պատկերների ներբեռնումը և օգտագործումը, հետևաբար` պիտի ջնջենք նաև այս կատեգորիայի գրեթե բոլոր հոդվածների պատկերները։ Չեմ կարծում, որ ֆիլմերի պատկերների ջնջումը կավելացնի խմբագիրների և ազատ պատկերների թվաքանակը։ --ջեօ » 22:00, 31 Մայիսի 2013 (UTC)
Ջեո, ինձ սխալ հասկացար, կուսակցությունը միայն օրինակ է։ Եթե ֆիլմերի դեպքում էլ մենք նույն սկզբունքը կիրառեինք, ապա ըստ իս վաղ թե ուշ ֆիլմարտադրողները ստիպված կլինե(ի)ն ֆիլմի պաստառը տրամադրել ազատ արտոնագրով՝ քանի որ առաջին հերթին նրանք են շահագրգռված, որ իրենց ֆիլմը լավագույնս ներկայացված լինի Վիքիպեդիայում։ Բայց այստեղ սխալը ոչ թե մերն է, այլ Անգլերեն Վիքիպեդիայի, որը որոշել է ֆիլմերի նկարները որպես ոչ ազատ պատկեր օգտագործել։ --vacio 16:10, 2 Հունիսի 2013 (UTC)--vacio 16:10, 2 Հունիսի 2013 (UTC)
Լոկ տեքստով հոդվածները գրոշ անգամ չարժեն: Ես մեծամասամբ ֆիլմերի մասին հոդվածներ եմ ստեղծում, իսկ նրանց արտոնագրերն ազատ չէ: Նույն խնդիրն առկա է կինոմրցանակներից շատերի, կինոստուդիաների բրենդների նկարների հետ: Հարց, ինչո՞ւ եք ուզում սահմանափակում մտցնել մեր Վիքիպեդիայում: Եթե կարող եք այնպես անել, որ ազատ նկարները գնան Wiki Comons, իսկ ոչ ազատները ստեղծվեն նույն կերպ, միանշանակ կողմ եմ: Բայց եթե կատեգորիկ կերպով ոչ ազատ նկարների մուտքագրումն արգելափակվի, ապա շատ մասնակիցներ այլևս հավես չեն անի հոդվածներ գրելուց: Մեկը ես որ կդատարեմ ընդհանրապես գրելուց: Որովհետև գրածներս կստացվեն ցամաք տեքստի կտոր: 2-րդ, ինչու մյուս լեզուներով հոդվածները պետք է լինեն ավելի գունազարդ, քան մերը: Այնպես որ ես կատեգորիկ դեմ եմ նման առաջարկին: Արման Մուսիկյան (քննարկում) 03:12, 1 Հունիսի 2013 (UTC)
Ես ինքս այն մտքին եմ, որ պետք չի «Հռոմի Պապից ավելի կաթոլիկ լինել», բայց «Լոկ տեքստով հոդվածները գրոշ անգամ չարժեն» արտահայտությունը անարգում է մի քանի վիքիսերունդ վիքիպեդիացիների ներդրումները։ Ու ընդհանրապես, տեքստը շատ ավելի շատ է փոխանցում քան պատկերները (հաշվի առեք, որ մարդկային գիտելիքների գրեթե ամբողջ զանգվածը հիմնված է տեքստերի վրա և ոչ թե գունազարթ պատկերների)։ Իսկ պատկերների հարցով կարծում եմ շատ ավելի օգտակար կլինի «արդար օգտագործման» միանշանակ կանոնակարգ մշակել, որը կկանխի ոչ-ազատ պատկերների բեռնումը համասփյուռ «արդար օգտագործում» պատճառաբանությամբ (vacio-ի նշած նպատակներին էլ սա կծառայի), բայց միևնույն դեպքում կթույլատրի իսկապես յուրահատուկ դեպքերում ոչ-ազատ պատկերների օգտագործումը։ ― Teak (քննարկում) 05:35, 1 Հունիսի 2013 (UTC)
Teak ջան, իմ ասածն էլ հենց այն է, որ չպետք է արգելել ոչ ազատ նկարների մուտքագրումը, եթե դա թույլատրելի է բոլոր մյուս Վիքիներում: Teak ջան, ես ոչ մի վիքիսերունդի անարգելու դիտավորություն չունեմ: Ուղղակի պետք է հաշվի առնել մի բան: Հիմա արդեն XXI դար է և կայքերու հոդվածներից շատերը ոչ միայն գունազարդվում են այլ ավելացվում են տեսահոլովակներով: Իսկ օգտագործողները միշտ դիմում են այն աղբյուրին, որն ավելի գրավիչ է: Հավաստիությունը շատ քչերն են ուշադրություն դարձնում: Արման Մուսիկյան (քննարկում) 05:52, 1 Հունիսի 2013 (UTC)
Ես պատկերների կողմնակից եմ, հաշվի առնելով, որ մարդկությունը սկզբում պատկերներն է ստեղծել ու հետո նոր գրերը։) Որոշ թեմաներ կան, որոնց դեպքում պատկերները ցանկալի են, եթե ոչ պարտադիր։ Չգիտեմ ո՞նց է իսպանական Վիքիում, բայց բոլորի նախանձի առարկա անգլերեն Վիքիում լավ էլ օգտագործում են ոչ ազատ պատկերները: Եթե հնարավորությունը ընձեռնված է, ինչո՞ւ չօգտվել ու մեզ դնել նեղ շրջանակների մեջ։ Իհարկե այս ամենը կանոնների սահմանում։--Bekoքննարկում 06:42, 1 Հունիսի 2013 (UTC)

Հարգելի Վիքի համայնք, եթե մենք հրաժարվեցինք ոչ ազատ պատկերներից ապա կլինի այսպես.

  • դուք այևս պատկեր չեք ջնջի
  • մասնակիցները պատկերներում խմբագրական պատերզմներ չեն անի
  • իսկ մեր վիքիի (հոդվածների) ծավալը կթեթևանա: Կարծում եմ առձագանք կտաք: Հարգանքներով --Vadgt (քննարկում) 07:41, 1 Հունիսի 2013 (UTC)
Ինչքան որ հասկացվում է քննարկման բովանդակությունից, առաջարկը որևէ կոնկրետ կամ իրական դրդապատճառ չունի և անձնական է։ Թե ազատ հասանելի նյութի ոչ առևտրային օգտագործումը Վիկիպեդիայում, եթե այն ակնհայտ չարամիտ դիտավորություն չունի, ինչ իմաստ ունի սահմանափակել, հասկանալի չէ։ Տեխնիկական առումով, եթե Վիքիինտերֆեյսում չսահմանափակվեր նյութերի արտապատկերումը էջում անմիջականորեն նյութի գտնվելու տեղից (ինչպես դա արվում է HTML ֆորմատի էջում ուղղակիորեն, ֆրեյմի կամ նույնիսկ լրացուցիչ մշակման միջոցով, ինչպես, օրինակ, Գուգլում) ապա շատ դեպքերում այդ արհեստական հարցը չէր էլ ծագի։ Ահավասիկ հիմարության դրսևորում՝ ԵՊՀ էջերը հեղինակային իրավունքի խնդիր ունեն և նրանում եղած նյութերը չի կարելի օգտագործել։ Լավ, ես հասկանում եմ որ ադմինիստրացիան անգրագետ ու անհասկացող է, սակայն Գուգլը կամ Վիքիպեդիան էլ հո սեփական նախաձեռնությամբ չեն դառնալու հիմարության գերի։ Այսպես կոչված «հեղինակային իրավունքը» շատ դեպքերում դեմագոգիկ և ծայրահեղ դրսևորումներ ունի, նույնիսկ ռասիստական։ Ամոթ է ասել, սակայն հենց Վիքիպեդիան ռասիստական դրսևորումներով է հանդես գալիս՝ որոշ նյութեր հասանելի են օգտագործման համար միայն ընտրյալ ազգերի և պետությունների համար, իսկ մնացածը կարող են միայն հղվել այդ նյութերին (նույնը՝ YouTub-ում)։ Ազատ հասանելիության նյութի իմաստը հենց նրա ազատ օգտագործումն է և տեխնիկական սահմանափակումները չպետք է լրացուցիչ բեռ դարձնել Վիքիպեդիայում։ Սովորաբար սահմանափակման պահանջներ, այն էլ միայն ոչ ազատ հասանելիության և առևտրային օգտագործման նյութի դեպքում, ներկայացնում է նյութի հեղինակային իրավունքի կրողը, այլ ոչ թե օգտագործողը սեփական նախաձեռնությամբ։ Ճիշտ կլիներ, որ հայկական Վիքիպահեստը ընդամենը միայն մի զգուշացում ունենար, այն է՝ «նյութերը կարող են հանվել կամ ջնջվել նյութի հեղինակային իրավունքի կրողի պահանջով» (եթե այդպիսիք իրականում գոյություն ունեն և դատարկ հայտարարություններ չեն, ինչպես ԵՊՀ-ի դեպքում)։ Իսկ Վիքիպեդիայում ստեղծված այս ամոթալի վիճակը սեփական նախաձեռնությամբ առավել խորացնելը որևէ կերպ չի նպաստի հայկական Վիքիպեդիայի զարգացմանը։ Վահրամ Մխիթարյան (քննարկում) 08:35, 1 Հունիսի 2013 (UTC)
Ըստ իս հոդվածում գոնե մեկ լուսանկար պետք է լինի,նախ դա ավելի հաճելի է.և նաև ընթերցողի ուշադրությունն է գրավում:Օրինակ հանրգաիտարաններում գրեթե հոդվածների մեծ մասում կան նկարներ:Հայերեն Վիքիում իմ կարծիքվ նկարները շատ քիչ են,համեմատած մյուս վիքիների,որոնք մեզ հավասար են հոդվածների քանակով,այնպես որ ես կողմ եմ,որ պատկերները ազատ արտենագրի տակ թողարկվեն :--Raz from Armenia 18:05, 1 Հունիսի 2013 (UTC)

ՀՎ զարգացումը

Հարգելի մասնակիցներ, ներողություն եմ խնդրում իմ այս խոսքերով ձեր ժամանակ խլելու համար, քանի որ որոշ ժամանակ է քիչ ակտիվ եմ Հայերեն Վիքիպեդիայում, ստացվում է այնպես, որ շատ քիչ եմ տեղեկացված վերջին իրադարձություններից ու փոփոխություններից: Կուզեմ միայն կիսվել իմ ուրախությամբ, քանի որ նույնիսկ մի քանի ամսվա ընթացքում (էլ չասենք, թե ինչ է եղել մեկ-երկու տարվա ընթացքում) բավականին լուրջ դեպի լավը զարգացումներ են տեղի ունեցել ՀՎ-ում, որոնք նկատելի են առանց «զինված աչքի», զգալիորեն բարձրացել է նոր հոդվածների որակը ու քանակը, ֆունկցիոնալ-կազմակերպչական նորմուծություններ, նոր մասնակիցներ եմ տեսնում և այլ: Շատ շատ ուրախ ու ոգեշնչված եմ: Կեցցե՜ Հայերեն Վիքիպեդիան:)) --֎ Պանդուխտ 06:09, 1 Հունիսի 2013 (UTC)

Ողջույն Պանդուխտ ջան, իրոք կեցցե մեր Վիքիպեդիան և նրա խմբագրողների անշահախնդիր աշխատանքը։ Հուսով եմ ժամանակ կգտնես ու նորից կմիանաս նախագծին, շարունակելու համար քո մեծ ներդրումը։--Bekoքննարկում 06:47, 1 Հունիսի 2013 (UTC)
Շնորհակալություն գնահատականի համար, հարգելի Պանդուխտ:Արման Մուսիկյան (քննարկում) 07:52, 1 Հունիսի 2013 (UTC)
Բարի վերադարձ, Պանդուխտ ջան։ Ես նույնպես միանում եմ Բեկոյի խոսքերին։ Հույս ունենք ժամանակ կգտնես և նորից կմիանաս մեզ։ --ջեօ » 08:10, 1 Հունիսի 2013 (UTC)
Այդ զարգացման համար նաև Ձեզ ենք պարտական Հարգելի Պանդուխտ,քանի որ Ձեր կատարած խմբագրումները,ինչպես նաև մի շարք հին մասնակիցների ինչպիսին է օրինակ Հարգելի Բեկոն,հիմք են ծառայել Հայերեն Վիքիպեդիայի զարգացմանը:--Raz from Armenia 18:08, 1 Հունիսի 2013 (UTC)
Բարի վերադարձ Պանդուխտ ջան: Սակայն այս ամենը ընդամենը սկիզբն է: Հուսով եմ զարգացումը շատ ավելի նկատելի կլինի մոտակա ժամանակներում: --Ahaik (քննարկում) 19:22, 1 Հունիսի 2013 (UTC)
Շնորհակալություն արձագանքի ու նման խոսքերի համար:)))) Վիքիպեդիայի զարգացումը բոլորիս ընդհանուր գործն է, առանձին-առանձին ներդրումները, կարծում եմ, իմաստազուրկ են, եթե չկա ընդհանուր աշխատանք, իսկ այդ ընդհանուր աշխատանքը ստեղծում է մեր վիքիհամայնքը))) Ի դեպ, ես չեմ լքել ու չեմ էլ կարող լքեմ նախագիծը, ուղղակի «գովազդային ընդմիջում» եմ վերցրել:)))--֎ Պանդուխտ 20:07, 1 Հունիսի 2013 (UTC)

ՀՍՀ ոչ ցանկալի նյութերի ներմուծում

Հարգելի ընկերներ ես առաջարկում եմ ՀՍՀ֊ից նյութեր պատճենել ամբողջովին զերծ մնալ փիլիսոփայության բնագավառի նյութերի ներմուծումը, քանի որ դրանք այն աստիճան են կրում խորհրդային պաշտոնական գաղափարախոսության կնիքը, նույնիսկ վերամշակելու դեպքում դժվար է դրանք ամբողջովին «մաքրել»։ Ի՞նչ կարծիքի եք։ --vacio 15:30, 2 Հունիսի 2013 (UTC)

Ես ճիշտն ասած նմանատիպ նյութերի չեմ հանդիպել, բայց իրոք կան հոդվածներ, որ ներմուծումն իմաստ չունի: Նմանատիպ մի երկու հոդվածի հանդիպել եմ: Շարքային մարդիկ են, բայց ներգրավվել են հանրագիտարանի մեջ, որպես ՍՄԿԿ անդամ: Բայց Հայաստատնին վերաբերվող հոդվածների մեծամասնություն իրոք հիանալի է: Ուղղակի միայն նկարազարդման հարցն է մնում: Արման Մուսիկյան (քննարկում) 15:44, 2 Հունիսի 2013 (UTC)
Ես էլ ճիշտն ասած դեռ չեմ հանդիպել նման հոդվածների, բայց երևի թե ճիշտ ես ասում, հիմնականում չարժի դրանք տեղափոխել, քանի որ հայացքներն այժմ փոխվել են։ Կարելի է հակիրճ տեղափոխել միայն ընդհանուր փիլիսոփայական հասկացությունները, ձևակերպումները։ --Lilitik22 (քննարկում) 16:30, 2 Հունիսի 2013 (UTC)

Նայած ում հայացքները: Պիտի ապահովել հայացքների բազմազանությունը՝ զետեղելով ամենատարբեր, այդ թվում և այդ հայացքները: Կարեն Վարդանյան (քննարկում) 21:09, 2 Հունիսի 2013 (UTC)

Ամենաքիչը տարօրինակ է, որ մասնակիցներից որևէ մեկը կամ, առավել ևս, մասնակիցների քննարկումն ու քվեարկությունը կարող են որոշել ՀՍՀ նյութերի պատմական արժեքն ու կարևորությունը, նյութի ընտրությունը և թե ինչ պետք է ՀՍՀ-ից իմանան ընթերցողն ու ապագա սերունդները։ Կամ էլ խմբագրել պատմական տեղանուններն ու քարտեզները։ Իհարկե մեծ գայթակղություն է հնարավորության դեպքում «սրբագրել» պատմությունը, սակայն՝ անթույլատրելի։ ՀՍՀ-ի միակ իմաստն ու արժեքը նա է, որ դա հենց ՀՍՀ-ն է, այլ ոչ թե մեր կամայականության հետևանքը։ Վահրամ Մխիթարյան (քննարկում) 22:38, 2 Հունիսի 2013 (UTC)
Հարգելի Վահրամ, նախ և առաջ պետք է գնահատել այն առհելի աշխատանքը, որ հիմա կատարում են այն մասնակիցները, ովքեր ՀՍՀ-ի նյութերը տեղափոխում են Վիքիպեդիա: Դա այսպես ասած լոկ copy-paste-ի գործ չէ: Հոդվածները սրբագրվում են, բերվում են Վիքիշարվածքի, ավելացվում հղումներ, հնարավորինս նկարազարդվում և այլ մասնակիցների կողմից վերաուղվում: Իսկ այդ գործող զբաղվողները զուտ շահագրգռված են, որ մեր Վիքին դառնա տեղեկացնող, ունենանա անհրաժեշտ և բավարար տեղեկություններ և ուղղակի ամեն մի հոդված տեղափոխել մեր Վիքիպեդիա չարժե: Իմ ասած հոդվածների քանակը տոկոսապես 1 % էլ չի կազմում: Հարգելի Վահրամ, կարող ես բացատրել, թե մեր ինչերին է պետք շարքային ինժեներ մեխանիկի մասին պատմող ԽԱՉԱՏՐՅԱՆ Միխայիլ Արտավազդի հոդվածը (տես ՀՍՀ էջ 20): Այս անձի հոդվածը հանրագիտարանային չէ, այլապես կարելի է բոլոր հայ ինժեներների մասին հոդվածներ գրել մեր Վիքիում, բայց դրանք ու՞մ են պետք:Արման Մուսիկյան (քննարկում) 02:59, 3 Հունիսի 2013 (UTC)
Հարգելի Վահրամ Մխիթարյան, եթե ՀՍՀ-ի նյութերն ամբողջությամբ ու առանց փոփոխման տեղափոխվեն այստեղ, ապա մեր վիքիպեդիան կդառնա ՀՍՀ։ Սա է անթույլատրելին։ Վիքիպեդիան բոլորինս է, կարդում ենք այն, և ընթերցողը նույնպես կարդում է այն, ինչը մենք ինքներս ենք գրում կամ հենց ինքը՝ ընթերցողն է գրում։ Սա վիքիպեդիայի էությունն է, հետևաբար ինքնաբերաբար ստացվում է այնպես, որ բոլորս (խմբագիրները) ենք ընտրում այն նյութերը, որը պետք է ընթերցողները կարդան, ինչպես ժամանակին ՀՍՀ-ի խմբագիրներն են որոշել ընթերցողը կարդա՞ վերը նշված Միխայիլ Խաչատրյանի մասին, թե ոչ։ Հետևաբար ոչ ՀՍՀ-ի խմբագիրները, ոչ էլ վիքիպեդիայի խմբագիրները չեն փորձում «սրբագրել» պատմությունը։ --Lilitik22 (քննարկում) 05:07, 3 Հունիսի 2013 (UTC)
Չգիտես ինչու քննարկումը անձնավորված է ստացվում, որը ևս ճիշտ վերաբերմունք չէ։ Այդ առումով, իմ անձնական տեսանկյունից, ինչպես «շարքային» ինժեներ-մեխանիկ ԽԱՉԱՏՐՅԱՆ Միխայիլ Արտավազդի մասին, այնպես էլ ՀՍՀ-ի նույն էջում տեղադրված հայ սովետական դալտոնիկ նկարիչ և գեղանկարչության ասպարեզում որևէ գործ չստեղծած ԽԱՉԱՏՐՅԱՆ Ռուդոլֆ Լորիսի մասին հոդվածները նույն արժեքն ունեն։ Սակայն ինձ բացարձակ չի հետաքրքրում 1964(!) թ.-ից «Նաիրի» էլեկտրոնային հաշվողական մեքենաների գլխավոր կոնստրուկտորի տեղակալ, ՍՍՀՄ պետական մրցանակի դափնեկիրի և Լեոնարդոյի մակարդակով գրաֆիկական աշխատանքներ ստեղծած ՀՍՍՀ վաստակավոր նկարիչի մասին ՀՍՀ-ում զետեղված հոդվածների վերաբերյալ ոչ միայն Արման Մուսիկյանի, այլև Վահրամ Մխիթարյանի անձնական կարծիքը։ Բոլորս էլ ունենք նախասիրություններ և անում ենք այն, ինչից որ, մեր կարծիքով, քիչ թե շատ հասկանում ենք։ Գուցե դա բերի նրան, որ ներկայացված լինի ՀՍՀ-ի նյութերի մի մասը։ Սակայն, նորից կրկնվում եմ, ըստ մեր տեսանկյունից էլ «ճշտել» ՀՍՀ-ի հոդվածները, իմաստ չեմ գտնում։ Վահրամ Մխիթարյան (քննարկում) 15:03, 3 Հունիսի 2013 (UTC)
Հարգելի Վահրամ Մխիթարյան, խնդրում եմ չվիրավորել նախագծի այլ մասնակիցներին: Մենք բոլորս դարձել ենք Վիքիպեդիայի խմբագիրներ կամովին, նշանակում է կամովին պարտավորվել ենք հետևել Վիքիպեդիայում ընդունված վարվելակարգին, որի հիմնադրությներից մեկն է այլ մասնակիցների և նրանց կարծիքների նկատմամբ հարգալից վերաբերմունքը: Բանականաբար, Դուք լրիվ իրավունք ունեք «չհետաքրքրելու» Արմանի կամ որևէ այլ մասնակիցի անձնական կարծիքներով, բայց բարի եղեք չբարձրաձայնել դրա մասին Խորհրդարանում կամ հայերեն Վիքիպեդիայի այլ բաժիններում: --Rob (քննարկում) 18:01, 3 Հունիսի 2013 (UTC)
Մի բան էլ: Վահրամ, եթե կարևորում եք ՀՍՀ անաղարտ պահելը, ապա Դուք կարող եք առավել արդյունավետ նպաստել դրան Վիքիդարանում դրված ՀՍՀ հատորների խմբագրմամբ: Այնտեղ դրանք մնալու են հենց իրենց անաղարտ և ոչ խմբագրված տեսքով որպես սկզբնաղբյուր: --Rob (քննարկում) 18:12, 3 Հունիսի 2013 (UTC)
Հարգելի Վահրամ, նախ և առաջ ասեմ, ոչ մեկս էլ պարտավոր չենք տառ առ տառ տեղափոխել հոդվածները Վիքիպեդիա: Դա ըստ մեր ցանկության է: Եվ երկրորդ, եթե այդքան ուշադիր եք ամեն ինչում, ապա իմ չստեղծած հոդվածների անունները ես զետեղել եմ այստեղ: Եթե հարմար եք գտնում, որ դրանք պետք է ստեղծել, կարող եք ստեղծել: Վիքիդարանում ես նույնիսկ խմբագրել եմ, բայց անձամբ ես դա չեմ ստեղծի, քանի որ իմաստալից չեմ համարում: Նրանց նման մարդիկ միլիոններով են: Թեև դա զուտ իմ անձնական տեսակետն է:Արման Մուսիկյան (քննարկում) 18:43, 3 Հունիսի 2013 (UTC)
Սիրելի Վիքիմասնակիցներ, Արման, Lilitik22(?), Rob(?), ներողություն եմ խնդրում վիրավորական որևէ իմաստի համար, որն ինչ որ առումով տեսել եք իմ շարադրանքի մեջ։ Իհարկե, իմ մտքում այդպիսի բան չէր էլ կարող լինել, քանի որ ես բոլորիդ էլ սիրում եմ։ Նույնիսկ այն, որ նշել եմ Ռուդոլֆ Խաչատրյանի բնածին դալտոնիկ լինելը, ապա միայն հասկանալու համար, թե ինչու է այս մարդու հանճարն արտահայտվել միայն գրաֆիկայում։ Ինչևէ, հույս ունեմ, որ այս տեսակ հետևություններ իմ գրած տեքստերից երբևէ չեք անի։ Վահրամ Մխիթարյան (քննարկում) 20:17, 3 Հունիսի 2013 (UTC)
Իսկ ինչ վերաբերվում է ՀՍՀ-ի անաղարտությանը։ ՀՍՀ-հրատարակման համար, որպեսզի ապահովվի լինոտիպային շարվածքի փոքր կետաչափերով տպագրված ՀՍՀ-ի հոդվածների ընթեռնելիությունը և գեղեցիկ շարվածքը, տառաստեղծ Հենրիկ Մնացականյանի կողմից ստեղծվել է հատուկ տառատեսակ (տպատառեր) հենց «Հանրագիտարան» անվանումով։ Ինքնին այդ չափի հայերեն շարվածքը և «Հանրագիտարան» տպատառերը ազգային արժեքներ են և ցանկալի կլիներ էլեկտրոնային տարբերակում պահպանել հանրագիտարանի տպագիր տեսքը։ Այդպիսի ներկայացում այսօր լիարժեք իրականացվում է ինչպես PDF, այնպես էլ DJV ֆորմատներում։ Դուք էլ հանդիպած կլինեք այդ ֆորմատներով գրքերի, որոնք, կարծես թե, ընդամենը էջի նկարներ են, նույնիսկ է երևում են թերի կամ անորակ տպված տառերը։ Սակայն մկնիկով կարելի է ընտրել տեքստը, որը, իհարկե, ոչ մի նկար էլ չի, այլ նկարում պատկերված տառերի դիրքերով համատեղված թվայնացված տեքստն է։ Ուրիշ խոսքով ասած, ցանկալի է ներկայացնել ՀՍՀ-ի էլեկտրոնային տարբերակը որպես էջի պատկերներ՝ թվայնացված-սրբագրված տեքստի հետ համատեղված ձևով։ Այսօր այդպիսի ներկայացում ունեն բոլոր հին գիտական հրատարակությունների թվայնացված տարբերակները՝ անխտիր պահպանված է էջի պատմական տեսքը և առկա են համատեղված թվայնացված տեքստն ու նկարները։ Եթե Վիքիում հասու են այս տեխնոլոգիաներին, ապա դա ՀՍՀ-ի դեպքում կլիներ լավագույն լուծումը։ Վահրամ Մխիթարյան (քննարկում) 20:17, 3 Հունիսի 2013 (UTC)
Վահրամ, կարծում եմ ուրախ կլինեք իմանալ, որ հատորները հենց ԴեԺավյուով են տեղադրված Վիքիպահեստում, հենց պատկերի և տեքստի առանձին շերտերով։ Խնդիրը նրանում է, որ այնտեղ տեքստային շերտը մեքենայական տառաճանաչման ստանդարտ և բազմաթիվ սխալներով է։ Երկրորդը, ՀՍՀ–ն այստեղ չի լինելու, ՀՍՀ–ն իր բնագիր ձևով լինելու է Վիքիդարանում, երբ և եթե այն սրբագրվի։ Այնտեղ հենց տեքտը մի կողմից է, պատկերը մյուս։ Իսկ այստեղ կարող են լինել միայն Վիքիպեդիայի հոդվածներ, և պարզապես հիմնվելով, ազատ արտոնագրի տակ թողարկված ՀՍՀ–ի նյութերից, մենք գրում ենք Վիքիպեդիայի հոդվածներ։
Եթե խոսքը սրբագրումից հետո, ստեղծել 100% թվային կրկնօրինակ, բացարձակ նույն «վերստկա»–յով, ապա դա արդեն Վիքիդարանի տեխնիկական և մարդկային ռեսուրսներից դուրս է, և գուցե ինչ–որ մեկը կուզենա դա անել, պատմամշակույթային հետաքրքրությունից ելնելով, բայց սարդոստայնում մեզ ավելի հետաքրքիր է, իր սարդոստայնային ձևաչափը։ Բայց եթե «Հանրագիտարան» տառատեսակը կա, և իրավատերերը այն ազատ արտոնագրի տակ փոխանցեց, ապա կարող ենք Վիքիդարանում ՀՍՀ–ի տեքստերը, նույն այդ տառատեսակով ցուցադրել։ --Ալեքսեյ a.k.a. Xelgen (քննարկում) 00:28, 7 Հունիսի 2013 (UTC)
Իհարկե նայել եմ և ուրախ եմ, որ այդպես է։ Տեսեք, հայերեն համապարփակ մատենագրությունը թվայնացվել է, կարելի է ասել, կյանքի գնով։ Խումբը տարիներով, ուղղակի ձեռքով մուտքագրել, սրբագրել և կարգի է բերել գրաբար, միջին հայերենով, արևելահայերեն և արևմտահայերեն ավանդական ուղղագրությամբ, հիմնականում ձեռագիր, տեքստերը։ Բացարձակապես բոլորը՝ անկախ նրա ծավալից, ծագումից և «արժեքից»։ Որոշ դեպքերում այսօր նույնիսկ ավելի կարևոր էր երկրորդ անգամ օգտագործված մագաղաթին նախկինում գրված-ջնջված տեքստը, այլ ոչ թե եղածը։ Կամ էլ նրա կազմը, լուսանցքի նկարը։ ՀՍՀ-ն մեծ արժեք է ամեն առումով։ Եթե խնդիրներ են առաջանում, ասենք հայերեն տեքստի օպտիկական ճանաչման հարցում, ապա կարելի է դիմել ABB-ին, որ նա OCR-ի որակը բարձրացնելու համար հատուկ լրամշակի այն «Հանրագիտարան» տառատեսակը ճանաչելու նպատակով։ Մի կասկածեք, նրանք դա կանեն, քանի որ ՀՍՀ-ն արժեք է։ Նմանապես, ՀՍՀ-ին առնչվող հարցով Հայաստանում կարելի է դիմել ցանկացած մասնագետի և միշտ էլ աջակցություն կգտնվի՝ ե՛ւ ակադեմիական, ե՛ւ կառավարական մակարդակով։ Իսկ ինչ վերաբերվում է «Հանրագիտարան» տառատեսակի հեղինակային իրավունքներին, ապա նրա ստեղծող Հենրիկ Մնացականյանն արդեն չկա, տառատեսակի օգտագործման հետ էլ կապված ուրիշ հատուկ խնդիր չկա, քանի որ դա սովետական դարաշրջան էր։ «Հանրագիտարան» տառատեսակը պատկանում է հենց ՀՍՀ-ին։ Ես դեռ 1990-ականներից ուզում էի, որ այդ տառատեսակը TrueType-ով ստեղծվի, սակայն այդպես էլ չհաջողվեց։ Կխնդրեմ Ռուբեն Թարումյան-Հակոբյանին, որ այս աշխատանքների կապակցությամբ ստեղծի նաև TrueType «Հանրագիտարան» տառատեսակը։ Վահրամ Մխիթարյան (քննարկում) 22:42, 7 Հունիսի 2013 (UTC)
Ինչպես պարզվեց, TrueType «Հանրագիտարան» տառատեսակ գոյություն ունի (իր չորս տպաձևերով), որը ստեղծվել է Ռուբեն Թարումյան-Հակոբյանի մասնակցությամբ (ինչպես ասում են, «մուրազս փորս չեն թողել»)։ Նա խոստացավ կարգի բերել այդ տառատեսակը և տրամադրել օգտագործման համար։ Հիմա մոտս կա, սակայն չեմ տրամադրի մինչև Ռուբենը վերջնական տարբերակը չպատրաստի ։ Իմ կողմից էլ ամոթալի սխալ էր թույլ տրվել, քանի որ «Հանրագիտարան»-ը ստեղծել է տառաստեղծ Հենրիկ Մնացականյանը, իսկ Սամվելյանը՝ շատ հայտնի և տարածված «Նորք» տառատեսակը։ Այնպես որ ուղղում եմ վերը շարդրված սխալս՝ հետագա թյուրիմացություններից խուսափելու համար։ Քանի որ Ռուբենին նաև համոզել եմ ավելի ակտիվ մասնակցություն ունենալ Վիքիպեդիային, ապա կարելի է նրան օգտագործել ՀՍՀ-ն Վիքիդարանում ներկայացնելու (և ոչ միայն ՀՍՀ-ը) գործում (նա ակտիվ կլինի հունիս ամսի վերջից)։
Արման ջան, ինչպե՞ս կարող է Նաիրիի համակարգչի ստեղծողներից մեկը լինել ոչ նշանակալի, «շարքային ինժեներ»։ Ասենք Ստիվ Ոզնյակը նշանակալի է՞։ Իմ կարծիքով եթե խիստ սահմանափակ ծավալ ունեցող ՀՍՀ–ում, որևէ թեմա բավարար նշանակալի են գտել, տեղ դրամադրելու համար, ապա Վիքիպեդիայի համար (որն «թղթից չէ») թեման նշանակալի է։ Այլ հարց է, որ նույն այս անձի դեպքում առցանց որևէ տեղեկություն հնարավոր չէ գտնել, իսկ առանց դրա, Վիքիպեդիայում չենք կարող դրա մասին գրել, չիմանալով թե էլ ինչ է ինքը արել ՀՍՀ–ի տպագորւմից հետո, և արդյոք դեռ կենդանի է, թե մահացել է։ --Ալեքսեյ a.k.a. Xelgen (քննարկում) 00:28, 7 Հունիսի 2013 (UTC)
Վերադառնալով Վաչագանի տրված բուն հարցին։ Արժի՞ Վիքիպեդիա:ՀՀՀ նյութերի օգտագործում էջում նշել այն ոլորտները, որոնց մասին գրելիս չարժի օգտվել ՀՍՀ–ից։ Որքան տեսնում եմ այժմ դա փիլիսոփայական, քաղաքական, հոդվածներն են և ՀՀ բնակավայրերը (հատկապես գյուղերը)։ --Ալեքսեյ a.k.a. Xelgen (քննարկում) 19:59, 7 Հունիսի 2013 (UTC)
ՀՀ գյուղերի հարցը կարծես թե լուծվել է։ ՀՍՀ-ում եղած տվյալները կարելի է համեմատել ՀՀ բնակավայրերի բառարանի տվյալների հետ և ստեղծել բավականին լավ հոդվածներ։ Ես այդպես եմ անում։ Իսկ ինչ վերաբերում է մնացած ոլորտներին, ապա ընդհանուր հասկացությունների, սահմանումների մասին կարծում եմ արժի գրել։ Եթե լինեն դեպքեր, երբ հոդվածը չհամապատասխանի ՀՍՀ-ի խմբագրման ուղեցույցին և այսպես ասած «խորհրդայնացված» լինի, կարելի է ուղղակի այն ջնջել։ Ուստի կարծում եմ չարժի ուղեցույցում ավելացնել այդ թեմաները որպես ոչ ցանկալի։ Ես հետևում եմ ՀՍՀ-ից վիքիպեդիա տեղափոխվող հոդվածներին և չհամապատասխանող հոդվածները կպիտակեմ ջնջման, եթե իհարկե հնարավոր չլինի վիքիֆիկացնել։ Բացի այդ մասնագիտական հոդվածների ցանկում կարելի է ընդգրկել նաև այդ ոլորտների հոդվածները՝ հետագայում մասնագետների կողմից վերանայման նպատակով։ --Lilitik22 (քննարկում) 20:24, 7 Հունիսի 2013 (UTC)
Հարգելի Ալեքսեյ, եթե տվյալ անձը Նաիրիի հիմնադիրներից է, ապա այդ դեպքում տվյալ հոդվածը միանգամից դառնում է կարևոր: Բայց կոնկրետ հանրագիտարանային նյութի դեպքում վերոհիշյալ անձանց կարևորությունն, ըստ իս, պայմանավորված է միայն ՍՄԿԿ անդամ լինելով, իսկ դա հիմա կարևոր լինել չի կարող: Համենայն դեպքս եթե վերոհիշյալ անձինք իրոք ինչ-որ լուրջ ներդրում են ունեցել գիտության, արվեստի կամ այլ ոլորետներում, վաղ թե ուշ կգրեն նրանց մասին: Հաստատ, երբ մեր Վիքին բավարար հզոր լինի, իսկ դրա վրա հիմա շատերն են աշխատում, շատ խմբագիրներ կավելանան: Վիքիհոդվածները շատացնելուն զուգահեռ կավելանան մեր ընթերցողները և շատ մարդիկ մեր Վիքիպեդիան կսկսեն ընդունել որպես հանրագիտարանային հուսալի ինֆորմացիայի աղբյուր: Դրան զուգահեռ հաստատ նոր խմբագիրներ կավելանան: Ու հույս ունեմ կսկսվի շղթայական ռեակցիա, որի հետևանքով Հայ Վիքիպեդիան էապես կզարգանա: Արման Մուսիկյան (քննարկում) 05:44, 8 Հունիսի 2013 (UTC)

Վիքիպեդիայում ոչ նշանակալի հոդվածների ստեղծում

Հարգելի ադմիններ, առաջարկում եմ շուտափույթ որևէ միջոց ձեռք առնել վիքիպեդիայում ոչ նշանակալի անձանց մասին հոդվածներ ստեղծող Lia 2013 մասնակցի նկատմամբ։ Մասնակցի կողմից ստեղծված հոդվածների մեծամասնությունը ոչ նշանակալի են։ Որքան կարելի է ջնջման ներկայացնել միևնույն հոդվածը կամ հոդվածները։ Այսպես որ շարունակվի վիքիպեդիան կդառնա Ազատ հայրենիք կուսակցության անդամների կենսագրական ժողովածու։ Բացի այդ առաջարկում եմ ստուգել Մասնակից:Paranjem, Մասնակից:Parandjem, Մասնակից:Ազատ Հայրենիք և Մասնակից:Lia 2013 մասնակիցների հաշիվները, որոնք, ըստ իս խամաճիկ հաշիվներ են, և համապատասխանաբար արգելափակել։ Ես ոչինչ չունեմ այդ կուսակցության դեմ, եթե անձը նշանակալի է, ապա թող մնա, սակայն հիմնական հոդվածները նշանակալի չեն և ճիշտն ասած արդեն նյարդայնացնում է ամեն անգամ այդ հոդվածներին անդրադառնալը և այդ մասնակիցների խմբագրումներին հետևելը։ Ի դեպ, վերը նշված մասնակիցները բազմիցս զգուշացվել են։ Շնորհակալություն --Lilitik22 (քննարկում) 14:53, 3 Հունիսի 2013 (UTC)

Lilitik22, «միջոց առնելու» համար անհրաժեշտ է սկսել համապատասխան գործընթաց (en:due process)։ ՄԵզ դեռ ստույգ հայտնի չէ այդ մասնակցային հաշիվների փոխկապակցվածությունը, ուստի պետք է այս մասնակցին վերաբերվել որպես նոր անհատ-մասնակցի։ Եվ այդ գործընթացը կարելի էր սկսել մի կարճ նախազգուշացմամբ մասնակցի քննարկման էջում (ինչը արդեն արեցի)։ Այպիսի առաջնորդական (en:leadership) մոտեցումը շատ ավելի կնպաստի վիքիհամայնքի համընդհանուր նպատակների իրագործմանը քան «միջոց առնելու» կոչումները։ ― Teak (քննարկում) 16:37, 3 Հունիսի 2013 (UTC)

Trademark discussion

Hi, apologies for posting this in English, but I wanted to alert your community to a discussion on Meta about potential changes to the Wikimedia Trademark Policy. Please translate this statement if you can. We hope that you will all participate in the discussion; we also welcome translations of the legal team’s statement into as many languages as possible and encourage you to voice your thoughts there. Please see the Trademark practices discussion (on Meta-Wiki) for more information. Thank you! --Mdennis (WMF) (talk)

Ոչ հանրագիտարանային հոդվածների հեղեղ Վիքիում

Հարգելի ադմիններ առաջարկում եմ ուշադրություն դարձնել Ազատ հայրենիք կուսակցական հոդվածին: Նրա շնորհիվ մեր Վիքիում հայտնվել են մոտ 30 կարգի ոչ հանրագիտարանային տվյալներ: Այդ հոդվածները ստեղծող մասնակիցը չի էլ պատրաստվում իր քննարկման էջում պատասխանել իրեն տրված հարցերին ու զգուշացումներին և դեռ շարունակում է ոչ հանրագիտարանային հոդվածներ գեներացնել: Խնդրում եմ մի բան ձեռնարկել այս հարցով: Արման Մուսիկյան (քննարկում) 19:13, 4 Հունիսի 2013 (UTC)

Արման ջան, միանգամայն համաձայն եմ քեզ հետ։ Վերևում ես էլ եմ բարձրացրել այդ հարցը։ --Lilitik22 (քննարկում) 19:21, 4 Հունիսի 2013 (UTC)
Չէի նկատել, Լիլիթ ջան, հակառակ դեպքում ներքևից կավելացնեի: Բայց իրոք այդ հոդվածները գնալով սկսել են շատանալ: Իմ կարծիքով տվյալ մասնակցի աշխատանքային բնույթն է հայ Վիքիպեդիան ծանրաբեռնվել իրենց կուսակցականների կենսագրություններով:Արման Մուսիկյան (քննարկում) 19:32, 4 Հունիսի 2013 (UTC)
Ինչպես նաև գերմանական և շատ այլ Վիքիպեդիաներ ․․․ ;) Վահրամ Մխիթարյան (քննարկում) 20:30, 4 Հունիսի 2013 (UTC)
Զգուշացումից հետո դեռ ոչ մի հոդված չի «գեներացվել»։ Ու նաև մի 30 ոչ-վիքիֆիկացված հոդվածի գոյությունը ոչինչով չի սպառնում հայերեն վիքիպեդիային։ Ադմինները սրանց մասին տեղյակ են և բոլորն էլ կջնջվեն երբ հանրությունը գա ջնջելու մասին համընդհանուր եզրակացության (ըստ իս ոչ բոլորԹ պետք է ջնջվեն, որոշ մասը կարող է վիքիֆիկացվել՝ դառնալով լավ էլ հանրագիտարանային հոդված)։ Ես ինքս սպասում եմ չեքյուզերի ստուգմանը այդ մասնակցի հետ հետագա զրույց բացելու համար։ ― Teak (քննարկում) 21:01, 4 Հունիսի 2013 (UTC)
Երեկ շուրջ 20 հոդված եմ աչքի անցկացնել և միայն մեկն ինչ-որ վերապահումներով կարելի է թողնել: Զգուշացումից հետո տվյալ մասնակիցը շարունակել էր աշխատել նախկին ստեղծած հոդվածների վրա: Արման Մուսիկյան (քննարկում) 02:02, 5 Հունիսի 2013 (UTC)
ինքս արդեն ջնջման կողմ եմ քվեարկել Վիքիպեդիա:Ջնջման ենթակա հոդվածներ բաժնում, դրանցից շատերը կարելի էր ջնջել և առանց քննարկման, դրանցից կան որ նախկինում նույնիսկ մի քանի անգամ են ջնջվել, բայց տվյալ մասնակիցը համառություն է դրսևորում: --ERJANIK քննարկում: 06:49, 5 Հունիսի 2013 (UTC)
Իսկ նա դեռ համառորեն շարունակում է աշխատել իր հոդվածներ վրա: Զարամանալ է կարելի, թե ինչու մարդու մոտ հարց չի առաջանում, երբ իր ստեղծված հոդվածները կրում են ջնջման ենթակա, անհապաղ ջնջման ենթակա պիտակները: Արման Մուսիկյան (քննարկում) 13:46, 5 Հունիսի 2013 (UTC)
Շնորհակալություն եմ հայտնում Teak-ին և Երջանիկին այս խնդրին լուծում տալու համար: Արման Մուսիկյան (քննարկում) 02:25, 8 Հունիսի 2013 (UTC)

Հարցում

Խնդրում եմ մասնակցել հետևյալ հարցմանը, որը կարծում եմ շատ կարևոր է.Վիքիպեդիա:Հարցումներ /Արգելափակում--6AND5 (քննարկում) 21:04, 6 Հունիսի 2013 (UTC)

:, . և ՝ սիմվոլները

Հարգելի բարեկամներ... Բազմիցս խոսվել է, որ Վիքիպեդիայում գրվող հոդվածներում օգտագործվում է շատ հաճախ ոչ հայերեն վերջակետ, միջակետ և այլ կետադրական նշաններ: Ինձ համար սկզբունքային տարբերություն չկա, թե ինչ կոդ ունի այս կամ այն սիմվոլը, կարևորն է թե այն ինչպես է երևում: Սակայն եթե այս խնդիրը չափազանց կարևոր եք համարում, ապա անհրաժեշտ է մի ինչ ոչ կերպ փոխել արդեն ստեղծված հոդվածներում այս նշանները:

Իհարկե խնդիրը բարդ է, քանի որ չի կարելի պարզապես replace անել, որովհետև անգլերեն նշանները ունեն նշանակալի իմաստ Վիքիպեդիայում: Այնպես, որ պետք է անել խելոք replace: Այսինքն, օրինակ` այսպես «: » -> «։ », կամ թերևո այսպես «ա: » -> «ա։ » անցնելով ամբողջ այբուբենով:

Խնդրում եմ արտահայտել կարծիքներ, ու եթե մշակվի ինչ-որ մեխանիզմ, մասնակցել փոփոխման սուրբ գործին ԱՎԲ կամ այլ խելոք համակարգերով:--Ahaik (քննարկում) 03:40, 7 Հունիսի 2013 (UTC)

Հայկ ջան, իսկ դա Վիքիպեդիայի հոդվածներին ինչով պետք է խանգարի: Կարծում եմ կարևորը կետադրական նշանների ճշտությունն է, իսկ մնացածը երկրորդական է: Ճիշտ է, լավ կլինի, որ ամեն ինչ տեղը տեղին լինի, բայց, ըստ իս, դա այնքան էլ առաջնային խնդիր չէ: Արման Մուսիկյան (քննարկում) 04:18, 7 Հունիսի 2013 (UTC)
Համաձայն եմ, ու դրա համար էլ բարձրացրել եմ խնդիրը: Ու խնդրում եմ, բոլոր շահագրգիռ մարդկանց համոզել մեզ, որ այս խնդիրը այնքան կարևոր է, որ հիմա կարելի է դրանով զբաղվել: Մյուս կողմից, եթե խնդիրը կարևոր չէ, ապա ընդհանրապես մոռանանք դրա մասին, ու գրենք, այնպես ինչպես մեզ հարմար է: (անձամբ ինձ մոտ, հայերեն ստեղնաշարում դրված են անգլերեն սիմվոլները, ու փոխել շատ չեմ ուզում, որովհետև ամեն անգամ կատեգորիա կամ այլ տեղ գրելիս պիտի փոխեմ, իսկ ես չեմ ուզում :) ): --Ahaik (քննարկում) 05:11, 7 Հունիսի 2013 (UTC)
Ինչով է սա կարևո՞ր։ Հայերեն վքիպեդիան գործում է հայերենի այլագրման միակ միջազգային Յունիկոդ ստանդարտով, և մենք պարտավոր ենք հետևել այդ ստանդարտին։ Վերջակետ։ Իսկ Յունիքոդը փոփոխել մեր լիազորությունների մեջ չի մտնում։ :)
Դեմ չե՞ք եթե ես ս–ի փոխարեն լատինական u գրեմ, ո–ի փոխարեն լատինական n, հ–ի փոխարեն h, օ–ի փոխարեն էլ ասենք 0 գրեմ, մեկ է նման տեսք ունեն։ Բացի վերջին դեպքից, տառատեսակների մեծամասնությունում իրանք տեսքից ոչ թե նման են, այլ բացարձակ նույնն են, ի տարբերություն վերջակետի և միջակետի։ Նույն բանն է։ Անկեղծ ասած, կարծում էի, որ ծրագրավորողներին սրա հիմնարար սկբունքայնությունը ակնհայտ է։
Ինչ կարելի է անել, այս պահից սկսած իրավիճակը շտկելու համար։ Բնականաբար պետք է տեղադրենք ժամանակից դասավորություն, որը համապատասխանում է ստանդարտին։ Լինուքսում ամեն ինչ նորմալ է իսկզբանե։ Վինդոուզ 8-ում նույնպես։ Այլ Վինդոուզի վարկածների դեպքում կարող եք օգտվել իմ սարքած դասավորությունից որի առավելությունը այն է, որ աջ Ալտ-ը սխմած պահելով, ստանում եք ստանդարտ լատինական դասավորությունը, թվերով և բոլոր նշաններով, առանց ամեն լատինական նշանի, թվի, փակագծի համար դասավորությունը հետ ու առաջ փոխելու անհրաժեշտության։
Եղած հոդվածներում խնդիրն ուղղելը ավելի ջանջալ է։ Անցավ կարելի է փոխել միայն շեշտը և բութը։ Մնացած դեպքերում պետք է զգալիորեն ավելի խորամանկ և մտածված մեխանիզմ, որը պետք է ծրագրավորել pywikipedia–ի հիման վրա, կամ այլ բոտային ֆրեյմվորքով։ AWB–ով լավ արդյունքի դժվար է հասնել, չնայած կարելի է օգտվել ՌեգԷքսսպից, բայց այնտեղ էլի նրբություններ և հաշվի առնել բոլոր հնարավոր բացառությունները ձեռքով։ Բոտը կամ ԱՎԲ–ն դա պետք է անեն, ոչ թե մեկ անգամ, այլ շարունակական, մի քանի տարի, մինչ օգտագործողները կամաց–կամաց չհրաժարվեն հին ծրագրերից։ Եթե ինչ–որ մեկը ուզում է դա ծրագարորել, ապա փառք ու պատիվ, հաճույքով կօգնեմ։ Բայց եղածն ուղղելը, իմ անձնական կարծիքով մոտակա ամիսների ամենաառաջնային գործը չէ։ Միառժամանակ բոլոր ակտիվ ներդրողներին, կխնդրեյի իրանց մոտ շտկել դասավորությունը (տես 2-րդ պարբերությունը)։ --Ալեքսեյ a.k.a. Xelgen (քննարկում) 15:26, 7 Հունիսի 2013 (UTC)
Ալեքսեյ ջան, մերսի լիքը ու համբերատար բացատրելու համար: Այնուամենայնիվ ես մնում եմ իմ կարծիքին: Սակայն ինչպես տեսնում ես, ես էի առաջարկել սկսել ավտոմատացված փոփոխումը: Ու առաջարկել եմ տարբերակ, բոլոր տեղերում որտեղ կա տառ, հետո : հետո բացարկ փոխել նույն տառը ։ բացարկով... բոլոր տառերով անցնելուց հետո բոլոր տեղերում կփոխվի... Իմ կարծիքով սա կլուծի հարցը ու բավականին շուտ... Նույնն էլ անել մնացած սիմվոլների համար: Եթե սխալ եմ ուղղեք ինձ, այսինքն կա արդյոք դեպք, երբ հայերեն վերջակետը այդպես չի տեղադրված, կամ անգլերենը տեղադրված է տառից հետո ու բացարկով է հաջորդվում:
Հա ու ի միջի այլոց, ես ծրագրավորող չեմ :P: --Ahaik (քննարկում) 16:05, 7 Հունիսի 2013 (UTC)
Հայկ ջան, դա կարծիք չէր, դա օբյեկտիվ իրականություն է :)
Ամենապարզ և քիչ ռիսկեր պարունակող դեպքում, երբ ձեռք են տալիս, միա՛յն հայերեն տառերի արանքը լատինական երկուկետը և կետը, և անում ենք դա միայն գլխավոր անվանատարածքում (հոդվածները)։
  1. Մինչ երկուկետ–>վերջակետ փոխելը, պետք է հոդվածում փոխել «[[Կատեգորիա: », [[Պատկեր: » տարբերակները, առանց երկուկետից հետո բացատի։ Անվանատարծքից հետո բացատ դնելը, նորմայից դուրս է, բայց դա գործում է, և կարող է հանդիպել։ Նույն շարքից օրինակ {{DEFAULTSORT:}}, և այժմ առկա բոլոր Վիքի անվանտարածքները Վիքիպեդիա, Պորտալ, Կաղապար, և այլն։
  2. Բացի վերջակետից հետո բացատի, պետք է հաշվի առնել այն դեպքերը երբ վերջակետից հետո, նոր տող է սկսվում։
  3. Վերջակետից հետ, բացատ չենք կարող ակնկալել քաղվածքների դեպքում օր՝ «Նա ասել է հետևյալը։» կամ էլ ինչ-որ կաղապարում է տեքստը։ Փակող չակերտից բացի, կարող է լինել նաև փակող փակագիծը։
  4. Նաև պետք է հաշվի առնել, մի քանի բացատ դնելու հավանականությունը (գրեթե միշտ երբ տեքստը Վորդով են նախ հավաքում)։
Ամեն ինչ բարդանում է այն ժամանակ, երբ կետադրական նշաներից հետո, բացատ չեն դնում, ինչը հազվադեպ չէ։ Եթե տեքստը զուտ տեքստ է, առանց վիքիկոդի, գիտական, տեխնիկական բանաձևերի, կոդերի, կարելի է նախ դնելը բացատը, հետո շարժվել վերևի սխեմայով։ Բայց ես սա կիսաավտոման կանեի, անձամբ վերահսկելով։
Այն դեպքում, եթե մտածում ենք անգամ ոչ–հայերեն տառերի արանքում եղած նշանների մասին (տարադարձնել ալարողների ականջը կանչի) ռիսկերը այդքան են շատանում, (URL–ներ, Վիքիսիտնաքսիս, CSS–ի կտորների, ծրագրային կոդի հատվածներ, ժամանակ, և այլն) որ սա մի քանի մարդկանցով, մի քանի անգամ հանդիպելու թեմա է և մեկ է 100%-ով ալգորիթմացվող չէ։
Ու դե պարզ է, որ միանշանակ դեպքերում, ավելի լավ է չփոխել, քան սխալ փոխել։--Ալեքսեյ a.k.a. Xelgen (քննարկում) 19:51, 7 Հունիսի 2013 (UTC)
Հ․Գ․ Եվս մեկ տարածված դեպք «(հայերեն տառ):<ref>» -> «(հայերեն տառ)։:<ref>», քանի որ ծանոթագրությունները դնում ենք վերջակետին կպած։ --Ալեքսեյ a.k.a. Xelgen (քննարկում) 21:20, 7 Հունիսի 2013 (UTC)
Քանի չեմ մոռացել, վերը նշված տարբերակում, բաց ենք թողնում բավականին տարածված դեպքերը, երբ երկուկետը գալիս է փակող փակագծից կամ չակերից հետո։ Այդ դեպքերի համար նույնպես պետք է մի բան մտածել, կարելի է ստուգել որ հետո եկող տառը հայերեն լինի։ --Ալեքսեյ a.k.a. Xelgen (քննարկում) 01:25, 15 Հունիսի 2013 (UTC)
Ժողովուրդ ջան, ում ինչպես հարմար է, թող դնեն կետադրական նշանները: Մարդիկ կան նոր են սկսում խմբագրումներ անել, իսկ մենք օրենքը բարձրացնելով արհեստականորեն խնդիրներ ենք առաջ բերում: Առաջարկում եմ դրա փոխարեն համբերել այնքան, մինչև հոդվածները դառնան Լավ կամ Ընտրյալ հոդված: Նոր այդ հոդվածների վրայով ինչ-որ ավտոմատ ծրագրերով անցնել` ստուգելով և ուղղագրությունը և կետադրությունը: Այսպես ամենքիս գործն էլ դյուրին կլինի: Արման Մուսիկյան (քննարկում) 18:14, 7 Հունիսի 2013 (UTC)
Արման ջան, այստեղ հարմարության կամ անհարմարության հարց չկա։ Այստեղ լոկ ճիշտ և ժամանակակից ծրագրեր օգտագործելու կամ չօգտագոծելու հարցն է, որը շարքային օգտագործողների համար պետք է աննկատ մնար, եթե Մայքրոսոֆթը ժամանակին հայերենին ուշադրություն դարձներ, նման հարց ոչ էլ կծագեր։
Իսկ այժմ մենք խոսում ենք եղածը ավտոմատ ուղղելու մասին, այն չափով որ ավտոմատ հնարավոր է անել, և չեմ հասկանում ինչպես դա պետք է նորեկների վրա ազդի, կամ ինչ օրենք խստացնելու մասին է խոսքը (կրկին մենք Յունիքոդ կոնսորցիումից/ԻՍՈից չենք, վաղուց ամեն ինչ որոշված է պատկան կազմակերպությունների կողմից)։ Իսկ նորմալ դասավորությունից օգտվել պետք է անկախ, նրանից թե Վիքիպեդիայում ես գրում, թե որևէ այլ տեղ, ու որ լեզվով ես գրում։ --Ալեքսեյ a.k.a. Xelgen (քննարկում) 19:37, 7 Հունիսի 2013 (UTC)
Խիստ կարևոր խնդիր է, քանի որ տեքստի մշակումը այժմ կատարվում է առանց մարդու մասնակցության և միայն ծրագրային միջոցներով։ Տեսանելի նմանությունը թվային մշակման խնդրում բացարձակ դեր չունի և մարդկային առումով «ճիշտ տեսքով» կետադրական և այլ գրանշանների կոդերը այլ են։ Տեքստի ձևայնացումը դարձել է սքզբունքային հարց։ Ճիշտ կլինի ստեղծել «Հայերեն գրանշաններ» կամ «Հայերեն տեքստ» հոդվածը և ամենայն մանրամասնությամբ նկարագրել այդ 96 գրանշանները, նրանց գրաֆիկական պատկերը, կիրառումը, դասակարգումը, կոդավորումը և այլն։ Նմանապես կարևոր է հայերենում ինչ է ձայնանիշը, բառը, թիվը, հռոմեական թվագրումը, հայկական թվագրումը, բաժանիչը, տրամաբանական և-ը, արտահայտությունը, մեջբերումը, նախադասությունը, պարբերությունը, գլուխը և այլն։ Իհարկե, պետք է հայերեն հոդվածով ներկայացվի նաև ArmSCII-ին։ Ինչ որ նյութեր կան այստեղ և իմ մոտ։ Կարելի է նաև այլոց, մասնավորապես, Ռուբեն Թարումյան-Հակոբյանի և Հովհաննես Կիզողյանի մասնակցությամբ, լավագույնս այս հարցերը ներկայացնել և վերջնականապես կարգավորել։ Ես պատրաստ եմ ներգրավել թվարկվածներին և անմիջապես դառնալ այդ աշխատանքի մասնակից ։ Վահրամ Մխիթարյան (քննարկում) 19:58, 7 Հունիսի 2013 (UTC)
Ռուբեն Թարումյան-Հակոբյանի և Հովհաննես Կիզողյանի մասնակցության վերաբերյալ պայմանավորվածություններն արդեն կան։ Ակտիվ կմասնակցեն այս և Վիքիպեդիայի աշխատանքներին հունիսի վերջից։ Վահրամ Մխիթարյան (քննարկում) 18:33, 8 Հունիսի 2013 (UTC)

Մասնակիցների խմբագրումների սանդղակը

Սիրելի մասնակիցներ, այստեղ կարող եք տեսնել Ձեր խմբագրումների քանակը և մեր Վիքիպեդիայի ակտիվ խմբագրողների սանդղակը: http://stats.wikimedia.org/EN/TablesWikipediaHY.htm#wikipedians SusikMkr (քննարկում) 05:21, 9 Հունիսի 2013 (UTC)

Գնահատման ենթակա հոդվածներ

Հարգելի մասնակիցներ, խնդում եմ գնահատական տալ Հունաստան և Ժան Ռենո հոդվածներին: Առաջին հոդվածն արդեն մոտ 3 շաբաթ է, ինչ մնացել է առանց գնահատականի: Հարգանքներով` Արման Մուսիկյան (քննարկում) 11:40, 9 Հունիսի 2013 (UTC)

Հարգելի կոլեգաներ, շնորհակալ եմ ձեզանից քննարկումների և կարծիքների համար: Թե չէ 3 շաբաթ է, ոչ-ոք ուշադրություն չէր դարձնում: Արման Մուսիկյան (քննարկում) 18:19, 12 Հունիսի 2013 (UTC)

Սեմինար և վիքիհամալրում Վանաձորում

Ողջույն բոլորին: Սիրելի ընկերներ, բավական ժամանակ է ցանկություն ունեինք Վանաձորում ևս մասնակիցների խումբ ձևավորել ու այս քաղաքը ևս ակտիվացնել: Այս ընթացքում, վանաձորցի իմ 3 ընկերոջ հետ, որոշ նախապատրաստական ճշտումներ արել ենք: ՈՒրեմն, Վանաձորի Ճարտարագիտական համալսարանը իր համաձայնությունը տվել է: Եվ սեմինարի համար կարող է տրամադրել համապատասխան լսարան, WiFi ինտերնետ կապ և 4 համակարգիչ: Մի քանի նոութբուք և ինտերնետ ֆլեշկաներ կարող են բերել ընկերներս: Էրեխեքը՝ մեր խորհրդով ու ուղղորդմամբ, կարող են զբաղվել կազմակերպչական հարցերով ու մասնակիցների հավաքագրմամբ: Եթե մենք հետաքրքրված ենք ու ուզում ենք անցկացնել, որոշենք օըր, սեմինարավարներին ու մնացած մանրամասները: Ցանկալի է անել մինչև ամսի 22-ը:--Karscout (քննարկում) 17:02, 11 Հունիսի 2013 (UTC)

Փաստորեն ա՞յս մի քանի օրը: Այդքան հրատապ, հարգելի Karscout: Կարծում եմ որ արժե մի բան ձեռնարկել: Չէ որ մենք խոստացել էինք միջոցառում կազմակերպել նաև Վանաձորում: Արման Մուսիկյան (քննարկում) 17:45, 11 Հունիսի 2013 (UTC)
Հիանալի գաղափար է։ Բայց ինչպես միշտ երթուղայինի խնդիր կա։ --ջեօ » 17:50, 11 Հունիսի 2013 (UTC)

Ցավոք, տեղում ակտիվ ու ընդհանուր գործից տեղյակ մասնակից չունեինք, որ իր հույսով ավելի շուտ սկսեինք: Ընկերներս ՎՄ-ի գաղափարների համակիրներ են ու վիրտուալ կապով փորձեցինք քննարկել, նախաձեռնել: Հիմնական հարցերը կարգավորված են: Միջոցառման նկարագրությունն ու նյութատեխնիկական (նաև տրանսպորտային) կարիքները վաղը կգրեմ, փորձենք իրականացնել:--Karscout (քննարկում) 20:32, 11 Հունիսի 2013 (UTC)

Սպասում ենք կարիքների նկարագրմանը: Մարդ ես, մեկ էլ տեսար մենք էլ կարողանանք օգնել: --Ahaik (քննարկում) 05:17, 12 Հունիսի 2013 (UTC)

Տեղեկատվական տեխնոլոգիաների զարգացմանն աջակցող խորհրդի առաջիկա նիստ

Տեղեկատվական տեխնոլոգիաների զարգացմանն աջակցող խորհրդի (ՏՏԶԱԽ) առաջիկա նիստի օրակարգում , ՀՀ Վարչապետի հանձնարարությամբ, ընդգրկվել են ձեր կողմից ներկայացված Վիքիմեդիային և ՀՊՃՀ-ի պրոֆեսոր, ISMA խմբի ղեկավար Էդուարդ Մանուկյանի կողմից ներկայացված կրթական ոլորտի համար Վիքիպեդիայի փոխարեն ինչ որ «լոկալ վիկիների համակարգերով հանրագիտարանի» ստեղծման հարցերը:

Այն, ըստ նախնական պայմանավորվածության, պիտի կայանա հունիսի 17-ին, ժ. 16.00-ին:

Ապագա քննարկումն արդյունավետ դարձնելու նպատակով ցանկալի կլիներ համապատասխան էջ ստեղծել, տեղադրել նյութերը, բաժիններով ներկայացնել ձեր կողմից ներկայացված 5 հարցերը և տեղեկացնել այդ մասին ՏՏԶԱԽ անդամներին։

Լավ ճանաչելով երկրորդ հարցը ներկայացնողներին և նրանց աշխատանքներին, կարող եմ միանգամից ասել, որ առաջարկը, մեղմ ասած, ոչ միայն անիմաստ է, այլև վնասակար։

ՏՏԶԱԽ նամակը, քննարկման ներկայացված նյութերը և խորհրդի անդամների էլ-հասցեները ուղակել եմ Սուսաննա Մկրտչյանին։

Իմ անձնական խորհուրդն է, ընդհանրապես հանեք 5-րդ հարցը։ Ինֆորմացիոն տեխնոլոգիաների, այդ ֆինանսապես լավ ապահովված ոլորտում հարկային արտոնությունների առաջարկները դիտարկվում են ամոթալի և մշտապես մերժվում են։ Վահրամ Մխիթարյան (քննարկում) 11:07, 12 Հունիսի 2013 (UTC)

Հարգելի Վահրամ Մխիթարյան անչափ շնորհակալ եմ այստեղ հարցը բարձրացնելու համար: 5-րդ հարցի կապակցությամբ. Վիքիմեդիա Հայաստանը շահույթ չհետապնդող գիտակրթական հասարակական կազմակերպություն է, որի միջոցները գոյանում են նվիրատվություններից` http://meta.wikimedia.org/wiki/Վիքիմեդիա_Հայաստան/Կանոնադրություն: ՏՏԶԱԽ-ին ներկայացրած հարցերը կազմվել են այլ երկրների Վիքիմեդիա կազմակերպությունների փորձից և Վիքիմեդիա Հիմնադրամի առաջարկներից ելնելով: SusikMkr (քննարկում) 07:46, 13 Հունիսի 2013 (UTC)
Հարգելի Սուսաննա, գործեք ըստ Ձեր հայեցողության՝ ես միայն ուրախ կլինեմ ,որ նվիրատվությունները չհարկվեն։ Գուցե, երբ մանրամասն նիստին ներկայացնեք և քննարկվի, ավելի հասկանալի դառնա, թե ինչ ի նկատի ունեք։ Ամեն դեպքում, մի տեղ դրեք քննարկման նյութերը, որոնք երևի թե ժամանակի ընթացքում կավելանան և կնպաստեն հարցի պատշաճ ներկայացմանն ու լուծմանը։ Նիստին կամ ՏՏԶԱԽ քարտուղարության միջոցով տարածեք Վիքիմեդիա Հիմնադրամի տվյալները, վեբ կայքի հասցեները։ Եթե իմ մոտ հարցեր են ծագում, ապա մնացած մասնակիցները, եթե ցուցակը նայել եք, չեն էլ կողմնորոշվում։ Գուցե ավելի հանգամանլի զրուցենք նիստի օրը։ Մինչ հանդիպում և ամենայն հաջողություններ Ձեր ձեռնարկումներում։ Վահրամ Մխիթարյան (քննարկում) 16:53, 13 Հունիսի 2013 (UTC)
Հարգելի Վահրամ, շատ շնորհակալություն, այդպես էլ կվարվեմ: Wikimedia.am կայքը վերակառուցման ընթացքում է, մի քանի օրից կարծում եմ ավելի ավարտուն տեսք կստանա:SusikMkr (քննարկում) 17:06, 13 Հունիսի 2013 (UTC)
Սուսաննա ջան, իսկ որտե՞ղ կարող ենք ծանոթանալ այդ դիմում-առաջարկի տեքստին։ --Ալեքսեյ a.k.a. Xelgen (քննարկում) 23:31, 13 Հունիսի 2013 (UTC)
Ալեքսեյ ջան տեքստը տեղադրել եմ` http://www.wikimedia.am/wiki/Պետական_աջակցություն :SusikMkr (քննարկում) 05:59, 14 Հունիսի 2013 (UTC)

Վրաստա՞ն, թե՞ Աբխազիա | սա է խնդիրը

Արդեն որերորդ անգամն է, ինչ չգիտեմ, թե ինչպես տեղեկաքարտը լրացնել։ Չգիտեմ` որը գրել, որ ճիշտ լինի, որն է ՀյՎՊ-ում ընդունված։ Սովորաբար թարգմանում եմ Վրացերեն Վիքիպեդիայից, ու այնտեղ (օրինակի համար) Տղվարչելի քաղաքը ներկայացված է որպես Վրաստանի կազմում գտնվող քաղաք։ Նույն քաղաքը Ռուսերեն Վիքիպեդիայում ներկայացված է ինչպես Աբխազիայի ԻՀ, այնպես էլ Վրաստանի կազմում գտնվող քաղաք։ Ասածս ինչ է. մենք (ՀյՎՊ-ի համայնքը) պաշտպանում է/ենք Վրաստանի տարածքային ամբողջականությունը, թե՞ Աբխազիան որպես առանձին հանրապետություն է դիտարկում։ --ջեօ » 18:23, 12 Հունիսի 2013 (UTC)

Հայաստանը պաշտոնապես չի ճանաչել Աբխազիայի անկախությունը, դրա համար պետք է գրվի վրաստանի մաս, բայց հոդվածում նաև նշվի, որ Աբխազիայի հանրապետությունում է գտնվում:--Սամվել (քննարկում) 18:35, 12 Հունիսի 2013 (UTC)
Ես էլ եմ այդպես կարծում, հարգելի Սամվել։ Բայց... այդ դեպքում ԼՂՀ-ին վերաբերող հոդվածներում պետք է գրենք Ադրբեջա՞ն (Հայաստանը Արցախի անկախությունը դեռ չի ճանաչել)։ --ջեօ » 18:51, 12 Հունիսի 2013 (UTC)
Կարծում եմ, սա այն դեպքն է, երբ պետք չէ հնարել հեծանիվ: Հոդված ստեղծողը իրավունք ունի գրել ըստ սեփական հայեցողության: Հետագայում, եթե վիճարկող լինի, ապա հարցը կվորոշվի ըստ ընդունված կարգի՝ կոնսենսուսով, եթե ոչ՝ ապա վիքիհամայնքի քննարկման միջոցով: --Rob (քննարկում) 19:12, 12 Հունիսի 2013 (UTC)
Ես հակված եմ տեղեկաքարտերում Վրաստան գրել, այդպես էլ կգրեմ։ Անհամաձայնության դեպքում կքննարկենք։ Շնորհակալ եմ։ --ջեօ » 19:19, 12 Հունիսի 2013 (UTC)
Պետք է գրվի փաստացի Աբխազիայի կազմում իսկ պաշտոնապես Վրաստանի կազմում:Բայց եթե մենք նման պետությունների մասին հոդվածներում չնշենք տվյալ դեպքում Աբխազիա,ապա ինչպես պահանջենք,որ նրան էլ իրենց Վիքիում ԼՂՀ-ին վերաբերող հոդվածներում գրեն ԼՂՀ,ոչ թե Ադրբեջան:--Raz from Armenia 19:29, 13 Հունիսի 2013 (UTC)
Վիքիպեդիայի հիմնասյուններից մեկը չեզոք լինելն է, այսինքն հավասարաչափ նշել առկա կարծիքներն և տեսանկյունները, տվյալ դեպքում, պետք է նշել երկուսն էլ, որ Վրաստանն այն համարում է իր տարածք, Աբխազիան, որը մասամբ ճանաչված, դե ֆակտո անկախ պետություն է, իրենը։ Հայաստնանի Հանրապետության պաշտոնական դիրքորոշումը, մեր վրա չի ազդում (ինչպես նաև որևէ այլ առանձին պետության)։ Միայն մեկն, կամ մյուսն նշելը, նախագծի էության դեմ է։--Ալեքսեյ a.k.a. Xelgen (քննարկում) 23:08, 13 Հունիսի 2013 (UTC)
Կարծում եմ, պետք է գրենք դե ֆակտո և դե յուրե կարգավիճակների մասին: Դրա համար որոշ ժամանակ առաջ սկսել էի մշակել բնակավայրի համապատասխան տեղեկաքարտը, բայց, ցավոք, գործը կիաստ մնաց: Ինչ վերաբերվում Արցախին, ապա այն բացառություն է և «Ադրբեջանը» գրել-չգրելը քննարկման ենթակա չե, իհարկե՝ ոչ:--֎ Պանդուխտ 23:41, 13 Հունիսի 2013 (UTC)
Որևէ խնդիր չեմ տեսնում։ Սակայն շարադրանքը փոքր-ինչ ինձ համար անհասկանալի է։ Այսպե՞ս (օրինակ)`
Aquote1.png Տղվարչելի (վրացերեն՝ ტყვარჩელი, աբխազ.` Тҟәарчал), քաղաք Աբխազիայի Ինքնավար Հանրապետության Օչամչիրայի շրջանում։ Aquote2.png
թե՞
Aquote1.png Տղվարչելի (վրացերեն՝ ტყვარჩელი, աբխազ.` Тҟәарчал), քաղաք Վրաստանում, դե ֆակտո անկախ Աբխազիայի Ինքնավար Հանրապետության Օչամչիրայի շրջանում։ Aquote2.png
Կարծում եմ` երկրորդ ավելի չեզոք է։ Ինչպե՞ս եք դուք կարծում։ --ջեօ » 03:40, 14 Հունիսի 2013 (UTC)
Երկրորդ տարբերակն ավելի լավ է,բայց կարծում եմ ոչ թե Աբխազիայի Ինքնավար Հանրապետության կազմում,այլ Աբխազիայի Հանրապետության:--Raz from Armenia 08:12, 14 Հունիսի 2013 (UTC)
Ինձ թվում է կարելի է այսպես.

{{քաղվածք|Տղվարչելի (վրացերեն՝ ტყვარჩელი, աբխազ.` Тҟәарчал), քաղաք դե յուրե Վրաստանի Հանրապետության էսինչ մունիցիպալիտետում, դե ֆակտո գտնվում է մասամբ ճանաչված Աբխազիայի Հանրապետության Օչամչիրայի շրջանում:

Ուշադրություն դարձրեք, որ Աբխազիայի Ինքնավար Հանրապետությունը և Աբխազիայի Հանրապետությունը իրար հակասող հասկացողություններ են և դրանք պետք է տարբերել:--֎ Պանդուխտ 07:35, 15 Հունիսի 2013 (UTC)
Անկեղծ ասած այնքան էլ ինձ դուր չեկավ տվյալ տարբերակը։ «Դե»-երը փոքր ինչ շատ էին, բայց և ամբողջական պատկերացում էին տալիս։ Այդ տարբերակը կօգտագործեմ, խնդիր չկա։ --ջեօ » 08:22, 15 Հունիսի 2013 (UTC)
Ես սկզբունքորեն դեմ նմանատիպ գրելաձևին, անհրաժեշտ է առաջնորդվել իրականությամբ, քանի որ իրականում կա Աբխազիա պետություն, որը անկախ է Վրաստանից դեռ շատ վաղուց և ի տարբերություն Արցախի մի քանի պետություններ ճանաչել են և ամենաճիշտ տարբերակը դա ռուսական վիքիի տարբերակն է, միաժամանակ պիտի նշվի առաջինը Աբխազիա, իսկ հետո նոր Վրաստանը, որը ճանաչում է այն իր տարածք, հավատացեք սա է չեզոք տարբերակը:Իսկ Արցախի և Հայաստանի դեպքում, մենք պիտի առաջնորդվենք ԼՂՀ-ի և ՀՀ-ի սահմանադրություններով և դրանք որպես տեսակետ առաջմղենք, այլ ոչ թե Ադրբեջանի սահմանադրությունը, հակառակ պարագայում................--6AND5 (քննարկում) 17:00, 15 Հունիսի 2013 (UTC)
6AND5, ուրեմն մենք տարբեր պատկերացումներ ունենք չեզոք տարբերակի վերաբերյալ։ Ես կարծում եմ, որ նախ և առաջ պետք է նշվի Վրաստանը, այնուհետև որպես մասամբ ճանաչված Աբխազիան։ Սա է չեզոքը։ Ընդունենք կամ չընդունենք, Աբխազիան լիիրավ անկախ պետություն չէ, բայց այդ նույնիսկ ՄԱԿ-ի անդամ չէ։ --ջեօ » 18:38, 15 Հունիսի 2013 (UTC)
Եթե նշենք վրաստանը առաջնային մասում,ապա պետք է Արցախի մասին հոդվածներում էլ առաջնային նշենք Ադրբեջանը,դրա համար 6AND5-ի տարբերակն ավելի լավ է կարծում եմ:--Raz from Armenia 10:11, 16 Հունիսի 2013 (UTC)
Ես հակված եմ սկզբում Վրաստան գրել։ Դա է ինձ համար չեզոքը։ Եթե կա անհամաձայնություն, քվեարկության կդնենք։ --ջեօ » 10:18, 16 Հունիսի 2013 (UTC)
Պստլիկ ավելացում ունեմ Ռազ ջան. «եթե սա անենք, տրամաբանորեն այն էլ պիտի անենք, ուրեմն այսպես թող մնա»-ն դեռևս արդարացում չէ տվյալ դեպքում։ Աբխազիան մասամբ ճանաչված պետություն է, ԼԻԻՐԱՎ անկախ չէ։ --ջեօ » 10:21, 16 Հունիսի 2013 (UTC)

:Ես նոր հարցում բացեցի, խնդրում եմ մասնակցեք այս հարցումին.Վիքիպեդիա:Հարցումներ/Աբխազիա, Հարավային Օսեթիա.--6AND5 (քննարկում) 10:59, 16 Հունիսի 2013 (UTC)

Խմբագրման գործիքների «թեթևացում»

Ողջույն մասնակիցներ, ունեմ հետևյալ առաջարկը՝ 1. Թաքցնել գործիքների վահանակից ստորագրութան կոճակը, թողելով այն միայն քննարկման էջերի և Վիքիպեդիա անվանատարածքի համար։

Սա թույլ կտա, քչացնել նորեկների կողմից սխալմամբ ստորագրելու դեպքերը և դրա հետ կապված բազմաթիվ պարզաբանումներն և զգուշացումները (խմբագրման էջի ներքևում, ողջույնի կաղապարում և ռեալ, կենդանի հաղորդագրությունների դեպքում)։ Այդ տեղը կարելի է օգտագործել այլ տեղեկությունների համար, կամ պարզապես ավելի քիչ չծանրաբեռնել նորեկներին ոչ սկբունքային տեղեկություններով։

2. Նաև հանել, «նոր տող», «խոշոր տեքստ», «մանր տեքստ» կոճակները, քանի որ իրանց գործածումը թե հոդվածներում, թե քննարկման էջերում խիստ անցանկալի է, և գրեթե միշտ հակասում է ՀՏՄԼ ստանդարտին։ Դրանք, եթե օգտագործվում են, օգտագործվում են կաղապարներում, իսկ որպես կանոն, կաղապար ստեղծողները այդ կոճակների կարիքն չունեն։ Սա կրկին թե կթեթևացնի վահանակը, թե միանգամից ավելի ճիշտ ուղղու վրա կկանգնեցնի նորեկներին։

Գործիքների տվյալ կազմը ՄեդիաՎիքիի ստանդարտ և ունիվերսալ հավաքածուն է, ցանկացած նախագծի համար, և կարծում եմ արժի հարմարեցնել այն, կոնկրետ Վիքիպեդիայի կարիքներին։

Ի՞նչ կարծիքի եք։ --Ալեքսեյ a.k.a. Xelgen (քննարկում) 23:21, 13 Հունիսի 2013 (UTC)

Ստորագրելը պետք է լինում նաև նախագծի էջերում, օրինակ՝ խորհրդարանում: Հնրավարո կլինի՞ դրանց համար էլ այն թողնել: Հետո, եթե տեղափոխենք, ապա ստիպված ենք լինելու փոխել ողջույնի տեքստը, նկարները և այլն: 2-րդ կետի հետ համաձայն եմ՝ ինքս վիքիակտվության 3 տարվա ընթացքում երբեք այդ կոճակներից չեմ օգտվել: Ձեռի հետ էլ ցանկալի է ուղղել ներքևի {{lang-he|} կաղապարում առկա վրիպակը՝ ավելացնելով } --Rob (քննարկում) 05:08, 14 Հունիսի 2013 (UTC)

ՀՀ օրենսգրքեր

ՀՀ օրենսգրքերը արդյոք պաշտպանված են հեղինակային իրավունքով։ Կարծում եմ՝ եթե ցանկանանք այնտեղից որևէ բան գրել, ապա հնարավոր չի ձևափոխած գրել, քանի որ դրանք անփոփոխելի են։ Ի՞նչ կարծիքի եք։ --Lilitik22 (քննարկում) 08:08, 16 Հունիսի 2013 (UTC)

Փորձեք օգտվել Ազգային ժողով, Օրենքներ․ ՀՀ օրենսգրքերն ազատ են ըստ

լիցենզիայի։ Քանի որ տեքստերը, նույնիսկ առևտրային նշանակության բազաներից copy-past-ի դեպքում, մեկ է պիտի սրբագրվեն, խմբագրվեն և բերվեն Վիքի ֆորմատի, ապա հարցեր ընդհանրապես չեն կարող ծագել։ Վահրամ Մխիթարյան (քննարկում) 10:33, 16 Հունիսի 2013 (UTC)

Ամբողջական պատասխան էր, պարոն տիայր Մխիթարյան։ --ջեօ » 10:36, 16 Հունիսի 2013 (UTC)
Հարգելի GeoO(?), իմ տարիքն ու մորուքը չի խանգարում, որ ինձ անունով դիմեն, ասենք «հարգելի Վահրամ»։ Իսկ «պարոն» դիմելաձևի մասին կրկին հիշեցնում եմ՝ տես Քննարկում:Ռենե Դեկարտ։ Վահրամ Մխիթարյան (քննարկում) 10:54, 16 Հունիսի 2013 (UTC)
Այդ դեպքում, տիայր Մխիթարյան։ Վիքիժպիտ --ջեօ » 10:57, 16 Հունիսի 2013 (UTC)
Ես իսկապես ուրախ եմ Վիքի համայնքում այս՝ «տիայր» կամ «տիար» դիմելաձևի առաջին կիրառման առիթով։ Իսկ Վիքի հանրության կողմից անձամբ ինձ «հարգելի» ձևով դիմելն էլ լրիվ կաշառող է։ Ամեն դեպքում շնորհակալություն ուշադրության ու վերաբերմունքի համար։ Վահրամ Մխիթարյան (քննարկում) 11:09, 16 Հունիսի 2013 (UTC)
Լիլիթ ջան Վիքիդարանում ՀՀ օրենքները դրված են:SusikMkr (քննարկում) 14:54, 16 Հունիսի 2013 (UTC)
Շնորհակալ եմ շատ։ --Lilitik22 (քննարկում) 15:16, 16 Հունիսի 2013 (UTC)
Ուշադրություն դարձրեք օրենքի հոդվածների փոփոխություններին և լրացումներին, որոնք ոչ մի տպագիր ձոով հնարավոր չի լինում ներառել տպագիր օրենսգրքում։ Հոդվածների լրացումներն ու փոփոխությունների պատմությունը տրված է Ազգային ժողով, Օրենքներ բաժնի էջերում։ Այստեղ են ներկայացված օրենքներն իրենց վերջնական, գործող տեսքով։ Կառաջարկեի նաև կապվել ԱԺ իրավական ծառայությունների բաժնի հետ, որոնք կօգնեին այս հարցում։ Վահրամ Մխիթարյան (քննարկում) 18:10, 16 Հունիսի 2013 (UTC)

Free Research Accounts from Leading Medical Publisher. Come and Sign up!

gets Wikipedia editors free access to reliable sources that are behind paywalls.  I want to alert you to our latest donation.
  • Cochrane Collaboration is an independent medical nonprofit organization that conducts systematic reviews of randomized controlled trials of health-care interventions, which it then publishes in the Cochrane Library.
  • Cochrane has generously agreed to give free, full-access accounts to medical editors. Individual access would otherwise cost between $300 and $800 per account.
  • If you are active as a medical editor, come and sign up :)

Cheers, 21:06, 16 Հունիսի 2013 (UTC)

Cochrane Library Sign-up (correct link)

My apologies for the incorrect link: You can sign up for Cochrane Collaboration accounts at the COCHRANE sign-up page. Cheers, 21:41, 16 Հունիսի 2013 (UTC)

Առաջարկ

Առաջարում եմ բոլոր հոդվածներում որտեղ Հոդվածի անունը և Հոդվածի ներածականի անունը համնկնում է ոչ թե գրել հոդվածի անունը ներածություն սկզմբում այլ գրել ողղակի '''{{PAGENAME}}''' կամ պարզապես {{PAGENAME}}: Այս ձևի առավելությունները՝

  • 1. Հայերեն Վիքիի ծավալը կթեթևանա:
  • 2. Կլինի նույն տեքստը:

Խոսքը եղած և ստեղծվելիք հոդվածների մասին է: --Վադգթ (Joker) (քննարկում) 15:20, 17 Հունիսի 2013 (UTC)

Վիքիպեդիան ոչ միայն վեբ դիտման համար է նախատեսված, նրա նյութերը շատ այլ ձև են օգտագործվում և հոդվածի վերնագիրը, ոչ միշտ է գալիս, տեքստի հետ, այնպես որ առաջարկովդ շարժվելու դեպքում խնդիրներ կառաջանան ու «կիսատ է լինելու արդյունքը»։ Ու բացի դրանից, ընդունված չէ վերնագիրը, տեքստի ու դրանից հետո եկող նախադասության մաս համարել ու ընկալել։ --Ալեքսեյ a.k.a. Xelgen (քննարկում) 19:56, 17 Հունիսի 2013 (UTC)
Աչքիս, սխալ էի հասկացել առաջարկդ, դո՞ւ «մեջիք» բառեր ես առաջարկում օգտագործել։ Բայց '''{{PAGENAME}}'''–ը մշակելը հավելյալ աշխատանք է սեռվերների համար, այնպես որ ծավալի աննշան թեթևացումը, տեխնիկապես չեմ կարծում արդարադցված է։ Ու կրկին, ոչ վեբ դիտման դեպքում, որտեղ, ինչպես իրան կպահի, հարց է։ --Ալեքսեյ a.k.a. Xelgen (քննարկում) 20:05, 17 Հունիսի 2013 (UTC)

Վիքիհանդիպում

Հարգելի Վիքիհամայնք, երկար ժամանակ էլ իրար հետ չենք հանդիպել: Ինչ կասեք, որ հունիսի 23-ին հավաքվենք: - Արման Մուսիկյան (քննարկում) 18:08, 18 Հունիսի 2013 (UTC)

Արման ջան, մտքերս կարդում ես ։Դ Իհարկե։ Ինձ հարմար է։ --ջեօ » 19:18, 18 Հունիսի 2013 (UTC)
Վաղը հանդիպում լինելո՞ւ է։ --ջեօ » 18:33, 22 Հունիսի 2013 (UTC)
Այո, ինչքան ինձ հայտնի է, հանդիպումը լինելու է: Հավաքվում ենք հունիսի 23, ժ. 19:00, Թամանյանի արձանի մոտ: --Rob (քննարկում) 05:40, 23 Հունիսի 2013 (UTC)
vacio-ն այդ մասին հավաստիացրել է մի քիչ ներքևում: Հավաքի բուն նպատակը Վիքիմեդիա Հայաստանի հիմնադիր֊անդամներ ընտրելը: -Արման Մուսիկյան (քննարկում) 06:00, 23 Հունիսի 2013 (UTC)
Կներեք, աչքիցս վրիպեց այս քննարկումը, դրա համար ներքևում նոր բաժնում գրեցի։ --vacio 10:16, 23 Հունիսի 2013 (UTC)

Դովլաթյան

չգիտեմ ովա Դովլաթյանի պատկերը, առանց համակարգ մտնելու ջնջման ներկայացնում, բայց երրորդ մեքսիսկական էկստռասենսոռային աչքս հուշումա, որ մեր մասնակիցներիցա, անիմաստա մասնակից ջան չարչարանքտ, ես են կատեգորիայից եմ, որ միշտ հսկումա իր ստեղծած հոդվածները --Tatul (քննարկում) 02:52, 21 Հունիսի 2013 (UTC)

համենայնդեպս հարգելի Tatul, այդ պատկերի համար լրացված չէ համապատասխան կաղապարը, այն ենթակա է ջնջման, անկախ նրանից թե ով է այն ներկայացնողը, խնդրեմ ընթերցիր Օգնություն:Ինչու է ջնջվել իմ բեռնած պատկերը հոդվածը, չնայած պատկեր բեռնելուց բեռնման էջում արդեն գրված է: --ERJANIK քննարկում: 12:06, 21 Հունիսի 2013 (UTC)

Ուկրաինական համագործակցություն

Սիրելի մասնակիցներ, քիչ առաջ Ուկրաինայից զանգել էր Հայ-Ուկրաինական համագործակցության կազմակերպիչը: Մեր մասնակիցներին մրցանակներ են պատրաստել: Իմ հասցեով շուտով կուղարկի: Շատ շատ գոհ էր համագործակցությունից: Չեք պատկերացնի ինչ հաճելի էր: Հուսով եմ մյուս համագործակցություններն էլ նույն ոգևորությամբ կանցնեն:SusikMkr (քննարկում) 15:22, 21 Հունիսի 2013 (UTC)

բա որ ասում էի նվերներ կազմակերպենք իրենց... --Ahaik (քննարկում) 19:13, 21 Հունիսի 2013 (UTC)
Այոոոոոո։ Հայկ ջան, ամենաշատ հոդվածներ դու ես ստեղծել, այնպես որ պատրաստվիր։ Վիքիժպիտ --ջեօ » 20:57, 21 Հունիսի 2013 (UTC)
Այո, արդեն դարակներս ազատել եմ... ու բեռնատար վարձել որ տուն բերեմ Վիքիժպիտ--Ahaik (քննարկում) 21:15, 21 Հունիսի 2013 (UTC)
Հայկ ջան, հետաքրքիր կլիներ իմանալ, թե ինչ ձևի նվերների մասին է գնում խոսքը: Եթե դա անձնական չես համարի և կուզենաս գրես, խնդրում եմ պարզապես հայտնիր, ինչպես շնորհակալ եղան ուկրաինացիները: Հետաքրքիր է: Հարգանքներով: Hovhannes 04:59, 23 Հունիսի 2013 (UTC)
Սիրելի մասնակիցներ, Ուկրաինայից նվերները ստացել եմ: Վիքին սիրում է հուշարձաններ մրցույթի լուսանկարների գիրք-ալբոմ (15 հատ): Կարծում եմ մի օրինակ կպահենք կազմակերպության համար, 14 օրինակ սպասում են Ձեզ: Համագործակցության ակտիվ մասնակիցների ցանկ ունե՞նք:SusikMkr (քննարկում) 07:28, 16 Հուլիսի 2013 (UTC)
Երևի թե հենց համագործակցության էջում կարելի է գտնել մասնակիցների ցանկը։ --Lilitik22 (քննարկում) 13:23, 16 Հուլիսի 2013 (UTC)

Սեռական հոլովում «իչ» վերջավորության ի-ին սղելու մոլագարության մասին

Վերջերս հասկացա, որ հայկական մեդիան արդեն վերջնականապես ծռվել ու մոլագարի պես սկսել է սեռական հոլովում սղել ցանկացած «իչ»-ով վերջացող բառ՝ վարիչ-վարչի, ծակիչ-ծակչի, բացիչ-բացչի, փակիչ-փակչի, դակիչ-դակչի, քամիչ-քամչի, վառիչ-վառչի։ Լրիվ սազական ռաբիս-թուրքական ոճին՝ զուռնչի, դհոլչի, փինաչի, գռդոնչի, տուֆտչի, բլեֆչի, քեֆչի, ․․․։ Ու մեկ էլ «ու» հոլովումը՝ Վերդի-Վերդու, Անի-Անու, Մալի-Մալու, Գյումրի-Գյումրու․․․։

Երևի թե տեսել եք սովետական ժամանակների մուլտֆիլմ-առակը գազանների արքա Առյուծի մասին, որի պոչին քնած ժամանակ կպցրել էին «ԷՇ» պիտակը՝ կնքած և ինչ որ մեկի կողմից ստորագրված։ Արթնանալով և տեսնելով այդ ամենը, սկսել էր վախեցած մտածել թե՝ ախր կնիք կա, ստորագրություն, որ պոկեմ, հետո պետք է պատասխան տամ։ Ի վերջո, խորհուրդ են տալիս դիմել Էշին պարզելու՝ ինքը ԷՇ է, թե՝ ոչ։ Իսկ Էշի պատասխանը՝ «Ճիշտ է, դու ԷՇ չես, սակայն արդեն Առյուծ էլ չես», կարելի էր օգտագործել սույն թեմայի վերնագրի փոխարեն։ Իհարկե, այդպես էլ չպարզվեց, թե այդ որ մի «ախմախն» էր Առյուծի պոչին կպցրել պիտակը, բայց որ կպցնողը լավ գիտեր «կնիքի և ստորագրության» զորությունը՝ դա հաստատ է։

Հիմա էլ ուզում եմ հարցնել (չնայած գիտեմ), թե այդ որ մի «ախմախն» է կպցրել «սեռական հոլովում «իչ» վերջավորության ի-ին սղելու» կանոնը (կնքած ու ստորագրած) հայերենի պոչին։ 90-ականներին, երբ այդ կանոնը մտցվեց, մտածում էի, թե ծերունական մառազմ է, ով պիտի բանի տեղ դնի, կանցնի կգնա։ Սակայն պարզվեց որ չէ, ծերունական մառազմը կարող է նաև մեծ եռանդ դրսևորել՝ հայտնվեց «ի»-ով վերջացող բառերի սեռական «ու» հոլովումը։ Միտումն ակնհայտ էր, հեղինակաը մտասևեռվել է ի(գական) և սեռական(հոլով) ուղղությամբ։ Ինչպես նաև չլսված-չտեսնված տողադարձման կանոններ (հատուկ ինձ համար բերված օրինակներով, թե ինչպես պիտի տողադարձվեն համալսարան և Երևան բառերը)։ Իհարկե, այդ ամենը կմնար անհետևանք, մարդիկ էլ ներողամտորեն կասեին թե ծերունական մառազմ է, ոչինչ, ուշադրություն մի դարձրեք։ Բայց արի ու տես, ևս մի մեծ-ամենա-մեծ ձեռքբերում՝ 40-տառանոց-գլուխ-գործոց-համայն-հայոց-այբուբենը (մեծատառ-փոքրատառ Ւ ւ, մեծատառ-փոքրատառ ՈՒ Ու ու, մեծատառ-փոքրատառ ԵՒ Եւ եւ և ․․․)։ Իհարկե վերջինիս արդեն շատերը չդիմացան և Լեզվի տեսչությունը, ՀՀ Նախագահից վզակոթին ստացած հարվածից հետո ուշքի գալով, այդ «ախմախի» ձեռքից խլեց ե՛ւ «ստորագրությունը», ե՛ւ «կնիքը»։ Բայց դեռ մնացել են հայոց լեզվի պոչին կպցրած զորավոր պիտակները՝ «սեռական հոլովում «իչ» վերջավորության ի-ին սղելու», «ու» հոլովումը և «տողադարձման կանոները»(լավ է, որ վերջիններս մնացել են անհայտ)։ Իսկ հիմա ճիշտ պահն է հարցնելու՝ հայերենի սեռական հոլովում «իչ» վերջավորության ի-ին սղվո՞ւմ է, հայերենում «ու» հոլով գոյություն ունի՞ և կամ, ասենք թե գոյություն ունի, ուրեմն կապ-անկապ պիտի հոլովե՞նք։ Հիմա ե՞ս եմ ԷՇ, թե՞՝ կպցնողը։ Կամ էլ պիտի խոստովանեմ՝ ճիշտէ, անգրագետ չեմ, սակայն արդեն գրագետ էլ չեմ։ (Բցտր․՝ «ծերունական մառազմ»-ը վիրավորանք չէ, այլ դիագնոզ՝ ծեր, 70 անց մարդու հաճախ հանդիպող ֆիզիոլոգիական վիճակ) Վահրամ Մխիթարեան (քննարկում) 21:29, 21 Հունիսի 2013 (UTC)

Որոշ բառերում հայերենի սեռական հոլովում «իչ» վերջավորության ի-ին իսկապես սղվում է (օր. տեսուչ-տեսչի): «ու» հոլովում գոյություն ունի՝ այն վերաբերում է ի-ով վերջացող որոշ բառերի (օր. գինի-գինու, Գյումրի-Գյումրու): Կարեն Վարդանյան (քննարկում) 10:18, 23 Հունիսի 2013 (UTC)
Կարեն ջան, հայերենում Գյումրին հոլովվում է ոչ թե` Գյումրու, այլ Գյումրվա: --ՀայկԱփրիկյան 11:08, 23 Հունիսի 2013 (UTC)

Ըստ լեզվի տեսչության, գրական ձևն է Գյումրու: Կարեն Վարդանյան (քննարկում) 12:02, 25 Հունիսի 2013 (UTC)

Տեսուչի օրինակը չընկալեցի որպես «իչ»-ով օրինակ, սակայն ևս շատ լավ օրինակ է ասածիս ավելացնելու, որ «իչ» և «ուչ» վերջավորություններում ձայնավորն իմաստ չունի սղել՝ այն դառնում է անբարեհունչ, օտարամոլ։ Այդ վատ սովորությունն եկել է, ըստ իս, ժառգոնից, թուրքերենից՝ քեֆչի, սնխչի և նման այլ բառերից։ Մինչ այդ կանոնները մարդավարի գրում էին, ասենք, «տեսուչի աշխատավարձը բարձր է», «բռնիչի պոչը փայտից է» և խոսքն էլ իմաստալից ու բարեհունչ էր։ Իսկ լա՞վ է, որ հիմա պիտի գրել-կարդալ «բռնչի պոչը փայտից է»։ Ընդհանրապես սեռական հոլովում ձայնավոր-բաղաձայն վերջածանցներում ձայնավորի սղելը որևէ իմաստ չունի։ Իսկ «ի»-ով վերջացող բառերի հոլովման հարցն իհարկե ավելի բարդ է։ Պատճառը նաև ուղղագրական, ոչ մտածված փոփոխություններն են եղել։ Որպեսզի հասկանալի լինի, բերեմ «արքա» բառի հոլովման, թեքման խնդիրը։ Հոլովված, թեք, բարդ բառերում հայտնվում է «յ»՝ արքայական, արքայավայել, արքայի, արքայից և այլն։ Սակայն որոշյալ հոդի և թվականների դեպքում առանց «յ»՝ արքաս, արքան, ․․․։ Վերջինս, իրականում, պիտի գրվեր «արքայը», քանի որ ուղիղ ձևերում «յ» չգրելը չի նշանակում որ այն իրականում գոյություն չունի՝ ցանկացած թեք ձևում այն գրում ենք, նույնն է թե, այն միարժեք կա։ Բառավերջի «յ» չգրելը սին տպավորություն է ստեղծում, թե բառը ենթարկվել է ուղղագրական փոփոխությունների։ Սակայն նրա բացակայությունը ուղիղ ձևերում խաթարում է բառի ճիշտ գրառման և հետագա թեքման խնդիրը։ Եթե դպրոցում գոնե սովորեցնեին, որ այդ բառի վերջում «յ» կա, սակայն չի գրվում (ինչպես գաղտնավակի «ը»-ն), ապա այս վիճակը չեր ստեղծվի, և դժվարություն չէր լինի հասկանալու, որ պիտի գրվի արքայս, արքայդ, արքայը կամ արքայն։ Մյուս կողմից էլ հասկանալի չի՝ ի՞նչ իմաստ ունի ասել կա ու չգրել։ «ի»-ով վերջացող բառերի հոլովումը նույնպես հետևանք է ուղղգրական փոփոխությունների, սակայն հենց հիմա, հանպատրաստի չեմ ուզում այդ հարցը շարադրել՝ կստացվի երկար բարակ մի բան։ Կշարադրեմ, երբ կարճ տարբերակ պատրաստեմ։ Վահրամ Մխիթարեան (քննարկում) 11:46, 23 Հունիսի 2013 (UTC)

Ձեր ասած դեպքերը տարբեր են: Տեսուչ և մի քանի այլ բառերում սղում կա: Սնխչի, քեֆչի, քիթաբչի բառերն այստեղ կապ չունեն՝ թուրքերեն -չի հենց որոշակի ոլորտի մասնագետի կամ վարպետի ցուցիչն է, այլ ոչ հոլովում: Արքա բառի հետ կապված՝ յ-ի կիրառումը ձեր նշած դեպքերում պարտադիր է, քանի որ ի հոլովման կամ ձայնավաորի հաջորդման դեպքերում առկա է յ ձայնակապը, որը գրվում է բացառապես ա-ից և ո-ից հետո: Կարեն Վարդանյան (քննարկում) 12:02, 25 Հունիսի 2013 (UTC)

Իհարկե, կարելի է բառի մաս կազմող յ-ն անվանել, յ ձայնակապ, սակայն ասածս այն է, որ եթե բառերը ճիշտ գրվեն, ապա Հայոց լեզուն չի հարստանա «նոր» գաղափարներով ինչպիսին է «պարտադիր յ ձայնակապ»-ը։ Ինչ իմաստ ունի մտցնել հայերենեւմ «պարտադիր յ ձայնակապ» հասկացությունը, երբ ընդամենը պետք է ա և ո տառերով բառերի ուղիղ ձևերում պարտադիր յ-ն գրել։ Եթե գրված լիներ «արքայ», պե՞տք էր արդյոք ևս մի նոր կանոն էլ հնարել այդ բառը թեքելու համար։ Նույնը վերաբերվում է այն բոլոր նորամուծություններին (հոլովումներին նույնպես), որոնք կատարվել են սովետական տարիներին՝ բորլորը նպատակ են ունեցել ամեն կերպ արգելակել ավանդական ուղղագրության վերականգման միտումը։ Լեզվի բարձրագույն խորհրդի ծերակույտի ջանքերով են ամեն կերպ արգելակվել վերջին տարիների այդ ուղղությամբ փոփոխությունները՝ շատ դեպքերում չարամիտ և գռեհկության հասնող դրսևորումներով (40-տառանոց այբուբենը)։ Հիմա էլ, որ այդ մարդկանց հարցնում ես, թե ինչու դպրոցում չեն սովորեցնում Հայոց այբուբենի «Ւ, ւ» տառերը, պատասխանում են՝ «որովհետև դա ուղագրության փոփոխության միտում ունի»։ Վահրամ Մխիթարեան (քննարկում) 20:30, 25 Հունիսի 2013 (UTC)

դե ուրեմն միանգամից ասեիք, որ խնդիրը դասական ուղղագրության վերականգնումն է: բայց դա արմատապես այլ խնդիր է: Կարեն Վարդանյան (քննարկում) 20:49, 25 Հունիսի 2013 (UTC)

Չէ՛, հարգելի Կարեն, այդքան ուղղակի չէ։ Ընդամենը ուզում եմ ասել, որ հայերենում որոշ լեզվական նորամուծություններ հնարովի և չարամիտ դիտավորությամբ են կատարվել, որնոնք իմաստ չունի կիրառել կամ նրանց վրա հղվել։ Դատելով Ձեր գիտելիքներից, չեմ կարծում, որ ինքներդ այդ բաները չեք տեսնում ու չգիտեք։ Այս ամենը, իհարկե, նաև լեզվական նրբություններ են և ցանկալի կլիներ քննարկել բանավոր, անմիջական հանդիպումների ժամանակ։ Գուցե և այդպիսի առիթներ լինեն։ Վահրամ Մխիթարեան (քննարկում) 21:37, 25 Հունիսի 2013 (UTC)

Վիքիհանդիպում ֊ կիրակի, 23 հունիսի

Ընկերներ։ Ներողություն եմ խնդրում ուշ տեղեկացնելու համար՝ կիրակի, հունիսի 23֊ին վիքիհանդիպում է լինելու, որի ժամանակ Վիքիմեդիա Հայաստանի հիմնադիր֊անդամներ ընտրելու են Վիքիմեդիա Հայաստանի խորհուրդ։ Սակայն հանդիպմանը կարող է մասնակցել ցանկացած ոք՝ կլինի նաև պարզապես ոչ ֆորմալ հանդիպում֊զրույց սրճարաններից որևէ մեկում։ Հանդիպման ժամն է 19:00, հավաքակետը՝ Թամանյանի արձանը (Կասկադ)։ --vacio 20:36, 22 Հունիսի 2013 (UTC)

X!'s Edit Counter

տարիքային սահմանափակու՞մ

այսօր ԲԴՍՄ հոդդվածը գրեցի, դրանից առաջ ասեքսուալության և չեմ մտածում, որ սա մարդու սեռական շեղում/նախասիրությունների մասին վերջի հոդվածս լինի։ Հարցս ուղղում եմ նրանց ովքեր հանդիպել են այլ վիքիներում , ավելի լավ կլինի անգլերենում, նման հոդվածների համար արդյոք չի հասնում ինչ որ 15+ նշան, կամ ինչ որ նախազգուշացում, բացելուց առաջ և այլն, հասկացաք, ինքս չգիտեմ , թե ինչպես է դա կարգավորվում , կամ էլ կարգավորվում է արդյոք։ Խնդրում եմ պատասխանել ըստ գործի և հնարավորինս լակոնիկ, շնորհակալություն --Tatul (քննարկում) 12:22, 23 Հունիսի 2013 (UTC)

  • Ոչ, Թաթուլ, այդպիսի նշանի կամ նախազգուշացման երբեք չեմ հանդիպել և այդպիսի բան չկա, իմ իմանալով: Եթե մեկը գիտի, թող ասի, որովհետև ինչ որ չափով համաձայն եմ Թաթուլի հետ: Սակայն այդ հարցը շատ եմ տեսել, որ քննարկվի, թե հեռուստատեսությամբ, թե տարբեր միջավայրերում: Այս նախագիծը՝ «Վիքիպեդիան», այդ բանը այդքան էլ հաշվի չի առել, բայց չգիտեմ, արդյո՞ք պետք է հաշվի առներ, որովհետև այդ թեմաներին, ամեն մի մարդ, կարող է հանդիպել ուրիշ բազմապիսի կայքերում: Եվ սխալ է և ոչ սխալ: Hovhannes 12:31, 23 Հունիսի 2013 (UTC)

hy, hy-5, hy-4, hy-3, hy-5, hy-2, hy-1, hy-0

Անգլերեն Վիքիում հայերենի իմացության մակարդակը նշող պիտակները խմբագրել եմ հետևյալ կերպ (նաև հղում է իրական տեսքերին)՝
hy Հայերենն այս անձի մայրենի լեզուն է:
կամ hy Հայերենն այս անձի մայրենին է:
hy-5 Այս անձը տիրապետում է հայերենը մասնագիտական մակարդակով :
hy-4 Այս անձը տիրապետում է հայերենը գրեթե մայրենիի մակարդակով:
hy-3 Այս անձը տիրապետում է հայերենը բարձր մակարդակով:
hy-2 Այս անձը տիրապետում է հայերենը միջին մակարդակով:
hy-1 Այս անձը տիրապետում է հայերենը սկսնակի մակարդակով:
hy-0 Այս անձը չի տիրապետում հայերենը:

Սա միասնական ոճի բերված դասակարգում է, սակայն կարող է և ավելի լավ առաջարկներ լինեն։ Ես hy-5-ը ցանկացա տեղադրել էջումս, սակայն գույնից խուսափեցի (հուշտ եղա) ու չդրեցի։ Գուցե գույներն ավելի մե՞ղմ երանգներով է պետք կարգավորել։ Ի՞նչ կասեք։ Վահրամ Մխիթարեան (քննարկում) 00:23, 25 Հունիսի 2013 (UTC) Հ․Գ․ Իսկ, ընդհանրապես, ինչո՞ւ այս պիտակները առաջին դեմքով չեն, ասենք «Ես տիրապետում եմ հայերենը բարձր մակարդակով»:

Մասնակցային էջի կաղապարների ստեղծումն ու օգտագործումը ազատ է։ Կարող եք ինքներդ Ձեզ համար ստեղծել այն գույնով և այն բովանդակությամբ, որը Ձեզ դուր է գալիս կամ հավանում եք։ Կարող եմ ես էլ ստեղծել։ Միայն թե ասեք` ինձ բովանդակություն և «դիզայն» պետք է ունենա։ --ջեօ » 00:46, 25 Հունիսի 2013 (UTC)
Ճիշտ կլինի երևի գրել հայերեն լեզուն, ոչ թե հայերեն:--6AND5 (քննարկում) 09:56, 25 Հունիսի 2013 (UTC)

Տիրապետում են հայերենին, ոչ թե հայերենը: Լեզու բառի կիրառումը ճիշտ չէ՝ ի տարբերություն այլ լեզուների, մեզ մոտ կա -երեն վերջացվորությունը, որը կիրառվում է միայն լեզուների նկատմամբ: Կարեն Վարդանյան (քննարկում) 11:57, 25 Հունիսի 2013 (UTC)

Այս «տիրապետել Հայերենը» արտահայտությունում բայը քիչ այլ ենթատեքստում ու իմաստով է, արտահայտությունն օտագործվում է գոյական իմաստով։ ։ Երկար չբացատրեմ, սակայն համարժեք արտահայտություններ կազմելուց հասկանալի կդառնա։ Նմանօրինակ, ասենք, «Թամբել ձի», «Ձի թամբել» կամ «Թամբել ձին», «Ձին թամբել», «ամեն մարդ չի կարող ձի թամբել», «Ուսանողը տիրապետում է համակարգիչը» Նույն հաջողությամբ կարելի էր առարկել՝ Թամբում են ձիուն, ոչ թե ձին, տիրապետում են համակարգիչին, այլ ոչ թե համակարգիչը։ Մի խոսքով, չերկարացնեմ, տվյալ ենթատեքստում թույլատրելի ձև է։ Իսկ Հայերեն լեզու»-ի փոխարեն, իհարկե, ճիշտ է օգտագործել «Հայոց լեզու»-ն։ Ամեն դեպքում քննարկում է և կարևորն այն է, ընկալելի և ճիշտ ձև ընտրվի։ Իսկ այն, որ ձևավորումը կարող ենք ինքերս անել լավ է, սակայն սկզբնական դրվածքերը կարելի է փոխել։ Սկսնակները, նաև շատ այլ մասնակիցներ այդ հարցերը դժվար ինքնուրույն հաղթահարեն կամ դրա վրա ժամանակ կորցնեն։ Վահրամ Մխիթարեան (քննարկում) 19:54, 25 Հունիսի 2013 (UTC)

Անորոշ դերբայը պօահանջում է ուղիղ խնդիր: Իսկ -ն որոշիչ հոդ է, որը կիրառվում է, եթե դրան նախորդում է ձայնավոր: Ուստիև ճիշտ ձևերն են՝ տիրապետում է հայերենին կամ տիրապետում է հայոց լեզվին: Կարեն Վարդանյան (քննարկում) 20:47, 25 Հունիսի 2013 (UTC)

‎NatigKrolik-ի խմբագրումները

Հարգելի ժողովուրդ, ինչ կարելի է անել ‎NatigKrolik-ի հետ: Արդեն մի շաբաթ է, ինչ անհարգի խմագրություններ է ավելացնում իմ վերջին խմբագրած հոդվածներում (տես Երկնքի և երկրի միջև, Հիշել ամենը (ֆիլմ, 2012)), իմ անունով հոդվածներ է սարքում, իսկ քննարկումներին ընդհանրապես չի պատասխանում` ո'չ հայերենով, և ո'չ էլ անգլերենով: -Արման Մուսիկյան (քննարկում) 09:38, 25 Հունիսի 2013 (UTC)

Կարծում եմ նա անփորձ մասնակից է և նրա գործողությունները ուղղակի միամիտ են լինում, հարկավոր է նրանից ներողություն խնդրել և փորձել բացատրել, փորձակումները ավազարկղում կատարի: --6AND5 (քննարկում) 09:48, 25 Հունիսի 2013 (UTC)
Իսկ քո անունով հոդված ստեղծելով երևի փորձել է շնորհակալություն հայտնի շքանշանի համար կամ այդ ամբողջ շքանշային նախագծի համար:--6AND5 (քննարկում) 09:50, 25 Հունիսի 2013 (UTC)

Ըստ ինձ նա հստակ նպատակադրված գործողություններ է կատարում, ընդ որում ըստ ինձ ավելի վտանգավոր քան մեկանգամյա վանդալները: Իմ դիտարկումներով փոքր անճշտություներ, թվացող անմեղ խմբագրումներ անելով, նա շեղում է մեր ուշադրությունը: Բացի այդ շատ դժվար է հետևել մանր մունր սխալներին` ավել ապոստրոֆ, կամ բութ, կամ Արմանի նշածները: Պարզ չի, նրա խմբագրումների վնասն է ավելի շատ, թե օգուտը:SusikMkr (քննարկում) 09:54, 25 Հունիսի 2013 (UTC)

Իսկ դուք նկատել եք, որ այդ մասնակիցն ունի երկու աքաունթ` Մասնակից:Natig98 և Մասնակից:NatigKrolik և որ սա առաջին դեպքը չէ, որ նա ուրիշի անվան տակ խմբագրումներ է կատարում:--Արամ 10:00, 25 Հունիսի 2013 (UTC)
Եվս մեկ աքաունթ, որն արդեն արգելափակված է` Մասնակից:Krolik2005:--Արամ 10:03, 25 Հունիսի 2013 (UTC)
Համամիտ եմ տիկին Սուսաննայի հետ: Ես ստիպված եմ հոդվածներս վերլուծել, իսկ դա ժամանակ է տանում: Արման Մուսիկյան (քննարկում) 10:11, 25 Հունիսի 2013 (UTC)
Ժողովուրդ ջան, այս թեմայով բավականին շատ է խոսվել... Գիտենք, որ այդ մարդը հավանաբար ադրբեջանցի է, ապրում է Չեխիայում, խմբագրում է այստեղ-այնտեղ... Նրա գործունեությունը մեր Վիքիպեդիայում անհայտ նպատակներ է հետապնդում, այնուամենայնիվ, նա բավականին շատ հոդվածներ է ստեղծել (չեմ ուզում խոսել թե ինչպես ու ինչ որակի)։ Ըստ այդմն, ունենք երկու տարբերակ՝
  1. Տարբերակ: Արգելափակել ու չթողնել որ ինչ որ բան անի։
  2. Տարբերակ: Թողենք, որ խմբագրի, բայց հետևենք ամեն քայնլին։
Կարծում եմ հետևել ամեն քայլին շատ աշխատատար կլինի, ու ես առաջին տարբերակին եմ համաձայն, բայց եկեք միասին որոշենք։--Ahaik (քննարկում) 10:31, 25 Հունիսի 2013 (UTC)
ես կողմ եմ հրապարակային քարկոծմանը, բայց ափսոս Հայաստանում օրենքով պատժելի է։ Մնում է օգտագործել Ahaik-ի 2-րդ տարբերակը--Tatul (քննարկում) 11:03, 25 Հունիսի 2013 (UTC)
Հետևենք նրա քայլերին, մինչև համբերություններիս բաժակը լցվի: Մինչև հիմա նա հիմնականում օգուտ է տալիս մեր Վիքիին, բայց տարօրինակություններ շատ է անում: Հետաքրքիր է, որ նա հիմնականում խմբագրումներ է անում մեր Վիքիում: Հետաքրքիր է, 48 օր է մեր մոտ գրանցվաշ, բայց արդեն 50-ից ավել հոդված է ստեղծել: -Արման Մուսիկյան (քննարկում) 11:18, 25 Հունիսի 2013 (UTC)
Սադիստ Թաթուլ։ Վիքիժպիտ
Անկեղծ ասած՝ մինչև հիմա էլ մտքումս Rob-ի այն խոսքն է, որ գնահատելի է այն մասնակցի ներդրումը, որը չլինելով այդ ազգի ներկայացուցիչ, զարգացնում է այդ ազգի լեզվով վիքիպեդիան։ Անկախ նրանից, որ մեկ-մեկ տարօրինակ տրամաբանությամբ է շարժվում Նաթիգը, փաստը է, որ նա ստեղծել է ավելի քան 85 հոդված։ Մանր-մունր անհասկանալի խմբագրումների վրա էլ ոչինչ, կարող ենք աչք փակել։ --ջեօ » 11:20, 25 Հունիսի 2013 (UTC)
Խնդիրը նրանում է, որ այդ մասնակիցը չի խոսում, և հասկանալի չէ, թե ինչն է նրա նպատակը, դա բավականին լուրջ հարց է, եթե այն ուղղակի մի անչափաս է, անհայտ ազգային ծագումով և մեկումեջ զվարճանում է դա մի այլ խնդիր է և կարելի է ինչ -որ տեղ ներել, սակայն եթե նա ինչ -որ պատվեր իրականացնող է, որի խնդիրը հայերեն վիքիում ինչ-որ հեռանկարային խնդիր լուծելն է, դա արդեն լրիվ ուրիշ պատմություն է, օրինակի համար կարելի է ռուսերեն պոիսկ տալ заговор в википедии, բավական հետաքրքիր բաներ է բերում, թե դրանք ինչքանով են մտացածին չեմ կարող ասել, բայց հետաքրքիր է:--6AND5 (քննարկում) 11:37, 25 Հունիսի 2013 (UTC)

ադմինների դերը և քվեարկությունները

խոսքս ուղղում եմ այն մասնակիցներին ում համարում եմ անփորձ, անփորձ համարում եմ շատերին, շատ շատերին ներկայիս խմբագրողներից,

  • նախ ասեմ որ վպում ադմինները էական դեր չեն խաղում, նրանք դեր են խաղում հույժ կարևոր հարցերի ժամանակ, արգելափակումների, հիմնարար էջերի փոփոխության, թեժ վեճերի կանգնեցման և այլ հույժ կարևոր հարցերի ժամանակ, ոչ մի ադմին պարտաոր չէ լուծել ինչ որ բան, նրանք երդում չեն տվել և աշխատավարձ չեն ստանում, ցիտատ

Ադմինիստրատոր լինելը որևէ իշխանություն չի տալիս մյուս օգտագործողների նկատմամբ։ Ադմիններն անհրաժեշտ են կայքերում շատ կարևոր գործառույթներ իրականացնելու համար;

  • Վանդալային խմբագրումների արագ հետ շրջում;
  • Գրանցված և անանուն մասնակիցների արգելափակում, եթե նրանք խախտում են Վիքիպեդիայի օրենքները և չեն ենթարկվում նախազգուշացումներին;
  • Նախատեսված էջերի ջնջում և ջնջված էջերի վերականգնում քննարկման դրական արդյունքների համաձայն;
  • Էջերի պաշտպանության սահմանում և լրիվ պաշտպանված էջերի ու MediaWiki անվանատարածքների խմբագրում;
  • Այլ ադմինների սխալ գործողությունների ուղղում;
  • Մասնակիցների հարցերին պատասխանել և այլ գործառույթներ։

հիմա մարդկային լեզվով նրանք ԱՍՏՎԱԾ ՉԵՆ, պարտավոր չեն ձեզ պատասխանել, պատասխանատվություն չեն կրում այն ամենի համար ինչ տեղի է ունենում, ոչ մեկ պարտավոր չի ինչ, որ բան արգելափակել և այլն։ Հասարակ քննարկումներում նրանք ընդամենը մասնակից են, ոչ մի ադմին իրավունք չունի միակողմանի որոշումներ կայացնի, եթե խոսքը կոպիտ խախտումների մասին չի

հիմա քիչմ կոպիտ, բայց կարծում եմ էլ առավել հասկանի, ոչ մեկ ձեզ ոչինչ պարտավոր չի, հերիքա ադմին կանչել, մտածելով որ նրանք ինչ որ բան կանեն, արեք ձեր գործը, հանգիստ և քաղաքավարի, այո ես էլ եմ անցնում քաղաքավարության նոռմերը, խաճախ նյարդերս չեն հերիքում, ամեն մեկին մանրակրկիտ բացատրելու համար։ Ուղղակի խնդալույա, երբ երկու մասնակից, ինչ որ քվեարկություն են բացում, մտածելով, որ դա կարող է հիմք հանդիսանալ ինչ որ ադմինին, ինչ որ բան ասելու համար։ ՆՈՐԻՑ, ԱԴՄԻՆՆԵՐԸ ՁԵԶ ՊԱՐՏԱԿԱՆ ՉԵՆ, ամոթանք կտամ յուրաքանչյուրին ով կգոռա, որ իրանք կողմնակալ են։ Մի խոսքով արեք ձեր գործը, ադմին բառը լեքսիկոնից հանեք։

  • Կապված քվեարկությունների հետ, այստեղ քվեարկությունների բեմ չէ, ես չեմ հասկանում, թե որտեղից է ծագել այդ անսպառ սերը քվեարկություններին, մանկապարտեզ մի սարքեք, քվերակությունները կատարվում են հույժ կարևոր դեպքերում։

և իմ կողմից, ժողոուրդ ՋԱՆ, եթե ասենք նույնիսկ օրենքները չեք կարդացել, և ձեզ չեն ասել դրա մասին, ՍԱ ԹԻՄ Է, մասնակիցների թիվ, ովքեր միավորված մեկ նպատակի շուրջ, սա կոլեկտիվ է նաև, եթե մտնում եք ստեղ, ապա քթի ծակի մասին մի մոռացեք, պարտադիր չի ամեն ինչ ծամելով հասկացնեն, քիչմ ինքներտ ուշադրություն դարձրեք ինչ է տեղի ունենում, ինչ է կատարվում, ոնց են մարդիկ աշխատում, ռիթմի մեջ մտեք, ամեն տեղ չեն օրենքի մատ թափ տալիս։

  • խստիվ արգելում եմ իմ հետ խոսալուց ինչ որ ադմինի մասին զրույց բացել, մի քանի անգամ արդեն նկատել եմ, որ ինձ սպռնում են ինչ որ ադմիններով, նման դեպքի կրկնման դեպքում, ուզումեք նեղացեք ուզուեք հուզվեք, բայց տիրապետմանաս (որը առանց այդ էլ դժվար եմ պահում) մասին մոռանալու եմ--Tatul (քննարկում) 22:04, 25 Հունիսի 2013 (UTC)
Բավական լուրջ խնդիր է, երբ մարդիկ գտնում են որոշակի մարդկանց և հայտարարում են իրենց հակառակորդ և փորձում պայքարել նրանց դեմ, դա տարիքի հետ բերում է անդառնալի երևույթների առաջացմանը, հարկավոր է ուժ գտնել պայքարել այդ մղումը սեփական անձի մեջից վերացնելու համար, մաղթում եմ հաջող պայքար, այսպես կոչված պայքար, պայքար մինչև հաղթանակ:--6AND5 (քննարկում) 08:54, 26 Հունիսի 2013 (UTC)

Ավելորդ կոճակ

Ուրիշների մո՞տ էլ է դասական ուղղագրության երկու կոճակ:--Արամ 20:03, 26 Հունիսի 2013 (UTC)

Կարծես թե մեկ հատ է--6AND5 (քննարկում) 21:24, 26 Հունիսի 2013 (UTC)
Իսկ իմ մոտ երկու հատ է երևում:--Արամ 21:43, 26 Հունիսի 2013 (UTC)
Արամ, նախկինում տեղադրած սքրիփթը հանի՝ մի հատ կմնա: Ըստ երևույթին ինտեգրել են դվիժոկի հետ ու մոռացել են զգուշացնել: --Rob (քննարկում) 04:42, 27 Հունիսի 2013 (UTC)
Շնորհակալ եմ, արդեն աշխատեց:--Արամ 06:54, 27 Հունիսի 2013 (UTC)
Տեսեք նաև այստեղ՝ Վիքիպեդիա:Դասական ուղղագրություն#Հնարավոր խնդիրներ։ --vacio 07:45, 27 Հունիսի 2013 (UTC)
Իսկ եթե սկրիպտում ստուգո՞ւմ գրվի։ Եթե սկրիպտը արդեն միացված է, ոչինչ չանել։ --Hamlet Muradyan քնն. 13:48, 27 Հունիսի 2013 (UTC)
Ի սեր Աստծո, կար չկար 25 հոգու մոտ կար, ուղղակի հեռացրել եմ, բոլորի էջերից։ Դրա համար ամեն այցելույի, ամեն էջ բացելուց հավելյալ ստուգում անելը հանցագործություն կլիներ։ --Ալեքսեյ a.k.a. Xelgen (քննարկում) 02:34, 28 Հունիսի 2013 (UTC)

Կատեգորիա:Կատեգորիաներ ըստ երկրի և ըստ երկրների

Պետք է որոշել թե երկու կատեգորիաներից որն է ճիշտ և մյուսը ջնջել` Կատեգորիա:Կատեգորիաներ ըստ երկրի և Կատեգորիա:Կատեգորիաներ ըստ երկրների:--Արամ 16:42, 27 Հունիսի 2013 (UTC)

Ճիշտը «ըստ երկրի» տարբերակն է, և դրա շուրջ քննարկում էլ է եղել և ոչ մեկ անգամ։--Bekoքննարկում 05:32, 28 Հունիսի 2013 (UTC)
Դե եթե այդպես է, ապա մյուս կատեգորիայի գոյությունն արդեն իմաստ չունի: Մեկ էլ հետաքրքրությունից դրդված` որտե՞ղ կարող եմ գտնել այս թեմայի վերաբերյալ նախկին քննարկումները:--Արամ 06:18, 28 Հունիսի 2013 (UTC)

Վիքիհամալրում Վանաձորում

Ըստ Հայերեն Վիքիպեդիա ֆեյսբուքյան էջի 2013 թ. հունիսի 30-ին Վանաձորի «ՀԿ կենտրոն» կազմակերպության տարածքում (ք. Վանաձոր, Նժդեհի 9/2ա) իրականացնելու է սեմինար և Վիքիպեդիայի համալրում։

Հետաքրքիր է, սեմինարը վաղը չէ մյուս օրն է, բայց մինչև հիմա ոչ մի բան պարզ չէ: Իրականանալու է այն արդյո՞ք: Եվ ովքեր են ակտիվ մասնակիցներից գալու պատրաստականություն հայտնում: Ես որ կգամ: -Արման Մուսիկյան (քննարկում) 09:25, 28 Հունիսի 2013 (UTC)

Ովքեր են հանձն առնում գալ
հաստատ չեմ կարող ասել, բայց կփորձեմ գալ: --ERJANIK քննարկում: 11:19, 28 Հունիսի 2013 (UTC)
Ընկերներ ջան, միջոցառումը կայանալու է։ Կազմակերպչական հարցերը Երևանից գնացողների համար համակարգում է Beko֊ն։ Եթե ունեք կոնտակտները կապվեք նրա հետ։ --vacio 16:37, 28 Հունիսի 2013 (UTC)
Անչափ ուրախացա, որ այս միջոցառումը կայանալու է: Այն իրոքից որ շատ կարևոր է: -Արման Մուսիկյան (քննարկում) 18:12, 28 Հունիսի 2013 (UTC)
Մի նորություն էլ՝ Բեկոն չի կարողանալու գալ, նրա փոխարեն կգամ ես։ Վաղն առավոտյան շարժվելու ենք Երևանից Կարենի հետ։ Այօր երեկոյան կզանգեմ՝ կտեղեկացնեմ մանրամասները։ --vacio 11:10, 29 Հունիսի 2013 (UTC)
Լավ, կսպասենք։ --ջեօ » 11:16, 29 Հունիսի 2013 (UTC)


Дмитрий Менделеев →Դմիտրի Մենդելեև

Ես ցանկություն ունեմ խմբագրելու Դմիտրի Մենդելեև հոդվածը, սակայն ձեռքս չի գնում հոդվածի «Դմիտրի Մենդելեև» անվան պատճառով։ Ըստ իս «Дмитрий Иванович Менделеев»-ը պետք է տառադարձել , «Դմիտրիյ Իվանովիչ Մենդելեյեվ»։ Եթե թողնվի որպես «Դմիտրի Մենդելեև», ապա նորից կսկսվեն «ու» հոլովման զավեշտները (Դմիտրու) և անվանման ոչ ճիշտ հնչյունական վերարտադրումը։ Ասենք «Կորնեյ Չուկովսկիյ» տառադարձման դեպքում որ տրամաբանությամբ և որ «յ»-ին չպետք է գրվի։ Եւ ընդհանրապես, ռուսերենից տառադարձումների հարցը որևէ կերպ քննարկվե՞լ է։ Վահրամ Մխիթարեան (քննարկում) 20:21, 28 Հունիսի 2013 (UTC)

Հարգելի Վահրամ, ես մինչև հիմա միայն Մենդելեև ձևին եմ հանդիպել և գտնում եմ, որ այն միակ ճիշտ տարբերակն է: Հայերենում յեվ-ն գրվում է և, ինչպես ռուսերենում йу-ն գրվում է ю: -Արման Մուսիկյան (քննարկում) 02:57, 29 Հունիսի 2013 (UTC)
հարգելի Vahram Mekhitarian, կարելի է իմանալ որտե՞ղ եք հանդիպել այս անվան Ձեր առաջարկած տառադարձումը: --ERJANIK քննարկում: 05:57, 29 Հունիսի 2013 (UTC)
Իսկ Մենդելև-ը մեծատառերով ինչպե՞ս եք գրում։ Հայերենում օտար բառերը, մասնավորապես ռուսերեն ев-ը եւ-ով, չեն տառադարձվում, այլ միայն վ-ով են տառադարձվում։ Օրինակ Малышев → Մալիշեվ, Европа → Եվրոպա։ Նմանապես շեշտեմ, որ «և → եւ»-ը «եվ» չէ, և ներկայացնել կամ նույնացնել «տերև» և «տերեվ» բառերն անթույլատրելի է։ Նմանապես՝ «տարեվերջ»-ը «տարևերջ» չի կարող լինել։ Ես չգիտեմ, թե Google-ում որ մի «խելոքն» է տուրք տվել անգրագետներին և որոնման արդյունավետությունը մեծացնելու նպատակով նույնացնում է «և → եւ»-ը «եվ»-ի հետ` նույն հաջողությամբ գտնվում են «տերև» և «տերեվ» բառերը։ Իսկ տառադարձումների ժամանակ ի-ով վերջանալու դեպքում «յ» չգրելը ոչ մի տրամաբանություն չունի՝ վերածվում է զավեշտի․ Андрей Белый → Անդրեյ Բելի, Серый волк → Սեռի վոլկ, Малый ход → Մալի խոդ, Старый человек - Ստառի չելովեկ , Галий → Գալի (Գալիյ՝ քիմիական էլեմենտ) (սեռի հաց, կռասնի բազար, գազիռովանի ջուր, մալի զադնի խոդ)։ Ի վերջո, Корней Чуковский (Կորնեյ Չուկովսկիյ) հոդվածը հայկական Վիքի-ում գրելուց ինչպե՞ս պիտի տառադարձեք։ Ինչո՞ւ պիտի հայերեն տառադարձությունը տարբերվի նույնի լատինատառ տառադարձումից Dmitriy Mendeleyev (պետք չի խառնել անգլերեն Dmitri Mendeleev հոդվածի անգլերենում ընդումված անվան հետ), ո՞ր տրամաբանությամբ ։ Իսկ ձեր պատասխաններից նաև հասկանում եմ, որ այլ լեզուներից հայերեն և հայերենից՝ տառադարձման (տրանսլիտերացիայի) խնդիրները երբևէ չեն քննարկվել։ Գուցե իմաստ ունի դա անե՞լ (առանձին)։ Վահրամ Մխիթարեան (քննարկում) 13:05, 29 Հունիսի 2013 (UTC)
շնորհակալություն Ձեր կարծիքի համար, բայց ես ուզում էի իմանալ թե կոնկրետ որտեղ եք հանդիպել Ձեր առաջարկած տարբերակը: --ERJANIK քննարկում: 17:23, 29 Հունիսի 2013 (UTC)
Հարգելի Երջանիկ, մասնակիցներ, կներեք, որ ուշ եմ արձագանքում։ Վերջերս գիշերն է հարմարվել քիչ թե շատ հետևելու Վիքի իրադարձություններին։
ԴՄԻՏՐԻ ՄԵՆԴԵԼԵԵՎ, իսկ ասածս այն է որ գրվի ԴՄԻՏՐԻՅ ՄԵՆԴԵԼԵՅԵՎ։ Նմանապես ՄԱԼԻՇԵՎ։ Հույս ունեմ, որ չեք մտածում, որ փոքրատառերով միայն տառասխալներով եմ գրում՝ դա անձնական սկզբունք է, հնարավորինս գրել այնպես, ինչպես պետք է գրվեր ձևայնացված հայերենը։ Անձամբ ինձ համար անընդունելի են հայերենում մեծատառ-փոքրատառ անցումների դեպքում բառի աղավաղումները և տարբերակումները։ Եթե ՀՍՀ բոլոր բառահոդվածները մեծատառերով գրված չլինեին, ես այս օրինակները չէի բերի։ Իսկ եթե հայկական Վիքիում որոշել են, որ և-ը տառ է և նրա մեծատառը ԵՎ-ն է, կամ, ավելի վատ, ԵՎ-ը տառ է, իսկ նրա փոքրատառը և-ը կամ եւ-ն են, ինչպես ու-ինը ՈՒ-ն, ապա գուցեև չընկալեմ, սակայն հաշվի կառնեմ։ Երևի թե հայկական Վիքիպեդիայի Հայոց գրեր հոդվածը դա արդեն փաստել է որպես հանրագիտարանային ճշմարտություն, սակայն դրանից սկզբունքային դժվարությունները միայն շատանում են։ Մեջբերեմ և այսքանով վերջացնեմ։
Վերջնական փոփոխությունները, կապված այբուբենի եւ ուղղագրության հետ տեղի ունեցան 1940 թվականին։ Այբուբենում եւ գրավոր խոսքում ՙՒ, ւ՚ Վյուն տառի բացակայության հետեւանքով ավանդական ուղղագրության վերջնական կորուստը բացառելու եւ հայերեն արմատների շփոթը վերացնելու նպատակով այբուբենը լրացվեց եւս մեկ հատիկ (ոչ թե զույգ) տառով՝ կցագիր ՙեւ՚-ի նշանով, որը չուներ մեծատառ։ Որպես մեծատառ օգտագործվում էր կցագիր ՙև՚-ի ներկայացման առաջին ռեֆորմից մնացած ձեւը՝ ՙԵՎ՚,
չնայած՝ ոչ որպես միահյուսված մի գրանշանի արժեքով, ինչպես օրինակ ՙՈՒ՚՝ որպես ՙՈ՚ և ՙՒ՚ գրանշանների հյուսված տեսքով մի գրանշան, այլ ընդհանրապես առանձին տառեր,
չնայած՝ փոքրատառերով բառամիջում ՙեվ՚ գրել չէր կարելի՝ այլ միայն ՙև՚,
չնայած՝ տողադարձելիս պետք է տրոհվեր ՙե՚ և ՙվ՚ փոքրատառերի, այլ ոչ թե մնար ՙև՚,
չնայած՝ փոքրատառերով գրված ՙև՚ պարունակող բառերը պետք է դասակարգվեն ըստ ՙև՚-ի այբբենական դիրքի« այլ ոչ թե ՙԵ՚-ի,
չնայած՝ մեծատառերով նույն բառը պետք է դասակարգվի ըստ ՙԵ՚ տառի այբբենական դիրքի, այլ ոչ թե ՙև՚¬ի,
չնայած՝ … ,ՙև՚իի ուղղագրական ՙտրամաբանությունը՚ շարադրող անբացառական տրամաբանական նախադասություն հնարավոր չէ կազմել։
Մեծատառ-փոքրատառ ձևափոխությունները միարժեք չեն, փոխվում է գրանշանների քանակը և գրելաձև, խախտվում է այբբենական դասակարգումը։ Որոնումը դառնում է անորոշ։ (Google-ը ձեզ օրինակ)։
և, Օ, Ֆ, ՈՒ տառերին թվային արժեքներ չեն վերագրվում։ Վահրամ Մխիթարեան (քննարկում) 23:56, 29 Հունիսի 2013 (UTC)

Հարգելի Վահրամ Մխիթարյան, Երջանիկի անպատասխան հարցն ինձ էլ է հուզում։ Նման տարբերակը որտե՞ղ եք հանդիպել։ Ոչ թե ինչու պետք է այդպես գրվի, այլ՝ որտե՞ղ եք հանդիպել Ձեր առաջարկած տարբերակը։ --ջեօ » 02:52, 30 Հունիսի 2013 (UTC)

Հարգելի Ջեօ, եթե Ձեր հարցը վերաբերվում է նրան, թե ԴՄԻՏՐԻ ՄԵՆԴԵԼԵԵՎ-ը որտեղ եմ տեսել գրված ԴՄԻՏՐԻՅ ՄԵՆԴԵԼԵՅԵՎ, կամ էլ նրան, թե փոքրատառերով գրված Դմիտրի Մենդելեև-ը որտեղ եմ տեսել գրված Դմիտրիյ Մենդելեյեվ, իհարկե չեմ տեսել (բացառությամբ իմ կողմից խմբագրված Դմիտրի Մենդելեև հոդվածի նկարի տակ՝ այն էլ թողել եմ այդպես որպես քննարկման օրինակ)։ Իմ դիտողությունն այն է, որ և-ը ԵՎ ներկայացնելուց կամ հակառակը, մեծատառ-փոքրատառ բառերը տարբեր գրություն և բառարանային արժեք են ստանում, և այդ իսկ պատճառով ընդունելի չէ ընդհանրապես։ Իսկ հայերեն կամ հայերենից տառադարձումն իսկապես խնդիր է, որը նույնպես պետք է կարգավորվի։ Ակնհայտ դժվարություններ է ստեղծում իյ-ով վերջացող օտար բառերում հայերեն տառադարձման ժամանակ յ-ի չգրելը։ Վահրամ Մխիթարեան (քննարկում) 07:31, 30 Հունիսի 2013 (UTC)

Հարգելի ընկ. Մխիթարյան, ձեր մտքերն ընթերցելուց հետո ինձ սկսում է թվալ, որ իմ 31 տարվա տեսածները, լսածները և սովորածները երազ են: Հատուկ անունները -ու հոլովում չեն ստանում, իսկ -և-ը ԵՎ դառնում է միայն բառասկզբում: Իսկ քիմիական տարրերի մասով՝ ռուսերեն -ի հայերենում -ում է (օր. գալիում, նատրիում, սկանդիում և այլն): Կարեն Վարդանյան (քննարկում) 18:09, 29 Հունիսի 2013 (UTC)

Հարգելի Կարեն, հիշեցնեմ Ձեր իսկ արտահայտությունը՝ «ու» հոլովում գոյություն ունի՝ այն վերաբերում է ի-ով վերջացող որոշ բառերի (օր. գինի-գինու, Գյումրի-Գյումրու): Կարեն Վարդանյան (քննարկում) 10:18, 23 Հունիսի 2013 (UTC) (սա նախորդ քննարկումից է)։ Ավելացնեմ նաև հանրագիտարանից՝ Բրոդսկի-Բրոդսկու։ «իսկ -և-ը ԵՎ դառնում է միայն բառասկզբում»-ը առաջարկում եմ, որ ինքներդ գծանշեք այն որպես ջնջված (մեծատառերով գրելուց անխտիր և-ը ԵՎ է դառնում) ։ Իսկ քիմիական տարրերի մասով հայերենում բոլորս էլ գիտենք, ինչպես են գրում, իսկ այստեղ խոսք է գնում ինչպես է պետք տառադարձել օտար բառերը, այլ ոչ թե ինչպես այդ բառերը հայերենով թարգմանել-գրել։ Նմանապես, հայերենից այլ լեզուներով տառադարձման խնդրի մասին է։ Գուցե ես գրավոր լիարժեք չեմ ձևակերպում մտքերս ու հարցն էլ տարողունակ է, դրա համար էլ, արդեն երրորդ անգամ, առաջարկում եմ քննարկել այս հարցերը անմիջական հանդիպումներում։ Իսկ իմ դիտարկումներով, Ձեր 31 տարվա տարվա տեսածները, լսածները և սովորածները գերազանց արդյունքներ են տվել ու, հույս ունեմ, դեռ ավելին կտան։ Վահրամ Մխիթարեան (քննարկում) 23:56, 29 Հունիսի 2013 (UTC)

@խոսքս ուղղում եմ քննարկման բոլոր մասնակիցներին, չեմ հասկանում իվանովիչ գրելու պատճառը, հայերենում հայրանունը դառնում է իվանի, խնդրում եմ հայերնում նոր հեծանիվներ չմոգոնել, նոր տառադարձման տարբերակներ չներարկել այստեղ, սա հայերենի քննարկման հարթակ չէ, սա հանրագիտարան է, որը գրվում է ընդունված հայերենով, նմանատիպ հարցերը և <<և>> տառի քննարկումը մեր խնդիրը չէ, կա ԿԳՆ, որը և զբաղվում է այդ հարցերով, հարգանքներով --Tatul (քննարկում) 09:48, 30 Հունիսի 2013 (UTC)

հարգելի Վահրամ Մխիթարեան, եկեք խիստ նորամուծություններ չանենք ու չդժվարացնենք նախագիծը, առաջարկում եմ Ձեզ հետագայում նման կարգով վարվել, ասենք կոնկրետ այս դեպքում եթե ինչ որ հեղինակային աղբյուրում հանդիպել եք նման տառադարձում, հոդվածում ավելացրեք, որ ասենք այսինչ աղբյուրում ազգանունը գրված է կամ առաջարկված է այսպես, բայց հոդվածի անունը պետք չի փոխել, կարծում եմ կարողացա միտքս տեղափոխել այստեղ: --ERJANIK քննարկում: 13:50, 30 Հունիսի 2013 (UTC)
Հարգելի Երջանիկ, իհարկե իմ կողմից խնդիր չկա հենց հիմա եղածն իմ հայեցողությամբ վերաշարադրելու։ Դա, ես արդեն նշել էի, օրինակի համար էր, որն արդեն կուղղեմ, քանի որ քննարկումն արդեն իրեն սպառել է։ Վահրամ Մխիթարեան (քննարկում) 18:31, 30 Հունիսի 2013 (UTC)
շնորհակալություն հարգելի Վահրամ Մխիթարեան: --ERJANIK քննարկում: 04:57, 1 Հուլիսի 2013 (UTC)